مرزوق الغانم .. تكفى كفايه عاد ...

[FahdQ8]

تقدم النائب السابق ومرشح الدائرة الثانية أمس مادري قبل أمس ببلاغ للنائب العام يشتكي فيه من تدخل أطراف نافذه في الانتخابات في الدائرة الثانيه ... البلاغ مبهم .. ما ذكر السيد / الغانم منو الجهات

النافذه بالاسم .. ولا قدم الدليل .. مجرد إدعاء عام مبهم .. كأنه يقول .. يا نا خبي الدائره الثانيه افزعوا لي ترا عيال الشيخ فهد الاحمد يحاربوني .. الرجل يبي تعاطف الناس معاه ...

يا بو علي تعاطفنا معاك في انتخابات الغرفه وفعلا قلنا ما يصير عيال الشيوخ يتدخلون في كل شيء .. ما كفاهم الرياضه .. هم يبون يتدخلون بالاقتصاد .. وتعاطف الناس معاك ومع السيد والدك ووقفت الكويت

معاك .. ووفقك الله وحصل والدكم وقائمته على اعلى الأصوات في تاريخ انتخابات الغرفه ...

الحين يا سيناتور بو علي تبي تحصل على نفس التعاطف .... لذلك قدمت بلاغك اللي مادري شقول عنه غير انه مبهم ؟ يا أخي عرفناك شجاعاً .. قوياً .. إذن يا اخي أرجوك .. أرجوك .. أوضح لنا بالدلائل كيف

هؤلاء المتنفذين يحاربونك ؟

مرزوق الغانم .. كفايه ارجوك .. كفايه استدرار لتعاطف الناس معاك .. شخصيا أعتقد أنك وعيال الشهيد وجهان لعملة واحده .. هم يبون يكوشون على كل شي .. وأنت وعائلتك الكريمه .. وعائلة أخوالك تريدون

الشيء ذاته ..

أما نحن المطحونين المسحوقين الكادحين .. فليس لنا مهمة في دولتكم إلا التصويت أما لكم أو لهم .. التصويت ونحن مغيبين ..

أنتم اعضاء مجلس إدارة الدوله ... تتنافسون على الرئاسة واقتسام الارباح .. وعوائلكم هم المساهمون فيها .. من يشتري أكثر الأسهم هو من يصوت لكم ... أما نحن في نظركم .. فمجرد موظفين ..

كفايه يا مرزوق الغانم ... كفايه .. وخل برنامجك الانتخابي وانجازاتك في المجلس السابق يشهد لك .. ولا تدخلنا في خلافات وهميه بينك وبين منافسيك .. لا لشيء إلا لإستدرار العواطف

أعتقدت سابقاً أنك اكبر من ذلك ...... ورجاء أخير .. من شار عليك بتقديم البلاغ المبهم عزة الله ما سوالك خير .....

 

[متابع..]

اخوي الفاضل لا ماهو تعاطف ولاهو كسب للاصوات ..
الرجل الغانم قدر يكسب الناس بعقليته الواعيه واقتراحاته الصائبه بمجلس مدته قصير جداً ..

بخصوص بلاغ النيابه ،، بلاغه صحيح وفي ناس كثيره ضعيفه ايمان تتهم مرشحين بمحرمات بدون اسانيد قانونيه وادله تستند عليها ..
وهذا البلاغ موجه للنيابه لاتخاذ الاجراءات وتكثيف شغلها لكشف هذه النوعيه من الناس ..

انت ذكرت عذبي الفهد وعيال الفهد ،، وبلاغ المرشح الغانم كان مبهم احتراماً للذوق العام ،، لكن الي على راسه بطحها يتحسسها ..

 

[العازف]

فلم يديد من افلام شله الاسطبل انتو كفايه

السيد مرزوق الغانم قدم البلاغ الى النائب العام ورساله الى رئيس مجلس الوزاء ووزير الداخليه

لكن شله الاسطبل ما تبي اتخلي الناخب بحاله ولا المرشح ومرزوق الغانم ما اتهم طرف محدد بس احنا عارفين منو الي قاعد يسوي خلطه الحقد هذي

بسكم يا شله الاستطبل ترا الناس واعيه وعارفه انتو شنو تبون

بس بصراحه افلام الاكشن فيها وناسه لانه العالم مستانسه من سوالفكم واهي كاشفه الاعيب المعزب راعي الاستطبل

 

[6ergi]

الأخ فهد ..

أستطيع أن أخمن الأسماء التي سوف ترد على موضوعك من الآن ..

نصيحة قبل أن يبدأ الأعضاء "المناوبين" في حملة المرشح مرزوق الغانم ردودهم عليك ..

عليك بالتبرأ من كل أفعال طلال الفهد وأخوانه حتى لا تتهم بأنك تابع لهم ..

مرة ثانية للتوضيح ..

طلال الفهد يبي يسقط مرزوق الغانم >>>> صحيح

عذبي الفهد يتدخل في الإنتخابات ويفسدها >>>> أيضا صحيح

وأيضا صاحبكم المرشح الشاب يتبع أساليب "غير مشروعه" حاله حال المذكورين أعلاه للوصول للكرسي ..

ودمتم ....

 

[6ergi]

مشالله ... هاللوا الشباب

 

[FahdQ8]

اقسم بالله العظيم أني لا أعرف عيال فهد الاحمد ولا مرزوق الغانم .. لكني أردت كناخب في الدائره أن أقدم نصيحه للشاب اللطيف .. مرزوق الغانم .. نعم .. أنا اللي وربي صوت له في انتخابات الغرفه لانه زارنا في الديوانيه مع اخوه خالد وشرح لنا كيف ان عيال الشيوخ يبون السيد والده .. وللتاريخ تعاطفنا معاه وصوتنا لقائمة والده .. وكنا فعلا نشاركه الراي ان عائلته الكريمه عائله تجاريه ابا عن جد .. ويجب ان يمثلوا تجار الكويت في الغرفه ..

لكن ان يطلع علينا بو علي هليومين ويعيد نفس الاسطوانه .. عيال فهد الاحمد يحاربوني .. اعتقد ان ذلك بحاجه لدليل .. ان اعطانا الدليل .. كفا ووفا .. اما ان يقدم بلاغ للراي العام ( اسف قصدي للنائب العام ) فاعتقد ولا زلت ان من شار عليه هشور غز الله ما نصحه .....

 

[متابع..]

بدون قسم مبين من اسلوبك انك ولد حلال

لكن وضحتلك بوجهة نظري عدم التحديد للاشخاص حفاظاً للذوق العام واحترام للشارع السياسي ،،ووضحتلك الي على رسه بطحه يتحسسها ..

 

[FahdQ8]

الاخ / متابع

انت ولد حلال أيضاً ..

مرزوق الغانم توجه للنيابه العامه واتهم ناس متنفذين بمحاربته بطرق غير مشروعه دون ذكر

اسماءهم .. أي ذوق عام .. وأي بلا هذا .. ما يخليه يسميهم بالاسم لنا على الاقل حتى نتحرس

منهم ...

أمس مسلم البراك في ندوته ذكرهم بالاسم .. وحذرنا منهم .. بدون ما يقدم بلاغ للنيابه ولا هم

يحزنون .. مسلم باعتقادي رجل بعيد عن المهايط .. يقول ما في قلبه وفكره لنا ..

لازلت اقول ان من اشار على الغانم تقديم بلاغ للراي العام او النيابه العامه .. عز الله انه ما نصحه

 

[كلنا واحد]

يا اخي الكريم منو مايعرف بالكويت بأن عيال الفهد دائم التدخل في كل شي بالرياضه بالانتخابات في كل شيء
والدليل عى كلامي الامر الي حصلت بالرياضه الفترة الاخيره وتصريح المرشح السابق مسلم البراك في افتتاح مقره امس .
افتكر ان ابناء الفهد بسيطرون على البلد بأي طريقه غير شرعيه طبعاً بس مو عارفين .
تدرون ليش لان الكويت فيها رجال غيورين على البلد .

 

[jrman]

انزين اشلون يتدخلون يعني ما فهمنا والله !!

هل يدفعون رشاوي؟؟ بهالطريقة يتهمهم بل يتهم ناس مجهولين وبدون دليل أيضا..

يقول يتهموني بدون دليل.. وهو يتهمهم بدون دليل..

كلهم أصحاب مصالح قاصين على الناس..

 

[FahdQ8]

الاخ / كلنا واحد

ليش صورة مرزوق الكبيره ؟

أبي تجاوبني .. رجاء ..

 

[CREATIVE]

تقدم النائب السابق ومرشح الدائرة الثانية أمس مادري قبل أمس ببلاغ للنائب العام يشتكي فيه من تدخل أطراف نافذه في الانتخابات في الدائرة الثانيه ... البلاغ مبهم .. ما ذكر السيد / الغانم منو الجهات

النافذه بالاسم .. ولا قدم الدليل .. مجرد إدعاء عام مبهم .. كأنه يقول .. يا نا خبي الدائره الثانيه افزعوا لي ترا عيال الشيخ فهد الاحمد يحاربوني .. الرجل يبي تعاطف الناس معاه ...

يا بو علي تعاطفنا معاك في انتخابات الغرفه وفعلا قلنا ما يصير عيال الشيوخ يتدخلون في كل شيء .. ما كفاهم الرياضه .. هم يبون يتدخلون بالاقتصاد .. وتعاطف الناس معاك ومع السيد والدك ووقفت الكويت

معاك .. ووفقك الله وحصل والدكم وقائمته على اعلى الأصوات في تاريخ انتخابات الغرفه ...

الحين يا سيناتور بو علي تبي تحصل على نفس التعاطف .... لذلك قدمت بلاغك اللي مادري شقول عنه غير انه مبهم ؟ يا أخي عرفناك شجاعاً .. قوياً .. إذن يا اخي أرجوك .. أرجوك .. أوضح لنا بالدلائل كيف

هؤلاء المتنفذين يحاربونك ؟

مرزوق الغانم .. كفايه ارجوك .. كفايه استدرار لتعاطف الناس معاك .. شخصيا أعتقد أنك وعيال الشهيد وجهان لعملة واحده .. هم يبون يكوشون على كل شي .. وأنت وعائلتك الكريمه .. وعائلة أخوالك تريدون

الشيء ذاته ..

أما نحن المطحونين المسحوقين الكادحين .. فليس لنا مهمة في دولتكم إلا التصويت أما لكم أو لهم .. التصويت ونحن مغيبين ..

أنتم اعضاء مجلس إدارة الدوله ... تتنافسون على الرئاسة واقتسام الارباح .. وعوائلكم هم المساهمون فيها .. من يشتري أكثر الأسهم هو من يصوت لكم ... أما نحن في نظركم .. فمجرد موظفين ..

كفايه يا مرزوق الغانم ... كفايه .. وخل برنامجك الانتخابي وانجازاتك في المجلس السابق يشهد لك .. ولا تدخلنا في خلافات وهميه بينك وبين منافسيك .. لا لشيء إلا لإستدرار العواطف

أعتقدت سابقاً أنك اكبر من ذلك ...... ورجاء أخير .. من شار عليك بتقديم البلاغ المبهم عزة الله ما سوالك خير .....

ماهو المطلوب ..من مرزوق الغانم ؟؟

هل المطلوب منه ان يقف موقف المتفرج على هالاتهامات ؟؟​

وشنو الدافع اللي يخلي مرزوق الغانم يتجه الى النيابه العامه لتقديم البلاغ ؟؟​

هل هو بحاجه لتوجيه الراي العام مثل ما تقول انت ​

خلاف الغانم .. مع بعض ابناء الشهيد ..معروف للكل ومو بحاجه​

الى انه يتجه الى للنيابه ..عشان نقول انها شغله للأعلام او لكسب تعاطف​

الناخبين معاه​

والاتهام ..لم يحمل اي اسم ..شنو اللي خلاك تتجه لابناء الشهيد​

على انهم هم المقصودين ...

_____________________________​

بس ان تصل الأمور الى ان يتم الطعن في الذمه والشرف من خلال​

اساليب قذره .. وهذا اقل شي ممكن ان نوصفها فيه ​

هل المطلوب من الغانم .. انه يسكت على الشغلات اللي​

قاعده تصير ضده واتهامه بأبشع التهم ​

ما اعتقد في واحد شريف ...يرضى انه يسكت على هالاتهامات​

واعتقد انه هاذي شجاعه من الغانم ... لمواجهة الناس اللي ​

قاعدين يشتغلون ضده ويشوهون صورته ..امام الناخبين في الدائره ​

الثانيه بشكل عام وفي الصليبخات بشكل خاص ..​

ويستغلون اسمه بالزج فيه في امور ما يرضى فيها اي شريف​

................................................​

أما نحن المطحونين المسحوقين الكادحين .. فليس لنا مهمة في دولتكم إلا التصويت أما لكم أو لهم .. التصويت ونحن مغيبين ..

مطحونين مسحوقين كادحين ... سلامات عسى ماشر يالحبيب

منو اللي كادحك وساحقك وطاحنك ..الحمدلله كلنا عايشين

بنعمه وخير ..مو توصل للدرجه هاذي

ودولتنا وحده يا حبيبي .. وبدون تقسيمات

بدايتك كانت حلوه ....بس بالاخير .. عفستها

(مغيبيـــــــن)

يا أخي ما دمت انت من الناس المغيبين حسب ما انت

ذاكر .... حاط هالموضوع من الاساس ليش

انت تقول انا شخص مغيّب

متعبنا معاك في هالموضوع ليش وزعلان على

هالبلاغ المقدم للنيابه

​