ياجماعه انا بحثت بالموضوع والله مالقيت سالفه صارت عند مسلم خصوصا هالرقم 15 شخص .... الا سالفه وحده وهي اطفائيين للاسف وليسوا موظفين بشركة حكوميه كما يزعم الاخ ... والموضوع ان هناك 15 اطفائي كانوا متخرجين من سلطنة عمان ودخلوا الاداره العامه للاطفاء في دوره لمده شهرين الى ثلاث شهور تسمى دوره تنشيطيه وبعد ذلك لم يأخذوا مكافآتهم التي تحتسب لهم خلال هذي الدوره اضافه الى عملهم كميدانيين .... فتوجهوا الى مسلم البراك وقام ابو حمود وذهب الى اللواء المنصوري .... والشهاده لله ان المنصوري قام بالواجب ووجه كلامه للمحتجين وقالهم المفروض تكلموني اول شيء لأني اكيد ماراح ارضى عن الظلم ومكافآتكم محفوظه بس اكيد صار في غلط بالموضوع .... لأنهم كانوا ثاني او ثالث دفعه تتخرج من عمان والامر كان جديد على موظف الاداره الماليه بالاداره العامه للاطفاء حسب مزاعم المسؤول بالاداره الماليه ولكن المنصوري ماقصر وياهم..... وصرف لهم مبلغ 1200 دينار لكل متدرب ....
هذا ماجاء على لسان الملازم أول مشعل هلال الشمري من مركز مطافي الجهراء الصناعيه واعتقد الآن يعمل بمركز التدريب والتاهيل بالصليبيه كمدرب.....
بالأخير ارجع واقول اعطني الدليل والاسامي وبتشوف الرد الشافي لك وفعلا اذا الكلام صحيح ولم اجد له جواب انا ااعلن من الحين اني ضد مسلم البراك ......
ياجماعه والله عجزت ادور عذروب واحد بهالانسان مالقيت..... لكن فعلا لو وجدوا عليك شيء يابوحمود لعلقوه بالصفاة وهذا عشم ابليس.....
همسه ..... مسلم مو زين .....
اوكي شفيه ..... يصارخ .....
ياعمري على الرد
همسه...... مسلم مو وطني.....
اوكي ليش.....يستجوب شيوخ.....
ياحياتي على الرد
همسه..... مسلم قبلي......
اوكي شلون.......يوقف ويا عيال عمه .......
طيب وين الدليل ..... رفيجي خلود قالي والله ماجذب عليكم ......
اقنعتني بهالرد
لا فعلا لازم نغير قناعاتنا بمسلم البراك لان رفيجه يقول ياجماعه لازم نصدقه ونجذب المواقف والفيديو والصحف والجلسات... لازم ترى مطلب شعبي نغير قناعاتنا ..... انا أبدي اولكم وبغير قناعتي لأن مو دليل 18 الف صوت ..... مو دليل ديوانه فيه الشيعي والسني والحضري والبدوي مو دليل كافي فاذا انا بغير وابي اعطي صوتي الأول حق مسلم والثاني حق بوحمود والثالث حق ضمير الامه والرابع حق فارس المجلس....
والله موقصور بالباقي بس ردآ على البعض من يطلق الاتهامات جزافا ولا ياتي بالدليل....
