المحــارب و الســعيد وبووسة الخشم !!

[نهر جاري]

السلام عليكم ورحمة الله وبركاته

طبعا العنوان يمكن محد راح يفهمه الا بعد ما اكتب هالموضوع ..

في ندوة المرشح صالح السعيد ( مرشح الدائرة الرابعه ) وبعد الأفلام إلي قطها كعادته على قناة

سكوب ( قناة اخته الكاتبه فجر السعيد ) طبعا غير هالقناة محد ينقله شي بباقي الفضائيات

لسبب طرحه المضحك وسخريته الدائمة من شخصيات كويتية وعلى سبيل المثال

الشيخ احمد الفهد واخوانه والنائب السعدون والكاتب ومرشح الدائرة الثانية محمد عبدالقادر الجاسم
ووصفهم بكلمات لاتخرج من رجل عاقل ,, نعود لموضوعنا الاساسي ..

المهم ,, وبعد ندوة من ندواته المكوكية وقبل الانتهاء منها بقليل وأتفاجأ بمرشح الدائرة الثانية

منصور المحارب وقد صعد على المنصه بجانب السعيد وهات يا بوووس على خشم السعيد

والله ثم والله ثم والله إني من الناس إلي كنت أحترم هالرجل ( منصور المحارب )

ولكن وبعد هالمنظر لا والله إنه طاااح من عيني فكيف بمرشح شعاره الانتخابي

( الكويت ليست للبيع ) مع اني اتحفظ على هالشعار أن تقبل خشم مرشح كـالسعيد صاحب

الاكشنات والافلام الهندية ومن حاب يشوفله فلم فليتابع قناة سكوب يوميا تحط ندواته المضحكه

شوفوها وراح تعرفون شنو أقصد والسلام ختام ...

 

[الأمير]

عرفنا شنو تقصد

يامنصور المحارب ياأخوي ليش تنافس مرزوق الغانم

اعتقد هذا ذنبك

 

[ولد الشامية]

عرفنا شنو تقصد

يامنصور المحارب ياأخوي ليش تنافس مرزوق الغانم

اعتقد هذا ذنبك

منصور المحارب وطني ويستاهل

وليش شنو الفرق وبينه وبين مرزوق الغانم عشان ماينافسه ؟

 

[نهر جاري]

عرفنا شنو تقصد

يامنصور المحارب ياأخوي ليش تنافس مرزوق الغانم

اعتقد هذا ذنبك

هههههه والله انك عبقري المنتدى

عندك خبر ان منصور المحارب صديق مرزوق الغانم ومن زمان بعد لكن انت قلبك اسود وتفسيرك

للمواضيع على هواك علشان جذيه ماراح اعاتبك ..

 

[نقوشي]

هههههه والله انك عبقري المنتدى

عندك خبر ان منصو المحارب صديق مرزوق الغانم ومن زمان بعد لكن انت قلبك اسود وتفسيرك

للمواضيع على هواك علشان جذيه ماراح اعاتبك ..

دامه رفيجه على قولتك

خله يفسر لخاله

شنو معنى الكويت ليست للبيع ...؟؟؟​

 

[17-5]

دامه رفيجه على قولتك​

خله يفسر لخاله​

شنو معنى الكويت ليست للبيع ...؟؟؟​

فعلا فعلا انك نقوشي على هالسؤال برافوووو :إستحسان::إستحسان::إستحسان: احسنت دام رفيجه خله يقول لخاله معنى الكويت ليست للبيع


وبس ياناس بسنا :الخفاش::الخفاش::الخفاش::الخفاش: الليل​

 

[نهر جاري]

نقوشي​

انا حاط عليك × من أشوف رد منك ماراح أرد عليك والسبب ,,​

موضوعك التحفه إلي خليت فيه مرزوق الغانم نائب بالمجلس من 5 سنوات​

{

مرزوق الغانم ... ماذا قدمت للأمة بعد 5 سنوات في مجلس الامة }​

تذكره وله نسيت
روح العب بعيد روح
نبي ناس تتابع المجلس زين ​

 

[سلندوح]

كنت حاضر ندوة منصور المحارب في الضاحيه ودخل صالح السعيد وباس راس منصور المحارب وخشمه واعتقد ان منصور محارب رد الجميل بنفس الطريقه وما جزاء الاحسان الا الاحسان وذكر منصور محارب ان السعيد كان يتواجد معاه في تحويلاته للنيابه من الساعه 8 الصبح الي الساعه خمس العصر في كل مره هذا يثبت ان الرجل بالفعل موقف ولايهتم بالانتخابات وعنده مبادئه اهم ....لكن الكويت مو للبيع حركت ياجوج وماجوج كما قال المحارب ومن اليوم سمعوا الاشاعات عن المحارب وعدوا وخربطوا المهم جاسم الخرافي ينتقم من المحارب والا نسيتوا اشسوا بالمحارب عقب الانتخابات في 2006 لما منع الورق عنه محمل المحارب مسئولية حصوله على المركز الثاني...ومعلومه اكيده ان منصور محارب ليست لديه علاقه قويه مع الغانم وعلاقتهم سطحيه لانني اعرف خالد الغانم وسالته قبل لا اكتب تعليقي...وواصل يا منصور وافضح مصاصين الدماء والكويت كلها معاك والشرفاء من الذين لايبعيون ضمائرهم معاك

 

[محرر مجهول]

صالح السعيد حفيتي الجهرا ..بس ملازقة المحارب له وانا بصراحة أنصدمت منه
عالعموم خله يردد يالليل مطولك...ماردك السقوط يالمحارب..أجل الكويت ليست للبيع ها.؟
الظاهر تبي تصير حفيتي الثالث ورا الحفيتي الأصلي والسعيد الثاني

 

[بوصالح 2008]

منصور المحارب ما اعرفه شخصيا ومتابعه حالي حال الجميع من خلال الصحف والفضائيات كأي مرشح ..
بس بالفعل غريبة هالحركة مالت بوسة الخشم يعني يالسعيد طب بالخرافي وببوس خشمك !

طبعا هالشي غير مقبول او مو معقولة مرشح يصعد على ظهر مرشح ثاني سواءا الخرافي ولا الغيرة ومنصور المحارب من ربع دغدغة المشاعر وكافي جريدة الأبراج اللي بدال لا تكتب عن اخبار الكويت والدنيا مايكتب فيها الا المحارب ولنفسة ولهدف واحد واهو وصولة للمجلس

نعم التنافس الشريف مطلوب بس بدون لا تدخل بذمة الناس يالمحارب

 

[وطني للنخاع]

انا شفت الندوة من شوي على سكوب...!!


طبعا ما بعلق على بوسة الخشم لان هذا شي يخص المحارب.... لكن ليش قام وباسه على خشمة... عشان قال اذا نجحت ما راح اصوت للخرافي على كرسي رئاسة مجلس الامة...!! اول شي يالسعيد هذا مو طرح مرشح (ناوي) ينجح!! والشي الثاني يا المحارب شدعوه الخرافي شنو مسوي لك مو دفاع عن الخرافي ولكن هجوم ماله اي مبرر... الكويت ليست للبيع​

 

[CREATIVE]

عدل عدل ..

السعيد والمحارب .. تحالف حب الخشوم


والله المحارب ما عنده الا اسطوانه وحده

وقاعد يلعب عليها

مع انها من تأليفه واخراجه

يعني لو ينسحبون كم مرشح .. يصير ما عنده شي

يتكلم فيه ..ويقص على العالم فيه

وسلم لي على الكويت ليست للبيع
​

 

[نهر جاري]

كنت حاضر ندوة منصور المحارب في الضاحيه ودخل صالح السعيد وباس راس منصور المحارب وخشمه واعتقد ان منصور محارب رد الجميل بنفس الطريقه وما جزاء الاحسان الا الاحسان وذكر منصور محارب ان السعيد كان يتواجد معاه في تحويلاته للنيابه من الساعه 8 الصبح الي الساعه خمس العصر في كل مره هذا يثبت ان الرجل بالفعل موقف ولايهتم بالانتخابات وعنده مبادئه اهم ....لكن الكويت مو للبيع حركت ياجوج وماجوج كما قال المحارب ومن اليوم سمعوا الاشاعات عن المحارب وعدوا وخربطوا المهم جاسم الخرافي ينتقم من المحارب والا نسيتوا اشسوا بالمحارب عقب الانتخابات في 2006 لما منع الورق عنه محمل المحارب مسئولية حصوله على المركز الثاني...ومعلومه اكيده ان منصور محارب ليست لديه علاقه قويه مع الغانم وعلاقتهم سطحيه لانني اعرف خالد الغانم وسالته قبل لا اكتب تعليقي...وواصل يا منصور وافضح مصاصين الدماء والكويت كلها معاك والشرفاء من الذين لايبعيون ضمائرهم معاك

سلندوح اهلا بك ,,

اخوي الغرض من موضوعي ليست > بوسة خشم < لكني أستغرب شخص مثل منصور يحط ايده مع السعيد واذا انت ماتعرف منو السعيد ياريت تسئل عنه بالجهراء وعندك قناة سكوب يوميا تحطه تابع ندواته وراح تعرف شنو فكر السعيد ..

اما عن علاقة مرزوق الغانم مع منصور المحارب فياريت تتابع جريدة منصور ( الابراج ) وراح تعرف اذا كان بينهم صداقه ام لا

وشكرا لمرورك الكريم ..

 

[stocks master]

قدام يالمحارب ولا تلتفت الى هذي المسترزقه

خير مرشح للصوت الشريف المحارب

اجل أياك واليأس من وطنك ؟ افضل

 

[ياكويت]

الله ياالمحارب انت حارق قلوب بعض الناس بالدائرة
ابو اليأس .. وابو الاعتدال !