تهديد عراقي جديد وخطير للكويت وجابر المبارك يؤكد قدرة الجيش الكويتي على الرد ...

[~..MiMiNi..~]

العراق كلامهم فاضي .. يحبون يلفتون الأنظار !! الحين جيش مثل الأوادم ما عندهم و هم يهددون ؟؟

خل يخلصون من مصايبهم الداخليه اول بعدين يتطلعون حق بره ..~

اللي يحز بالخاطر انهم ناكرين للجميل .. و هم اللي يحز بالخاطر طيبة الكويت بزود و انه كل مره تمشي على مثل سو خير و قطه بحر ..!!! انزين لي متى

في ناس ما يستاهلون هالخير ..

و الاهم فوق كل هاذا انهم مطالبين بتعويضات .. و احنا منو يعوضنا ؟؟ عيالنا اللي ماتوا ؟ الأسرى اللي ما ارجعوا ؟؟ و البنات اللي احملوا ؟ و الديره اللي اهدموها ؟؟ و الالم و العذاب اللي سببوه حقنا ؟؟

احنا ليلحين جرحنا ما برى منهم .. ليش نرد العلاقات وياهم ؟؟

اهمه فيهم عرج حقد بجسمهم انهم يكرهون الكويت و ما يواطنونها .. خلاص اللي ما يحبنا ترى احنا مو ملزومين فيه ولا بأهله !!!!

و يبطون جبدي لما يقولون الغزو الصدامي .. الحين صدام مات و شبع موت .. اللوم مو عليه اهو .. الشعب نفسه نذل وما ايي بعينه الا رشة النار عشان نفتك منه ..

فوق شينهم قوات عينهم ..

اهم ما يقدرون يسوون شي ندري .. بس اساسا ً عيييييييييب عيييب يقولون هالحجي ..

ع الاقل يقدرون وقفتنا معاهم و اللقمه اللي ودينالهم اياها .. و فوق كل هاذا يفكرون يطيحون قروضهم ..

ناس مو كفو الله لا يوفقهم لا دنيا ولا آخره عساهم مع المنافقين بآخر جهنم ينشوون حزتها بيعرفون انه الله حق ..

صج شي يحر

 

[ليتل سيزر]

كفو يا وزير الدفاع
اسمع نهيييق الجاحد صهيل فرسانك

وبصراحه اعجبني رد وزير الدفاع عليهم منذ زمن لم نسمع بمثل هذه التصريحات ​

اللي تبرد الجبد برأيي انها أفضل من السكوت وسياسة الحكمه والتريث ومن هالحجي اللي ما وكلنا خبز

ب 2/8 ...​

ممكن سؤال للشابين اللطيفين اللي فوق

ما هي قدرات الجيش الكويتي وكم عدد القوات الثلاث مجتمعة

أي تصريحات وأي ردود غير مدروسة المفروض وزير الدفاع يلتزم الصمت ويترك التصريحات لوزير الخارجية وعلى فكرة ترى الجيش من بعد 2/8 صارت ازفت وازفت ناس ما تدوام وناس بلا خبرة

 

[السنهوري]

رد دبلوماسي

أحداث وقصائد عبدالله مبارك الردعان منقول من جريدة الوطن

يا عراق لم أستطع الصمت أمام هذا الحدث المهم

***

يا عْراق كفْ العَبْثِ والظِلْم واللوم

هذا وطنّا خاسِرٍ مِنْ يضرّه

حنّا جماعة عِزْ والذِلْ للقوم

سِقْم العَدو ما بين كره وفرّه

للعَقْل حِكْمه والتجاريب تَعْلوم

دَرْس الغزو له حوبةٍ مِسْتمره

صدام دَمّرْتَه خيالات وحْلوم

ما فيه مِنْ عَقْل الرجاجيل ذره

الله عطاكم خير والشعب محروم

والحرب تَطْحَنْ نِعْمِتَه ما تِسره

خَذْ عِبْرة اللي صار بالأمس واليوم

شَعبك صَفَالك للأسى لا تجره

الله فِزَعْ مِنْ دَعْوة انْسان مَظْلوم

والِظلْم لا يَطْغى على العَدْل شّره

عَصْر الجَهَلْ ولّى مع الفُرْس والروم

حنّا عرب واسْلام لله درّه

للجار مِنْ عَهْد النبّي حَقْ وسْلوم

يكْسب مودَةْ خاطره ما يحرّه

أمْر الله الجاري على النّاس مقْسوم

مِنْ طاع ربه بالعطايا يبرّه

بالطيب ترْضخ بالغَصِبْ وانْت مَلْزوم

نقولها يا عْراق مليون مرّه


تاريخ النشر 08/06/2009

 

[Org]

الرئيس العراقي :

نرفض أي محاولات لتعكير العلاقات العراقيه الكويتيه...

تعليق: صح النوم جم قبضت عشان هالتصريح