افتحوا باب التجنيس للبدون المساكين

[راعي البويضا]

منو فيكم راح لمنطقة الصليبيه والا تيماء الشعبيه حالتهم حاله وماعندهم لقمة العيش​

انا مع الي يستحق حتي البدون انفسهم يقولون عطووا الي يستحقون علي الاقل عطهم بعض الصلاحيات الانسانيه مثل تدريس عياله والعلاج مجانا وتوظيفهم​

شلون يدرس عياله بمدارس خاصه ماعندهم فلوس ياكلون هالمره تبي يدرس عياله ​

شلون تبيه يعالج ولده خوفي من باجر يعالج اولده من قشع السالمي والا من حدج الحمير​

شلون يصرف علي اهله وهو مو متوظف جمعيه يالله يالله بعد وينفصلون اذا تغيرت الاداره
يعني يبوق تواير ورنقات مصافط شرق والا مصافط مدارس ​

ماادري لحد الان شلون عايشين اذا احنا يالكويتين ومتوظفين ومعاشتنا طيبه وهم متوهقين بااعمارنا ويالله يالله هالمره البدون الي بعضهم ضحى لجل الوطن وحمل السلاح بوجه العدوو​

انا مع تجنيس أي واحد شارك بحرب التحرير سواء بدون او عربي لان اثبت ولاءه للوطن
وقعد 9 شهور بدون معاش ويحارب مع ديرته مايعرف عن مصير بلده هل بلده سيتبع مصير فلسطين وكشمير والا بيرجع مره ثانيه ​

انتبهوا من غضب الله يااخوان الي معارض البدون يطق فره علي شوارع صليبيه وتيماء الشعبيه ويشوف حالتهم ويرد علينا بالموضوع​

 

[sako]

يامعود ......فال الله ولا فالك

هذا اللي ناقص !!!!!

البـــــــــدون كل ما يجري من صنع ايديهم ....لو فيهم خير لعملوا مثل ما عمل غيرهم

من المزورين ...والمزدوجين .... وغير العرب...والصبيان... وابناء الحلاقين .!!!!!

ولو كان لعاشوا معززين مكرمين بيننا

ولكن ان يعيشوا هكذا (( شرفاء يخدمون البلد بدون مقابل )) كلا والف كلا

 

[السعيد]

خبر جديد قريته من إحدى الصحف تقول وزيره الاسكان ووزيره الصحه د.موضي الحمود

إنها أفتحت المجال الصحي لابناء الكويتيات بحيث علاجهم يكون بدون رسوم .. خطوه إيجابية

وأكثر من رائعه من الدكتورة ..

دمتم بود

 

[سليل الجود]

تأييد كامل لدعوه الاخ الفاضل راعى البويضا

جزاك الله خير وجعلها فى موازين حسناتك

يقول الرسول صلى الله عليه وسلم

من لم يتم فى امور المسلمين فليس منهم

بارك الله فيك يالغالى راعى البويضا





​

 

[whatever]

يامعود ......فال الله ولا فالك

هذا اللي ناقص !!!!!

البـــــــــدون كل ما يجري من صنع ايديهم ....لو فيهم خير لعملوا مثل ما عمل غيرهم

من المزورين ...والمزدوجين .... وغير العرب...والصبيان... وابناء الحلاقين .!!!!!

ولو كان لعاشوا معززين مكرمين بيننا

ولكن ان يعيشوا هكذا (( شرفاء يخدمون البلد بدون مقابل )) كلا والف كلا

ياخوي عيّـن خير .. لا تشترك بالاثم ، ترا امرأة دخلت النار بسبب قطه حبستها .. لا هي اطعمتها ولا تركتها تأكل من خشاش الارض...

 

[كاسك يا وطن]

مشكور يا راعي على كل حرف كتبته ..
متابع جيد ما يخطه قلمك الرائع ،، الله يعطيك العافيه

 

[حر الفكر]

صعب جدا تجنيس البدون لكن يمكن اعطاء من ادى خدمات جليله مميزات مادية تقديرا لجهوده

 

[EagleNest]

الله يهداك الكويتيين لما الحين مالهم منازل ... هالدور غير كويتيين!! الكويتي يتزوج وبعد ما يتخرج ابنه من الجامعه يحصل بيت .. يعني الدولة ماهي قادرة اتوفي ما مواطنينها اول

 

[regrego]

زميلي ما خالص التقدير للاخوة البدون ولكن البلد و الكويتيين نفسهم مو لاقين شغل و سكن !!

و الحالة ما تبشر بالخير من سبت التأزيم السياسي

صدقني الحكومة اخر ما تفكر به هو حل هذه المشكلة لان الكويتيين نفسهم عندهم مشاكل

 

[لمين أبشكي غرامك]

صعبة تجنيس البدون تكلموا العقل والمنطق

يعني يجيك واحد عراقي خاش جوازه ولا سوري نفس الطريقه خاش جوازه

ويقولك انا بدون سمع كلمه وقام يرددها ويجي يتجنس على قبيله معروفه ويختلط الحابل بالنابل...؟

البدون فئات معينه بينهم "العراقي+السوري+جنسيات عربيه أخرى +ناس كويتين ظروفهم اجبرتهم انهم يصيرون بدون"...إلــخ

لكن تجيب لي واحد ماتدري شنو ملته ولا مذهبه تبي تجنسه....؟؟؟؟؟

أذكر لقاء حق "خليفه الخرافي" قبل سنة أو أكثر بشوي يقول "البدون الي يستحقون الجنسيه معروفيين

وعندي أساميهم أكثر من 5 ألاف شخص"

 

[عليا]

خلاص مو ضرورى التجنيس
عطوهم اقامة
عطوهم شهادات ميلاد
مشوا حالهم
خلو اعيالهم بوظائف بسيطة كالحراسة والسيكيورتى
يا اخى مو حراام
بنات وشباب من البدون متخرجين وجايبين اعلى الدرجات
وقاعدين ببيوتهم
ترى حتى البسطااات مناشبتهم البلدية عليها
ووين يرووحون
فى وظائف قاعد يجووون الخلييجين عليها بكثرة
مخلى ديرتة وقاعد عندك
ليش ما تعطونهم وظائف الخليجيين
مو هم اقرب
مو الاقربون اولى بالمعروووووف
الخليجى لو صار ما صار يقدر يرووح لديرتة ويشتغل وعندة جنسيتة
بس هذاا وين يرووح
انا اقصد البدون الى يستاهل مو الى اخفى الجنسية
تعطوون فنااان ومغنية عراقية الاصل بعلم الجمييع
بحجة اعمال جليلة
ليييييييييييش شنو الاعمال الجليلة الى سوتها الفنانة للبلد
​

 

[خالد الشلاحى]

من يستخق يجب تجنيسه

وايضااااااا يكفل العيش الكريم لهم

واذااااا كانت الحكومه لديهاااااا قيد امنى

هناااااك القضااااااء

 

[بو حظين]

انا دائما ارد فى المجالس و الديوانيات و اقول :

اعطوا البدون الجنسية او ما يوازى مميزات الجنسية !!

واذ كان البعض قد حصل على الجنسية فى السبعينات و البعض يضرب قانون التجنيس عرض الحائط بازدواجية الجنسية ....ورواتب مزدوجة


يعنى جت على البدون ؟؟؟؟؟؟!!
على الاقل ذاق البعض المعانات و هم لديهم اثبات انهم موجودين فى احصاء 1965 يعنى احسن من البعض
اللى يسمع يقول ان كل الكويتيين( خاصة الجدد) ..... كانوا مستحقين التجنيس !!

 

[كويتاوي]

تعطوون فنااان ومغنية عراقية الاصل بعلم الجمييع

بحجة اعمال جليلة
ليييييييييييش شنو الاعمال الجليلة الى سوتها الفنانة للبلد​

معظم اهل الكويت عراقيين الأصل وخاصة من يسمون انفسهم "عيال بطنها" فليس هناك اي مشكلة في الاصول

ربما تقصدين يا اخت "عليا" عراقية الجنسية وليس الأصل فالفنانة "هدى حسين" تحمل الجنسية العراقية

 

[راعي البويضا]

انا مااقصد كل البدون حتي البدون نفسه يقول لاتجنسون كلهم جنسوا المستحق في ناس مو مستحقه تخرب علي الناس المستحقه​

بس نبي نفعل الضروريات العلاج والتوظيف والدراسه بعديين عاد ضبط اوراقه اما انك تاركه لاعلاج ولا وظيفه ولا دراسه انتي يالدوله تبين تنتجين بياعة خمور وسراقين وفساد بالدوله ​

المجرم شلون يصير مجرم من الضغوط الي عليه تنتهي معاه الدنيا​

ترا بيجي يوم البدون مايلقا عشاه ولا غداه يقول اسرق او اذبح اي واحد واعيش بالسجن علي الاقل السجن غدا عشا ريوق نفس العالم ومرتاح ​

والي معارض البدون اكرر اذهب الي الصليبيه او تيماء الشعبيه وانظر الي حالتهم المزريه​

استغرب من مسلم البراك ان يريد استجواب وزير الداخليه عشان واحد اسمه جويهل اتفه من مافي​

ومايستجوب لجل البدون المساكين يامسلم مدام انك مستجوب مستجوب اهم بعد لاتنسا تستجوبه بخصوص البدون المساكين الي مايدرون وين رايحين​

صج قالوها وين رايح يالبدون لاجواز ولاليسن ولاوظيفه وين رايح يالبدون​

يادوله انظروا الي المساكين الضعوف الي ماعندهم احد

يالبدون ترا في ناس وقسم بالله انهم متعاطفين معاكم ويفكرون كيف انتم عايشين


انا مو بدون لكن عندي انسانيه والقلب يشفق لهم ويشفق علي كل هندي وبنغالي اشوفه بالشارع مو عايش مثلنا ​

 

[بن شعطان]

بس لازم يشوفون حل والله مساكين

على الاقل الدراسه والصحه واوراق رسميه مو لازم الجنسيه

الله يستر علينا وعليهم والله يعينهم

 

[سنوكا]

للاسف لا يمكن الاستمرار بهذا الظلم

هذة غلطة الدولة و يجب ان تتحملها