سليل الجود
عضو مخضرم
التاريخ : 27/5/2008
الوقت : الرابعه عصرا
المكان : شارع الخليج العربى
ماشى بسيارتى فى أمان الله لا لى ولا على واسمع اغنيه الرويشد يا هل السامر
واشوف بالمنظره الخلفيه سيارتين طايرين ويحدّون بعض واحد يبى يوّقف الثانى
بطريقه انتحاريه قلت الله يستر وخذيت يمين وخففت السرعه وقلت اكيد واحد
يبى يذبح الثانى ويلّفون وينامون بسياراتهم على بعض بشكل هستيري
ولما صاروا جدامى اشوف واحد منهم يأشر للثانى يبيه يصفط والثانى يأشر
بحركات لا اخلاقيه ( كلام براعه )
والله يا جماعه مو هذا اللى تأثرت منه لأنه موقف مر عليكم كلكم بحياتكم
اللى تأثرت منه أن كل واحد فيهم معاه زوجته وعياله الصغار بالسياره.
شنو هذا ؟
معقوله الواحد يفقد اعصابه للدرجه هذه انه ما يحترم زوجته معاه بالسياره
وما يخاف على اولاده اللى متمسكين فى بعض ويبجون وخايفيين
شنو هالعصبيه اللى تخلى الواحد يوصل لمرحله الجنون المؤقت؟
اكمل لكم
مشيت وراهم وايدى على قلبى واقول الله يعدّى هالسالفه على خير
وقاموا يأشرون حق بعض بأشارات اللى فهمت منها أنه اليوم يا قاتل يا مقتول
لين ربى سبحانه هدى واحد فيهم واخذ شارع فرعى بسرعه البرق بغى ينقلب
اهو واهله لكن كمل طريجه والثانى كمل سيده
اهنيه قعدت افكر شنو سبب هالعصبيه الزايده فى شوارعنا ؟
المسأله مو مسأله تاكسى جوال موقّفه واحد من الشباب ولاعن خيره
لانه مسأله صارت شبه يوميه تصير بالشوارع
وانا واعوذ بالله من كلمه أنا صارت معاى 3 مرّات
هندى وبنغالى لعنت خيّرهم بسبب سواقتهم العالميه
والثالث افغانى بغيت العن خيره لين فكونى منه شباب شافونى متوهق معاه
صفطوا وناموا فيه نوم ولله الامر من قبل ومن بعد
صفطوا وناموا فيه نوم ولله الامر من قبل ومن بعد
طبعا معروف عدم التزام التكاسى الجوّاله بالقانون لانهم يعرفون أن معازبيهم
هم من كبار ضباط الداخليه فعلى بالهم أن الشوارع هذه ملك حصري لهم
ويطلعون من أى مخالفه زى الشعره من العجينه
انا ابى اناقش عصبيه بعض الكويتيين فى الشوارع
هل اهو أكل معين ناكله يلعب باعصابنا ؟
هل هو التلوث البيئى اللى يخلينا ما نتحمل ولا نوسع صدورنا اذا احد غلط علينا
حتى لو بدون قصد؟
هل ارتفاع اسعار النفط سبّب ارتفاع ضغط الدم؟
عنّى انا اذا احد نام على بسيارته بدون قصد اعذره
لكن اذا اشوفه يتعمد بصراحه اعصّب لكن اطوّل بالى لأن العقل زينه
شنو وضعك اخى العضو ..أختى العضوه لو يغلط عليك احد بالشارع
واسباب الغضب الخيالى مثل ربعنا اللى تكلمت عليهم فى أول المشاركه
ودمتم سالمين