لنتحدث عن حظوظ الكنادره بالدائره

[بوحميد]

بسم الله الرحمن الرحيم

ما ادري ليش انا وادي اتفائل بمخرجاات الكنادره وايد
يمكن لآن اغلبهم ان لم يكونو اسلاميين فهم محافظين

الكنادره بالدائره متفككين وداخلين الانتخابات غير مرتبين الصفوف عكادتهم
الكنادره في 2008 تنافسو على المقعد ال10و11 وكان بين محمد وجمال وكنت متوقع رقم قوي لجاسم خاب ظني
في هالانتخابات نازل عبدالله اسماعيل مرشح الحركة الدستورية ومحمد حسن مرشح التجمع السلفي وجاسم الكندري واعتقد ان هذول اقوى مرشحيهم
ولكن السؤال الحين هل تتوقعون نجاح احد منهم
شخصياً بالنسبة لي مستبعد ان ينجح اثنان الا اذا صفو الكنادره على اثنين وهذا ما اتمناه واستبعده في نفس الوقت
وعلى هالوضع اتوقع سقوطهم جميعاً في ظل تراجع شعبية الدكتور محمد حسن
كل التوفيق للكنادره :إستحسان:
وتراني مو كندري

 

[بوحميد]

اتمنى نقل الموضوع إلى قسم الدائره الأولى
وشكراً

 

[LoW_CaRB]

عبدالله اسماعيل تخصص تخريب يوم خرب على علام ..


شخصية مكروهه عند الكنادرة بعد موقفه في 2003 ضد علام الكندري وكان سبب خسارته ..


لو قاعد بجمعية المعلمين اكرم له واحسن , صك على فهد سماوي بالتنقلات ..


جاسم حرق نفسه بالرقة وانكشف عقب ما انطق بالمجلس , جاك يركض يبي يسوي فرعية ..


محمد حسن الكندري ...


البديل الناجح , محبوب و عائلته محبوبه عند جميع اهالي الدائرة , المستقبل جدامه نشط في

كل شيء اجتماعيا , معاملات الي تبي ,ياخذ اصوات من جميع التوجهات والعوائل و الطوائف ,

بالعربي اكثر الكنادرة حظوظا للنجاح ..

ليس حزبي رأيه يتخذه بقناعه محد يفرض عليه شي ..



دش اليوتيوب او مدونة الموهوب , وشوف مواقفة وكلامه .




شاكر لك ..






.

 

[الصمت السياسي]

السلام عليكم


شوف السلفي .. بلش يرفع حق صاحبه ويجبس الباجي ويطب فيهم .. كعادته يقتات على غيره..... يا أخي والله عيب


يا بوحميد ..

خذ الكلام مني كوني ما أشتهي حدس ولا السلف


أولا ..

على الكلام اللي عرفته إن الكنادرة اقعدوا يوم الخميس ( أمس ) وزكوا جاسم الكندري وعبدالله إسماعيل الكندري وراح يدعمونهم




ثانيا ..

اللي يقول إن عبدالله اسماعيل نازل يخرب مثل ما خرب على علام ،، خليسترييح ويقولنا ليش نزل محمد الكندري 2008 وما قلت إنه نازل يخرب على جمال الكندري وهو اللي خون فيه والأرقام تتكلم والفرق واضح


ثالثا ..

أعتقد بأن فرصة الفوز مواتية لواحد فقط من الكنادرة وأستبعد أن يفوز جاسم الكندري لأن هذه الدائرة مو مثل الخمس وعشروون .. لازم يكون في حزب يدعمك ما تكفي أصوات الكنادرة حتى لو كان في إلتزام .. يعني فرصة السلف وحدس أقوى

رابعا ..

ما أذكر إنه في كندري فاز في دورتين متتاليتين .. جاسم فاز وبنجر ،، جمال فاز مرتين بس مو وراء بعض .. ومحمد الكندري ما يشمها هالسنه ... والله أعلم




عموما .. الكنادره يحبون التغيير ،، وشخصيا لا أتمنى فوز أحد منهم وإن كان ولابد فأنصح بالتصويت لجاسم الكندري كونه مستقل



وشكرا

 

[AMA]

الموضوع بأكمله لا يحتاج وضع الأدلة فنزول مرشحين من الأخوان السنة بكثرة من الكنادرة والعازمي والشريعان والرومي والعوضي والحريتي والشحومي الذين لهم ثقلهم هذا سيشتت الأصوات بوضوح بين
مما يقلل من عدد الأعضاء السنة لتزيد نسبة الشيعة إلى ست أعضاء وهذا ما أتمناه
:إستحسان::إستحسان::إستحسان::إستحسان: ويا ريت ينزل جمال الكندري وحمود بورقة والجميعان
عشان تكتمل الفرحة

 

[الرأي الاخر]

ويا ريت ينزل جمال الكندري وحمود بورقة والجميعان

على فكرة نفس العدد اللي نزل الانتخابات اللي فاتت نفسهم الحين محد تغير..!

كانوا في اخر انتخابات 6 عوازم والحين 8 او 9 ماراح تفرق وايد ونفس الشي للباقي..

والشيعة هم زادوا كم واحد وبعد معصومة راح تسحب...

يعني كلهم الحال من بعضه...لا غالب ولا مغلوب...

على فكرة الدكتور بو رقبة -الله يرحمه - توفى قبل سنة تقريبا..

 

[xxx7]

ونعم بالكنادره

الكنادره اكثر ناس فيهم حسد وكره بين بعض ... واكثر ناس اشوفهم محبوبين عند القبائل الثانيه والناس

وايد ملاحظ هالشغله فيهم اعيالهم ماسكين اكبر مناصب بالكويت لو ينظمون نفسهم ويستغلون المراكز الي ماسكينها واللله اتوقع اقل شي الكنادره ينجحون اكثر من 3 او 4 مرشحين عالاقل

بس كل واحد فيهم يحفر حق الثاني مادري ليش هالحسد الي بينهم

اتوقع هالسنه ينجح فيهح فيهم بس محمد الكندري

 

[AMA]

على فكرة نفس العدد اللي نزل الانتخابات اللي فاتت نفسهم الحين محد تغير..!

كانوا في اخر انتخابات 6 عوازم والحين 8 او 9 ماراح تفرق وايد ونفس الشي للباقي..

والشيعة هم زادوا كم واحد وبعد معصومة راح تسحب...

يعني كلهم الحال من بعضه...لا غالب ولا مغلوب...

على فكرة الدكتور بو رقبة -الله يرحمه - توفى قبل سنة تقريبا..

أولا أحب أن أترحم الأستاذ الدكتور حمود بورقبة وأسأل الله أن يترحمه بواسع رحمته

ثانيا : البعض يظن أن الدكتورة معصومة مبارك لها ثقلها في الوسط الشيعي فهذا كلام غير صحيح وإن كانت ستسحب أصوات راح تسحب أصوات من الشيعة والسنة :إستنكار:

ولا نستعيل حتى ظهور قنبلة النتائج

ولك شكري
ولا أرى إلا البعض

 

[بوحميد]

عبدالله اسماعيل تخصص تخريب يوم خرب على علام ..


شخصية مكروهه عند الكنادرة بعد موقفه في 2003 ضد علام الكندري وكان سبب خسارته ..


لو قاعد بجمعية المعلمين اكرم له واحسن , صك على فهد سماوي بالتنقلات ..


جاسم حرق نفسه بالرقة وانكشف عقب ما انطق بالمجلس , جاك يركض يبي يسوي فرعية ..


محمد حسن الكندري ...


البديل الناجح , محبوب و عائلته محبوبه عند جميع اهالي الدائرة , المستقبل جدامه نشط في

كل شيء اجتماعيا , معاملات الي تبي ,ياخذ اصوات من جميع التوجهات والعوائل و الطوائف ,

بالعربي اكثر الكنادرة حظوظا للنجاح ..

ليس حزبي رأيه يتخذه بقناعه محد يفرض عليه شي ..



دش اليوتيوب او مدونة الموهوب , وشوف مواقفة وكلامه .




شاكر لك ..






.

"(.....)"
اشكره ياي ترفع حق صاحبك:إستنكار::إستنكار::إستنكار:

الكندري كأداء برلماني 1-0
بس كشخص والنعم فيه

عبدالله اسماعيل شخص هادئ والنعم فيه ليش اتحب اتشوه سمعته وسمعة جاسم
ليش ما تدخل تمدحه وما اتطب بالغير:إستنكار:
عودتونا يا السلف على هالطريقة
بعدين بما انك قلت وما تدري اشقلت عن محمد فعلى طاري المبادئ
يقولك كنادره دخلو عليه يبونه يمشيلهم معاملة بطها يوبهم انا توني ادخل ما اعرف وانا ترى مو دميثير

 

[AMA]

ونعم بالكنادره

الكنادره اكثر ناس فيهم حسد وكره بين بعض ... واكثر ناس اشوفهم محبوبين عند القبائل الثانيه والناس

وايد ملاحظ هالشغله فيهم اعيالهم ماسكين اكبر مناصب بالكويت لو ينظمون نفسهم ويستغلون المراكز الي ماسكينها واللله اتوقع اقل شي الكنادره ينجحون اكثر من 3 او 4 مرشحين عالاقل

بس كل واحد فيهم يحفر حق الثاني مادري ليش هالحسد الي بينهم

اتوقع هالسنه ينجح فيهح فيهم بس محمد الكندري

والنعم بالشعب الكويتي

نائب مجلس الأمة يسعى لحل وتصحيح الأخطاء وتنمية البلد

واللي تفضلت فيه من مشاكل بينهم وبين بعض أقول اشلون واحد يسعى ويهتف بالعمل الوطني والتنمية المطلوبة وما يحل مشاكله العائلية

نواب آخر زمن إصلاح وإصلاح ومن وراهم الخراب بأم عينه

 

[بو مشيري]

حدسي يطق سلفي .. و سلفي يطق حدسي ..

وكل واحد يرفع بصاحبه .. لا وتقولون عندنا تيار اسلامي منظم بالكويت ؟

والله تيار ردي .. حزبية و تعصب وبس .. لولا الاسلاميين المستقلين لما قام للتيار الاسلامي قائمة !

ان شاء الله يخسرون محمد حسن و عبدالله اسماعيل .. ويفوز جاسم ..

 

[المتبحر]

حدسي يطق سلفي .. و سلفي يطق حدسي ..

وكل واحد يرفع بصاحبه .. لا وتقولون عندنا تيار اسلامي منظم بالكويت ؟

والله تيار ردي .. حزبية و تعصب وبس .. لولا الاسلاميين المستقلين لما قام للتيار الاسلامي قائمة !

ان شاء الله يخسرون محمد حسن و عبدالله اسماعيل .. ويفوز جاسم ..

إن شاء الله يسقطون كلهم .:إستنكار:

محد فيهم فيه خير للكويت .:إستنكار:

 

[العنتري]

بومشيري اكبر
وكبر عقلك وماله داعي اتناجر على اي شيئ

_____
أتوقع الأوفر حظاً عبدالله اسماعيل ومحمد حسن
ولكن من الصعب تجميع الكنادره على توجه معين!!!

 

[AL-GENERAL]

السلام عليكم


صدق من قال : السياسة تفرق لا تجمع ..

خاصة في الجانب الإجتماعي


أتمنى إتفاق الكنادرة ولن يستفيد من اختلافهم غير خصومهم


محمد الكندري كان له بعض المواقف الطيبة في المجلس السابق وكذلك هو الحال بالنسبة لجاسم الكندري وأيضا عبدالله اسماعيل لا يقل شأنا عن سابقيه


...


لا تزعلوا مني يا شباب .. ولكن أعتقد بأن الإرتقاء بأسلوب الحوار مطلب بل ضرورة

وأتمنى من الأخ المشرف إغلاق الموضوع إذا زاد حمل الراكب





والسلام ختام

 

[kkk]

سؤال
هل الكنادره.....قبيله؟؟
اذا العوازم.......ما عندهم فرعية ولا تزكية
والنزول حر
مقبولة لو كان النزول تحت اسم سني ....او اي نطاق حزبي...عادي

والواضح الان ان هناك من يحاول الصعود على ظهر التزكية والفرعية
الكنادره حضر .......وهم ضمن مجتمع مدني
ولهم مطلق الحرية بالاختيار ......
المهم عضو يخدم الكويت والدائره

تحياتي

 

[بوحميد]

سؤال
هل الكنادره.....قبيله؟؟
اذا العوازم.......ما عندهم فرعية ولا تزكية
والنزول حر
مقبولة لو كان النزول تحت اسم سني ....او اي نطاق حزبي...عادي

والواضح الان ان هناك من يحاول الصعود على ظهر التزكية والفرعية
الكنادره حضر .......وهم ضمن مجتمع مدني
ولهم مطلق الحرية بالاختيار ......
المهم عضو يخدم الكويت والدائره

تحياتي

عدل كلامك اخوي
ولكن لوحظ من الكنادره ترتيب صفوفهم بعد الدوائر الخمس
وبدأو بدواوين خاصة للكنادره في الرميثية ومبارك الكبير اعرف شباب امسوينها
ايضاً داخل الجامعة بدأو ينظمون صفوفهم للمستقبل
ولكن اكييد يعيب عليهم عدم الالتزام الكبير ولكن نقدر انقول انهم خلقو نوع من التوجه للكنادره للكنادره:إستحسان:

 

[محمد عبدالله]

الاخ نقابي سلفي,

سؤال لك اذا كان عبدالله اسماعيل غاوي تخريب لمن نزل سنة 2003 في بيان فهل تنكر نزول محمد حسن سنة 2003 في الرميثية وكان السبب في سقوط جمال؟


خلك حقاني فعبدالله اسماعيل انسحب سنة 2006 لصالح علام والكلام لا ينكره جاحد وانسحب كذلك سنة 2008.

وعلى فكرة الكنادرة كلهم مجمعين على عبدالله اسماعيل ولا احد يختلف عليه من الكنادرة ومن ابناء الداءرة الاولى.

وجه جديد طرح هادئ وخبرة نقابية متميزة.

والله يوفق الجميع

 

[محمد عبدالله]

المرشحين الكنادرة لانتخابات 2009

1- عبدالله اسماعيل الكندري- ممثل الحركة الدستورية

2- محمد حسن الكندري- ممثل التجمع السلفي

3- جاسم الكندري- مستقل

هؤلاء هم مرشحي الكنادرة فقط للدائرة الاولى ولا يوجد اي مرشح اخر. اعتقد ان حظوظ احد المرشحين عبدالله او محمد قوية كونهم لهم قاعدة الكنادرة بالاضافة الى دعم تياراتهم.

 

[صقر قريش]

من الآخر ............. لا حظوظ لهم

 

[بوحميد]

الاخ نقابي سلفي,

سؤال لك اذا كان عبدالله اسماعيل غاوي تخريب لمن نزل سنة 2003 في بيان فهل تنكر نزول محمد حسن سنة 2003 في الرميثية وكان السبب في سقوط جمال؟


خلك حقاني فعبدالله اسماعيل انسحب سنة 2006 لصالح علام والكلام لا ينكره جاحد

وانسحب كذلك سنة 2008.

وعلى فكرة الكنادرة كلهم مجمعين على عبدالله اسماعيل ولا احد يختلف عليه من الكنادرة ومن ابناء الداءرة الاولى.

وجه جديد طرح هادئ وخبرة نقابية متميزة.

والله يوفق الجميع

:إستحسان::إستحسان::إستحسان::إستحسان::إستحسان::إستحسان:




واذا الكنادره بس 3 الي نازلين فاتوقع انه حظوظهم راح اتكون اكبر
وابصراحة اول مرة ادري ان الي نازلين بس 3
الله يوفقهم