عتيج الصوف ولا جديد البريسم

[عتيج بن قحطه]

السلام عليكم رحمة الله تعالى وبركاته.

طبعا هذا اول موضوع وان شاء الله ينال اعجابكم كلكم.

اليوم حبيت اتكلم عن ايام قبل قبل قبل .

في السابق كانت الكويت واهل الكويت عايشين على الغوص.

كانو يطلعون الغوص علشان يجيبون محار ويطلعون الؤلؤ.

وكانت الديره بخير والحمد لله .

وووو لو اشرح لكم السابق ما اخلص .

اما الحين ونحن في زمن التطورات وعصر التكنولوجيا.

يعني مثلا الفضائيات والبلوتوث وووو كلها سلبيات وايجابيات.

الفضائيات تقدر تشوف فيها قنوات قرآن واخبار وتقدر تشوف فيها قنوات

فسق وفجور ورقص ومهزله ومسلسلات خيانه زوجيه وكلام فاضي.

والبلوتوث بعد فيه الزين والشين يعني مثلا شوفو الفضايح اللي طلعت من

البلوتوث.

انا حبيت اوضح شي (اللي ماله اول اكيد ماله تالي)

مااعتقد ان اجدادنا وابائنا تعبو علشان يشوفون اللي قاعد يصير الحين.

من فضايح بلوتوث وغيرها وووو.

تربيه الاباء والاجداد كانت تربيه اصيله.

وين احنا منهم ومن تعبهم.

ارجو كل واحد يبي يرد يكون عقلاني في رده.

ولا تنسون المثل اللي يقول كما تدين تدان هذا حق اللي ينشرون بلوتوث.

والله المستعان.

(عتيج الصوف ولاجديد البريسم)

 

[سعيد]

هلا ومرحبا فيك أخوي عتيج بن قحطه..

في البداية أرحب فيك .. ونتمنى نستفيد من مشاركاتك ..

أخوي ..

الأجيال تتغير .. في السابق كان التغير بطيئا والآن بفضل ثورة المعلومات والاتصالات أصبح كسرعة البرق ..

قد تكون كثير من أحكامنا على عصرنا مبنية على انطباعات نفسية لأننا نحس بنوع من الغربة .. بسبب هذا التغير وصعوبة التأقلم معه ..

لذلك يروى عن علي بن أبي طالب رضي الله عنه ..:" الناس بأزمانهم أشبه منهم بآبائهم .."

فالإنسان يتأثر بزمانه وهو ابن بيئته ..

أهم ما يجب علينا أخي أن نحافظ على أخلاقنا الجميلة مهما تغير فينا الزمان أو المكان !!

الطيبة والرحمة والوفاء نابعة من القلب ليست متعلقة بالماضي ولا الحاضر ولا المستقبل ..

شكري لموضوعك الجميل ..