دكاكين التعليم العالي !

[حمود بن يوسف]

أي تعب الناس الله يرضى عليك ... الظاهر انت يا خوي من جماعة الناس اللي تشوف بعين وتصكر الثانية .... خل التعب لأهله ..... ناس تداوم يوم كل أسبوعين .... وناس تداوم يومين في الشهر ..... وناس اتحضر اختبارات كل 4 شهور .... وناس تداوم اسبوعين في السنة ..... غير الرشاوي والهدايا والعطايا والتضبيط وشراء الذمم والامتحانات ..... يعني خلصت كل جامعات العالم ومابقى الا كل من :
1- المعادي والمتطورة والفراعنة ....... في مصر .
2- أبيردين وربعها اللي في لندن .
3- الخليجية وديلمون وربعها اللي في البحرين .
4- فيلادلفيا والزيتونه في الاردن .
5- دكاكين وأكشاك التعليم اللي في الفلبين والهند والتشيك وسلوفاكيا .....:باكي:
يا أخي اللي يبي علم صحيح لازم يضحي شوي ويحط الله ومصلحة ديرته قدام عينه:إستحسان: ... مو لحق ما تلحق ورا الفلوووووس وأكررها (طز بالحلال والحرام) دامه يتعارض مع مصلحتي الشخصية ..... يا أخي بحكم عملي وعلاقتي القريبة جدا من هذا الموضوع .... والله ثم والله وهذا قسم انا محاسب فيه امام رب العرش العظيم يوم الدين ..... انه مخرجات أغلب الجامعات اللي ذكرتها لكم أعلاه هي (صفر) % ... يارجل شخص متخرج من لندن مهندس يحط بالطلب Female بدال Male هذي وين صارت:باكي: .... عينة ثانية ماتعرف تكتب بالانجليزي الا اسمها :باكي:.... عينة ثالثة خريج لندن بعد .... راجعنا علشان يسأل عن طلب التوظيف الخاص فيه ... قلناله (System Dowm) قال : يعني أنزله تحت :باكي:..... والكثير الكثير .... يارجل شاب راسنه من هول ما نرى ..... والله يا جماعة حرام شنو ذنب اللي درس بجامعة الكويت 5 سنوات هندسة وانطحنت خشته من كثر الدراسة والتعب والمشاريع والمدرسين الخصوصيين .... والاخ جايني بارده مبردة يبي يتساوى معاه ..... يا أخي جانك عالبر والنصيحة .... وتبي العلم والسهر عشان تعدل وضعك وتفيد بلدك ... هذي الجامعات الخاصة بالكويت مشرعه أبوابها سجل وأدرس وكمل .... ونفس المصاريف اللي بتصرفها بدكاكين العلم + مصاريف السفر والسكن .... اصرفها بديرتك عند أهلك وربعك وجماعتك .... لا والدوام يوم ترك والعصر بعد ..... علشان مالك حجه تقول دوام والتزامات البيت ووووووو ..... بس احنا النقص فينا ... احنا نبي مصر والفلبين والبحرين حق السهر والدمبكة والحارش وارش وضبطني واضبطك .... أما الحلال والحرام لا خله يستريح شوي ... ما عليه أسوي لي سبيل بأفريقيا من معاشي بعد ما أعدل وضعي ......لا تقول لي التعليم العالي موافق وقاعد يعتمد هالجامعات.... انا أقول لك التعليم العالي مو قرآن ولا سنة نبينا محمد (ص) ..... الانسان لازم تكون عنده حمية وغارية على مصلحة ديرته ... ولازم عنده وازع ديني يرده عن الغلط خاصة وانت عارف انه هذي الجامعات ما تعطي لا علم ولا بطيخ ... ما تعطي الا الردى وطياحة الحظ .....والانسان لا زم ما يكون امعه ويركض مع الناس على قولة المثل حشر(ن) مع الناس عيد ..... بس انا ما أقول الا حسافة عليج ياديرة دام هذي عيالج ...... كلمة أخيرة للأخ المملوح اللي يقول طعن من ورى الشاشات ... والاخ الأطخم اللي يقول حسد وحقد .... ما هو موقفكم لو يشق بطنك أحد الاطباء المتخرج من هذي الجامعات بطريقة النصب والاحتال ؟؟؟؟؟

أبي رد من الاخوان المملوح والأطخم على تساؤلي ؟؟؟؟؟

 

[6ergi]

اعتقد هاذي جامعة سوانزي متروبوليتان اللي وقفتها التعليم العالي مع بقية الجامعات السكة ويعطون قبول unconditional مع pre-sessional course انجليزي اسبوعين
هاذي قصة واحد لقيتها باحد المنتديات

انا تعبت عمري وعصرت مخي ويبت بالايلتز 5 وبالاخير بالغصب عطوني 20 اسبوع كورس بريسشنال قبل التخصص بس مافي وقت الحين مع مراسلات التعليم الواطي مع ديوان الخدمة فأجلتها للسنة الياية للاسف
عاد في موظفة بادارتنا اللي تكلمت عنها توها تخرجت من هالجامعات السكة كان عندها شهادة دبلوم تدريبي سنتين بعد الثانوية ومانشوفها تداوم قبل جم سنة فجأة صارت مهندسة ولا حضرتها داشة الكلية الاسترالية دبلوم بوسنتين بدون تفرغ وخذت اجازة دراسية وراحت لديربي جك بم شفنا نص حجيها عربي والنص الثاني انجليزي وتقول امتحانات صعبة وتعب واحنا عارفين انها جامعة شيل ومشي وشغل تقارير هوم ديلفري عند دكتور باكستاني ب500 باوند تقريرك جاهز

كفو عليك .. وشيء طيب منك أنك لم تلجأ لإغراء الجامعات-الدكاكين ..

الله يوفقك ..

 

[حمود بن يوسف]

كفو عليك .. وشيء طيب منك أنك لم تلجأ لإغراء الجامعات-الدكاكين ..

الله يوفقك ..

:إستحسان::إستحسان::إستحسان::إستحسان::وردة::وردة::وردة::قلب::قلب::قلب:

كفو والله يا ولد ديرتي ..... هذا دليل على وطنيتك وحبك لبلدك ...... وايمانك بثوابت دينك ..... عسى الله يكملنا بايماننا ويثبتنا على الحق ويهدينا لما فيه خير مصلحة البلاد والعباد

 

[6ergi]

:إستحسان::إستحسان::إستحسان::إستحسان::وردة::وردة::وردة::قلب::قلب::قلب:

كفو والله يا ولد ديرتي ..... هذا دليل على وطنيتك وحبك لبلدك ...... وايمانك بثوابت دينك ..... عسى الله يكملنا بايماننا ويثبتنا على الحق ويهدينا لما فيه خير مصلحة البلاد والعباد

شكرا لإطرائك يا زميل ..

في فرق بين جامعات تبيك تنجح وتبدع وتبتكر وما تطلع الا وانت فاهم وجامعات تبي ترسبك وتطلع مو فاهم شي
يكفي ان جامعة الكويت عليها انذارين واحتمال منظمة ABET يسحبون الاعتراف منها حسب الاخبار المتداولة بموقعهم

ممكن الرابط لما تقول عنه في موقع إيبت .. إذا تكرمت ..
​