سؤال وجواب رساله للاخ الديفي و للعامه ( عمليات ازالة اللحميه )

[~ نوره ~]

السلام عليكم
بنتي تعاني من اللحميه وعمرها 6 سنين
بحثت بقوقل عن احسن دكتور بعمليات اللحميه وشفت جم موضوع للاخ ديفي يسال ويتكلم عن مواعيد مستشفی زين
حابه اوجهلك سؤال اخوي الديفي واتمنی ترد علي ويوصلك الموضوع للضروره لان بنتي جد قاعده تعاني
اشصار وياك بمستشفی زين ؟ سوو العمليه ؟ واشلون ولدك بعدها ؟ وعند منووو ؟

واتمنی اذا اي شخص عنده معلومه تفيدني عن احسن دكتور ومستشفی لازالة اللحميه عن تجربه يشاركني فيها

وشكراا

 

[آصال]

السلاااااام عليـــــــــــــــــــكم



عملياتهم ممتازه اخواني مسوين هناك .. دكتور خالد العبدالهاري ودكتور شادي ممتاززززين ..

ومستشفى تمام التمام وماعيدهم زي الفل ..

اذا تبين اعطيج رقم دكتور شادي بطاقتها المدنيه وبطاقتج وتروحين اصبح ساعه 8 ونص الدور الثالث عند كتور شادي وبس

 

[آصال]

لا تفكرين تروحين اي مكان ثاني .. صج الدكاتره كفاءه ومريحين وحتى المستشفى حلو ومتطور ..

 

[~ نوره ~]

والله ياليت جزاج الله كل خير حبيبتي اصايل
كلامج شجعني وخلاني افكر 100 بالميه بزين / خاصة ان زوجي رافض مستشفی زين وعنده ان العمليه سهله ممكن حتی العدان يسوونها

مشكوووره حبيبتي

 

[~ نوره ~]

:قلب:عفووا اصال مو اصايل سوري حبيبتي والله يسعد قلبج

 

[بسطويسي]

زين لايعلى عليها مشكلتها بالمواعيد يعني يبيلكم دزه بسيطه علشان تاخذون موعد قريب
وماتشوفون شر​

 

[~ نوره ~]

الشر مايجيك اخوي وان شاالله بااخذلها موعد بزين

 

[ضاع عمري]

السلام عليكم
بنتي تعاني من اللحميه وعمرها 6 سنين
بحثت بقوقل عن احسن دكتور بعمليات اللحميه وشفت جم موضوع للاخ ديفي يسال ويتكلم عن مواعيد مستشفی زين
حابه اوجهلك سؤال اخوي الديفي واتمنی ترد علي ويوصلك الموضوع للضروره لان بنتي جد قاعده تعاني
اشصار وياك بمستشفی زين ؟ سوو العمليه ؟ واشلون ولدك بعدها ؟ وعند منووو ؟

واتمنی اذا اي شخص عنده معلومه تفيدني عن احسن دكتور ومستشفی لازالة اللحميه عن تجربه يشاركني فيها

وشكراا

انا مسوي اللحميات عند دكتور كويتي مطوع اسمه عبدالله العلي انسان فاهم شغله حيل وخريج جامعة أخن بألمانيا



نصيحه روحيله انسان فاهم ويخاف الله اذا ماتحتاجين عمليه يقول لكم ماتحتاجون



عيادته بميدان حولي اخذي رقمه من البداله

 

[hakeem]

الأخت الفاضلة عمليات اللحمية واللوزتين شىء ضروري لمعظم الأطفال


وكلما تأخرتي يحدث مشاكل كثيره أنا عملت لأبنائي وبناتي الأربعه بعضهم اللوزتين وبعضهم اللوزتين مع اللحمية


والسكوت على اللحمية والوزتين يقلل نسبة الأكسوجين عند الأطفال النسبة التى من المفروض أن تغذي المخ

فيحدث عند البعض بسبب اهمال الوالدين يحدث نسبة تخلف عقلي

كذلك يحدث تشوهات في الفم والبعض يظل طوال عمره لسانه بارز وكأنه يعض عليه بأسنانه

والبعض تشوه في الشفتين

وللأسف أطباء كثير من تقول لهم ابنى أو بنتى يعاني من التهاب متكرر للوزتين يقولك لأ هذه حمايه للجسم

صحيح حماية لكن اذا ما بدأت تلتهب وتسبب كوارث للطفل فقدان شهية فم مفتوح قلة تنفس عدم وصول الأكسوجين بسبب اللحمية أو اللوزتين

لا يستطيع البلع جيدا


فمه مفتوح وهو نائم يحدث له جفاف

وتحدث عدوى بكتيرية في الجهاز التنفسي والحلق بسبب الجفاف الزائد وهو نائم فيسهل اختراق البكتيريا

نصيحته لا تهملوا اللوزتين أو اللحمية أبدا

 

[آصال]

السلام عليكم ..


عزيزتي لا تفكرين .. تطمني وتوكلي وسويها وامورج تمام ووفري الفلوس .. راح ارسل لج عالخاص رقم الدكتور .. بس لازم صباحا 8
او الاربعا باجر 8 .. مواعيدهم زينه

 

[آصال]

عيادة الدكتور خالد كل اربعاء من الثمان صباحا

 

[~ نوره ~]

اصال واخواني ضاع عمري وحكيم شاكره لكم مروركم وتفاعلكم وان شاالله تكون بميزان اعمالكم
حبيبتي اصال حيل تشجعت لمستشفی زين وللدكتور خاالد
بس للاسف ابوها رافض مستشفی زين لبعد المسافه ويبي العدان وانا اكره العدان ومتخوفه من العدان
بس يقولي في دكتور اسمه فواز يداوم بالعدان ويومين بزين
بالنسبه للخاص رغم ان عيال اخوي واختي كلهم سوووها بالخاص بس كل شخص بمستشفی غير بس لان المدح كله لزين ف بخاطري زين
واما المعلومات عن مخاطرها ف من منتداكم عرفت انه يسبب تاخر بنمو العقل الله لايقوله
عموما الله يعطيكم العافيه

 

[آصال]

توكلي على الله ..

 

[hakeem]

زين فيها كبار الإستشاريين

والعملية شىء بسيط اليوم تدخل واليوم الثاني تخرج مباشرة

وكمان عندهم أجهزة حديثه


ولعلمك هما الوحيديين اللى عندهم جهاز يعمل بموجات الراديو

اما العدان غالبا أجهزتهم الخاصة بالكي اجهزة عادية يعنى أشبه بماكينة لحام بالكهراباء

ما فرقت زين عن العدان فقط 15 كيلو متر

اذا لو انتم بالسعودية أو مصر ايش تقولوا بينكم وبين المستشفي مئات الكيلوات

رجاء لا تساوما على المسافه البسيطه

وربنا يشفيها ويشفي كل مريض

 

[الديفي]

السلام عليكم
بنتي تعاني من اللحميه وعمرها 6 سنين
بحثت بقوقل عن احسن دكتور بعمليات اللحميه وشفت جم موضوع للاخ ديفي يسال ويتكلم عن مواعيد مستشفی زين
حابه اوجهلك سؤال اخوي الديفي واتمنی ترد علي ويوصلك الموضوع للضروره لان بنتي جد قاعده تعاني
اشصار وياك بمستشفی زين ؟

اهلاً اختي سامحيني تأخرت بالرد توني اشوف الموضوع

مستشفى زين مواعيدهم بعيده لكن المشكله سمعت انهم يجرون العمليه بالمـشــرط اي بالطريقة التقليدية يقشطون اللحميه بالـمـوس وهي مؤلمه ودم وصراخ وكنت متردد
ورحت لعيادة عبدالله العلي ونفس الشي طريقتهم التقليدية قشط اللحميه بالموس ودم وألـم

وبعدها بحدث.. وسألت .. ونصحتنا اخت من الخوات بالدكتور محمد عبدالله العيسى بعيادة المسيلة (المبنى القديم لمستشفى السلام ببنيد القار)
ويسويها بأحدث الطرق وهو يذوب اللحمية ويشفطها ويذوبها ويشفطها

وولدي بعد العمليه لا نزف ولا شي ابد وفوق هذا بعد العمليه ببضع ساعات رحنا ستاربكس !!
والحين ينام نوم عميق الحمد لله وياكل

بس المشكله شيء واحد العمليه مكلفه حوالي 550 دينار ويسويها بالسلام
لا تتأخرين على عملية اللحميه ضروري تسوينها للبنت
والسلام عليكم

http://www.tabeeby.com/view.php?id=888

 

[~ نوره ~]

الله يعطيكم العافيه جميعا بلا استثناء
تاخرت ع الرد .. اعذروني
وبصراحه اهملتها خاصة انها ماعاد تشخر نفس قبل .. الله يهديني
لكن ان شاالله هالايام براجع فيها

شكرا لكم