لماذا التباكي على عسكر ؟؟ ياجماعة أولا اللي يقعد يتباكى على عسكر عشان القبيلة ترا كل قبيلة فيها ناس شذوا عن الفرعي دون استثناء أستغرب التهويل لا ووشوفوهم بعضهم مو واحد ولا اثنين ثلاثة وطالع , ونزلوا مستقلين , عنزة الآن مافيها غير عسكر هو اللي طلع عن الفرعي هذا بالعكس تقدم ,
ثانيا زين سوا عسكر افتكيتوا من عسكر وخلصتوا منه وهو اللي ريحكم من نفسه اذا قادر يجيب من برا القبيلة وينجح هذا الميدان ياحميدان ان نجح كان بها وان مانجح طاح على راسه وخلصتوا منه لانه الرجال خلاص حرق نفسه عند قبيلته , وبالمرة خلصتوا منه لأنه متواضع الأداء وعضو خدمات من الطراز الأول , وحتى ان لم تنجحوا في ايصال أحد بسبب خروج عسكر وتشتيته الأصوات مو مشكلة في مرات قادمة وفي انتخابات جاية المهم انه الفرصة جت لحد عندكم وضربتوا عصفورين بحجر الأول خلصتوا من عسكر ودم عسكر وذنبه وهو الي حفر قبره بيده , والثاني بتأدبون عسكر وتخلونة عبرة لكل من يشذ عن راي الغالبية ثالثا فضى مكان عسكر لغيره من ذوي الكفاءات , الآن كرسي عسكر والحماس لعسكر خلوه لغيره لناس على قدر من الكفاءة وذات سمعة طيبة , حتى ان لم يحالف الحظ القبيلة هلسنة , المهم تأديب عسكر أولا وثانيا حتى يترك المجال لغير عسكر, عسكر أخذ مكان غيره هناك ناس على قدر من الكفاءة في عنزة حرام يقعدون وعسكر يطلع مكانهم, ادعموا هؤلاء واعملوا على تهييئتهم وتقديمهم للقبيلة وللدائرة أجمع من الآن,
لديكم 4 خيارات وعندكم رجال على قدر من الكفاءة وافضل من عسكر مليون مرة دكاترة ومهندسين ومتحدثين جيدين وواعين ورجال على قدر من الأمانة وسمعتهم جيدة اختاروا منهم الأصلح , قبل كان التمسك من قبل البعض بعسكر ليس عن قناعة بأدائه وانما لأن له حظوظ أكبر ولأنه ينافس ويعرف للانتخابات جيدا , الحين بما انكم خلصتوا منه قدموا لنا كفاءاتكم فرصة وجتكم ورب ضارة نافعة حتى وان كانت الحظوظ ضعيفة المهم المحاولة وتقديم هؤلاء الكفاءات والتعريف بهم وتقديمهم للدائرة وللقبيلة , للأسف كثير منهم غير معروف بالنسبة للدائرة والقبيلة وأكثرهم جدد أعطوهم فرصة أحسنوا الاختيار وقدموهم للناس وللدائرة
أتوقع اللي بينجحون بالفرعي
1- علي دخيل
2-الدكتور هلال صاهود
3- المهندس طلال منيزل
4- الله أعلم