محمد البدر وربعه

[EagleNest]

يأخواني وخواتي أمس الاثنين الساعه التاسعه صباحا حصل معاي موقف أقسم بالله أني حسيت كأننا بدوله دكتاتوريه

راح أنقلكم الي حصل وياي واقسم بجلاله الله اقسم بجلاله الله أقسم بجلاله الله بالحرف الواحد بدون نقص او زود

نبدأ

ذهبت الي البر (لي فيه الجاخور ا الحلال ) ومكانه المطلاع كيلو 3 خلف الوزن

كنا مخيمين العائله قريب من الجاخور الخاص فينا وحلالنا ( غنم ) وبعد ماشلنا الخيام في جبرات وغرف كيربي ( حديد) شلعتهم وقصصتهم وسفطتهم وحطيتهم بجنب الجاخور وغطيتهم قلت متى مافضيت بروح ابيعهم حديد وبعد ماجا 1-4 وصلت فرقه الازاله وعاينه الجاخور قالو شيل الشينكو وحط بس شبك قلت انشالله شلنا الشينكو وحطينا شبك وبعد مافتر حول الجاخور قال شنو هذا الي مغطينه قلنا حديد جان يقول شيلوه قلت مايضر مسفطه ومخليه حتى مايجمع تراب قال اذا بعد اسبوع اذا شفته أحمله قلت انشالله وبعدها أمس حضر وشاف الشينكو الكيربي مسفطه وكنت بحمله أمس بس انطر الهاف لوري يجي يحمله وطول علي الهاف لوري جان تجي الازاله جان يقولي تبيعه لي قلت لا جان يقول لربعه حملوه بالنسافات قلت الي يمد يده عليه اكسره له جان يقولي روح ارفع عليك قضيه قلت ذاك المخفر اذا مادله انا ادليك جان يقول تهديد هذا قلت افهم مثل ماتبي تفهم جان يقول انا اراويك راح وبعد نصف ساعه جايب دوريه فيها عقيد جان يقول ها تبيعه ولا احولك للمخفر قلت سومه واعطني فلوسي وحمله جان يقول ب30 قلت توكل على الله

جان يقولي العقيد ها خفت قلت انا ماخاف الا من رب العالمين بس الاحترام لنجومك والقرار الوزاري

( اقسم بالله اقسم بالله اقسم بالله ) هذا الي صار وياي بالحرف الواحد

اخوي بالفعل ضع الاسم ولكنك ايضا قبضت ... اين المبدأ ... بعد ما بعت بفلوس !؟؟ وان بيع بالاكراه كنت سجلت اسامي من فعل ذلك

 

[EagleNest]

يشتكي للبدر ليش .... اذا البدر نفسه متهم بقضيه سرقه حديد مقاهي تمت ازالتها ..... الله المستعان

واللي يزعج اكثر ان فداويه البدر متواجدين بكثره في الشبكه الوطنيه

تحياتي

فداوية ؟؟؟ انا اؤيد محمد البدر .. لم فداوية تريدنا لا نتكلم ونأيدك عشان نصير مو فداوية؟؟؟ ماعندك سالفة شكلك دمروا دوانيتكم ومحتر .. اشرب ماء بارد

 

[ديوان جبله]

يشتكي للبدر ليش .... اذا البدر نفسه متهم بقضيه سرقه حديد مقاهي تمت ازالتها ..... الله المستعان

واللي يزعج اكثر ان فداويه البدر متواجدين بكثره في الشبكه الوطنيه

تحياتي

وانت صاج يالعبدلي اذا البدر براسة باع حديد قهوة ديوان جبلة بغير وجهة حق يعني سرقة!!! ومحسن ابوصليب صاحب المقهى هو من رفع قضية ضد البدر وبعد عناء تم استدعاء الملاك البدر للنيابة والمصيبة انة قال انا عندي كامل الصلاحية في بيع الحديد المزال؟؟؟ وقبل لايحاولون الفداوية التعليق او الرد رقم القضية5803/2008 نيابة الاموال العامة والقضية مازالت منظورة اما القضاء للي حاب يستفسر عن القضية وشكرا-اما انت اخي صاحب الموضوع لوسمحت راسلني على الخاص باسم موظف اللجنة والعقيد اذا حاب تشتكي

 

[يوزر انتحاري]

أخوي لاتسكت هذا مو حقك فقط حق الكويت بأكملها لازم نحط حد لهلبلطجية , روح وقدم شكوى عليهم وقبلها توجه للصحف وانشر ماحصل لك هناك

 

[الخريط الاصفر]

هذول هم اللى يشووهون سمعة البدر

روح عند البدر و اشتكى له عليهم....و ابدا باجراء قانونى و ارفع عليهم قضيةو ان شاء الله تاخذ حقك

و اعتقد اذا فى احد من جماعة الفريق البدر فى المنتدى ان شاء الله يوصل له موضوعك بشكل مباشر

فيه مشكلة صغيرة

انه اذا راح للبدر او راح حتى للمحاكم

المحاكم تريد أدله

هل لديه أدله ؟

تنفعه عند البدر او حتى بالمحاكم

حتى المحاكم تحتاج أدله

الا اذا انا غلطان بتحليلي !

والله أعلم

وقبل فترة


كانوا التجار السوريين تجار السكراب

او حتى البنغاليين

صقور يتنتظرون الفريسه

بس ينتهون الازالة من عملهم

جاهزين لشراء الموجود بارخص ثمن

والله يعوضك خير منه

وصدق وآمن بالله

ان اللي يعيش بالحيله يموت بالفقر




​

 

[العثماني]

حقك كمواطن كشف هؤلاء المرتزقه ... راكض ورها أو راسل العثماني دقلك الصدر

بس ارجوا ان لا تسكت

حاضر .. يرسل اسم العقيد فقط

 

[kwt.store]

الظاهر مساكين فرقة الازالة ما اصرفولهم مخصصاتهم
شباب افتحوا صفحة لجمع تبرعات لفريق البدر​

يكسروووووون الخاطر صاروا بنغاليه يجمعوون الحديد​

 

[kwt.store]

ياجماعة لازموا معيار الأصل والفصل في التعينيات للمناصب القيادية
لأن إذا لم يردعه دينه واخلاقه
قطعا راح يردعه اصله وفصله

 

[بو مشيري]

غلطان تبيع ياخوي ؟ ياييين عندك يهددونك تبيعلهم ؟

هل لهم حق و صلاحية مصادره الجينكو دام انه داخل الياخور ؟

و عالعموم يا زميلنا لا تسكت .. اتصل على رقمهم 24319000 و قدم شكوى .. وان ما فاد كبر الموضوع و بتشوف الي يوقف وياك ..

 

[swalif23]

البدر ماعنده فداوية لا بالمنتدى ولا بره
في ناس ثانيه متعودين على نظام الفداوية تاريخيا

 

[ديوان جبله]

البدر ماعنده فداوية لا بالمنتدى ولا بره
في ناس ثانيه متعودين على نظام الفداوية تاريخيا

جنك طلعت واحد منهم؟؟؟؟ صادوووووووة

 

[القطبي]

نحن لا نشك بإخلاص الفريق البدر بتطبيق القانون الذي تأتي ثماره للصالح العام00
فتخيل عدم وجود فريق الإزاله فكيف ستصبح الكويت00؟!!!
الواجب علينا بأن نساند ذلك (فريق الإزاله) و نتعاون معهم كي يكون هناك احترام للقانون و الإلتزام به0000