التعليم العالي : اسماء الجامعات المعترف بها في مصر وبريطانيا وقطر

[m1996]

اتمنا التوفيق للكل

وهذا اسماء الجامعات المعترف فيها في الاردن



المملكة الأردنية الهاشمية
أولا الجامعات الحكومية:
الجامعة الأردنية .
جامعة اليرموك .
جامعة العلوم والتكنولوجيا الأردنية .
جامعة مؤتة .
جامعة آل البيت .
الجامعة الهاشمية .
جامعة البلقاء التطبيقية
جامعة الحسين بن طلال
ثانيا الجامعات الخاصة:
جامعة فيلادلفيا ماعدا تخصصات «كلية الهندسة وكلية العلوم الادارية وتخصص الحقوق».
جامعة عمان الأهلية .
جامعة البتراء .
جامعة العلوم التطبيقية ماعدا تخصصات «كلية الهندسة وكلية العلوم الادارية وتخصص الحقوق»
جامعة الزيتونة .
جامعة الأميرة سمية الجامعية للتكنولوجيا .
جامعة الاسراء ماعدا «تخصصات كلية الهندسة»
جامعة جرش ماعدا «كلية الهندسة وكلية العلوم الادارية وتخصص الحقوق وجميع تخصصات الشريعة»
جامعة اربد.
جامعة الزرقاء .



وهذي جامعات البحرين

مملكة البحرين:
جامعتين حكوميتين هما:
جامعة البحرين .
جامعة الخليج العربي .
​

المصدر

 

[دسمان]

اخواني القرار تخبطي وخذوها مني

القرار بو 50 طالب لكل كلية يشمل جميع الدفعات
يعني الكلية فيها 50 كويتي بالسنة الاولى الثانية الثالثة وجذي
يعني تخرج من الكلية طالب كويتي واحد يبقى 49 طالب يعني مقعد واحد يصير مخامط عليه
صج القرار مبهم ومضحك بنفس الوقت

 

[m1996]

اي اتوقع الزحمه ماراح تكون الحين ... راح تكون السنوات القادمه ... انطر احد يتخرج عشان تنقبل بلجامعه

لا حول ولا قوه الا بالله​

 

[بوح الجروح]

صح كلامك و انا درست الحقوق بالإسكندرية​

و ابي أشوف الشخص اللي يتطنز شنو يسوي في امتحاناتها​

كلمة حق في جامعة الاسكندرية خاصة كلية الحقوق جامعة صعبة جدا جدا جدا و اعرف شخصيا اربع اشخاص حولوا من جامعة الاسكندرية الى جامعات الاردن

ما عليك يا بو فيروز اهل سان ستيفانو ادرى بشعابها

 

[Shja3]

انا ابي اعرف اللى يقول قرار صائب

صائب بشنو

30 الف طالب يدرسون بالثانوية العامة اللى بيدش منهم الجامعات والمعاهد 15 الف
بجامعة الكويت والمعاهد والجامعات الخاصة كمثال يعنى

ال 15 الباجى وين يروحون

هال 15 ينطرون واحد يفنقش عشان يتهاوشون على كرسية بالجامعة

قرار ملطشة ويملطش الطلبة واهاليهم

الوزيرة الظاهر تبي 15 الف شاب وشابة يكون المعدل التعليمى مالهم ثانوية عامة

هالقرار يكون صائب لو الدولة عندها جامعات تستوعب هالعدد

 

[بوح الجروح]

اللي يقولي الكويت باجر يصير فيها حمله الثانوية بالالالاف شدعوه! اذا ما درس ببريطانيا ولا مصر ولا ماراح يدش جامعه كلش! يا عزيزي في جامعات خاصة بالكويت والدوله مسويه بعثات داخليه. قرار ال50 طالب صائب ولا تقولي حسد ولا غيره. أسئلني انا عن جامعات بريطانيا وامريكا الخرطي اللي متروسة كويتيين. اعرف جامعه بامريكا وبتحفظ على ذكر اسمها (اتحدى احد مايعرفها ..موقعها باحدى الولايات الشماليه البارده معدل القبول لاي متقدم 99%! يعني قط اوراقك ونسبه عدم قبولك 1 بالمليون! ونسبه النجاح فيها 97% ونص مهندسين الكويت منها! حتى انها اسهل من كليه الهندسه (جامعه الكويت). بتقولي في جامعات توب ولا نظلمهم؟ اقولك ان الجامعات التوب مالها شغل بالكويت ولا فيك ولا بأي احد ان ما كان عندك معدل عالي قووي و مستوفي كل متطلبات القبول وماصارت ان جامعه توب قبلت 50 كويتي مره وحده!

قسما بالله اعرف ناس دارسين ببريطانيا (England & Wales & Scotland) ومايعرفون انقليزي!! والله العظيم يدقون علي بالكويت ويقولووون : عنك بطل ايميلك دازيين لك بحث تكفى جيك عليه والمشكله ان تخصصهم هندسه وانا مو مهندس بس اجيك امري لله و مرات يطلبون مني اكتب لهم بحث! شلون؟ الحبايب مايعرفون انقليزي..! يقولون نقولك بالعربي وانت اكتب بالانقليزي. بالله عليكم الله يرضى؟!والله اعرف طلبة هندسه جامعه الكويت يتكلمون انقليزي بطلاقة وعمرهم ماراحوا بريطانيا ولا امريكا.

واخرتها يي من برا ويتساوى مع اللي درس وكرف بالكويت وانشق شق!

بريطانيا وامريكا فيهم فساد خصوصا بريطانيا بالاونه الاخيره للي بيكمل هندسه! صار الوضع خري مري. خريج ادبي من الثانوية وداش كهربا وماي بالكويت ويروح بريطانيا سنه يكمل هندسه ويرجع الكويت يتساوى مع اللي درس 5 سنين بجامعة الكويت. بريطانيا صارت تبيع الشهادات يا عالم.
وواحد مسجل بجامعه ومايداوم والمصيبه هندسه مسجل وتخصصه ادبي واذا قلتله شنو تخصصك؟ يقول كيفيل انجنير الاخ يقصد Civil Engineering !!!

بسكم عاد ظلم و ظلم وحسد. لا يبا ماكو حسد ولا ظلم
تبي تدرس بجامعه بطيخ؟ ادرس من قاضبك لكن وقت التقديم بالكويت لازم خريجيين جامعه الكويت كلهم لهم اولويه عليك علشان ماتقول ظلم. الظلم انك تتقدم عليهم!

بسأل اي واحد( تخيل عندك شركه او مستشفى خاص او اي مشروع...)

ترضى توظف طبيب شهادته بطيخ؟! بذمتك ترضى دكتور بطيخ يعالجك!!؟
ترضى تخلي مهندس مايعرف انقليزي وشاري الشهاده يبني بيتك؟!
ترضى توظف محاسب بشركتك خريج هالدكاكيين؟!

عنك!!

والله مصدق يا عنك لكن ما يمنع ان فيه ناس اعرفهم شخصيا استفادوا من دراسة لندن على الاقل لو تقعد وياهم يعلمونك وش عرفوا من دراستهم من لندن .وبعضهم الله وكيلك يقول لك انا بس اخذت الشهادة و يعترف لك اهم شيئ الشهادة وش يفيدني العلم, على اقل تقدير طقطق بالانجليزي مو شرط تصير بلبل بالانجليزي

 

[دسمان]

تذكرت واحد من الربع متخرج من جامعة داربي هندسة بو سنة
المهم رحنا مطعم بأحد المجمعات ولا ايينا جرسون من جنوب افريقيا ياخذ الطلبات جان خليته يطلب وجبته ويتفلسف عليه بالانجليزي
المهم الجرسون سأله بالانجليزي
هل تريد حلويات بعد الوجبة الرئيسية؟
قال نو نو my husband is waiting me at the shisha cafe
الجرسون بقق عيونه قال what?
قال !!!!!my husband MY HUSBAND
انا نزلت راسي وويهي حمر والزباين اللي بالمطعم يطالعونه ويضحكون
قلتله قوله my cousin يعني ولد عمك مو ريلك هذا قصدك
قال اي اي my cousin
والريال انحرج ومن يومها طقله تذكرة لندن وتعلم انجليزي لمدة سنة ورجع
للعلم الريال هذا من احدى القبائل المنطقة الرابعة
وتقولون القرار ظلم البدو والله بعض البدو ما يدورون الا على الجامعات السهلة ودكاكين الجامعات وما ينظرون للجودة التعليمية ولا واحد اعرفه سلتوح كان يشتغل عسكري بالجيش شفته ذاك اليوم مهندس ومن وين؟؟! يقول من بريطانيا حضرته درس ثانوية بالسعودية وكمل 3 سنوات هندسة

 

[m1996]

هههههههههههههههههه .... واجد ناس تخرجو من بريطانيا مايعرفون كوعهم من بوعهم

 

[بو فايز]

تذكرت واحد من الربع متخرج من جامعة داربي هندسة بو سنة
المهم رحنا مطعم بأحد المجمعات ولا ايينا جرسون من جنوب افريقيا ياخذ الطلبات جان خليته يطلب وجبته ويتفلسف عليه بالانجليزي
المهم الجرسون سأله بالانجليزي
هل تريد حلويات بعد الوجبة الرئيسية؟
قال نو نو my husband is waiting me at the shisha cafe
الجرسون بقق عيونه قال what?
قال !!!!!my husband MY HUSBAND
انا نزلت راسي وويهي حمر والزباين اللي بالمطعم يطالعونه ويضحكون
قلتله قوله my cousin يعني ولد عمك مو ريلك هذا قصدك
قال اي اي my cousin
والريال انحرج ومن يومها طقله تذكرة لندن وتعلم انجليزي لمدة سنة ورجع
للعلم الريال هذا من احدى القبائل المنطقة الرابعة
وتقولون القرار ظلم البدو والله بعض البدو ما يدورون الا على الجامعات السهلة ودكاكين الجامعات وما ينظرون للجودة التعليمية ولا واحد اعرفه سلتوح كان يشتغل عسكري بالجيش شفته ذاك اليوم مهندس ومن وين؟؟! يقول من بريطانيا حضرته درس ثانوية بالسعودية وكمل 3 سنوات هندسة

قال وش دراك انها كذبة ؟؟؟ قال من كبرها خخخخخ

شنو هالمطعم اللي زباينه ما عندهم شغل بس يتسمعون حق الناس اللي يطلبون من الجرسون علشان يضحكون !!!!!! الا اذا حاطين ميكرفون زكية زكريا خخخخخ

 

[دسمان]

قال وش دراك انها كذبة ؟؟؟ قال من كبرها خخخخخ

شنو هالمطعم اللي زباينه ما عندهم شغل بس يتسمعون حق الناس اللي يطلبون من الجرسون علشان يضحكون !!!!!! الا اذا حاطين ميكرفون زكية زكريا خخخخخ

هذا رد واحد من خريجي جامعات تلش :إستنكار:

اذا بعطيك اسمه وعنوانه بتصدق يعني

 

[بو فايز]

هذا رد واحد من خريجي جامعات تلش :إستنكار:

اذا بعطيك اسمه وعنوانه بتصدق يعني

احلف بالله ان السالفة صحيحة

و انت محاسب امام الله اذا حلفت كذب

 

[دسمان]

احلف بالله ان السالفة صحيحة

و انت محاسب امام الله اذا حلفت كذب

وليش احلف؟
السالفة صحيحة واذا تبي رقمه ادزه لك بالخاص
وطبعا هالسالفة غيض من فيض
يعني هناك مواقف مشابهة حصلت مهندسين اعرفهم من خريجي التشيك وسلوفاكيا على نفس المنوال وخصوصا اذا يحبون يتفلسفون على ممرضات المستشفيات الخاصة بالكويت وخصوصا اذا كانو من الدول الغربية
ياخي اذا كنت خريج من اي مكان حتى لو من المريخ لا تتفلسف بشيء ما تعرفه واعتز باللغة العربية
نفس ولد خالتي عنده ماجستير من جامعة كولورادو وبلبل انجليزي بس ما يتكلم بها وهو بديرته يقول اهم اللي محتاجين لي مو انا محتاج لهم عشان اطلب شغلة بالانجليزي
السالفة ومافيها ان التحدث بالانجليزية صار برستيج لمن لا برستيج له :باكي::إستنكار: