يا جماعه منو عنده خبره بالأسهم ؟ عطونا شوية معلومات خل نفهم بالأسهم عشان ندش فيها حالنا حال هالأوادم
أشوف جارنا كان منتف ودش الأسهم بمبلغ بسيط وخلال سنه انقلب بيته لقصر مع رنج وبنتلي
معظم اللي يتاجرون بالاسهم يخسرون ...تقريبا 80% منه المتعاملين بالاسهم خسرانين..!
والسبب يعود الى جهلهم بأمور فنية وأساسية يحتاجها المتداول حتى يربح
واذا أنت شايف نفسك مو متفرغ للبورصة أنصحك بالايتعاد عن تجارة الاسهم
رغم أن تجارة الاسهم بسيطة من حيث سهولة الشراء والبيع بدون أي
عمال ولا ايجار لكن المشكلة تكمن في معرفة وقت الشراء ووقت البيع
عموما ومن واقع خبرة كبيرة بالبورصة ..لا تشتري أسهم أو تدش البورصة الا اذا شفت
قيمة التداول اليومية بالبورصة تجاوزت مبلغ ال 50 مليون دينار لمدة أسبوعين وبشكل يومي دون وجود اي مبادلات ولا
(حركات القرعة )اللي مرات تصير بالبورصة ..هني أسال معارفك المقربين من أصحاب الخبرة
لاختيار وشراء سهم يكون نازل وذو مستقبل وأرباح واعدة..
القيمة المتداولة مثلا اليوم الاحد 7 ديسمبر 2014 تجدها بموقع البورصة مكتوبة بالشكل التالي القيمة المتداولة : 8,995,467.332 يعني حتى 9 ملايين ما وصلت ..! وهالشي يعكس ضعف السوق وضعف جدوى الاستثمار به.
حاليا اذا عندك شوية فلوس لا تحتاجها أنصحك بالاستثمار بسهم فيفا للاتصالات الذي سوف يدرج بتاريخ 14 ديسمبر
الجاري 2014 وتحبله وصيده بسعر تحت النص دينار (500 فلس) ..هذا اذا عطوك ..ونام عليه وشوف سعره بعد كم سنه..!
غير هالسهم لا أنصحك بشراء أي سهم الا اذا تحقق الشرط اللي ذكرته لك سابقا وهو أن تتجاوز القيمة اليومية للأسهم
ال 50 مليون دينار لمدة أسبوعين ...وهو شيء لم يحدث هذا العام 2014 الذي يعتبر عام الخسائر عند عليمية السوق..!
انطر فيفا لما ينزل واستثمر فيه وابتعد عن الاسهم الرخيصه مهما وصل سعرها بس اختار الوقت المناسب للشراء يعني مثلا لما تشوف فيفا 300 فلس اشتر اوبنك وربه ايضا مايخوف ولكن خلك حذر ولاتغرك الشركات اللي سمعتها رنانه كلهم حراميه واستخير والله يوفقك