سؤال وجواب ماخاب من استشار

[متفائل بالخيررر]

بسم الله الرحمن الرحيم
انا عضو جديد بالمنتدى وكنت متابع هذا المنتدى المميز منذ زمن فااتمنا تساعدوني كعادتكم
انا كنت موظف بقطاع خاص استقلت ودخلت كليه بتطبيقي وتخرجت مساعد مهندس مساحه والديوان حاليا فاتح ابواب التسجيل وانا بكل امانه ماادري شنو احسن مكان مناسب لشهادتي وراتبه حلو فياليت تكتبون لي الاماكن الحلوه ومراح انسى معروفكم

 

[قبس]

الوزارات الي فيها مواقع هي افضل شي لك

كل الوزارات نفس الراتب بس وزارة الكهربا و الماء ووزارة الاشغال في مواقع خارجية وبناء عليه فيها بدلات اضافية تزيد من الراتب
اما اذا تداوم في نفس مبنى الوزارة فا راح تفقد البدلات الموجودة في المواقع

البدلات هي
بدل موقع اذا كنت تعمل خارج الوزارة
بدل طريق في منطقة نائية اذا كان الموقع خارج مدينة الكويت وضواحيها
بدل نوبة اذا كان عملك بنظام النوبات

وقد يكون هناك بدل خطر

 

[تويتر الكويت]

القطاع النفطي هو الاعلى من حيث الرواتب

 

[متفائل بالخيررر]

يعطيكم الف عافيه ماقصرتو

اخوي القبس انا ربعي نصحوني بطيران المدني والاسكان والبلديه رايك فيهم من احسن اهم ولا كهربا وماي والاشغال

اخوي تويتر الكويت النفظ للاسف مو فاتح ابوابه وحتى لو فتح يبيله واسطه مع ان معدلي جيد جدا

 

[قبس]

يعطيكم الف عافيه ماقصرتو

اخوي القبس انا ربعي نصحوني بطيران المدني والاسكان والبلديه رايك فيهم من احسن اهم ولا كهربا وماي والاشغال

اخوي تويتر الكويت النفظ للاسف مو فاتح ابوابه وحتى لو فتح يبيله واسطه مع ان معدلي جيد جدا

بيعطونك كادر الطيران المدني وبيشيلون كادرك الفني

كادر الطيران المدني للي يتوظف على الدرجة الخامسة هي ٢٣٠ واذا صعدت للدرجة الرابعة تصير ٣٠٥
شيل بدلاتك الفنية وشوف الفرقية اذا تسوى فا روح للطيران المدني

وبخصوص البترول عندك عقود المقاولين ترا رواتبهم زينة للعزوب تقريبا ٥٥٠ راتب اساسي و دعم العمالة قريب منها فا يوصل راتبك ١١٠٠ اذا عامل حقل
طبيعة الدوام اسبوع في اسبوع
الاسبوع الي تداومه دوامك ١٢ ساعة في الحقل و ١٢ ساعة في الاستراحة والاسبوع الثاني يصير اوف وتروح لاهلك
وهكذا

شركة زين فاتحة توظيف كول سنتر راتبهم ٦٤٠ اساسي وبدلين قيمتهم حروة ١٣٠ يصير المجموع تقريبا ٧٣٠
غير خط داتا و دقايق اتصال مفتوحة
دوام نوبات كل اسبوعين جدول جديد

مر الهيكلة وقدم على وظايف في الخاص والي يعجبك اخذه

وبالنهاية هذي خيارات وشوف شنهي قدراتك وتوكل

 

[متفائل بالخيررر]

تسلم اخوي القبس انا مجرب الخاص اما النفط سبوع انحرم عن الربع والاهل ناتسوا وطبيعه دوامه ماعجبني
اذا عندك فكره ع شهادتي انا شهادتي فني درجه 5 ثلاث علاوات المسمى مساعد مهندس
فشباب نصحوني بكهربا وماي والاسكان والهئيه لشئون القصر والبلديه والاشغال وطيران المدني
اذا عندك فكره ترتب لي من افضلهم الى اسوئهم من ناحيه المعاشات باجر اخر يوم تسجيل بالديوان وبصراحه للحين ماسدلت ومتردد اذا في اماكن زينه غير الي انا ذاكرهم اكون لك من شاكرين

 

[متفائل بالخيررر]

وياشباب اي احد عنده معلومه عن الاماكن الزينه للفني مساعد مهندس ياليت تخبروني باجر اخر يوم تسجيل ومراح انسى وقفتكم

 

[عبدالله العبدلي2]

نصيحه لوجه الله تقدم للبلديه فيها مميزات زينه والدوام خفيف للغايه وتْكّون علاقات وتخدم نفسك واهلك والمجال فيها مفتوح لإكمال الدراسه هذه وجة نظري وعلى الله التوافيق