حلوة الكويت
عضو مخضرم
بنت قرطبة ..لا تخافين ماراح يهرب...
احنا نشرنا جنودنا بكل سكة وطريق...
وطرشت بعد التحريون ..منهم قتلة مستاجرين...
عضو جديد...تجئ برجولك احسن لك...تهديد؟؟؟
تحياتي
حر ورطوبه ...لا تكييف ولا حتى مراوح...عقبالك ان شاء الله.
بعدين...ذبحتني بــ (الله يطول خشمك) ما صدقنا نفتك منها بعد ما مسكوها المعازيب سنه كامله, تبي تلاحقني فيها في المنتدى.
بقولك بدليه غيرها لعل وعسى نفتك من (طولة الخشم).
كنت القي محاضره...وفيها اساتذه ومراقبين حاضرين من خارج دوامنا, ليستمعوا لورشة العمل اللي مسويها اخوك , واخوك تعرف يدقق على الكلمات احيانا بصوت عالي..يعني يبي يشد الانتباه...فكنت بقول ( صندوق الانماء الاقتصادي) .. تعرف اخوك يا بدلية كامله وإلا بلاش..يعني بدلية بالجمله , أما كلمة كلمتين ما تمشي عنده, فقلت بصوت عالي وواضح (صنموء الانداق الاقتصائي)!!!!
ساد صمت رهيب.. الكل ينظر إلي.. لم يستوعبوا ماقلت...اخذت نفس عميق وقلت وانا اقترب من الميكرفون وبصوت هادئ : (صنموء الانداق الاقتصائي)...بدلية يا جماعه مثل ما انتوا اكتشفتوها, و الصحيح هو (صندوق الانماء الاقتصادي)....وعينك ما تشوف إلا النور...ضحك جماعي اشبه بسيمفونية يخالطه سعابيل وكحه ...وانا منشكح اتبوسم...يعني عادي...وانا ودي اقول نكمل بكره يا جماعه...لكن على ابو عادي قلت بعد أن هدأوا :نكمل ..وان شاء الله تطلعون باقل البدليات...طبعا تعرف البعض على طريف..وهات يا ضحك وسعابيل...واللي رفع ضغطي اكثر.. مصري قاعد في الصف الاول قم يحلحل كرافتته من الضحك..بغا يختنق.
انتهت المحاضره وانا مصخن -كالعاده بعد كل بدلية- فاجتمعوا حولي (آل بو سعابيل).. واللي يسلم واللي يواسي ...واللي يقول : والنبي انتا سكره !!!!
وقال احدهم: اللي ضحكنا اكثر هو تعليقك على نفسك...البدلية بحد ذاتها ممكن تمشي لو مشيتها...قلت: الباب وينه بس...بروح ارتاح...ورحت لغرفة المدير...واول ما وصلت لقيت الخبر عنده فقال: بشّر؟ قلت: ابشرك...اكبر من الجبل, وهات يا ضحك لين دمعت عيونه...فقال من باب المواساه: تصدق..بدلية الانسان الفصيح في الكلام..تكون كبيرة دائما!!
قلت : اي فصاحه الله يرحم والديك, اجل لو كنت مو فصيح شبقول؟
وطحت على الكنبه والله ماعادني بطيب...وطلب لي نسكافيه...لين ذلفوا الحضور..وطلعت للبيت..وصلت وعلى طول للسرير ابنام,ووالله ما فيني نوم كثر ماهي صخونه من البدليه, قالوا : غدا؟ قلت: لا بنام..قالوا: ماهي العاده, قلت: بغير نظامي.
والآن...ما رأيك في البدليه حقت صنموء الانداق؟؟؟ أكيد بتقول حلوة الكويت على بدلياتها طلعت (قس بن ساعده) قدام اخوك.
وان شاء الله تغير وجهة نظرك عن بدلية (الله يطول خشمك)..وتعرف انها ارحم من صنموء الانداق...بس فكني يرحم والديك منها.
المتبحر...:d
اي هذا الكرم والا بلاش..ان جاد بشعر عطنا معلقه..الله يهديك...
طويلة بس رائعة المعنا...
الثانية ...رائعة...قراتها كثير منذوا زمان قد ولي واندثر...لكن معانيها لزلت هنا ..معنا الى اليوم...
مبروك طلعت من قضية المخدرات كما الشعرة من العجين( مثل ما احبه)
المهم...نحن لزلنا نبحث نبي نصيد...المتبحر..ابو مالك؟؟
الى يشوفهم يجيبهم هنا..مطلوبين في قضية..مخدرات