مالك إلا ربعك

[على كم]

لا أحد يقص عليك ويقولك القانون والمؤسسات والألية ويجوز ولا يجوز ، لأننا كلنا عيال قرية ونعرف بعضنا زين ، تمشي لا ما تمشي على حسب أنت شنو .

أنت يلي تقراني لو أقولك في دوامك ما فيه مسؤول يضبط ربعه ويظلم ناس ثانيين ،ولو أقولك في المستشفى ما فيه مسؤول يضبط حق جماعته غرفه خصوصي ويطنش بالعالم الآخر ويحط الأول الأخير والأخير الأول ، في البورصة ما فيه تاجر يضبط حاشيته ويقط الباجي على صخر ،حتى الإكتتابات الخاصة فيها تضبيط ، بالتفتيشات اللي تصير لوزارة الداخلية هم فيها تضبيط بالجمعيات إدخال البضائع هم فيها تضبيط بالجامعة والدكاتره هم تضبيط ،القنوات والصحافة هم فيها تضبيط تصدقون حتى توزيع التموين والعيش وحليب الأطفال فيه تضبيط ، ماني عارف مكان واحد بالكويت ما فيه تضبيط

من هالمنطلق الكويت بلد مالك إلا ربعك ،

 

[زنجبيل]

صدقت ورب الكعبة

 

[ريميــة]

دكتورة انجليزية عندنا بالجامعة أول كلمة عربية تعلمتها ( واسطة ) !! مسكينة من الضيم اللي شافته عندنا .

الله يرحم حال الكويت ! وهذي ثقافة تشربها المجتمع ماتقدر تعالجها بيوم وليلة