مهزله جديده من وزارة الداخليه تفضلوا أقروا العجب العجاب

[عامر بن صعصعة]

والله ياريت يطبق


والله العظيم شوف العين واحد يسوق السيارة وبقي يسوي حادث لا سمح الله والسبب الريال شابك ويسوي جات يعني محادثه كتابه واين علي شارع الخليج هذول كفي سيارة

 

[محمد1]

المشكله لي بالقانون المشكله بالقيادين الي يطبقون القانون

المشكل من البعض هم الي يخرقون القانون

والمشكله الثانيه قرا فردي وغير مدروس

 

[مشعل ابوبدر]

قرار جيد لكن قاسي بعض الشيئ

 

[عمار ياكويتنا]

ابصراح قانون تعسفي , بس ارواح الناس مولعبه

 

[iphon5]

غلطان الزعابى شرايك طلق حريمنا وتبيع بيوتنا بعد ياابو الفلبن
انا اقول زوجووه العزوبى هذا تشغله وتعلمه الشغل بدال الاسيويات
الله لاتبلانا

 

[wrx-48]

غلطان الزعابى شرايك طلق حريمنا وتبيع بيوتنا بعد ياابو الفلبن
انا اقول زوجووه العزوبى هذا تشغله وتعلمه الشغل بدال الاسيويات
الله لاتبلانا

أتق الله في ربك حتى لو كان هذا الكلام صحيح استرو من في الأرض يتسركم من في السماء
وصن لسانك يا أخي الكريم أنت ترتكب ذنب وسوف تحاسب عليه يوم القيامة

 

[Shja3]

خل يطلع هالمراجل علي اللي بالبحرية اللي اعترضو علي الأوامر بالبحرين

 

[ياصاحبي]

نفس هالقرارات تحسسنا ان ضباط الداخليه يتابعون التلفزون السوري الرسمي والايراني وكذلك التلفزون العراقي
حيث ان هذه القرارات البعثيه تبتعد كل البعد عن التقدم اللذي تواكبه كل الدول المتحضره ..
اذا كان استخدام الهاتف النقال يؤدي الى حدوث المشاكل فليس من العقل ان تستعين بقرارات صدام لتحل مشكله انت لست بقادر على حلها حضاريا .

تحياتي لكم يا بتوع الداخليه :وردة:

انزين اللي يركب قاري ويتكلم بالتلفون شنو تسون له ؟؟؟

 

[iphon5]

أتق الله في ربك حتى لو كان هذا الكلام صحيح استرو من في الأرض يتسركم من في السماء
وصن لسانك يا أخي الكريم أنت ترتكب ذنب وسوف تحاسب عليه يوم القيامة

اهو اللى فاضح نفسه رايح زياره الاخ لمركز العبدلى معاه اسيويه ولاكه خمر طالع من اذونه
انت شفيك اخوى هذى الداخليه تبى توصل خلك من الناس اللى تشرب وليالى الانس على طول وكيل او مدير عام
الداخليه ماتنظف لو تغسلها بماى زمزم الله يعين الشعب عليها ويصلح حالها

 

[الكتالوني]

لا مهزله ولا شي ,, ياخي لا تكلم بالتلفون !
وانت تدري من بعد الواتساب وهالحركاااات ترى خربوها الشباب ,,
عموما انا من مؤيديه ,, بس لايصيدوني !

 

[ام الهيمان]

انا اقول الي اصدر القرار المفروض مايكون لواء يكو شويش ما يعرف

يقرأ ولا يكتب ....

قرار يفشل يعني انجاز هذا ...

 

[شريف روما]

هو فعلا ً الناس مشغولة بالتلفون اثناء القيادة

لكن مو لدرجة سحب السيارة ..

يقدر يحطون عليه مخالفه قوية من 100 دينار أو اكثر


لكن تنسحب السيارة ( شكووووووو !! )

 

[طنطل]

مايبون يصادرون التلفون بعد

القرار هذا طلع مع الأي فون
​

 

[أبوحزم]

أتوقع باجر ما تمر على الخامس أو السادس

إلا تحصل السيارات كلها صافطه يمين الشارع

وشغالين ( واتس أب ) ومحط بـ ( البارلنغو ) !

لازم يكثرون لنا ( أماكن الوقوف ) بعد هالقرار !

 

[رجل دولة]

أصدر اللواء الزعابي اوامره للظباط والأفراد في وزارة الداخليه أن أي مواطن أو مقيم يستخدم الهاتف أثناء قيادة السياره تسحب رخصته أول مره وثاني مره تسحب السياره مده معينه ويرجعوها له وثالث مره تسحب سيارة هذا المواطن وتصادر منه؟ يأخذون سيارة ألي يتكلم بالتلفون

وهل ألي يتكلم بالتلفون تهمته خطيره للهدرجه عشان يسحبون سيارته منه؟

وعلاوة على ذلك يقوم بأختبار قياده جديده ورخصه جديده؟

بأي حق تسحب سيارتي عشان تكلمت بالتلفون؟

شنو هالمهازل هذي الحكومه هذي ماتتعض من الدول الثانيه؟


ياشباب شرايكم بالهموضوع قمة المهزله تخيل تكلم بالتلفون يسحبون سيارتك؟


هل الكلام بالهاتف هو جريمه كبيره توجب سحب السياره؟

وين قانونك عن اللى " يقحصون " ومزعجين خلق الله ... بلد تمشي بالمعكوس !!​

 

[bu sultan]

مجهة نظري انه السياقة اخلاق و ذوق و احترام الناس و الطريق

للاسف هذي الاشياء شبه معدومه عند كثير من مرتادين الطريق

احنا بحاجه ماسه لنشر و توعيه ثقافة و احترام الطريق

اما بالنسبه للموضوع .. كثير من الدول المتقدمه مخالفاتها صارمة لمستخدم النقال اثناء القيادة

و شخصية جدا مؤيد للعقوبة و أفراد الداخلية يجب أن يكونوا القدوة

و سلم لي عالقدوة

 

[ياصاحبي]

طيب الحين اغلب السيارات الحديثه فيها جي بي اس ودي في دي شلون يعني ما نستخدمهم علشان حضرته الضابط الزعابي مو مسوي ابديت للعالم وين وصل

للبيع تلفون بيت فر علشان محد يتكلم وهو يفتر

 

[مدونة بدوي ماركة]

مخالفة استخدام الهاتف الجوال اثناء القيادة سن قانونها من قبل مجلس الامة قبل سنتين اعتقد
والدكتور الزعابي او غيره ممن سبقوه ماهم الا جهه لتطبيق القانون
وقد سن هذا القانون نظرا لكثرة الحوادث بسبب بعض المعتهون ممن يتحدثون في الهاتف وينسون انفسهم ويتسببون بكوارث
كالذين لايعون خطورة بعض القوانين ولايعرفون طريقة سنها وتطبيقها ومن ثم يتطاولون بكل جهل وتخلف !​

ملاحظة: بإمكان اي شخص استخدام سماعة البلوتوث او السلك
وقد وزعت وزارة الداخلية في السابق السماعات مجانا وفي الشوارع​

القانون القديم لكن ولايجهله الا من لم يكن لديه رخصة قيادة عندما اقر هذا القانون !​

هذه القوانين مطبقة في معظم الدول المتقدمة
وتم عمل دراسات عالمية ومن قبل خبراء !!!​

مسألت سحب السيارة اثناء قيادة المركبة واستخدام الهاتف
فهي غير حقيقية

المركبة تسحب في المخالفات الجسيمة فقط
1-قيادة مربكة بدون رخصة قيادة نهائيا
2-تجاوز الإشارة الحمراء
3-الإستهتار والرعونة
4-تحميل ركاب بقصد الإجار
5-السرعه فوق المعدل (سرعات عاليه 160)
6-قيادة مركبة عكس السير (مسافات تتجاوز ال50 متر)
7-قيادة مركبة بحالة سكر​

 

[بشاركو]

هناك من يستخدم البلاك بيري و هو يقود السيارة و يطالع الايميل و هو يقود السيارة .

 

[AlBadel]

ياجماعه هالزعابي زوجوه وخلصونا من عزوبيته
باجر يقولك تسحب سيارة كل وحده تسوق وأهي منقبه
ـــــــــــــــــــــ
تـــــــوقيع مـــــــؤقت ومخــــــــصص لصــــــاحب الســـــــــمو لحــــــين عـــــــودته حفــــــظه الله​

​

من أقـوال سـموه شـفاه الله ( كــل وزيـــر لا يــريد صــعود المنصـــه .. علـــيه أن يـرحل ) والمشكلة هالعـبارة مـايبيـــلها درل ولا وصـــفة ..
فبـــــــإسم الشــــــــبكة الوطـــــــــنية .. أعــــــــضاء وأقــــــــلام تعـــــــشق هــــــيبة صـــــــباح ح الأحــــــمد ........ بالســـلامة يـا رمـــــــز الأنــــــــسانية
ـــــــ
مسج لمن كانت ولازالت مهنته فداااوي نيولوووك​

لا توجد حرية منقوصة أو حسب الطلب أو المزاااج أو ترقـيع لوااااااائح .. حـتي ولو كانت ماده في بــــطن دستور فتــبا وسحقا لمن يمن بها علينا​