كل اللي ردوا بالسب والشتم .... لايستحقون الرد
أما بقية الأخوه اللي يختلفون معي .... ودهم يهاجمون الفرعيه ومو قادرين لأن وضع مسلم وبورميه يختلف وضعهم عن الأنتخابات اللي فاتت
عنزه وقبايل الشمال عطوهم سكب هالسنه وطردوا مناديبهم و ( مندوباتهم ) ولذلك توجههم في أنتخابات 2009 قبلي ومطيري مئه بالمئه
وكلنا شفنا مسلم رفع عقاله لبريه وشفنا وقفته الغريبه مع بو رميه مع أنه في الأنتخابات اللي فاتت كشت في مطير كلها في أحداث المحافظه .......
أنا قلت لكم في فمكم ماي وآخر همكم القبيله .....
نفس الأشخاص اللي كانوا يهاجمون الفرعيه في الأنتخابات اللي فاتت وراكبين موجة الوطنيه , وأن مرشحينهم للجميع ولن يطأطأوا رؤسهم لأحد , في 2009 زاد غلا مطير عندهم وصار واحد منهم يرفع والثاني يكبس , واحد يمدح مرشحين مطير والثاني يبشرهم بالسقوط ....
وأنا من أول مداخله فكرتي واضحه جداً , كونك تدخل الفرعي وتصوت لفلان وعلان معناها أنك ستقبل المخرجات لك أو عليك وتكون مع المتحدون بلا أستثناء .....
وأقول لأخوي جليس الشبكه اللي أعترف أنه شارك بالفرعيه ولن يلتزم بها
هذا بلا أبوك يا عقاب وهذي والله رداة النصيب والتخاذل اللي يخجل غيرنا أنه يتكلم فيها
مسلم البراك وبورميه وللمره الألف الله يوفقهم بس مو على حساب القبيله اللي قالت كلمتها
أما أنكم تكونون رجال وتكونون قد كلمتكم أو تبتعدون عن الفرعيه ومحد يلومكم ....
اللعب على الحبلين والتعامل مع الفرعيه وكأنها لا أهمية لها ولعب أطفال غير مقبول أبداً
أما كلامي عن بريه بالذات فمن واقع أرقام واضحه للجميع
وأنا ما ألومهم على دعم مسلم والدكتور ضيف الله بورميه
ولكن اللوم كله على اللي مع مطير مطيري ومع مسلم وبورميه بريهي
ألتزام المتحدون في الأنتخابات اللي فاتت 6995 صوت
معدل حصول المتحدون على الاصوات 10500 تقريباً مجموع الأصوات تقسيم أربعه
يعني تقريباً أصوات علوى وعبدالله لعب دور كبير بالألتزام
وبريه صوتت بالكامل ضد الفرعيه
الأصوات المشتركه لمسلم وبورميه 5320 صوت
ولو عرفتم عدد اللي صوتوا لهم فقط أو عرفتم أعداد السنقل لكل منهما لعرفتم أننا تعرضنا لعملية خداع ونصب كبيره
وهذه لا يقبلها رجل على نفسه
العجمان يلومون المحافيظ اللي ينجحون ربعهم في الفرعيه ووالله أن المحافيظ أرجل مليون مره من اللي يضرب فرعية ربعه ....
لهم مرشحين خارج الفرعيه وداخل الفرعيه ملكي أكثر من الملك ......
رابحين رابحين
أن مانجح اللي بالفرعيه ننجح ربعنا اللي خارجها
أدري طرحي حار شوي بس اللي قاعد يصير مهزله
يشارك بها الجميع
مسلم وبورميه وربعهم بشق صف مطير ........
وبقية مطير لأستمرار المهزله
وللأخوه اللي مو عاجبهم طرحي
أذكر بعنوان الموضوع: متحدون 2009 والسقوط القادم