بس عندي ملاحظه لإخواتي أم العيال وأم فواز ، بالنسبه إنج تشترين وتحطين المشتريات بإسم شخص آخر ..يعني برقم صندوق مو رقمج .. ترى مايجوز .. وطالعه فيها فتوى ..أذكرها قبل جم سنه .. بدعوى إن المساهمين أحق وغيرها من الاسباب الشرعيه ..
ودع مايريبك إلى مالا يريبك
مايامر عليج عدو يالغاليه
سمعي .. الحين تقريبا كل الكويتيين عندهم صندوق مساهم في الجمعيه صح ؟
انزين .. ساعات انا ماروح جمعيتنا واشتري اغراض وايد ..
وماعندي صندوق مساهم للجمعيه اللي رحت لها ..
فيها شي اذا سألت الزبون اللي وراي اذا كان عنده صندوق مساهم والا لا ؟
يعني فيها شي اذا خليت اغراضي على صندوقه؟ احسن من يروح الحساب للجمعيه صح ؟
قالولي ما يجوز
و ش المشكلة هنا ؟
ما في اي مشكلة
الحجج هذه اللى ايحججون فيها مع احترامي للمفتى
ما اشوفها راكبه ولا لها داعي
يعنى قاعد ايراعي مصلحة الجمعية فقط
اثنين على قول الاخت ام العيال متراضين
شنو المانع ؟
مساكم الله بالخير جميعا
و اسعد الله أوقاتكم بكل خير
اختى ام فواز انا امس وصلت متأخر و ما مداني اقرا
استفسارج
الحقيقة هناك فعلا يوجد فتوى
بس انا ما التزم فيها
انا غالبا اشترى اغراض البيت من جمعيات مختلفة
و احط رقم احد المساهمين اللى اعرفهم
و اللى ما اعرفه اسأل كما تفضلت اللى خلفي او اللى قبلي عن رقمه
و احط الرقم
و ش المشكلة هنا ؟
ما في اي مشكلة
الحجج هذه اللى ايحججون فيها مع احترامي للمفتى
ما اشوفها راكبه ولا لها داعي
يعنى قاعد ايراعي مصلحة الجمعية فقط
اثنين على قول الاخت ام العيال متراضين
شنو المانع ؟
انا اللى شريت او اهو اللى شرا
ليش هالتعقيد في هذه المسائل
كمااسلفت الفتوى انا ما التزم فيها
حتى بعض الجمعيات مو ملتزمة فيها في اعتقادي
انما الاعمال بالنيات
وين الضرر اللى يعود على الجمعية لما انا اضع في صندوقج يا اختى ام العيال
او يا اختى ام فواز ؟
الضرر الضاهر اللى ايحوش الجمعية هو ارتفاع توزيع الارباح
و اهم ما يبون هذا الشئ يبون الارباح بجيوبهم
و المساهم ياخذ قدر المسطاع الاقل