والله إنك على نياتك
هذا الكلام اللي يجمد على الشارب...احسنتي.
موضوع مميز وخفيف , وحلو ومش بطال.
وينفع لمحمد الجويهل , واعتقد لو يطلع اصيل " طل" سيوقف القناة, وسيبدأ بالهجوم المعاكس
عموما..فيه سالفة طريفة تقول:
كويتي في طريقه بالسيارة ركّب وافد مصري, دردشوا الاثنين فقام المصري يشتكي من بعد الأهل, فقال له الكويتي: طيب ليش تارك بلدك وجاي اهني؟
المصري: يا عمي بندّور على رزقنا.
الكويتي: تسافرون من اهلكم واتعبّون حالكم تدورن على الفلوس؟ يالله اقبض الحين...شفادتك غير الغربة وقل الدبار؟
المصري: أمال أنتو ما تسافروش وماتسيبوش اهاليكم طول السنة؟
الكويتي: إلا نسافر ونروح؟
المصري: طب ليه بتسافروا وتتغربوا عن أهاليكم.
الكويتي بهياط : ندوّر على المراجل والعلوم الطيبة.
المصري: ياعم كل واحد فينا بيدوّر على اللي ناقصه.!!!
والسوالف تضرب ولاتقاس
من كان يشك بأصله فأظن هذه الدراسة ستريحه نفسيا, وبيستبشر بها, إن جات على مايشتهي,,, يا فرحته والعيد عيدين, وإن لم تأتي على ما يشتهي: فهي منيّلة من زمان, ولاجديد
تحياتي للجميع...وانا واعوذ بالله من كلمة انا: ماني عنصري أبد أبد, أحيانا تمرني العنصرية مرتين في السنة, والبقية..ولله الحمد, خوش مواطن وماعندي من العنصرية طاري
(شلنا اسمه) قال:قوقل قال:
يالله مناك !
مالي خلق انصدم لا سمح الله
خوفك أنام عربي أقوم من النوم ايراني !
لا ان شاء الله
اعتقد انك سبق وطرحت الموضوع
وانا طرحت اسئلة فيه
شنو مصداقية هالاختبار .؟
يقول الله عز وجل
(( إِنَّ أَكْرَمَكُمْ عِنْدَ اللَّهِ أَتْقَاكُمْ ))
قال صلى الله عليه وسلم : " لا فرق بين عربي وأعجمي إلا بالتقوى " صدق رسول الله
هلا اخوي قوقل
اول شي هد اعصابك :وردة:
عموماً انا ما اشكك ياخوي
انا مطلع على هالموضوع ودخلت المنتدى اللي قلت عنه قبل
وسألت بالموضوع السابق عن مصداقية تبني ناشيونال جيوغرافيك لهالموضوع
لكني ماحصلت جواب
والحين رديت وسألته لا اكثر ولا اقل
كل اللي طلبته مثلاً رابط من ناشيونال جيوغرافيك يتكلم عن هالفحص
علشان لما نسولف عنه نسولف عن شي مدعوم
لا اكثر ولا اقل ياخوي
انت فاهمني غلط
رابط هالموقع يتبع منو
http://www.familytreedna.com/Default.aspx?c=1
بس هذا سؤالي
واعذرني اني ماوضحته من البداية لأني احسب انك قاريه بسؤالي بالموضوع الاول
اخوي ادخل هالصفحة...
http://74.125.93.132/search?q=cache...om/+ftdna+geographic&cd=1&hl=ar&ct=clnk&gl=kw
وإقرأ آخر الصفحة تحت...بآخر فقرة على اليمين تحت...
مكتوب....
Family Tree DNA provides the tests for this partnership between the National Geographic Society, IBM and the Waitt Family Foundation. Click here to learn more about the Genographic Project.
ناشيونال جيوغرافيك....وآي بي أم....
ها اشرايك؟ عسى نلنا الرضى بس؟
وهذا الفحص من ضمن اهدافه الرد على العنصريين