نبارك حق وزراء قبيلة مطير(( هنا توضح التبريكات لوزراء قبيلة مطير))

فهد الديحاني

عضو مميز
اولا نتقدم بالتبارك للوزراء
ومن ثم نتقدم بالتبريكات لوزراء قبيلة مطير

1- محمد العفاسي ((وزير الشئون)) حاصل عليل لدكتوراة ورئيس القضء العسكري بالدفاع
2- هلال الساير (( وزير الصحة )) عميد لكلية الطب ايام التسيعينات

ومن ثم صرح الساير :.
1- ساخدم بلدي بكل ما اوتيت من قوة واكل ما بداة الاخرون للارتقاء بالخدمات الصحية وخدمة المرضى

2- ستكون لنل رؤوية في الوضح الصحي والتعاون مسالة مهمه
 

بدر الجهراء

عضو فعال
مبروك للكويت هذا الاختيار ومبروك لمطير وزيرين

بس اتوقع الحكومه عملت حساب لاعضاء مطير الذي يسمونهم بالتازيم وخاصه انهم زادو مانقصو

مثل دخول الوعلان بالخط وشافت انه مطير ماكو فايده فيها دائما مخرجاتها قويه

عشان جذي حطت وزيرين لهم يبون يحرجونهم واخص بالذات العفاسي راح يحرجون اعضاء

مطير فيه

العفاسي نار على علم لله درك من رجل ماخلى احد مارده بالقضاء العسكري ,, رجل يملك قلب كبير

وابو الجميع وتستاهل وانت اللي ترز الوزاره مو هي اللي ترزك

كل ماجاه عسكري غايب يرفض معاقبته بقطع راتبه او تفنيشه وتسريحه ويعاقبه عقاب خفيف وينصحه

نصح الاب للابن

اشهد انه رجال ماجابته ولاده وراح يصير فراغ كبير بمكانه وراح يفقدون العالم والحي يبي يشوف
 

فيصل الظفيري

عضو بلاتيني
طرحك عنصري ..

يا اخوي الحكومه ما إختارتهم على شان انهم مطران ..
لانهم كفاءات وخبره ..


مع ذلك مبروك لقبيلة مطير .. :D
 

الظفيري

عضو مميز
يستاهلون بلاشك وألف مبروك وكان الله في عونهم
وتبي الصراحه.. العفاسي لو أنه ماقبل الوزاره كان أفضل!!
شله بالوزاره ودوخة الراس.. والله أنه رجل ونعم ومانرضى عليه ونتمنى له كل خير
 

فهد الديحاني

عضو مميز
يستاهلون بلاشك وألف مبروك وكان الله في عونهم
وتبي الصراحه.. العفاسي لو أنه ماقبل الوزاره كان أفضل!!
شله بالوزاره ودوخة الراس.. والله أنه رجل ونعم ومانرضى عليه ونتمنى له كل خير
يخوي الضفيري العفاسي حطوة ليكون نقطة ضعف لمسلم البراك والتكتل الشعبي
ويعتبر العفاسي نسيب مسلم البراك
وصديقة الخاص ضيف الله ابورمية
 

بدر الجهراء

عضو فعال
يستاهلون بلاشك وألف مبروك وكان الله في عونهم
وتبي الصراحه.. العفاسي لو أنه ماقبل الوزاره كان أفضل!!
شله بالوزاره ودوخة الراس.. والله أنه رجل ونعم ومانرضى عليه ونتمنى له كل خير
عز الله انك صدقت العفاسي اكبر من هالامور

واتوقع محد راح يجي مثله بمكانه راح تفقده العالم

بس اللي سمعته انه راح يتقاعد عن قريب لانه كبير بالعمر وعرضو عليه الوزراه لانه له ثقل بمطير عشان يحرجون اعضائها وهو حب ان يختمها بوزير
 

الظفيري

عضو مميز
ويعتبر العفاسي نسيب مسلم البراك
وصديقة الخاص ضيف الله ابورمية
صدمتني يالديحاني!!
والله يعين أبوحمود.. والله أنهم يحاوطونه من كل صوب علشان يقمعونه!!
ولكن.. هو ذيب ويعرف شلون يتعامل معهم :)
 

جليبي

عضو مميز
العفاسي و البراك و ابو رميه اذكى بكثير من الحكومه

ولن تدخل السياسه بعلاقات مطير الشخصيه تاكدوا من ذلك

الود قائم بين البراك وابو رميه وابن عمهم العفاسي

والتأزيم من ناحية البراك وابو رميه والوعلان و محمد هايف ومزيد ايضاً سيقوم بضراوة بسبب عودة وزراء التأزيم

واحب انوه لأخوي بدر الجهراء

اعضاء مطير في 2008 كانوا 6 وبعد طعن عسكر وخروج الوعلان اصبحوا 5

وهم الان خمسه اي هم هم لم نقصوا كما تفضلت
 

صاروخ

عضو
يخوي الضفيري العفاسي حطوة ليكون نقطة ضعف لمسلم البراك والتكتل الشعبي
ويعتبر العفاسي نسيب مسلم البراك
وصديقة الخاص ضيف الله ابورمية
قلط تقول هالكلام مسلم ضمير الامه يعني لو اخوه راح يستجوبه
وهذا مبدأه ولا انا غلطان
 

فهد الديحاني

عضو مميز
طرحك عنصري ..


يا اخوي الحكومه ما إختارتهم على شان انهم مطران ..
لانهم كفاءات وخبره ..



مع ذلك مبروك لقبيلة مطير .. :D
يخوي انا ماطرحت عنصري
انا باركت لوزراء القبيلة فقط
ماسويت جريمه قتل ولا جنحه
وهم كفاءة
 

فهد الديحاني

عضو مميز
العفاسي و البراك و ابو رميه اذكى بكثير من الحكومه

ولن تدخل السياسه بعلاقات مطير الشخصيه تاكدوا من ذلك

الود قائم بين البراك وابو رميه وابن عمهم العفاسي

والتأزيم من ناحية البراك وابو رميه والوعلان و محمد هايف ومزيد ايضاً سيقوم بضراوة بسبب عودة وزراء التأزيم

واحب انوه لأخوي بدر الجهراء

اعضاء مطير في 2008 كانوا 6 وبعد طعن عسكر وخروج الوعلان اصبحوا 5

وهم الان خمسه اي هم هم لم نقصوا كما تفضلت

يخوي تاكد ان مسلم و ضيف الله و حسين مزيد و العفاسي و محمد هايف و الوعلان و الساير
سوف يخدمون الوطن بدون شك
وسوف يبعدون عن النعترات القبيلية
 

فهد الديحاني

عضو مميز
عزالله انهم احرجو مسلم البراك بالعفاسي
يرجال ما احرجو مسلم ولا شي
بس خطتهم هطه ذكيه
اول شي :.
حطوه عشان مسلم البراك والتكتل الشعبي
ثانيا شي :.
عشان اعضاء قبيلة مطير 5 واحتمال دخول فهد عياد اذا يصبح العدد 6
ثالثا شي :.
طيب ومحبوب ومدعوم من جميع اعضاء مجلس الامة
50 عضوا
 

فهد الديحاني

عضو مميز
ورتنا من المصادر بان مسلم البراك سوف يستجوب وزير الداخليه
وسوف يدعم مسلم البراك ك من :.
هو والتكتل الشعبي + المطران + الرشايدة + العوازم + العجمان + العنوز+ الهواجر+العتبان+الدواسر=
= 27 عضوا
 

abo shahad

عضو
والله مادري يالربع بس احس انهم يبوووون مكانه في القضاء العسكري لواحد من ربعهم .....ولا يقدرون يحيلونه لتقاعد لأنه مطيري من ربع مسلم وأبو رميه والحين جاهم الوعلان وابو هايف فقالو نعطيه وزاره كم شهر هذا مأتوقعه وفي النهايه الف الف الف مبروك ل العفاسي
 

regrego

عضو مخضرم
شكو مطران ؟!!

نظام المحاصصة القبلية المتخلف لا يقبل

نقبل يهم لانهم كويتيين مننا و فيننا و يمثلون غالب الشعب الكويتي

و ليسوا لانهم مطران

عيب عليكم هالطرح المتخلف !!

الكويت ليست حكرا على قبيلة او مذهب !!
 

Q8ViP

عضو فعال
.هلال مساعد الساير عميد كلية الطب الأسبق.
ما همه مطير أو البدو ، هذا صاحب قرار طرد المنقبات من كلية الطب بحجة أن النقاب لا يناسب الدراسة بكلية الطب .

وين هايف عنه ؟؟؟ ماشوفه تكلم هايف انا اقول ياخيبتكم فيه هههه
 

فهد الديحاني

عضو مميز
شكو مطران ؟!!

نظام المحاصصة القبلية المتخلف لا يقبل

نقبل يهم لانهم كويتيين مننا و فيننا و يمثلون غالب الشعب الكويتي

و ليسوا لانهم مطران

عيب عليكم هالطرح المتخلف !!

الكويت ليست حكرا على قبيلة او مذهب !!
يخوي انا مسويت الا هنيك عيال عمي علي الوازارة بس
وانا ماسويت نضام المحاصصة لقبيلة مطير
والمطران اكبر من ذلك
والكويت بالاول وبالاخير للكويتين
 
شكو مطران ؟!!

نظام المحاصصة القبلية المتخلف لا يقبل

!!




ألله ياخذك أنت والفالي وربع مغنية

بيوم واحد أمس تهاجم الاسد محمد هايف

وتمدح ربع حزب الشيطان معنية والزمرة الفاسدة

واليوم تدعي في الوطنية منافق
 
أعلى