اللي يلاحظ هالايامام سعدون حماد شغال على احمد السعدون على قولته عراب التكتل الشعبي
. مره عنده ارض بدوله خارجيه مااخذها هبه ومدعوم من تلك الدوله مره عنده عمارات ومااخذها بشكل غير قانوني مره ماادري شنو
. السؤال اللي يسدح نفسه ليش بهالوقت بالضبط سعدون حماد اشتغل عليه و سكوته طول هالفتره
.مع ان سعدون حماد يقول انا عندي المستندات والادله اللي تثبت تورط السعدون من فتره
. حماد فيه بطنه بلا يبي سالفة المصري سيب وانا اسيب وخايف انه ينكشف المستور ويبي السعدون يطمطم الموضوع
. واللي يلاحظ ان سعدون حماد يبي يفركش قانون الذمه الماليه وهو ادخال بند كشف ذمة
الاعضاء باثر رجعي منذو دخولهم للمجلس الامه وهو عارف هالشي صعب ومستحيل تطبيقه وهو
طبعأ يقصد فيه احمد السعدون منذو دخوله لمجلس الامه في أوائل السبعينات
. وانا ماادافع عن احمد السعدون لا وابريئه من اتهمات سعدون حماد . الخوف من يتشعب ويتشتت قانون كشف الذمه الماليه وتضيع الطاسه ومانعرف منو قبض ومنو مااقبض