خولـــــــــيات .

[Way one]

خوله


افتقدك .ويفتقدك متصفحك

 

[بسطويسي]

للرفع يمكن تشوف متصفحها وترجع
بالرغم ان متصصفحها خرطي ومايساعد على الرجوع​

 

[بسطويسي]

بسبب التقشف ونزول اسعار النفط قرر المخيم تقليص مصروفاته وصار المخيم بس شاي وقهوة
للامانة ذبحنا الشاي والقهوة طول الليل ومرات من العصاري الى الليل سف شاي وقهوة قهوة وشاي حتى الصعايدة ماسووها!
الاكيد ان واحد ابن حلال قال بشربكم شاي الليمون
مفيد وكويس ورخيص ولايكلف الميزانية العامة للمخيم وبالفعل سوالنا شاي الليمون
وهذا هو شاي الليمون اثناء ماصبه الصبي لحضرة فخامتي




للامانة شي مو طبيعي وطعم جميل ورائع
ومكوناته بسيطة جدا ومتوافرة
غوري مثل ماتشوفون
بالاضافة الى عدد 2 ليمون



وزعفران





وبما ان الزعفران غالي وحن بحالة تقشف وترشيد الانفاق
فتم استبداله بـ "صفار الزعفران" وهالصفار يؤدي نفس النتيجة
لان المطلوب منه فقط تغير اللون فقط لا الطعم!



الحين الغوري ينترس ماي والليمونتين "عدد اثنين ليمون" يقص بالنص مثل القصه اللى بالصورة
وينعصرون داخل الغوري اللى فيه ماي وتنقط نص ليمونة من المعصورات داخل الغوري
والليمونة والنص تقدرون تبيعونها او تخلونها حق السلطة ان حسيتوا ان فيها روح "ترشيد انفاق"
وبعدها تضعون ربع او اقل من الربع قفشة صغيرة من صفار الزعفران بالغوري وتخلونه عشر دقايق على نار هادية
ومثل ماقلنا الصفار فقط لاعطاء لون الليمون للمشروب
يعني عقب عشر دقايق تقدر تصب وتطالع اللون اذا ضبط او زيد قليلا من الصفار
ويفضل عدم وضع السكر بالغوري
واضافة السكر فقط بالاستكانة وحسب الرغبة


​

 

[بسطويسي]

أهب ياخولة هالمشاركة كنت بكتبها بموضوعي وصارت بموضوعج بالغلط
الحمدلله ان هالمشاركة ماكلفتني شي ورأس مالها ليمونتين وربع قفشة صفار زعفران
والحمدلله اني ماكتبت عن طريقة تجهيز شاي البصل بالثوم لانها تكلف ويبيلها شغل
وراح اكتبها بموضوعي لأسحب الزباين من قهوتج


​

 

[خولة]

خوله


افتقدك .ويفتقدك متصفحك

جزاك الله خير ، وعساك ما تفقد غالي .

 

[خولة]

للرفع يمكن تشوف متصفحها وترجع
بالرغم ان متصصفحها خرطي ومايساعد على الرجوع​

ههههههه
خرطي !! عاد رجعت نكاية :rage:

 

[خولة]

الايموجي ليش جذيه !!! باختار فيس تطلع لي كلها!!!​

 

[خولة]

من زين حظ خولة عاد ​

 

[بسطويسي]

الحمدلله على السلامة ومن طول الغيبات جاب الغنايم
ايدج على الغنايم​

 

[خولة]

الحمدلله على السلامة ومن طول الغيبات جاب الغنايم
ايدج على الغنايم

الله يسلمك ، ، غنايم !!! ليتنا نسلم على معاشنا وانت تبي غنايم ابك وكيل الاشغال يقول المواطن مسؤول عن خراب الشوارع لانه يغسل سيارته !!! اول مرة ادري انكم تغسلون سياراتكم على الدائري السادس .. ​

 

[غيث]

حياج الله ياخوله عوده حميده
هههه اضحك الله سنكم بسطويسي تبي غنايم
وخوله تبي السلامه .. المهم ولموا انفسكم نسوي قطيه للحكومة
بس حكومتنا مو تكانه باخذ انا القطيه واصرفها تحت رعايتي ابشروا بالمترو وابشرو والجامعات وكل منطقه استاد
وهالمشروع بس للتجار مثل بسطويسي تخسر بالاسهم نعوضك من القطيه

 

[بسطويسي]

حياج الله ياخوله عوده حميده
هههه اضحك الله سنكم بسطويسي تبي غنايم
وخوله تبي السلامه .. المهم ولموا انفسكم نسوي قطيه للحكومة
بس حكومتنا مو تكانه باخذ انا القطيه واصرفها تحت رعايتي ابشروا بالمترو وابشرو والجامعات وكل منطقه استاد
وهالمشروع بس للتجار مثل بسطويسي تخسر بالاسهم نعوضك من القطيه

انا ملتزم مع شباب بجاخور
القطية الرئيسية تكون عند شخص وهالشخص ارسى علي مناقصة الخضرة "بالباطن"

يعني كل اسبوع تقريبا يعطيني عشردنانير من القطية وعلى دربي العصر امر الشبرة واشتري الخضرة الناقصة
بصل طماط بطاط ...الخ لان يوميا يوجد عشاء بالجاخور "لكن ترى حده حده" علشان لحد يقول ليش ماتعزم

المهم ان هالمناقصة ماتسوى علي مرات اقط من جيبي ان صار الطماط بثلاثة واربعة دنانير اطلع خسران ومايمديني ابوق
وان رحت طالبتهم بالفلوس اللى قطيتها قالوا اخصم من قطيتك الجايه "امحق سالفة"
اخرتها هالاسبوع طالب الصبي ثوم والا خيشة الثوم واصله خمس دنانير!!
قلت لايحوشك ماتسوى وطنشت وماجبت الثوم بلا هالثوم خله يقزرها بصل
واشوه حدها حدها كفت العشرة وماقطيت شي
ينزل الطماط والخيار ويصعد الثوم التجار يحاربوني مايبوني ابوق مو راضيين يخلون لي فائض اسرقة​

 

[خولة]

حياج الله ياخوله عوده حميده
هههه اضحك الله سنكم بسطويسي تبي غنايم
وخوله تبي السلامه .. المهم ولموا انفسكم نسوي قطيه للحكومة
بس حكومتنا مو تكانه باخذ انا القطيه واصرفها تحت رعايتي ابشروا بالمترو وابشرو والجامعات وكل منطقه استاد
وهالمشروع بس للتجار مثل بسطويسي تخسر بالاسهم نعوضك من القطيه

الله يحييك ، بدون قطية ماخذة غصب علينا ، الله يعينا .​

 

[خولة]

انا ملتزم مع شباب بجاخور
القطية الرئيسية تكون عند شخص وهالشخص ارسى علي مناقصة الخضرة "بالباطن"

يعني كل اسبوع تقريبا يعطيني عشردنانير من القطية وعلى دربي العصر امر الشبرة واشتري الخضرة الناقصة
بصل طماط بطاط ...الخ لان يوميا يوجد عشاء بالجاخور "لكن ترى حده حده" علشان لحد يقول ليش ماتعزم

المهم ان هالمناقصة ماتسوى علي مرات اقط من جيبي ان صار الطماط بثلاثة واربعة دنانير اطلع خسران ومايمديني ابوق
وان رحت طالبتهم بالفلوس اللى قطيتها قالوا اخصم من قطيتك الجايه "امحق سالفة"
اخرتها هالاسبوع طالب الصبي ثوم والا خيشة الثوم واصله خمس دنانير!!
قلت لايحوشك ماتسوى وطنشت وماجبت الثوم بلا هالثوم خله يقزرها بصل
واشوه حدها حدها كفت العشرة وماقطيت شي
ينزل الطماط والخيار ويصعد الثوم التجار يحاربوني مايبوني ابوق مو راضيين يخلون لي فائض اسرقة​

السرقة تخصصهم !!! والقانون ما يطولهم ، لا وبعد مو بس جذيه يصلح ما افسدوه ! شوف بيوت شمال صليبخات وانت تعرف !​

 

[غيث]

انا ملتزم مع شباب بجاخور
القطية الرئيسية تكون عند شخص وهالشخص ارسى علي مناقصة الخضرة "بالباطن"

يعني كل اسبوع تقريبا يعطيني عشردنانير من القطية وعلى دربي العصر امر الشبرة واشتري الخضرة الناقصة
بصل طماط بطاط ...الخ لان يوميا يوجد عشاء بالجاخور "لكن ترى حده حده" علشان لحد يقول ليش ماتعزم

المهم ان هالمناقصة ماتسوى علي مرات اقط من جيبي ان صار الطماط بثلاثة واربعة دنانير اطلع خسران ومايمديني ابوق
وان رحت طالبتهم بالفلوس اللى قطيتها قالوا اخصم من قطيتك الجايه "امحق سالفة"
اخرتها هالاسبوع طالب الصبي ثوم والا خيشة الثوم واصله خمس دنانير!!
قلت لايحوشك ماتسوى وطنشت وماجبت الثوم بلا هالثوم خله يقزرها بصل
واشوه حدها حدها كفت العشرة وماقطيت شي
ينزل الطماط والخيار ويصعد الثوم التجار يحاربوني مايبوني ابوق مو راضيين يخلون لي فائض اسرقة​

اول شي مدام حده حده بنعذرك . وبعدين متى تتعلمون البوق على اصوله ياخي جدد العقد بقيمة جديده واحلى حل لهالسالفه البنانزين ارتفع باقك المقاول الكبير للقطيه
خيرها بغيرها ان شاءالله تتلاشى اخطاءك في المناقصاد الجديده

 

[أمين أفندي]

للعلم مريت مرور كرام
ودي أسلٍم
بس تخربطت ما أدري حق منو هالمتصفح
من كثر مشاركات الأخ بسطويسي
عمومآ.. السلام عليكم
فينك يابسطا...!!

 

[أم فواز]

يا هلا ومرحبا اختي خولة .. حياچ الله في متصفحچ وبيتچ ومكانچ :وردة:

انا بالنسبة لي عطوني عين وصرت ادخل الشبكة بالسنة حسنة .. عاد من منو العين الله اعلم ​

 

[غيث]

يا هلا ومرحبا اختي خولة .. حياچ الله في متصفحچ وبيتچ ومكانچ :وردة:

انا بالنسبة لي عطوني عين وصرت ادخل الشبكة بالسنة حسنة .. عاد من منو العين الله اعلم ​

مدري بس انا اشك في واحد يطرح الطير من السما
هو اللي جايب العيد بالشبكة

 

[خولة]

يا هلا ومرحبا اختي خولة .. حياچ الله في متصفحچ وبيتچ ومكانچ :وردة:

انا بالنسبة لي عطوني عين وصرت ادخل الشبكة بالسنة حسنة .. عاد من منو العين الله اعلم ​

هلا فيج يا ام فواز ،،

اي والله عين وقوية ومثل ما قال اخونا غيث نشك ببسطويسي ​

 

[خولة]

شكرا للكل من ادارة ورئيسها ومشرفين ، ما قصرتوا ، ولكل الاعضاء وداعا وسامحونا ، وعسى الله يغفر لنا ولكم ما كتبنا هنا لا يرضي ربنا ، واسال الله ان يغفر لي ولكم ، ويتجاوز عنا وعنكم .​