اختي بما انج طلبتي تجربه فانا راح احط لج تجربتي بشكل ممل حتى تعرفين i phone
في البدايه مع الايفون كنت ضايع بالطوشه اول ماشريته وديته احد المحلات وحطلي برامج والالعاب استخدمته التلفون يومين وبعدها قمت اشبكه فيه واحوس فيه في برنامج بالايفون اسمه (سيديا) ووظيفته ينزلج برامج الي بفلوس ببلاش وفيه برنامج ثاني حلال (ستور) ينزل برامج الخاصه بشركة أبل .
المهم قعدت احوس فيه واحوس فيه وانزل وامسح وانزل برامج واجربها وامسح خلال 3 ايام التلفون طفه شلون مادري المهم دشيت النت وعلى العم قوقل عرفت الطريقه وشغلته وبعدها تطورت بالايفون والحمدالله الحين تقدرين تقولين عني خبير ايفون لدرجة ربعي يعطوني اجهزتهم اظبطها لهم واعطيهم اياه .
وسالفه ثانيه اخوي شاف الايفون عندي بعد تطويري قرر يشتري واحد وخذاله واحد بعدها بسبوع دق علي وقالي انت بالبيت قتله اي قالي يايك قلت اوك .
اول مادش غرفتي قالي عطني 250 دينار واخذ تليفونك الخايس قتله ليش انت ماتعرفله قال مافيه بلوتوث ولا فور ورد رسايل ولا اقدر اسوي نغمات وصوته خفيف .
القصص مو حاطهم مني والطريج لهم حكمه (اخص) وهي اذا انتي ماتتعبثين بالجهاز لاتاخذين ايفون وخلج على الاركسون
اما اذا تتعبثين وتحبين تجربين وأبديت ويا اليديد عن طريق النت والمواقع راح تحسين بقيمة الايفون جهاز جبار بكل معنى
وللعلم الايفون جهازي قفل معاي اكثر من 4 مرات ومايشتغل لاني حست بأنظمة الجهاز وامسح واعدل بلغة البرمجه لان عندي خبره فيها واحاول اكتشف فيه حركات واجرب على هالمسكين بس الحمدالله ليومج هذا الجهاز يكافح معاي
ولاتحاتين وكل مشكله لها حل بالايفون
واعطيج الفرق الايفون شركتهم اعلنت نسبت مبيعات الجهاز 620% مليون
وتخيلي هالعدد نصهم متواجدين بالنت سواء عرب او انجليز يعني مشكلتج والبرامج المطلوبه محلوله ولو تسوين بحث بقوقل عن مواقع الايفون راح تملين بس العكس مع الهيرو الي اقوى مواقع الهواتف حاط كل اجهزة htc الي تعدت اكثر من 8 انواع مختلفه بصفحه وحده اما الايفون قسم كامل
الايفون يوميا 20-40 ابلكيشن او لعبه
حاليا 40 الف برنامج بالايفون
وبالنسبه للكلام الي قتلج اياه فوق لما اخوي رد تليفون علي سويتله تليفون والحين يستعمله من احسن مايمكن
البلوتوث فيه برنامج تنزلينه وليس موجود اساسا من الجهاز
الفورورد موجود بسوفت وير جديد
نغمات برنامج موجود
لو بعدد البرامج ما اخلص
لكن انتي صاحبة القرار واذا شريتي ايفون ويفضل 3gs وماتبينه قوليلي انا شراي بس طيحي السعر ^_^
لاني متحسف اخذ واحد والي عندي مسوي فيه بلاوي وماقدر اخليه
هذا رايي بالايفون واي شي تبينه بالايفون قبل الشراء افيدك بحكم التجربه
وقبل ما اختم حتى اكون منصف للايفون فيه عيوب وهي
حاليا لم تواجهني لكني سمعت عنها وهي اطفاء خاصية البوش (التنبيه التلقائي) يعني اذا وصلج ايميلج يطلعلج رساله بالجهاز ان وصلج ايميل اول بأول السبب (لان البرنامج بفلوس والناس تستخدمه ببلاش وخسرو الناس فعشان جذي الشركه طفتها على البرامج المجاانيه فقط يعني اذا تبينها تشترين البرنامج واغلب اسعار البرامج سعرها اقل من وجبة الزعيم
1$ وتوصل الي 10$ ماندر
العيب الثاني
البطاريه وتم حليها بعمل أبديت لنظام الجديد 3.1
والبطاريه انا اشحنها يومياً بسبب اني شابك على النت على طول باليوم مره وحده نص الي ساعه تعطيني يوم كامل
اما من غير نت تقعد معاي يومين - ثلاث ايام (يتخلل هذه الايام اقزرها سونيك وماريو بالجهاز ) اخص على يتخلل بس
وبالخدمة واسفين على الاطاله
