التعليم العالي : اسماء الجامعات المعترف بها في مصر وبريطانيا وقطر

[m1996]

التعليم العالي : اسماء الجامعات المعترف بها في مصر وبريطانيا وقطر 2010

ما سبب قرار 50 طالب في كل كليه ؟؟ .. هل هذا في صالح الطلبه ام هو تضييق على الطلبه ؟
​

المصدر / مدونة www.Q8Ping.com​

 

[Shja3]

جامعات مصر الحكومية بالله في كويتي عاقل يدرس في مستوى معيشي هابط

تبون تقعدون الكويتي بين حفريات مصر وبهائمها

اهو تضيق قارن بين جامعات مصر وجامعات انجلترا

تلقي جامعات مصر قبلها كلها بدو

وجامعات انجلترا حضر

كلش القرار مو عنصري من موضي الحمود

بس ياليت احد يذكر لنا جم عدد الطلبة اللى تخرجو من الثانوية العامة عشان نعرف شلون راح يتوزعون على هالجامعات

ونشوف جم نسبة البطالة اللى بتصير اذا مو 30% من خريجين الثانوية بيصيرون بطالة انا ماعرف شي

 

[freeq899]

ما يبون احد يدرس وحددوها 50 لكل تخصص شوف الحسد

 

[الزير]

قرارات التعليم غريبه عجيبه وفيها تفرقة بين الطلبة بالنسبة للاعداد
وايضا بالنسبة للجامعات الموقوفة والدكاكين تشددت مع طلبة الفلبين وغيرهم
الا طلبة الجامعات اليونانية اقفوا التسجيل فقط مع انها مهزلة كبرى مثل الفلبين

 

[مساعد الشويب]

والله ما لت عليج وعلى قراراتج الدايخه

اكو ادمى يحط فى كل جامعه 50 طالب بس

عددنا مليون وكل جامعه على 50 50 يعنى متى يجينى الدور بعد 70 سنه واذا عندى واسطه بعد 30 سنه

 

[pepsi]

قرار سعودي قديم ولاكن 100 طالب في كل كلية وتم تطبيقة في الكويت ولو تلاحظ 50 طالب* 84جامعة * الكليات = رقم كبير ((بالنسبة الي بريطانيا)) ولاكن هي خطة مستقبلية لتقليل رقم 50 وهلمه جرا

 

[Shja3]

هذا قرار يهدم جيل كامل

اذا كل سنة بخلي 20 الف حامل للشهادة الثانوية

عيل السنة اللى بعدها يصيرون 40 الف والخ والخ

مصيبة يصيرون 40% من المجتمع الكويتي حملة الثانوية العامة بما انة الجامعة الحكومة ماتستوعب واهى فيها الحين 29 الف طالب والتطبيقي 14 الف

والجامعات الخاصة قالت بتاخذ من 200 لين 800

الباجى وين يروحون تبينهم يروحون جامعة مثل بنها وكفر الشيخ يقعدون مع فلاحين مصر واهو رايحين للدوامات

واللى مو عاجبة تخلينة على الثانوية

المفروض نواب الامة يتدخلون حق هالموضوع بدل لا يضيع مستقبل اجيال

 

[User12]

فيه جامعة معترف فيها أو جامعة أي كلام و تبيع شهادات

يعني مو معترف فيها و خلصنا ........

شنو أول 50 طالب أيه .. و الباقي .. نظام من سبق لبق هو !!!!!!

زين فرضاً أنا الطالب 51 .. شنو ذنبي أنه فيه 50 كويتي سجلوا في الجامعة قبل

أن أسجل فيها ............ أنا شكو فيهم ؟

يحترقون بالنار .. مربوط فيهم بسلسلة أنا ؟

دولة متخلفة بإمتياز مع مرتبة الشرف

 

[National Socialist]

حتى بأمريكا عندنا في جامعات تصكر القبول فيها لكثرة الكويتيين..... و اغلبها "بارتي سكوولز"، يعني بالأمريكي الفصيح جامعة لعب

 

[الزحاف]

معقوله قطر اصغر منا وفيها جامعات !

 

[User12]

حتى بأمريكا عندنا في جامعات تصكر القبول فيها لكثرة الكويتيين..... و اغلبها "بارتي سكوولز"، يعني بالأمريكي الفصيح جامعة لعب

أيه بس هذا مو حل ......

شوف الجامعات اللي بارتي سكوولز و أسحب الاعتراف فيها ..
و الباقي مالهم شغل فيها المفروض .. من حق كل إنسان يكمل دراسته بالمكان
اللي يعجبه مادام هالمكان محترم و يقدم تعليم حقيقي ..  

 

[بوتركي123]

بصراحة اعتقد انه قرار صائب جدا وانشالله يتم تطبيقه بحذافيره ومن غير اي تجاوزات!!!!

وخل الناس تدرس... !!! لان الجميع قاعد يلاحظ مستوى مخرجات الجامعات المصرية واللندنية!!!!
فعلا شي محير.... ناس متخرجين من بعض جامعات لندن وللاسف ما يعرفون يكتبون أساميهم باللغة الانجليزية!!!

أشلون متخرجين ؟؟؟؟ الله العالم............

​

 

[s.m.s]

مع الاسف التعليم العالي متفشي به الفساد والتنفيع


وهل يعقل التعليم العالي يرفض الانتساب بالجامعات الخارجيه وليس الانتظام


الانتساب !


وهي تقبل وتعترف بشهادات الانتساب من الجامعات الخاص بالكويت !


ماذا نسمي هذا الشي وهل هي العادله ام تنفيع


وهذا قرار من القرارت الغريبه والتعجزيه

 

[رُبـّـمــا]

انا مو فاهمه

الخمسين طالب فقط بكل جامعه ينطبق على اللي بيروحون كبعثات من الوزارة والا اللي على نفقتهم الخاصة ؟



يعني مثلا لو انا بدرس على احسابي شنو المفروض أسوي ؟​

 

[Shja3]

انا مو فاهمه​

الخمسين طالب فقط بكل جامعه ينطبق على اللي بيروحون كبعثات من الوزارة والا اللي على نفقتهم الخاصة ؟​

يعني مثلا لو انا بدرس على احسابي شنو المفروض أسوي ؟​

حتى لو على حسابج دام العدد تعدى ال 50 مالج حق
نطري دورج

 

[رُبـّـمــا]

حتى لو على حسابج دام العدد تعدى ال 50 مالج حق
نطري دورج

والله العظيم ؟




حسبنا الله ونعم الوكيل ,,

بديت أحس إن هناك مؤامرة على الشعب الكويتي ,,

والا كيف يعني يتم حجب وتقليص اعداد الدارسين ؟

خوف على ميزانية الدولة من رواتب الجامعيين ؟؟



إن كانوا حقا يريدون تنقيح فكر الجامعيين واعتبارهم جامعيين بحق وفق شهادتهم الغير مضروبة وذلك بحصر اعدادهم ونوعية الجامعات

لماذا لم يصنعوا جامعات محلية وإن كانت خاصة داخل البلد ؟








يعني الحلم تبخر ؟؟؟؟!!!

الله حسيبج يا طعامة السعمرانة​

 

[Shja3]

والله العظيم ؟​

حسبنا الله ونعم الوكيل ,,​

بديت أحس إن هناك مؤامرة على الشعب الكويتي ,,​

والا كيف يعني يتم حجب وتقليص اعداد الدارسين ؟​

خوف على ميزانية الدولة من رواتب الجامعيين ؟؟​

إن كانوا حقا يريدون تنقيح فكر الجامعيين واعتبارهم جامعيين بحق وفق شهادتهم الغير مضروبة وذلك بحصر اعدادهم ونوعية الجامعات​

لماذا لم يصنعوا جامعات محلية وإن كانت خاصة داخل البلد ؟​

يعني الحلم تبخر ؟؟؟؟!!!​

الله حسيبج يا طعامة السعمرانة​

حسبي عدد طلبة الثانوية العامة اللى تخرجو هالسنة والسنة القادمة واخذى 70% او 60% منهم وحطيهم تحت مسمى حملة شهادة الثانوية العامة

 

[sager]

فيه جامعة معترف فيها أو جامعة أي كلام و تبيع شهادات

يعني مو معترف فيها و خلصنا ........

شنو أول 50 طالب أيه .. و الباقي .. نظام من سبق لبق هو !!!!!!

زين فرضاً أنا الطالب 51 .. شنو ذنبي أنه فيه 50 كويتي سجلوا في الجامعة قبل

أن أسجل فيها ............ أنا شكو فيهم ؟

يحترقون بالنار .. مربوط فيهم بسلسلة أنا ؟

دولة متخلفة بإمتياز مع مرتبة الشرف

على اعلى معدل و ليس على الاسبقيه

و هل قرار لدرء الشبهات عن الجامعات لان فى جامعات يدشونها بالالاف و جامعات اخرى اقوى منها ماتشوف قطو فيها لان الجامعة المرغوبه لاعبين لعب و شراء شهادات و تضبيط و الخ خاصة فى مصر و ايضا حتى لحد يتكلم تم تنفيذها حتى فى بريطانيا و باقى الدول و قطر

قرار موفق و الى يبى يدرس يقدر يدرس و يجتهد و الى يقول ان يبون كل الطلبه خريجى ثانويه عيل تبون الكل خريجى جامعة سواء المجتهد ولا الفاشل ؟ ماصارت حتى فى كل دول العالم الكل يبى يصير جامعى و الى معروف ان المجتهد هو الجامعى و كل واحد يتعب على نفسه عشان يوصل مو يبى يشترى كل شى بشهادات بره و ياخذها بسهاله و ياخذ مكان غيره بالمقاعد الدراسية

و المصيبه ان الحكومة توظف بهل طلبه الفاشلين و القطاع الخاص مو معترف فيهم و بشهاداتهم لان يدرون مغشوشه و خربو سمعة بلدان معروفه سابقا بالتعليم مثل مصر

 

[m1996]

كلامك .. Shja3 ... والله صح ... بكره بتكون الدوائر الحكوميه وديوان الخدمه دووور .. وشهايدهم ثانويه عامه فقط

بلأول كنا نشوف ناس ما وفقها ربي بلثانويه .. بس يروح يكمل بره .. وربي يوفقه .. وتفكيره يتغير . يرد لنا انسان فاهم دراسيا .. وحياتيا

اما اذا كان مثل ما قلت الكل بيكتفي بشهاده الثانويه العامه ... عز الله ترس بطالا .. وعز الله ترس اوقات فراغ
وعز الله بيزيد حتى معدلات الجريمه وهلسوالف .. ما ينلاموون دام بطاليه .. شوف الدول المجاوره

 

[مطمئن]

اللي يقولي الكويت باجر يصير فيها حمله الثانوية بالالالاف شدعوه! اذا ما درس ببريطانيا ولا مصر ولا ماراح يدش جامعه كلش! يا عزيزي في جامعات خاصة بالكويت والدوله مسويه بعثات داخليه. قرار ال50 طالب صائب ولا تقولي حسد ولا غيره. أسئلني انا عن جامعات بريطانيا وامريكا الخرطي اللي متروسة كويتيين. اعرف جامعه بامريكا وبتحفظ على ذكر اسمها (اتحدى احد مايعرفها ..موقعها باحدى الولايات الشماليه البارده معدل القبول لاي متقدم 99%! يعني قط اوراقك ونسبه عدم قبولك 1 بالمليون! ونسبه النجاح فيها 97% ونص مهندسين الكويت منها! حتى انها اسهل من كليه الهندسه (جامعه الكويت). بتقولي في جامعات توب ولا نظلمهم؟ اقولك ان الجامعات التوب مالها شغل بالكويت ولا فيك ولا بأي احد ان ما كان عندك معدل عالي قووي و مستوفي كل متطلبات القبول وماصارت ان جامعه توب قبلت 50 كويتي مره وحده!

قسما بالله اعرف ناس دارسين ببريطانيا (England & Wales & Scotland) ومايعرفون انقليزي!! والله العظيم يدقون علي بالكويت ويقولووون : عنك بطل ايميلك دازيين لك بحث تكفى جيك عليه والمشكله ان تخصصهم هندسه وانا مو مهندس بس اجيك امري لله و مرات يطلبون مني اكتب لهم بحث! شلون؟ الحبايب مايعرفون انقليزي..! يقولون نقولك بالعربي وانت اكتب بالانقليزي. بالله عليكم الله يرضى؟!
والله اعرف طلبة هندسه جامعه الكويت يتكلمون انقليزي بطلاقة وعمرهم ماراحوا بريطانيا ولا امريكا.

واخرتها يي من برا ويتساوى مع اللي درس وكرف بالكويت وانشق شق!

بريطانيا وامريكا فيهم فساد خصوصا بريطانيا بالاونه الاخيره للي بيكمل هندسه! صار الوضع خري مري. خريج ادبي من الثانوية وداش كهربا وماي بالكويت ويروح بريطانيا سنه يكمل هندسه ويرجع الكويت يتساوى مع اللي درس 5 سنين بجامعة الكويت. بريطانيا صارت تبيع الشهادات يا عالم.
وواحد مسجل بجامعه ومايداوم والمصيبه هندسه مسجل وتخصصه ادبي واذا قلتله شنو تخصصك؟ يقول كيفيل انجنير الاخ يقصد Civil Engineering !!!

بسكم عاد ظلم و ظلم وحسد. لا يبا ماكو حسد ولا ظلم
تبي تدرس بجامعه بطيخ؟ ادرس من قاضبك لكن وقت التقديم بالكويت لازم خريجيين جامعه الكويت كلهم لهم اولويه عليك علشان ماتقول ظلم. الظلم انك تتقدم عليهم!

بسأل اي واحد( تخيل عندك شركه او مستشفى خاص او اي مشروع...)

ترضى توظف طبيب شهادته بطيخ؟! بذمتك ترضى دكتور بطيخ يعالجك!!؟
ترضى تخلي مهندس مايعرف انقليزي وشاري الشهاده يبني بيتك؟!
ترضى توظف محاسب بشركتك خريج هالدكاكيين؟!

عنك!!