كتكات الطاحوس! 
بوشيخة
قريت تصريح خالد الطاحوس انه بيقلب الطاولة ويفاجئ الحكومة ومؤيديها بجلسة طرح الثقة.. وبعدها بدقيقة دشيت فراشي وتلحفت ونمت بدري علشان اقوم الصبح واروح المجلس.. يمكن احصل لي كرسي بين الجمهور.. وبعز النوم حلمت ان خالد الطاحوس داش المجلس بهيئة غير مألوفة.. لابس دشداشة مشققة وقحفية حاطها على بكلته.. والغترة على جتفه والعقال بيده اليمين.. ويوم وصل وقعد طلع من مخباته كتكات بو أربع أصابع وعصير سانكست.. بدت الجلسة فقام الطاحوس وطلب نقطة نظام واهو يعلج قرطاس الكتكات.. فقاله الخرافي على أي مادة.. رد الطاحوس وقال مادة الحساب.. هني فزيت من النوم والا الساعه ثمان الصبح.. تزهبت وطلعت وايدي على قلبي.. وقلت حق روحي راح الوزير.. لأن تفسير الحلم واضح.. خالد الطاحوس داهية بالحساب من ايام استاذ زهدي.. ومتمكن بالحسابات والدليل سوالفه باتحاد العمال.. اما الكتكات فهو بمثابة مؤشر على الاحتفال بسقوط الوزير.. والسانكست يدل على الحارج اللي راح يصيب النواب المؤيدين للوزير.. ما علينا.. دقيت سيارتي «سلف» ووصلت المجلس ودخلت القاعة.. بدت الجلسة.. ترقبت دخول الطاحوس.. دش وبيده مسباح.. بدت الجلسة بالواقع.. نطرت مفاجأة الطاحوس.. عين على المسباح وعين على الجويهل.. ماني شايف شي؟؟ شوي والا الوزير ياخذ الثقة واللي معارضين نقص رقمهم من 18 لغاية 16؟ وين المفاجأة.. وين الطاولة اللي بتنقلب! الحين يقوم الطاحوس.. بعد شوي يقوم.. أتاري السالفة كلها افلام.. هني ما كنت محتاج انام لأني تذكرت مشهد حامي الديار لما النفيسي الله يرحمه قال (آنا شايف في اليابان ديرة بعماراتها وملاعبها ومدارسها وفنادقها تحت الماي) الظاهر ان الطاحوس شاف ان الكويت تحت الماي بالتالي المجلس راح تكون طاولاته مقلوبة.. فقام وصرح هالتصريح.. اما موضوع تفسير حلمي.. اتصلت بمفسر وقال لي التفسير التالي.. دشداشة الطاحوس المشققة.. ثقته بنفسه.. قحفيته اللي على بكلته..بطل فيه سوائل.. الكتكات معناه كان وده يأكل شي من بوفيه الحكومة.. عصير السانكيست مؤشر على ان دندون تطالبه بفلوس.. يعني حتى الجذب اللي صار بحامي الديار واهو تمثيل كان الطاحوس أقوى منه.
التعليق:
كفيت ووفيت بوشيخه بالصميم والله :إستحسان:
اي والله وين مفاجئات الطاحوس ؟! طلع كله حجي وافلام هنديه
طحست العالم وياك
بوشيخة
قريت تصريح خالد الطاحوس انه بيقلب الطاولة ويفاجئ الحكومة ومؤيديها بجلسة طرح الثقة.. وبعدها بدقيقة دشيت فراشي وتلحفت ونمت بدري علشان اقوم الصبح واروح المجلس.. يمكن احصل لي كرسي بين الجمهور.. وبعز النوم حلمت ان خالد الطاحوس داش المجلس بهيئة غير مألوفة.. لابس دشداشة مشققة وقحفية حاطها على بكلته.. والغترة على جتفه والعقال بيده اليمين.. ويوم وصل وقعد طلع من مخباته كتكات بو أربع أصابع وعصير سانكست.. بدت الجلسة فقام الطاحوس وطلب نقطة نظام واهو يعلج قرطاس الكتكات.. فقاله الخرافي على أي مادة.. رد الطاحوس وقال مادة الحساب.. هني فزيت من النوم والا الساعه ثمان الصبح.. تزهبت وطلعت وايدي على قلبي.. وقلت حق روحي راح الوزير.. لأن تفسير الحلم واضح.. خالد الطاحوس داهية بالحساب من ايام استاذ زهدي.. ومتمكن بالحسابات والدليل سوالفه باتحاد العمال.. اما الكتكات فهو بمثابة مؤشر على الاحتفال بسقوط الوزير.. والسانكست يدل على الحارج اللي راح يصيب النواب المؤيدين للوزير.. ما علينا.. دقيت سيارتي «سلف» ووصلت المجلس ودخلت القاعة.. بدت الجلسة.. ترقبت دخول الطاحوس.. دش وبيده مسباح.. بدت الجلسة بالواقع.. نطرت مفاجأة الطاحوس.. عين على المسباح وعين على الجويهل.. ماني شايف شي؟؟ شوي والا الوزير ياخذ الثقة واللي معارضين نقص رقمهم من 18 لغاية 16؟ وين المفاجأة.. وين الطاولة اللي بتنقلب! الحين يقوم الطاحوس.. بعد شوي يقوم.. أتاري السالفة كلها افلام..
هني ما كنت محتاج انام لأني تذكرت مشهد حامي الديار لما النفيسي الله يرحمه قال (آنا شايف في اليابان ديرة بعماراتها وملاعبها ومدارسها وفنادقها تحت الماي) الظاهر ان الطاحوس شاف ان الكويت تحت الماي بالتالي المجلس راح تكون طاولاته مقلوبة.. فقام وصرح هالتصريح.. اما موضوع تفسير حلمي.. اتصلت بمفسر وقال لي التفسير التالي.. دشداشة الطاحوس المشققة.. ثقته بنفسه.. قحفيته اللي على بكلته..بطل فيه سوائل.. الكتكات معناه كان وده يأكل شي من بوفيه الحكومة.. عصير السانكيست مؤشر على ان دندون تطالبه بفلوس.. يعني حتى الجذب اللي صار بحامي الديار واهو تمثيل كان الطاحوس أقوى منه. التعليق:
كفيت ووفيت بوشيخه بالصميم والله :إستحسان:
اي والله وين مفاجئات الطاحوس ؟! طلع كله حجي وافلام هنديه
طحست العالم وياك