متـــــــــــــــحـــــــــــــــدون 2009 والسقوط القادم ..!!!

[رقم واحد]

محمد هايف وماجد موسى والوعلان لهم اصوات علوا وعبد الله ليس تحالفا انما رد على الانتخابات الماضيه الذي ثبت ان اصوات بريه ذهبت للبراك وابو رميه ومزيد وحجيلان مع اللتزام علوا وعبد الله للقائمه

 

[بو ماجد]

محمد هايف وماجد موسى والوعلان لهم اصوات علوا وعبد الله ليس تحالفا انما رد على الانتخابات الماضيه الذي ثبت ان اصوات بريه ذهبت للبراك وابو رميه ومزيد وحجيلان مع اللتزام علوا وعبد الله للقائمه

لو تزيد عليهم بو علي حسين مزيد بكون أختيارك ميه ميه
خلك مع المتحدون تفلح​

 

[مطيري وفتخر بربعي]

أشكرك على الأعتراف وعلى الصدق​

أشتركت بالفرعيه وصوتت لمن تريد وبالعام تصوت لمسلم ولبورميه ​

طيب ليش مشترك بالفرعيه؟​

أحس أني أكرر كلامي وفعلاً الطق بالميت حرام وانتم قلوبكم ميته وصار عندكم خلط مفاهيم خطير جداً وأعتقد غير قابل للشفاء​

الأنقلاب على الفرعيه صار لازمه لكم وتذكرونه وكأنه شئ طبيعي و مرجله​

لو كنت ضد الفرعيه وما شاركت فيها لأحترمت قرارك ......​

ولكن للأسف اللي أشوفه منكم العكس​

الواحد منكم يقول​

أنا صوت بالفرعي لفلان وعلان وبالعام راح أصوت لمسلم ولبورميه وغيرهم .... وش عندك؟​

عندي أنك غير محترم وأنتهازي وعنصري ومالك كلمه وبعيد كل البعد عن المبادئ والقيم​

بصراحه كنت أتمنى أن واحد منكم يهاجمني لأني من دعاة الفرعيه والقبليه ويطالبني بأختيار الأفضل لي وللوطن ويسوق مبررات قد تغير موقفي​

ليش لا ​

أكرر ​

أنتم بالفرعي مطران وبالعام من الدعاة لمسلم وبورميه مع سبق الأصرار والترصد​

أنا ثابت على موقفي وسأصوت لحسين مزيد ومحمد هايف و ماجد موسى والوعلان​

مع مطير ومع الفرعيه ومع المتحدون لأني أحترم نفسي وماني صاحب بالين​

وش عندكم؟​

والله ماعندك ماعند جدتي,,,,

يااخي انت من حطك وصي على مطير؟؟؟؟

انا صوت بالفرعي والي صوتلهم نجح منهم ثلاثه ,وراح اقطع عن واحد منهم واعطي مسلم وبورميه انت وش دخلك,,,ياخي هذي قناعتي

بعدين لو حنا يالبرهان عنصريين على قولك كان ماخليت حسين مزيد واعطي الوعلان ومحمد هايف ,,,وارجع واقولك انا انشالله راح اعطي مسلم وابورميه والوعلان ومحمد هايف,,

وعلى فكره اذا شطب الوعلان ودخل مكانه طرقي راح اعطي الصوت الرابع ماجد موسى,,تقولي ليش اقولك هذي قناعتي,,,

يعلم الله اني اشوف مطير كلها دمي ولحمي بكل افخاذها وماعمري فضلت فخذ عن اخر ,,

بس انت مريض ,,,

 

[المتحدون]

بوماجد : كيف حالك ؟؟


يالغالي انا اللي اشوفة الكل معارضك والكل ضدك ؟؟ ياخي انت مافكرت بهالشئ ؟؟ ماقلت ليش كل هذولي ضدي ؟؟ ياخي انت انسان مريض جد واللي اثبت لي كلامك كل يوم ؟؟


ياخي قولي شنو تبي توصل له ؟؟ قسم بالله انك غبنتني ..

تروح وترد على { بريـــــه } ؟؟ ياخي ترى كلناا عيال عم واستح على وجهك وتراك بمكان عام ومانت بمنتدى يخص مطير بس الله يصلحك ويرجعك لـ عقلك ..

..

اخوك : العبيـــــوي ..

..

 

[الوسمي1]

الاخوان شفيهم متشنجين


العام نزلو 7 اقل واحد بالسبعه حقق رقم صعب


فيااخوان من الان ابلغكم اذا اصبح الحضور مثل السنه اللي فاتت

اقل واحد فيهم بيكون مركزه السابع

يعني النجاح مضمون ماهو تقليل بقدر باقي القبايل

ولكن الخارجين عن الفرعيه كفو ويشهد لهم القاصي والداني

واللي داخل الفرعيه كفو ايضا ويشهد لهم القاصي والداني

والكلام والاخذ والتجريح بالمنتدي ماله سنع

توكلو على الله وبعد النجاح باركو للكل وانتهي


وياليت كلن يهتم بتنزل سيرت المرشحين لتعريف الناخبين ابرك

 

[ناشط]

ههههههههههه فيه رائحه عفنه واشكال مرضى من مطير للحين ماتعلمو ا من ناصر بداح اللى طلع القصيده للحين شايفين نفسهم فوق العالم ابشروا ان قاله الله تبى ترضيكم الصناديق والشمال اهل نخوه وفزعه والحقوا على متحدونكم ان قاله الله
انه والله كنت افكر اعطي مسلم بس والله مايشم الصوت اذا صارت الدعوه حميه
بسبب حقدكم وبعض النفوس المريضه

 

[مطرقة الرئيس]

الله يهدي الجميع

اتوقع مسلم الاول لكن رقمه بيكون اقل من رقمه العام

والثاني حسين مزيد والثالث الدقباسي والرابع ابو رميه

اما البقيه لايستطيع احد الجزم بمراكزهم ولا ارقامهم

 

[سلمان المطيري]

اشكر اخوي من قديم الزمان على موضوعك الطيب ودائما تتميز عن غيرك :إستحسان:
ما ينافس المتحدون الا مسلم وابورميه

 

[هاب ريح]

اولا اشكر مرور الجميع ولكن للاسف البعض ساء فهمه للموضوع انا قلت ان مرشحين مطير الافضل مع احترامي للجميع ولم اطعن باحد من اخوانا وربعنا من القبايل الاخرى مع احترامنا للجميع وتقديرنا وانا اقول الصوت امانة وشوف منو الافضل انا شخصيا اشوف المطران الستة ومعاهم محمد الخليفة وحسين جليعب هم الافضل بالدائرة ...

 

[هاب ريح]

من قديم الزمان كلامك صحيح ميه ميه
بان مخرجات قبيلة مطير دائما متميزون
نتفق معاك على حسين والوعلان وهايف
لكن ماجد موسى تسمح لي
ونبي رايك فيه بصراحه وشجاعه

اخوي العزيز صدقني انا لا اجامل ماجد موسى ولكن شهادة حق للرجل انا اشوفه شخص مجتهد وشخص شجاع ولديه قوة طرح واكبر دليل على ذلك القضايا المرفوعة عليه من قبل رئيس فريق الازالة ويا اخي ان شاء الله راح تشوف اداء ماجد موسى اذا الله وفقه
واتمنى ان
يوصل ان شاء الله

 

[هاب ريح]

والله من الهياط الزايد اللي فيكم , طبعكم دايما تلمعون لربعكم ولو انهم عفون , مثلما غشيتونا السنة الماضية برجا حجيلان وقويعان سويتوهم أبطال قلنا اسكت خلاص القائمة الحديدية اللي بترعب الحكومة طلع قويعان وحجيلان :إستنكار:,

في ناس معروف انهت تموت ولاتقول الحق على نفسها , والا حسين مزيد صاحب فضيحة مقهى كلاسيكال المتلون ومواقفه داخل المجلس وتصويتاته بالمجلس وخرابه بالبلدي هذا كفو يدش المجلس؟؟ الرجال دش فقير مقحط وطلع تاجر ,ولو انه مرشح قبيلة ثانية جان شرشحوه بني عمومته وقصوا الحق من نفسهم وقعدوه , مايلمعون فيه ويقصدون بعد فيه لووول خلوه صحابي وكلنا نعرف بلاويه , والا ماجد موسى الآخر هذا واحد كفو يدش المجلس؟ من برا لسان يلعلع ومن تحت ليتحت سوالفه كلها لانه عارف للموضة الي تعجب الشعب اصرخ وتوعد الحكومة وخل شغلك كله من تحت ليتحت وبيخلونك الشعب بطل , كلنا نعرف مافعله ماجد موسى وحسين مزيد وخرابهم في البلدي لعبوا لين قالوا بس وصباح الناصر تشهد ,

الدائرة الرابعة اللي تجاهلتها بأكملها فيها مخرجات تشرف وترفع الراس ونفخر فيهم نحن وبالتأكيد هم أفضل مليون مرة من الثنائي مزيد وموسى , مخرجات الظفير + محمد الخليفة + طلال منيزل + علي دخيل+ جمال العلاطي هؤلاء أفضل من مزيد وموسى "مليون مرة" , انتو مساعدكم كثرة عددكم لوما كثرة عدد مطير جان علوم لان خلافاتكم الداخلية ماتخفى على احد والدليل القطع السنة الماضية على الوعلان وقويعان ,

اما مسلم البراك + محمد هايف هذول رياجيلكم اللي يحقلكم تفتخرون فيهم هذول اللي ماينافسون غير أنفسهم وهذول اللي مانقدر نقول عليهم الا والله والسبع تنعام فحوووول اما الباجي انتو بنو عمومتهم ادرى بخرابهم منا بلاش نضحك على انفسنا وبلاش هياط بالزايد ومحاولة لتهميش الغير ,

شهادة حق خذها والا اتركها ,

للاسف يا اخي الكريم يكون هذا ردك وتعليقك وحسين مزيد اللي تكلمت عنه روح اسال عنه اهل الجهرا وماجد موسى تبي تشوف طيبه بالمجلس ان شاء الله
اما مسالة هياط ومدري شنو فهذي الامور حنا نترفع عنها
اما مدحك مع احترامي وتقديري لهم مخرجات تشاورية عنزة فا اسمحلي خلهم يستريحون
وتذكر نتيجة ذكرى الرشيدي وهذا اكبر دليل على انهم غير مرغوبين من اهل الجهرا انفسهم
اما محمد الخليفة فانا اثنيت عليه وهو شخص وطني ويستحق الوصول لمجلس الامة
وانا اقول لك يا اخي الكريم الصوت امانة وانا اثق بالستة واعرف طيبهم واعرف شلون اذا ما مثلونا التمثيل المشرف شلون اغيرهم اما انت يا اخي الكريم فقولي خضير شسوا بالمجلس عشان تزكيه مرة ثانية ..

 

[هاب ريح]

نواب مطير ونعم فيهم كلهم ولكن بستثناء ابو مسلم وابو رميه اعتقد ان سبب نجاح البقيه هو كثرة اعداد مطير بالدائره ولو كلام صاحب الموضوع صحيح لشفنا الكفاءات اللي مالها قبايل كبيره توصل قبة البرلمان
ارجو اني وصلت الفكره.

اخوي الكريم لو قسمت اعداد ناخبين مطير على مرشحينهم السنة الماضية صدقني محد ينجح فيهم ولكن كفاءة مرشحين مطير هي اللي اوصلتهم

 

[هاب ريح]

لاحول ولا قوه الا بالله
يااخوان القبايل والله كلها طيبه ارجوكم لاتمسون كبرياء القبائل :باكي:

والله انا اعتز بكل القبايل واكن لهم كل احترام وتقدير :وردة:

 

[هاب ريح]

مطير ....

محمد ضيف الله شرار

رجا حجيلان

نايف بورميه ( راعي الجنطه )

غنام الجمهور

تبون نذكر بعد تاريخكم البرلماني يامطير ..؟


حنا مانسيء لكم بالعكس حنا معاكم بأنكم صحيتوا واخرجتوا رجال على قدر المسؤولييه ..

بس ياحبايبنا يامطير ترى مسلم البراك وضيف الله بورميه ( أحرار ) وليسوا ملتزميين بتشاوريه القبيله

لامن قريب ولامن بعيد ..

عسى الله يهنيكم بمتحدونكم ..

ووخرو عن عنزة

كلامنا عن مرشحيين مطير الحاليين وصدقني اذا واحد من المطران ما يستاهل لقلت فلان ما يستاهل افهموني يا ناس وبعدين روح شوف نتايج مسلم وبو رمية بمناطق المطران جابوا اعلى الاصوات وعنزة قبيلة عزيزة ونكن لها كل احترام وتقدير وهي غنية عن مدحنا لها
ما يحتاج عيال وايل :وردة:

 

[هاب ريح]

ههههههههههه فيه رائحه عفنه واشكال مرضى من مطير للحين ماتعلمو ا من ناصر بداح اللى طلع القصيده للحين شايفين نفسهم فوق العالم ابشروا ان قاله الله تبى ترضيكم الصناديق والشمال اهل نخوه وفزعه والحقوا على متحدونكم ان قاله الله
انه والله كنت افكر اعطي مسلم بس والله مايشم الصوت اذا صارت الدعوه حميه
بسبب حقدكم وبعض النفوس المريضه

اخوي حنا مو بهوشة
وبعدين يعلم الله ان المسالة مو مسالة قبيلة المسالة مسالة امانة
انت تعطي واحد يبيعك وييع وطنك الصووووووووووووووووووووووت امانة

 

[هاب ريح]

اشكر اخوي من قديم الزمان على موضوعك الطيب ودائما تتميز عن غيرك :إستحسان:
ما ينافس المتحدون الا مسلم وابورميه

اشكرك اخوي سلمان على مرورك الرائع اللي يدل على ذوقك الرفييييييييع شكرا لك:وردة:

 

[توكلت على الله]

كلام ابوماجد سليم 100%

أنتم يابرية في فرعية مطير " تنشدون بالحب والولاء والإفتخار لقبيلة مطير "

وفي الأنتخابات العامة تنقلبون رأساً على عقب وتصوتون

" لمسلم البراك البريهي /و طبيب النساء والولادة ضيف الله أبورمية البريهي /

و محمد الخليفة الشمري / و تصوتون لمحمد هايف رأفتن فيه لاغير "

و الدليل القاطع الأنتخابات الماضية

 

[guevara]

تكفا يابوماجد خل هالسوالف اللي ماتفيد مطير واجمع ربعك ولاتفرق ترا فيه ناس مكيفه على هالسوالف ومطير كلها عز وهيبه ..

 

[قبيلتي الكويت]

كلام ابوماجد سليم 100%

أنتم يابرية في فرعية مطير " تنشدون بالحب والولاء والإفتخار لقبيلة مطير "

وفي الأنتخابات العامة تنقلبون رأساً على عقب وتصوتون

" لمسلم البراك البريهي /و طبيب النساء والولادة ضيف الله أبورمية البريهي /

و محمد الخليفة الشمري / و تصوتون لمحمد هايف رأفتن فيه لاغير "

و الدليل القاطع الأنتخابات الماضية

رأفتن

هذا اللي يبيه بو ماجد يدش الصاحي والمجنون من خارج القبيلة لشق صف أبناء العمومه


آه لو تدري إن المقربين من مرشحي المتحدون موعاجبهم هالطرح ومسبب لهم إزعاج ليس له داعي ..

​

 

[قبيلتي الكويت]

ههههههههههه فيه رائحه عفنه واشكال مرضى من مطير للحين ماتعلمو ا من ناصر بداح اللى طلع القصيده للحين شايفين نفسهم فوق العالم ابشروا ان قاله الله تبى ترضيكم الصناديق والشمال اهل نخوه وفزعه والحقوا على متحدونكم ان قاله الله
انه والله كنت افكر اعطي مسلم بس والله مايشم الصوت اذا صارت الدعوه حميه
بسبب حقدكم وبعض النفوس المريضه

على فكره الضحك بدون سبب قلة أدب
والحقد والكراهيه نابعه في كل سطر كتبته با عثا ريحا نتنه
كجليس السوء ..

​