عطلة الربيع على الأبواب

CR7

عضو ذهبي
بما ان عطلة نص السنه قربت ( عطلة الربيع ) والاجازه تقريباً 15 يوم من 27/1/2011 الى 12/2/2011 يعني مده مناسبه للسفر وكسر الروتين خصوصاً اللي عنده امتحانات .

خلونا ننصح بعض ؛

وين نسافر ؟

اي الاماكن ينصح فيها ؟

التكلفه الماديه ؟

وراح ابديها بنفسي :

تقريباً كل عطلة ربيع اروح أنا والعائله دبي !
ليش دبي ؟

علشان عندهم مهرجان و قريبه و اسعار التذاكر مناسبه للي عنده عدد و اسعار الفنادق والشقق معقوله و الجو يكون مناسب عندنا برد وعندهم الجو حلو . واهم شي التجديد يعني كل ماتجيهم تلقى شي جديد عندهم والسنه هاذي عندهم مدينة العاب جديده بدال الوالت ديزني وعندهم عالم الفيراري في أبوظبي .


أتمني للجميع عطله سعيده .
 

بقيييط

عضو ذهبي
رايك حلو وخصوصا دبي بنفس الوقت ماتتعب مع الحجز في نفس السنه من كل عام يالله تحصل حجز بعطلة الربيع بس دبي في اي وقت تلق حجز ومنه تونسهم ...انا حاجز للعائلة الناقل الرسمي وانيت مازدا والسكن عباره عن ثلاث اخيام النمران والوجه طريق المطلاع :D وموفق خير ياطويل العمر
 

CR7

عضو ذهبي
رايك حلو وخصوصا دبي بنفس الوقت ماتتعب مع الحجز في نفس السنه من كل عام يالله تحصل حجز بعطلة الربيع بس دبي في اي وقت تلق حجز ومنه تونسهم ...انا حاجز للعائلة الناقل الرسمي وانيت مازدا والسكن عباره عن ثلاث اخيام النمران والوجه طريق المطلاع :D وموفق خير ياطويل العمر

مصاريف رحلتك نفس مصاريف السفر ؟

وانا ودي برحلتك بس خائف من الجو يخون بالكويت .... فجأه الا غبار بالشتاء
 

CR7

عضو ذهبي
رايك حلو وخصوصا دبي بنفس الوقت ماتتعب مع الحجز في نفس السنه من كل عام يالله تحصل حجز بعطلة الربيع بس دبي في اي وقت تلق حجز ومنه تونسهم ...انا حاجز للعائلة الناقل الرسمي وانيت مازدا والسكن عباره عن ثلاث اخيام النمران والوجه طريق المطلاع :D وموفق خير ياطويل العمر

مصاريف رحلتك نفس مصاريف السفر ؟

وانا ودي برحلتك بس خائف من الجو يخون بالكويت .... فجأه الا غبار بالشتاء
 

بقيييط

عضو ذهبي
مصاريف رحلتك نفس مصاريف السفر ؟

وانا ودي برحلتك بس خائف من الجو يخون بالكويت .... فجأه الا غبار بالشتاء
في الغبار وانا وياك بس المصاريف اختلف معك وكل علي هواه:D
 

ريما القمر

عضو مخضرم



عطلة الربيع أحبها تكون بسيارة ..

مكة والمدينه ..

الخبر والبحرين أو الرياض ..

دبي وقطر ..

أو لبنان تروح للثلج ..





.

 
امنيتي ان اذهب الى المسجد الحرام لعمرة

واذهب للمدينة المنورة واعيش الجو الايماني
 

هاشم الاطرقجي

عضو فعال
العطله سنقضيها في خباري وضحه عند الحلال

واذا خلصت العطله نشوف لنا دوله راحه واستجمام خمس ايام مثل لبنان او المغرب او اسبانيا
 

جمـوح الخيل

عضو مخضرم
مافيه احلى من انك تنصب الخيام بالصمان وتعزم اللي يوسعون الخاطر
وتذبح وتصلخ وتشوي على كيفك.. وتشب النار من المغرب وتتجتمع انت والاهل والاقارب وتسولفون..
ولاحظ اذا طلعت يم البر تنام من غير تفكير وارق.. عكس لما تكون بالديره..
لا احد يلومني بحب الخلا...
 

ŞĥmLąŇ

مشرف الشبكة الرياضية
احلي شي بعطلة الربيع المخيمات والبر

تحياتى لمشجع ريال مدريد المتعصبCR7

:وردة:
 

CR7

عضو ذهبي
مصاريف رحلتك نفس مصاريف السفر ؟

وانا ودي برحلتك بس خائف من الجو يخون بالكويت .... فجأه الا غبار بالشتاء


قايل لكم فجاه غبااااااار
 

CR7

عضو ذهبي
احلي شي بعطلة الربيع المخيمات والبر

تحياتى لمشجع ريال مدريد المتعصبCR7

:وردة:

حياك شملان المشرف الرياضي الكتالوني المو متعصب
 

CR7

عضو ذهبي
اعتقد ان البر برد هالايام وما يصلح والجو في أوربا ثلوج !!!

ما في إلا دبي او ماليزيا الجو مناسب للعوائل
 

S U L T A N

عضو بلاتيني
عطلة الربيع فرصه للابتعاد عن الجو الضوضائي والمدن والتلوث البيئي

افضل شي المناطق البريه والمنتزهات الطبيعيه
 

rightword

المعرف السابق: شموخ بدويه
بعطله الربيع بروح الخبر اتسوق
الاسعار بالكويت بترتفع بعد الالف
 

محمد1

عضو ذهبي
بعطله الربيع بروح الخبر اتسوق

الاسعار بالكويت بترتفع بعد الالف

الكوويت كله تبي ترووح الخبر والبحرين

اختى شموخ منحااشه من الاسعاار عندهم خبر بالالف :eek:
 

النوخذه 1

عضو بلاتيني
جهز خيوطك ومياديرك وروح الرشدان واكرب بهالشعوم

تحياتي :وردة:
 
كلمة إدارة الموقع
جميع المواضيع والمشاركات المكتوبة تعبّر عن وجهة نظر صاحبها، ولا تعبّر بأي شكل من الاشكال عن وجهة نظر إدارة الشبكة.
أعلى