اسامة المناور يحرج اعضاء الرشايدة

[الماستر]

تتجه الانظار غدا يوم الاثنين الموافق 29/6/2009

الى منطقة الفروانية
وبالتحديد بجانب صالة افراح الفروانية
بعد صلاة العشاء

وبدعوه كريمة من المحامي اسامة مناور

وذلك لحضور الندوة الجماهيريه

تحت عنوان

:: حرمة المال العام وطرح الثقة ::

وسوف يحاضر بالندوه اعضاء مجلس الامة عن الدائرة الرابعه

المؤيدين لطرح الثقة

وهم

مسلم البراك
ضيف الله بورمية
علي الدقباسي
حسين مزيد
مبارك الوعلان
محمد هايف


​

 

[بوجراح]

ونعم الرجال عاش بومناور

 

[مباشر]

زين فعل فيهم

لازم الشعب يوجه لهم انتقاد قوى عشان يتأدبون من كثر الكلام بدون افعال

 

[بيان]

العزيز ابو احمد كلمه الحق فيه مروحه فهو لا يرضى على الحال المائل واتمنى لو اراه تحت قبه عبدالله السالم قريبا ​

 

[ابو انور]

اسامة المناور ,,,,,, توجهه تكتل شعبي والله الرجل يعرف يتصرف

واذا كان بالفعل ستقام الندوه بهذا التوجه ,,,,,,, الحضور سوف يغطي

المكان ....... نعم نحتاج لاعضاء شرفاء يغارون على المال والحريات

العامه ,,,,,, موفق يا اسامة المناور

 

[واخيرا]

والله زين يسوي ويحرج الاعضاء السايلنت عشان يحسون شوي
اعضاء السايلنت من نشأ المجلس لحد يومك هذا وهم محد تكلم عنهم
جاك الموت ياتارك الصلاه الحين ههههه

 

[بيرلو]

انشالة انشوف اسامة المناور في المجلس ويارب مايستقيل الوزير عشان انشوف الناس على حقيقتها

 

[بدوي واقعي]

زلم يا أسامة​

 

[ركازي]

سبحان الله المطران الحكومه حطولهم وزير

ومع هذا كله نشوفهم كلهم مع طرح الثقة بالوزير

بخلاف الرشايده مو حاطيلهم وزير وطردو وزيرهم الدويله وحطو مطيري وعجمي وعازمي وهم اربع رشايده ولا حطولهم وزير

ومع هذا كله ماسمعنا لأعضاءهم حس حس في قضية الاستجواب

على عيني يا اعضاء مطير قسم بالله فحوووول

 

[الوائليه]

ونعم باسامه المناور والوعد انشاالله تكون داخل المجلس بالانتخابات الجايه نبي اعضاء لهم كلمه ومع الشعب

 

[أحمداني]

نشاء الله سوف نكون من بين الحضور

 

[مدريدي أصيل]

الدقباسي غير أما الباقين فربنا وربهم الله

 

[بوراس]

اسامه مناور
مو هذا محامي الشيطان اقصد محامي القاعده فرع الكويت

 

[مشعل الرشيدي]

موفق يابو احمد ..
نحسب فيه كل الخير ان شاء الله ونأمل نشوف امثاله بالمجلس وباذن الله سيكون ..

ولايهمك اتباع الحكومه بالتجاوزات ..
وولايهمك النواب والمرشحين اللي خذلوا ناخبينهم بالمواقف تحت قبة البرلمان وله لمواقفهم ضد المواطنين .. :إستنكار:

الناس اغلبهم معاك بالحق بني عمك والناخبين بشكل عام ..
بقضية حق وانت راعي حق ان شاء الله ..
بمواجهة حكومه انتقائيه بمحاصصه استفزازيه ماينفع معاها الا اللي يحاسبها ونبي كل مرشحين الرشايدة او القبايل والتيارات يكونون بقمة ادائهم الرقابي والتشريعي تجاه الحكومه واعمالها .. وغصبن عن الحكومه تقبل هالمتابعه الدقيقه لما فيه المصلحه العامه .. :وردة:


وان شاء الله شعيب والخنفور والخرينج تكون مواقفهم واضحه ولايخذلون من اولاهم الامانه
لايحرجهم اسامة ولايحرجون انفسهم ولا مؤيدييهم

اسامة المناور ,,,,,, توجهه تكتل شعبي والله الرجل يعرف يتصرف

واذا كان بالفعل ستقام الندوه بهذا التوجه

اسلامي مستقل .. محامي الجماعات الاسلاميه
ومنها ثوابت الامة " محمد هايف " اقرب ماله بتوجه ..


http://www.elzayat.org/show_artcl_77.htm​

 

[الكويت أولا..]

كثر الله من امثالك يالمناور .. واتمنى جميع نواب الرشايده مع طرح الثقه ويكونون نفس اخوانهم نواب مطير

 

[ابو انور]

اعتقد هذه الندوه ستؤكد حصوله على مقعد بالانتخابات القادمة

وبارقام عاليه الناس فتحت خلاص تريد المواقف .... والمتخاذل لامكان بينهم

اتوقع الحضور كبير بهذه الندوه الرائعه الله يوفقك ويوفقنا لما فيه خير للوطن

 

[The Don]

الواحد يشعر بالفخر والرضى التام لمن يشوف
مسلم البراك
حسين مزيد
ضيف الله ابورميه
مبارك الوعلان
محمد هايف

مواقفهم وطنيه ولمصلحة الشعب وضد سراق المال العام..
عز الله هذي الهقوووووووه

بالنسبه لأسامه المناور..ليته نجح بالفرعي
عموما توه صغير بالعمر والطريق امامه طويل
علي الدقباسي سيف مجرب ومواقفه تتكلم عنه
سعد الخنفور ما اعتقد في له اي تصويت ضد الشعب..وما اعتقد انه بيخيب الظن يوم الاربعا
شعيب المويزري ماسمعنا منه الا كل خير والرجال كلامه طيب واعتقد انه بيكون مؤيد لطرح الثقه
الخوف كل الخوف من مبارك الخرينج

 

[مشعل الرشيدي]

وهم اربع رشايده ولا حطولهم وزير

ومع هذا كله ماسمعنا لأعضاءهم حس حس في قضية الاستجواب

علي الدقباسي كان اول المتحدثين المؤيدين للاستجواب وابدع بمداخلته .. :وردة:

ولو انه نوافقك انه المفروض الحكومه دامها عملت محاصصه ماتكون استفزازيه وانتقائيه بل تعامل الكتل باعدادها لكنها استفزت .. يعني لاهي اللي حطت الكفاءات ولاهي اللي حطت من لم يهددها بالاستجوابات ..
وان كنا ندعوا لأختيار الكفاءات بعيد عن انتمائه القبلي والمذهبي والفكري فانتمائه للكويت وكفائته يخولها للاختيار بالتشكيل الحكومي :إستحسان:
وان كنا كذلك ندعم ونأييد كل نائب بممارسة اداواته الرقابيه على اعمال الحكومه سواء تم توزير تياره او تكتله او لم يتم توزير .. :إستحسان:

اما اللي يتكلم ويشمل كل نواب الرشايدة بتاريخ المجلس فيااخ حد متابعتك الظاهر اخر جم مجلس .. ترى منهم العم عباس المناور والمرحوم ناصر الحمد ومضحي النزال وعيد النصافي ومبارك الدويلة وغيرهم ولهم مواقف مشهوده وباحداث مهمه بالتاريخ البرلماني الكويتي .. فلاداعي لتجاهل او التقليل ..

​

 

[Single]

والله زين ما يسوي

انه يحرج هالبصامة والفداوية

 

[كلمة الحق تنقال]

سبحان الله المطران الحكومه حطولهم وزير

ومع هذا كله نشوفهم كلهم مع طرح الثقة بالوزير

بخلاف الرشايده مو حاطيلهم وزير وطردو وزيرهم الدويله وحطو مطيري وعجمي وعازمي وهم اربع رشايده ولا حطولهم وزير

ومع هذا كله ماسمعنا لأعضاءهم حس حس في قضية الاستجواب

على عيني يا اعضاء مطير قسم بالله فحوووول

ليش شمسوي الوزير عشان مايقوفون معاه

وزير حطولنا والا ماحطولنا امورنا ماشيه يالحبيب واربع كراسي حاجزينها

لاصارلكم كرسي تعال تكلم