سوالف اسمعها؟؟؟

[غير محدد الجنسية]

والله الي سمعته من شباب يسولفون يقولون العنوز متهاوشين مع عسكر العنزي وما راح يدعمونه بالأنتخابات صج هالكلام ولى أشاعات بس لتشتيت الأصوات لأن صراحه قاعدين نعيش بهالشهرين بتوتر صراحه لازم نأخذ نفس طويييييييييييييييييل لنسيطر على أعصابنا لان بجد مو قاعدين نركز بهالأصوات وبلنسبة للمنتخبات طبعا بكيف زوجها يقولها سوي جذي تسوي جذي وهذا أكبر غلط فلازم حتى المرأه اي تقرر تمنح صوتها لمنو فأرجوا من خواتي المنتخباة بأن يصوتوا للي يبونه وعدم تدخل الزوج بصوتها أرجوكم نبي هذه الأصوات للكويت وليس للأحزاب او القبليات او الطائفيات نبيها للكويت


الله


الوطن



الأمير




كويتي وأفتخر ( البدون )

 

[انتخابات لم يرد عليها]

غير محدد الجنسيه مساك الله بالخير وما احب اطول عليك وابيك تذكر كلامي زين , عسكر العنزي راح يجيب اكثر من اصوات فرعي عنزه وماهو شرط يفوز ولكن سوف يجيب اكثر من اصوات الملتزمون والايام راح تثبت صحة كلامي
وشكرا

 

[فهد الحمود]

مساكم الله بالخير في البداية أحب أسئل عن أخباركم واتمنى تكونين بصحة وعافيه لاني قطعت عنكم حيل مو شويه

بالنسبة لقضية عنزة والفرعية اللي صارت مؤخرا قد أقتنع بأثنين فقط أما البقية ما يشوفون شر طبعا خضير أبشرك محد مقتنع فيه سواء نزل مستقل أو حدسي أو أن شاءلله هندوسي لأن الوضع اللي أحنا فيه ما يسمح للمجامله أبدا والفترة اللي قعد فيها تكفيه يقدم أي أنجاز خل حدس تنفعه

أما بو عبد الله عسكر العنزي طلعت عليه الكثير من الأشاعات وأول الأشاعات أنه مدعوم وأنه حكومي ولكن نخلي كل هذا على صوب لانه لا يسمن ولا يشبع من جوع

عسكر العنزي شباب ومحترم جدا وخدوم ويستقبل جميع القبائل سواء من داخل المنطقة الرابعة أو خارجها ولا صار لا سمح الله لك مصيبه والله ابتلاك فيها أول من يفز اهو وأتوقع الكل يذكر سالفه الكويتية اللي تم حجزها في سوريا !! لأسباب لا أعلم حقيقتها ولكن المصادر تؤكد بأنها تشابه أسماء

سؤال : السفارة أقدرت تسوي شي ؟ الجواب " لاء "
سؤال : النواب أقدروا يسون شي ؟ الجواب " لاء "
سؤال : الحكومة أقدرت تسوي شي ؟ الجواب " لاء "

جزاه الله خير راح حجز تذكره على حسابه وسافر بنفس اليوم ثاني يوم الكويتية وياه والكل مستقبلها بالمطار بالفعل أحنا محتاجين فحول تخدم الوطن وتخدم الشعب

وفي النهاية نتمنى لعسكر العنزي الفوز في هذه الأنتخابات سواء بوجود الفرعية أو دونها والله ولي التوفيق