إهداء للغائبة الحاضرة شجون زلابية الكويت ..
ابعد وانا ببعد وذا قسمك وقسمي ياغلاي
مافيه عشاقن على سلم القبايل يلتقون
محيرينك للعنا وانا بي الحيره بلاي
اخاف من فعل الردا وانا عزيز ولا تهون
رح مع نسانيس الهوا وانا تقفي بي خطاي
عانق نجومن ساهره وانا بقفي بالطعون
لاتحسبني في بعادك بدله وبلقا هناي
لا والذي خلا غلاتك فالمحاجر والجفون
من وين ماسج القدم لقيتك بدربي معاي
ومن وين مالد العيون اشوفك بدمع العيون
عليك قلبي نبضته تنقص ليا جابك عناي
وعليك صوتي نبرته جادت مع حزن اللحون
لا ياوجودي ياوجودي ياعذابي ياشقاي
وجود من جلي عن ادياره وبه ذل مغبون
لايابري حالي بري حالي ويانشفة شفاي
بري الغصون اليابسه مابلها وبل المزون
ياعزتي لي كني الراعي وكنك صوت ناي
يبغا يتسلا به طرب ويرده الصوت محزون
اشتاق لعيونك وانا ادري دوم تشتاق لحكاي
لكن ذا حكم القدر والبعد ذباح الشجون
لاتلومني لاقلت لك ببعد وتبعد يامناي
مافيه عشاقن على سلم القبايل يلتقون .
http://www.youtube.com/watch?v=uzOoTKApEZI&feature=related