سؤال وجواب خطوه ,, واتمنى نصيحتكم في الاقدام عليها ام لا ؟

ق

قانوني جامعه الكويت

عضو
خريج جامعه الكويت و مسماي باحث قانوني بجامعه الكويت والراتب 980 بالضبط ( مع الزوجيه )

بدرس هندسه في الكليه الاستراليه ( خريج علمي وعندي ايلز 6 ) ,, دوام العصر ( صج راح ياخذ من فلوسي ووقتي )

ولكن بعد اربع سنين من الان الراتب راح يكون 1450 ( مع الزوجيه ) لما اتوظف فيها ,, وال500 دينار اللي كنت اقطها عليها لدراسه الهندسه راح ترجعلي بعد اربع سنين وظيفه بالهندسه

وبعدين الكويت صارت مصاريف ومستقبل و عيال ,, و الهندسه افاقها اوسع ( بدون واسطه ) من شهاده الحقوق ( شهاده ناس و ناس وواسطه : والفني ببدلاته اقوى من الشهادات الادبيه كلها )

تنصحوني ام لا ,, لان كلي ثقه ب اعضاء المنتدى
 
ترتيب حسب التاريخ ترتيب حسب الأصوات
ا

الحر_189

عضو مميز
انا كنت ادرس هندسه وفشلت صعبه حيييييل وبعدين درست حقوق والحمدلله تخرجت وتوظفت باحث قانوني فنصيحتي لك اذا لك رغبه بالدراسه كمل ماجستير حقوق ثم دكتوراه احسن لك وراح يصير معاشك تقريبا ١٥٠٠ + ممكن تمسك منصب مدير اداره او عالاقل رءيس قسم واتمنالك التوفيق
 
تأييد 0 تصويت سلبي
ق

قانوني جامعه الكويت

عضو
يالربع انا مواليد 87 شهر 2 ,, عمري حاليا 26 سنه ,, متخرج من كليه الحقوق جامعه الكويت سنه 2008 موظف بجامعه الكويت باحث قانوني

تشالنجر

بخصوصا العقد اللي تتكلم عنها ,, سألت فيها ,, اسمها ( مشغل مصفاة ) يبون عمرك ما يتعدى ال 25 عند توقيع العقد ( يعني يفترضون تدرس عندهم و عمرك 23 عشان توقيع العقد يكون بعد مرور ثلاث كورسات دراسه )
ومثل ما قلت عمري 26 يعني طا فني

الحر_189

هندسه جامعه الكويت يسمونها ( هندسه اكاديميه : معروف انها صعبه ) ,, بينما الهندسه اذا مفكر ادرسها ف راح ادرسها ( ب الكليه الاستراليه : يسمونها هندسه تكنولوجيه وحيل اسهل بمليون مره من هندسه جامعه الكويت ,تتخرج ب 3 سنين ونص لان فيها نظام صيفيين )

وبالكويت و بديوان الخدمه المدنيه ما يفرقون بين ( هندسه اكاديميه من جامعه الكويت او هندسه تكنولوجيه من الكليه الاستراليه ) كلكم مسماكم مهندسيين وكلكم يمشي لكم كادر المهندسين

فهذي الفكره ببالبي


بالنسبه للدكتوراه ,, الحر_189 ,, الماجستير 70 دينار زيدهم عال 980 والزوجيه يصيرون 1050 ,,والدكتوراه 150 ,, يصيرون 1200

شلون قلت انه 1500+ ؟؟؟ ,, خصوصا انني اشتغل ب اداره والاشراف اذا بيعطوني عليه زياده حده 100 ,, بيصير 1300 مع الدكتوراه

و المهندس المبتدئ اللي ماعنده لا ماجستير ولا دكتوراه بس الزوجيه ببدلاته يوصل 1450 ؟؟؟


انت مستوعب الكلام ؟
 
تأييد 0 تصويت سلبي
ا

الحر_189

عضو مميز
اخوي لما تصير دكتور راح تمسك رىيس قسم وممكن تصير رءيس الاداره يعني منصب محترم وثاني شي اسمك دكتور والدواسه الماجستير والدكتوراه رخيصه يعني تكلفك ممكن ٤ او ٥ الاف مع التذاكر والسكن مو مثل الكليه الاستراليه وممكن لما تصير دكتور ادرس بجامعه الكويت او جامعه خاصه او دروس خصوصيه تطلع من وراها مو اقل من ٥٠٠ شهريا وتقبل تحياتي
 
تأييد 0 تصويت سلبي
ق

قانوني جامعه الكويت

عضو
الحر_189

اساسا دراسه ماجستير حقوق فقط في الاردن تكلف 8 الاف دينار كويتي = تكلفه دراسه سنتين في الاستراليه والحصول على دبلوم فني

هذا غير الدكتوراه اللي ممكن تكلفني مثل المبلغ = رسوم دراسه البكاليريوس بالاستراليه

بالاخير يا اكون دكتور ,, او اكون بكاليريوس هندسه
بالكويت المهندس راتبه مع البدلات 1400 ,, الباحث القانوني راتبه 901 و اللي عنده دكتوراه زياده بدل الدكتوراه ال150 دينار يصير يعني 1051 و قوول مع تغيير المسميات صار من باحث مبتدئ او باحث قانوني الى اختصاصي قانوني يعني زيدهم بعد 250 ,, راح يكون حده حده 1300 دينار تخيل ؟؟؟؟

مافي مقارنه اساسا بين الوظيفتين ,, راتب دكتور في القانون ب وزارات الدوله = راتب مهندس حديث تعيين ( حقيقه )

و بخصوص المناصب , الاولويه للاقدميه ,, و بادارتي في اثنين اقدم مني و ماخذين ماجستير قبلي يعني طافتني ,, و بالشؤون القانونيه مافي هيكل تنظيمي , يعني ما عندنا مثل اللي عندي الشؤون الهندسيه من مراقب ورئيس قسم و و و ,, بالشؤون القانونيه بس عندنا مسمى مدير اداره لا غير و هالمنصب الحين يتذابحون عليه اكثر من خمس اشخاص , يعني وين طاقها؟

و فرص القبول في المناصب الاداريه بشهاده مثل الحقوق ( اللي كل من هب ودب ياخذها الحين : ولد جارنا نسبته 61 ادبي قاعد يدرسها ب مصر ) ,, مو مثل الهندسه ( عقب ما سكروا على خريجي الادبي دراستها من 2009 والحين صارت حكر للعلمي ويبون نسب مرتفعه في مصر و الاردن حتى ) ,, ف عالسنوات القادمه بتلاقي كثره بالقانونيين و شح قله بالمهندسين )

و بعدين شوف كل شهر وظايف للمهندسيين وطلبات واحتياج سواء قطاع حكومي او خاص ,, هالشي ما تلاقيها بشهاده الحقوق اساسا ,, و حتى لو طلبوا حقوق راح ياخذون 1 ولا 2 بالكثير بينما المهندسيين يختارون
 
التعديل الأخير:
تأييد 0 تصويت سلبي
ن

نويت الرحيل

عضو جديد
قال رسول الله صلى الله عليه وسلم : : " من سلك طريقا يبتغي فيه علما سلك الله به طريقا إلى الجنة ، وإن الملائكة لتضع أجنحتها رضاء لطالب العلم ، وإن العالم ليستغفر له من في السموات ومن في الأرض ، حتى الحيتان في الماء ، وفضل العالم على العابد كفضل القمر على سائر الكواكب ، إن العلماء ورثة الأنبياء ، إنَّ الأنبياء لم يورثوا دينارا ولا درهما ، إنما ورثوا العلم فمن أخذ به أخذ بحظ وافر "[ أخرجه الترمذي (2682)] .

وقد أمرنا الله تعالى بالاستزادة من العلم وكفى بها من منقبة عظيمة للعلم ، فقال الله تعالى : " وقل رب زدني علمًا " [ طه: 114] ، قال القرطبي : فلو كان شيء أشرف من العلم لأمر الله تعالى نبيه صلى الله عليه وسلم أن يسأله المزيد منه كما أمر أن يستزيده من العلم.
 
تأييد 0 تصويت سلبي
يجب تسجيل الدخول أو التسجيل كي تتمكن من الرد هنا.
أعلى