شنو آخــر فـلـم ...شـفـتـه ؟

[kal ho na ho]

أحلى فيلم لأميتاب.. صج انه "ليجيند"..

(سلسله )

شفته للمرة الخامسة .. وقصته صج صارت بالواقع .. معاه طبعا ..

أعطيه 10 \ 10 ولاهو حقه بعد ..



ودمتم

 

[jody]

إن هل .. .. ..

 

[Strawberry]

امس شفت هالفلم (miracle at st.anna)

الفلم يصنف كدراما حربية و اكشن.. جدا اعجبني اعطيه 8-10

 

[kal ho na ho]

بما أن ما فيه مواضيع الليلة .. تستفز "قريحة" الشخص.. عشان يرد ..

بحط رأيي بفيلم هندي ... طبعا ..

أمس .. مادري "للتو" إذا تبون بالتحديد.. شفته ..

Ahistaa Ahistaa

البعض عاب عليه إنه فيلم مراهقات ... بس بالنسبة لي حلو وينشاف أكثر من مرة ..

ونهايته مو سعيدة للأسف ..


الفيلم يتكلم عن "آنكوش" شاب ماعنده شغل غير انه يوقف عند مكتب توثيق عهود الزواج .. ويتصيد المعاريس عشان يصير لهم شاهد ويعطونه فلوس كــ هدية ..

وعن "ميغا" بنت منحاشة من أهلها وتنطر عند المكتب صديقها عشان ويوثقون عقد زواجهم بالمكتب ..

عاد اللي يبي يشوفه يكمل الأحداث ...

الفيلم درامي رومانس نهايته كما قلنا .. ترفع الضغط ..

فيلم أعطيه 8\10 ...



ودمتم

 

[Modest]

كله افلام هندية

 

[k7elan]

فلم


land of the lost


فلم كوميدي خفيف


من اجمل المشاهد لما الديناصور يطارد بطل الفلم ((عالم الاحياء مارشال)) لأن الاخير انتقص من قدراته

العقلية

فالنتيجة انه حقد عليه و بدا يطارده بوسط الصحراء مع مجموعة ديناصورات تنتهي بقتل الديناصور بعبوة نيتروجين



نهايته ركيكة


تقديري له:-

جيـــــّد منخفض c-

 

[kal ho na ho]

كله افلام هندية

دعونا نزيد الجيلة .. هالليلة ..

واللي ما يبي يشوفها .. مش ملزوم ..

أدري انه ثلاث أرباع من يشوف حاليا .. ما يواطن الأفلام الهندية .. !! ماله إلا الصبر وش وداك له .. أقصد ردي ..

المهم ....


الاسبوع اللي فات شفت للمرة مدري جم .. فيلم "بوت ناث" .. "الشبح بوت" .. للأسف شاروخان كان ضيف شرف ..

الفيلم شكلة مال "مبزرة" .. بس مضمون قصته حزين .. عن الأبوة .. واشلون الولد يجحد أبوه ..

اللي بيشوف الفيلم يجّيك على لقطة أميتاب لما يطيح من الدرج .. ويلحق ولده .. شنو يبجي المشهد ..


عموما .. باستطاعة "البزران" .. مشاهدة الفيلم ..


أعطيه 9\10



ودمتم

 

[بو مشيري]

فلم هندي .. دراما على كوميديا على رومانسية .. ينفع حق البنات ..

للاسف قص علي واحد من الشباب وقالي شوفه .. فلم طقته وطقة افلام جاك شان اول ما طلع وحده .. فلم خيالي لليهال -14

روعه :إستحسان: فلم حلو قصة وحبكة اعطيه 9\10 .. طقة افلام جورج كلوني

 

[السلطاني]

الأفلام المصرية الجديدة بدأت تلعب على وتر ( الإغراء والشخلعة )...

اليومين دول...زيادة جرعة _ الجمهور عاوز كدة _

 

[شين الحلايا]

​

الفلم بطوله​

شاروخ خان​

​

برتي​

الفلم رمنسى حزين ​

 

[kal ho na ho]

الفلم بطوله

شاروخ خان

http://www.q8ow.com/up/


برتي


الفلم رمنسى حزين ​

هذا الفيلم أعطيه مو 10 \ 10 .. إلا 1000 \ 10

و يطالبك زود بعد ..!!! سوبر هيت فيلم ..

على كثر ما شفت وطفحت ... لكن هالفيلم "سبشل" ..

إللي فيه ضغط وقلب .. واكتئاب .. أنصحه لايشوفه ..




الله يرحم أيام سينما الفردوس .. آخر فيلم هندي نزل فيها قبل لا تنهد ...!!







ودمتم

 

[k7elan]

هذا الفيلم أعطيه مو 10 \ 10 .. إلا 1000 \ 10

و يطالبك زود بعد ..!!! سوبر هيت فيلم ..

على كثر ما شفت وطفحت ... لكن هالفيلم "سبشل" ..

إللي فيه ضغط وقلب .. واكتئاب .. أنصحه لايشوفه ..




الله يرحم أيام سينما الفردوس .. آخر فيلم هندي نزل فيها قبل لا تنهد ...!!







ودمتم

من شفت نكك و انا متحير بمعناه و دي اي موضوع يجيب لمعاني النكات طاري لأجل اسأل

بما انه عرف مغزى الاسم المستعار


راح اكتب اسمه مع الافلام الهندية اللي ذكرتها لأجل اشتريهن متى ما مريت على سرداب

عذاري للفيديو

 

[الفراشة]

فلم


land of the lost


فلم كوميدي خفيف


من اجمل المشاهد لما الديناصور يطارد بطل الفلم ((عالم الاحياء مارشال)) لأن الاخير انتقص من قدراته

العقلية

فالنتيجة انه حقد عليه و بدا يطارده بوسط الصحراء مع مجموعة ديناصورات تنتهي بقتل الديناصور بعبوة نيتروجين



نهايته ركيكة


تقديري له:-

جيـــــّد منخفض c-

والله معك حق ... تبي الصدق نزلته حق العيال عجبهم بس أنا عندي سخيف ...

دعونا نزيد الجيلة .. هالليلة ..

واللي ما يبي يشوفها .. مش ملزوم ..

أدري انه ثلاث أرباع من يشوف حاليا .. ما يواطن الأفلام الهندية .. !! ماله إلا الصبر وش وداك له .. أقصد ردي ..

المهم ....


الاسبوع اللي فات شفت للمرة مدري جم .. فيلم "بوت ناث" .. "الشبح بوت" .. للأسف شاروخان كان ضيف شرف ..

الفيلم شكلة مال "مبزرة" .. بس مضمون قصته حزين .. عن الأبوة .. واشلون الولد يجحد أبوه ..

اللي بيشوف الفيلم يجّيك على لقطة أميتاب لما يطيح من الدرج .. ويلحق ولده .. شنو يبجي المشهد ..


عموما .. باستطاعة "البزران" .. مشاهدة الفيلم ..


أعطيه 9\10



ودمتم

شفت الفيلم بالصدفه على زي أفلام لا بأس فيه كفيلم بس حسافه دور شاروخ كان بسيط ...

​

هذا الفيلم أعطيه مو 10 \ 10 .. إلا 1000 \ 10

و يطالبك زود بعد ..!!! سوبر هيت فيلم ..

على كثر ما شفت وطفحت ... لكن هالفيلم "سبشل" ..

إللي فيه ضغط وقلب .. واكتئاب .. أنصحه لايشوفه ..

هالفيلم روعه روعه ماأذكر كم مره شفته ....

أي فيلم لشاروخ خان شفته وخاصه اذا كان مع بريتي أو راني يكون رائع ...

أمس نزلت فير زارا بالرغم من أني شايفته أكثر من مره بس في خاطري أشوفه ...

وحتى نزلت باهلي بالرغم من انه خرافه بس حلو .... ( ولا أنسى ديفداس :إستحسان: )

* انا أحب الأفلام الأجنبية بالدرجة الأولى لكن أي فيلم فيه شاروخ خان لابد أني أشوفه

يختار ادواره بدقه والقصص تكون معقوله وفيها حبكه مو مثل بعض الأفلام فيها مبالغه

وشيء مايتصدق ...

 

[الفراشة]

اي نسيت أخر فيلم شفته أمس هو :

قصه حلوه .. مو شيء غريب أي فيلم تمثله ساندرا حلو ....

 

[k7elan]

بالمناسبة kal ho naa

فلم رومانسي..؟

 

[وزير سابق]

آخر فلم شفته

عنتر وعبله

بسينما الحمراء ​

 

[kal ho na ho]

ماشاء الله اطلعوا ربع الانديان موفيز..!!!



الاسبوع اللي فات وبالتحديد العصر .. شفت فيلم مغبر اسمه ..

زبيدة

الفيلم مصنف من الــ آرت موفيز .. يعني لا بوليوود .. ولا توليوود ..

قصته تجيب الهم والغم .. بس ما يمنع أنه جميل وحق الــ نخبة من المشاهدين ..


اللي قرأ رواية "أنا كرنينا" .. بيحس أنه الفيلم فيه من الرواية ..


أعطيه 9\10 لأن المخرج لعب بأعصابنا ..







ودمتم

 

[noor2009]

He's Just Not That Into You

فلم دمة خفيف رومانسي واقعي عن محاولات المرأة للوصول لقلب الرجل و عدم اقتناعها بعدم اهتمام الرجل بها البطلة دمه خفيف اشلون تحن و تتصل و تحاول بدون فقد الامل
مساكين الحريم حتى بامريكا مع الحرية مو قادره على السيطره على مشاعرها مفروض تكون متعوده بس هذا دليل ان الرجل بعد الزواج شي ثاني

 

[kal ho na ho]

فيلم " New York"على سينما أجيال توني جاية منه ...

الفيلم حلو ... فيه أكشن" وأنا لا أحبذ الأكشن بتاتا" ..

ينشاف مرة وحدة ...

أعطيه 6\10



ودمتم

 

[Venezia]

آخر فلم حضرته قبل يومين

في الشانز .. صالة الـ Lido

Harry Potter and the Half blood prince

و هو الجزء السادس من سلسلة أفلام Harry Potter الشهيرة ..

الفلم جيد .. و لكن أرى أن الاجزاء السابقة كانت ذات مضمون اجمل ..

و قصة مقبولة اكثر ، المؤسف في هذا الجزء هو وفاة Dumbledore

و اللي ما ساعدني اندمج بالقصة اكثر اني ما شفت الجزء الخامس ..

و إن مع الاسف كانت الصالة ازعاج كعادتهم العرب يسافرون و تسافر معهم

العادات السيئة .. ( سيدة كويتية و مكالمة هاتفية مدتها 10 دقائق تقريبا ) خلف اذني

مباشرة

لكن الفلم اجمالا حلو .. و ان شا ءالله سأدخل له مرة اخرى عند عودتي للكويت


:وردة:​