البارحة وصلني ايميل فيه الكود الدولي لغزة .. مع رسالة قصيرة تطالب من يستطيع بأن يتصل ويقول لمن يرد عليه من أهاليها بأن قلوبنا معهم .. وأننا ندعوا لهم بأن يحفظهم الله ويرفع عنهم الغمة .. وبعض كلمات التصبر والتثبيت .
كان الكود :
009708286
+
أربعة أرقام كيفما كانت ..
كان هذا البارحة ..
قبل قليل رجعت للايميل وقلت خلني أجرب .. لعل وعسى يكون صح !
اتصلت .. وشبك على الجهة الثانية بعد محاولتين .. واذا بصوت سيدة !
حامض حلو : السلام عليكم !
السيدة : وعليكم السلام ..
حامض حلو : حبيبتي عفواً .. بس هذا وين ! << كنت أبي أتأكد !
السيدة : هاي غزة !
حامض حلو : فديت أهل غزة :قلب: << ماصدقت سمعتها تقول غزة !
حامض حلو : حبيبتي أنا أكلمج من الكويت .. وحبيت أطمئن عليكم .. ان شاء الله بخير يارب ؟
السيدة : احنا بخير .. الله يعطيكي العافية << احس بصوتها شوية صدمة
حامض حلو : والله قلوبنا معكم هني .. وندعيلكم ان الله يحفظكم .. ويدحر عدوكم .. يمكن مستغربة يا قلبي لكن فكرت أني أكلمكم ونعلمكم أنه احنا معاكم ولو بالدعاء ..
السيدة : الله يرضالي عليكي .. ويعطيكم العافية .
سلمت عليها بالأخير وصكيت التلفون بعد ما حسيت الدمعة طفرت من عيني !!
هذا ما جرى معي ..
واللي يبي يحاول عاد هو وحظه منو يرد عليه .. كنت أطلب الأجر .. وهذا أضعف الايمان .
.