عضو جديد:رجل: سعدت كثيرا بالأنضمام لكم
ارجو ان افيد واستفيد :فهوة:
اخوي ابو العتاهيه..اشلون صرت عضو جديد..!!!
اما ان عداد المشاركات "صفّر" عندك..وهذا الشي ما اتوقعه..
لأن عداد مشاركاتك يشير الى انك كاتب ثلاثة آلاف وسبعمائة وثلاثة وعشرين مشاركة..هذا غير المشاركات التي سوف تنكتب بعد هذه المشاركة..
يعني لو نبي انحسبها..وانقسمها على سنة..
والسنة فيها اثنى عشر شهرا ً...
و بنفس الوقت فيها ثلاثة مائة وخمسة وستون يوما ً...
يطلع لك ثلاثة مائة وثمانية مشاركة بالشهر...
يعني من عشر الى احد عشر مشاركة في اليوم اذا مو اكثر بعد..
يعني على هالمشاركات..تقدر اتسويلك مو بس كتاب..الا مجلد..قول اثنين..
واللي يزيد تقدر اتوزعه على كتيبات...
يعني المفروض ان العداد... يقلب..او يبوش من كثر هالمشاركات..
بس للحين "كاهو اشزينه"..قاعد يزيد ويحسب ويعد بعد...
اخيرا ً...
علشان ما اتقول عيني حاره..
اللهم لا حسد...
ايي نسيت..شي بعد..
ان مشاركاتك الثلاث آلاف وسبعمائه ومادري جم (نسيت من كثرها)
كلها متنوعه..
يعني موزعه على اكثر من منتدى..بين سياسي وحر وديني واجتماعي...وحتى الاقتراحات..
وهذا يدل على سعة اطلاعك..وكثرة قرائتك...
والله ودي ازيد بس اخاف اتقول هذا يحسدني..
بعد يمكن هذا مو المنتدى الوحيد اللي تكتب فيه..
يمكن عندك اكثر من منتدى تكتب فيه...عندها سوف تتغير الارقام وتتغير الحسبة بعد..!!
يبه.. انا بوقف..
اللهم لا حسد
عاد وسع الصدر مو تزعل..
"اتشاقى" وياك..عاد..
تحياتي لك,,