مواقف محرجة

[هورايزن]

موقف محرج

مرا كنت بالدوانيه مع ربعي او واحد من الربع يقرا الجريده والجريده كانت قديمه او الحبيب غرقان فيها لدرجه انه ويها ما بين قتله فلان يا الخبل احد يقرا جريده قبل سبوع شنو انت مو عايش ويانا واستلمته ولا يلتفت علي اووووووف مو صاحبي هذا واحد ثاني اول مرا اشوفه انا انحرجت وايد قتله اسف عبالي محمد يقولي اي انا محمد هههههههههههههههههههههههه
لا مو انت محمد ثاني

انا حسيت بإحراج وأنا أقرأ مشاركة الأخ

 

[whahd1]

شفت شلون عاد تدري هذا صار صاحبي وحاليا انا حيل معاه الله يذكره بالخير

 

[غدير1981]

انا صار لي موقف حدددددده يفشل وبصراحه تعلمت منه درس عمري ماراح انساه

اول ماتوظفت في بنت معاي بالقسم كانت تسولف معاي ووايد حليوة وتقول يالله تعالي عشان تكونين معاي بالقسم وكنا نسولف وفجأة من ضمن السوالف تكلمنا عن الشواغر اللي عيال الديرة مو محصلين عاد قلت لها : احنا مو ذابحنا الا هالاردنيين والفلسطينيين حشا ماكلين الاخضر واليابس ياكرهي لهم هم يتوظفون ويصيرون مدراء واحنا عيالنا قاعدين ,,, طبعا هي كانت بس تهز راسها

عقبها دخلنا بسوالف ثانيه وجابت طاري اهلها وقالت انا امي فلسطينيه !!!

طبعا انا وقتها اعتذرت وقلت لها سوري ماكان قصدي قالت لا عادي

الحين خلاص من يومها تعلمت اني ما اخذ واعطي بالحجي على كيفي الا اذا عرفت الشخص اللي قدامي عدل واتمنى انتو بعد تقرون مشاركتي وتتعلمون من درسي لانه صج صج تفشلت :باكي:

 

[بو عصام]

انا صار لي موقف حدددددده يفشل وبصراحه تعلمت منه درس عمري ماراح انساه

اول ماتوظفت في بنت معاي بالقسم كانت تسولف معاي ووايد حليوة وتقول يالله تعالي عشان تكونين معاي بالقسم وكنا نسولف وفجأة من ضمن السوالف تكلمنا عن الشواغر اللي عيال الديرة مو محصلين عاد قلت لها : احنا مو ذابحنا الا هالاردنيين والفلسطينيين حشا ماكلين الاخضر واليابس ياكرهي لهم هم يتوظفون ويصيرون مدراء واحنا عيالنا قاعدين ,,, طبعا هي كانت بس تهز راسها

عقبها دخلنا بسوالف ثانيه وجابت طاري اهلها وقالت انا امي فلسطينيه !!!

طبعا انا وقتها اعتذرت وقلت لها سوري ماكان قصدي قالت لا عادي

الحين خلاص من يومها تعلمت اني ما اخذ واعطي بالحجي على كيفي الا اذا عرفت الشخص اللي قدامي عدل واتمنى انتو بعد تقرون مشاركتي وتتعلمون من درسي لانه صج صج تفشلت :باكي:

هالموقف أعتقد حصل لنا وايد..هذا حنا الكويتيين نتلحطم (ومعانا حق) بس الكثير من المرات التوقيت والمكان خطأ

 

[محبوووب]

من المواقف المحرجه في بداية أيامي في الدوام .. وظيفتي تحتاج أحيانا

اني أنادي أسماء المراجعين .. أنادي خمس مراجعين مع بعض ... ثم بعدهم

خمسه آخرين وهكذا

فكنت أنادي الأسماء بسرعه وبصوت عالي لكي يسمع الجميع ..

وما حصل أني ناديت أول اثنين .فأقول مثلا : أحمد علي . فيجيب هو : نعم .

فأقول خلود محمد فتجيب هي : نعم ..ثم قلت : جرررر . جرررر .
.فقلت بصوت منخفض مع تغير لون البشره إلى البنفسجي : جر .. جر .. جربوعه ... فقالت امرأه نعم .. وهي مفتشله كذلك .. وكان عدد كبير من المراجعين يتابعون الموقف

بدقه لأنهم كانو ينتظرون أن أنادي أسماؤهم حتى أن بعضهم قام بالضحك..

فما كان مني إلا أن أكتفي بهذه الأسماء الثلاثه ولم أنادي على الإثنين

الآخرين ... ودخلت الغرفه وانا مستغرب من هذا الإسم ومن الموقف .. ولما

دخلت عليي جربوعه إعتذرت لها فقالت : لا عادي انا تعودت على هالمواقف

المحرجه والسبب إسمي (وهذا طبعا ذنب أبوها اللي سماها هالإسم )

ما عليه طولت عليكم

لكن لا تشوفون ويهي وانا قاعد أقول : جر . جر . جر

وطبعا الربع ليلحين ماسكينها عليي ( جر جر جر )


ودمتم سالمين

 

[غدير1981]

كنّا فى فلوريدا بالولايات المتحده​

اخوى كان يدرس هناك وانا ورفيجى رايحين له زياره​

طبعا انا ورفيجى نتكلم لغه انكليزيه بطلاقه مخيبه للامال​

ومرينا للبنك رفيجى بيفتح حساب ​

ووقف جدام الموظفه بكل ثقه يبى يقول ابى افتح حساب عندكم​

فخرجت منه هذه الدرر​

(اى وونت تو اوبن ميثامكس)​

طبعا بلغتنا احنا​

الموظفه انبهرت وقالت وت ار يو سى​

يعنى شنو هاللى بيفتح رياضيات ​

وتوهق رفيجى طبعا انا لازم اتدخل​

وابى اقول للموظفه انتى مو فاهمه موقف صديقى او شنو يبى​

قلت للموظفه اوووو <<<<يعنى فاهم الحين​

(يو دونت اندر ستاند ماى فريند باركنق)​

باركنق عاد شنو هاللقافه​

طبعا تدخل اخوى وقال للموظفه الموضوع شنو؟​

اخوى ميت من الضحك والموظفه تهز راسها​

كانها تقول الحمدلله والشكر من اى كوكب هذيله​

بعدين سمعت انها انتحرت​

ما قدرت تقاوم الصدمه النفسيه​

هههههههههههههههههههههههههههههههههه

مت من الضحك الله يغربل بليسكم شدخل الباريكينج لا ومسوي يعني اللي بيعدل حق رفيجه :d

 

[whahd1]

مرا كنت مع اخوي بمحل ملابس قتله جرب هال البنطرون جربه ما عجبه اقوله شفيك ليش مو عاجبك يقولي يا معود جني مصري
انا عيني على الي يشتغل بالمحل مصري حدي افتشلت
لما طلعنا يقولي انا قاصدها احسه نصاب شكو ما ادري