... خذاك النوم مني وانت تدري صاحبك سهران

[ابو فهد الكويتي]

.

خذاك النوم مني وانت تدري صاحبك سهران ​

من الضيقه ماغير اراقب الساعه وعقربها

تعبت ولا تعب صبري مشاوير السهر عنوان​

وانا اللي ضقت بعيون السهاد وقمت اراقبها ​

انا المجروح من صمت الغلا واستعذب الكتمان

عرفت ان اعذب وعود المحبه دايم اكذبها

على رجواك فليّت المواجع باعذب القيفان

جروحي كيف ابنساها وانا بدموعي اكتبها​

معك يا اجمل حكاياتي و نحنا والقمر جيران ​

سرقت الحلم من واقع حياةٍ ما شعرت بها

حبيبي وش شعور اللي نسج في غفوته الوان​

صحى واثر السواد اللي نسى يختاره اقربها ​

حبيبي وش شعور اللي يبي يتجاهل الحرمان

لقى الحرمان في دنياه صاحبته وصاحبها

حبيبي والله ان الليل من دونك تعب واحزان

والى منك حضرت اجمل مواعيدي أرتبها

دخيلك لاخذاك النوم خذني معك للنسيان

ترى الساعه تعذبني وتجلدني عقاربها​

:

.

زايد الرويس

.​