ان نويتي الصد قلعة لا تردي
اتركيني بس اصحصح كم ليلة
صار له كم يوم هالحظ متردي
والظروف منيلة بستين نيلة
من عرفتك وانتي والايام ضدي
اتخذتيني لرغباتك وسيلة
حلي عن عيني وعن دنياي صدي
لا تشبي النار في راس الفتيلة
لا تغثيني تري وصلت حدي
ادري انك بنت ناس وبنت عيلة
وادري انك تنسفيني لو تودي
يالاميرة , يالذليلة , يالعليلة
ما انحني لك لو ترخي ولو تشدي
دام غيري للي خبرك ينحني له
واللي راح يروح فدوي لعين جدي
وكل شئ طاح باذن الله اشيله
ودامها وصلت معي حد التحدي
ما تطولي راس من روس القبيلة
وان كان انا قفلن علي قولك مصدي
انتي نيلة منيلة بستين نيلة
سعد الشعلاني المطيري
