ذائــــــ شعريهـ ــــــــــقهـ

تگرم عيونگ

عضو مميز
‏يالله بركات من عفوك ومن لطفك
‏الروح وجله ورجوى روحي إحسانك

‏انا اعرف اني عصيتك لكن اعرفك
‏انك عفوٍ تحب العفو "سبحانك"
 

تگرم عيونگ

عضو مميز
‏لا تنخدع، والناس موّاتت ضمير
‏غير المصالح .. مايمرّ ف بالها
.
‏( أحبّك ) اللي كنت تسمعها كثير
‏هو واحد اللي حبّك .. وما قالها :)
 

تگرم عيونگ

عضو مميز
‏تخون العاشقين .. وقلبها جاحـد !!

‏.. .. .. ولا فيها وفا من صدرها .. ينبع

‏'

‏تحبّ ( اربع حبايب ) .. ما تبـي واحـد

‏.. .. .. مع ان ( الشرع ما حللها .. اربع ) ،
 
احبك بكسري واحبك بجبري !

واعيش بك حتى لو كنت مهجور

والبعد مازاد ولانقص بقدري ..

لكنه اوجع قلب واستهلك شعور

# سعد علوش
 

تگرم عيونگ

عضو مميز
‏لأ صرت متعافي ولابك عذاريب

‏والروح ما تشكي عوارض جسدها'



‏أسجد لواحد يعلم السر والغيب

‏تراك في نعمة ،، وغيرك فقدها
 

تگرم عيونگ

عضو مميز
‏الضيق بيبانه على صدري وساع

‏والهم في عيني مثل ماتشوفه
.
.


‏والبدو حطوا قفل في عوج الاضلاع

‏عيبٍ على الرجال يشكي ظروفه !
 

تگرم عيونگ

عضو مميز
‏ما هو تغلي يوم شفتك وصديت

‏اخاف عيني تحرجك في نظرها

‏'

‏والله ما غيرك بعمري تمنيت

‏ونفسي لغيرك معمي الله بصرها
 

تگرم عيونگ

عضو مميز
‏ياللي تدّور في قفانا … عذاريب

‏عمر الردي على الردى ما حدانا



‏لاصرت ماتقدر تنافس على الطيب

‏ماهو بـ عيبٍ منك تمشي ورانا
 

تگرم عيونگ

عضو مميز
‏راحت سنين وجدّت سنين وسنين

‏وشهر رمضان يروح ويمرّ ويروح

‏واليوم ذا شعبان كمّل ثلاثين

‏وبكره شهر خيرٍ تنزّل به الروح

‏كل عام وأنت ان قلت يارب آمين

‏تلقى السماء بابٍ لدعوتك مفتوح
 

تگرم عيونگ

عضو مميز
‏كل البيوت اسرار ، ولا انت يارب

‏بيتك يسر .. اللي شكى فيه سرّه



‏ما غيرك اليا اشتد بقلوبنا الكرب

‏يبقي لنا .. كل شي في مستقره
.
.76C133DF-9497-421B-A4CF-84AE82570A57.jpeg
 

تباشيرالأمل

عضو مخضرم
من لايودك صادقٍ لا تودّه

ومن لايداري خاطرك لاتداريه

القلب يجفل من وجيهٍ مصدّه

وانا اشهد ان القلب دليل راعيه

وسيلٍ جرى عن مدرجه لاتحدّه

جنب وخل السيل يضرب مجاريه

ومافات من دنياك صعبٍ مردّه

خذلك من الماضي عباره وتوجيه
 

تگرم عيونگ

عضو مميز
‏قال ناوي ارجع بلحظه واشوفك

‏قلت أعرفك والله إنك منت ناوي

‏'

‏ماجرحني - غير تلويحة كفوفك ..

‏واللي يجرح مايعرف أصلاً يداوي !
 

تگرم عيونگ

عضو مميز
‏اعيش ما فكر بـ خصمي و نّدي

‏وان ضقت استصغر من جروحي احساس

‏.

‏يارب واجعل حاجة الناس عندي

‏و لا تخلّي حاجتي بـ يوم لـ الناس
 

تگرم عيونگ

عضو مميز
‏ماجور ياشيخ الكرم والزعامه

‏شوف الشعب يومين ساهر يحاتيك



‏مو بس شعْبك فاقدن الابتسامه

‏من طيبتك حتى المرض طامعٍ فيك



‏اما تردْ لكْويتنا .. بالسلامه

‏ولا نفارقها من الشوق .. ونْجيك
 

المرفقات

وجودي ليّا مريت صوبك وانا باغيك

وجود الحزين ... اللي له سنين ماغنّا

يشوف الفرح دونك وخلفك وبين يديك

وهو مايعرف يجيك .. لامنّا .. ولا .. منّا
 

تگرم عيونگ

عضو مميز
‏عطني يمينك جعل تسلم يمينك

‏اخوك انا ' من قبل ماكون جارك

‏-

‏معاهدين الله ' ومعاهدينك

‏نموت من دونك / ومن دون دارك



‏⁧#CB51949C-43C7-4F01-9940-0280DE4C04AB.jpeg
 

ناجى السنباطى

عضو فعال

*من أجمل الأبيات التى أعجبتنى:

*********************************
ضمى فتاك فإنه صب
كل الجوانح للهوى نهب
ظمآن والغدران دافقة
لكن وردك وحده عذب
************************
*الشاعر الكويتى فاضل خلف
 
أعلى