السلام عليكم ورحمة الله وبركاته
صبحكم الله بالخير
انا ما ادري انتوا وين سكنكم بالضبط علشان احدد لكم الاماكن المناسبه لكم
1- اذا انتم من اهل الجهراء وراعين طويله وتحبون المشاوير تمسك خط العبدلي تتعدى اللواء السادس وبعدهها تجيك الكتيبة العاشره تتعداها وثم تنزل يسار من الشارع المنطقه هذي اهل حلال وتمتد من اول الكتيبة العاشره الى مزارع العبدلي
بس اذا كنت قريب عند المزارع افضل لك .. يوجد فرع جمعيه للحاجه ومضخة ماي
تخلون المزارع على يمينكم من الشارع وتنزلون يسار
المشوار بعيد
2- على طريق الاطراف السالمي تتعدى قاعدة علي السالم راح يجيكم تقاطع طرق كان مفتوح وسكروه قبل سنوات فا تضطرون تتعدونه وتاخذون اول لفه فوق تحت .. وترجعون على نفس التقاطع راح تشوفون طريق معبد على اليمين امسكوه
اكشو فيه لين توصلون منهول ماء (( منهول يعني بئر ماء)) راح تشوفنه على يساركم عنده سدره بس توصلون طالعوا يمينكم راح تلقون ناس اهل جواخير وقديمين لهم سنين المنطقه آمنه وفيها شباب ظفران ومطران وشمر وعنزه وخوالد وصليلات وناس كثيره
3- الي ماتدرون عنه والاغلبيه محد راح يصدقني .. تمسك خط السالمي لين توصل منطقة الابرق تعداها شوي راح تجيك الدواجن شركة دواجن نايف خلها على حجاجك اليمين وانزل البر يسار وتعدى تقريبا 5 كيلو واكثر داخل البر راح تلقون اعراب !
هم وعيالهم وعايشين هناك وبيوت شعر وغنيم .. المنطقه هذي اخر مره زرتها يوم اني صغير بالعشرينات وكنت اروح لابن عفيصان اسير عليه ونسه وفلة حجاج وابن عفيصان ترك الديره وراح للسعوديه لاسباب خاصه واظنه توفى الله يرحمه
٤- الغريب ان في ناس كانت ساكنة المنطقة هذي من السبعينات ومانزلت الديره الا سنة ٢٠٠٣ ولو بسولف ماراح اخلص
واولا واخيرا لزوم تعلمون الشيخ