مذكرات " كادود وانيت سكراب " ,, !!

[ناصر بن تركي]

يظهر إني " كادود " فئة " مغازلجي "

بس خواف !!

كان معي " عبري " باكستاني .. وأثناء الحديث معه عرفني بأنه معلم أدوات صحيه .. ويخدم الطيبين .. " كلو بحسابو طبعا" "

وأثناء السوالف .. واخوك الكادود " جريمبه " أي غتره بدون عقال ..

وعند المرور على إحدى الشوارع بين المناطق ..

لمحت سياره واقفه .. يمين الخط .. وتبين بأن قائد السياره " إمرأه " سفور ..

وكما تعلم قارئي العزيز .. بأني أضع مساعدة الناس في المقام الأول .. " ولازم نعين ونعاون "

توقفت أمام السياره الواقفه .. على يمين الخط ..

وكعادتي بتقمص دور الشهامه والنخوه .. ( لو كان قائد السياره رجل .. لما حتى وقفت له لو أشر )

الباكستاني في الوانيت .. و حضرتنا نزلت لإعانة المسكينه التي توقفت سيارتها ..

الله .. الله .. الله أكبر ..

شهالجمال .. وشهالحلاوه ..

" أشقر على أشقر " .. أنا أشهد والله ..

" كالعاده " إرتبكت أمام فتنتها .. و روعة جمالها ..

قلت .. خطاج السوء .. أبشري بالعون .. عسى ماشر يالغاليه .. ( بالطبع أنا أكذب .. أصلا" حصلت لي نظرات مجانيه .. من هذه الصدفه المجانيه .. )

قالت .. مشكور .. ما أبي شئ .. توكل على الله ..

قلت .. ترى الدنيا فيها خير يالغاليه .. وأنا و وانيتي والعبري تحت امرج .. شنو تبين حاضر .. أجيب ميكانيكي .. وإلا أوصلج .. ترى حاضرين .. ( كنت أتحدث بنخوه وشهامه .. وكما قلت لك كنت كذاب .. فقط كنت أريد النظر .. والتمتع بالنظر )
قالت .. رجاءا" ياراعي الوانيت .. روح .. فضحتنا بالطريج .. انت شتبي مني ..

قلت .. أفا والله .. آنا شبي منج . هذا جزاء الإحسان وآنا واقف لج في الطريج .. وابي أساعد لله في الله !!!!!!

أثناء حديثنا .. وقفت سياره نقل حديثه " ونش سيارات من شركة BMW .. لنقل سيارتها .. ومعها سياره حديثه .. لغستبدال سيارة " الشقراء المزيونه " ..

قالت .. هاه شوف ياراعي الوانيت .. هذه الشركه جايبه لي سياره .. وبتاخذ سيارتي .. يعني خلاص .. مع السلامه .. ترى ازعجتني !!!!!!!

قلت .. ماشاء الله .. أثاريج بنت شيرج ..( يعني بنت غنيه ) .. وأنا جاي أساعد لله في الله ( قلتها بطريقه أضحكتها كثيرا" )

قالت .. لله في الله ..هاه ياراعي الوانيت .. والله انك مو هين .. بس روح روح .. الله يستر عليك .. ( كانت تحدثني وهي ضاحكه )

قلت .. زين .. بس سؤال ممكن .. ( أحدثها وأنا لاعب فيني غرامها )

قالت .. ممكن .. خلصني ..

قلت .. انتي متزوجه ؟

قالت .. " وهي ميته من الضحك " .. وعندي بنتين و ولد ..

قلت .. آآآآآآه .. ماتحطيني الولد الثاني . لله في الله

قالت .. يبه روح فضحتنا والله .. شنو هذا ..اول مره اشوف كادود مغازلجي " كانت من كثر ضحكها تكاد دموعها تنزل )

قلت .. خلاص .. ما أبي شئ .. بس ترى لي عليج حق !!

قالت .. لك علي حق !!!!!!! شتبي يالكادود .. عشتوا !!!

قلت .. أول شئ اخذتي من وقتي الثمين .. ولولا شهامتي معاج .. وإلا الحين الوانيت متروس عبريه

قالت .. " وضحكها يزداد " يبه بعطيك عشرة دنانير .. عن عشرة عبريه .. بعد شتبي ياكادود ..

قلت .. لا لا هذي إهانه للكادودين كلهم .. شنو انا جاي اشحذ منج ؟

قالت .. " وضحكها مستمر " عيل شتبي ياراعي الوانيت ؟

قلت .. بس شئ واحد .. سلمي على زوجج .. وقولي له .. يهنئك راعي الوانيت على هالشقراء اللي عندك ( لا تسألني كيف قلتها .. أهي طلعت الكلمه جذي )

قالت .. ويدها على فهما الرائع .. أووووه شقاعد تقول .. استح على وجهك .. شهالحجي ؟؟ ( وهي تضحك )

قلت .. اسف مو قصدي .. بس صراحه .. حلوه .. انيقه .. ماشاء الله . مال وجمال ..

قالت .. خلاص روح زين .. راعي وانيت ويغازل .. " قالتها بغرور .. و دلال "

قلت .. " كنت أنا ميت من الضحك " وأنا راجع للوانيت .. شرايج أعطيج الرقم ..

وكأني أطلقت نكته مدويه ..

قالت ... " وهي ميته من الضحك " .. روح زين .. والله انك عيار يالكادود .. روح روح ..

راحت .. راحت .. وعيوني تتبعها .. راحت .. مجبور اودعها ..

يرضيك ياشوق .. !!

و .... أشقر على أشقر " ...

مساك الله بالخير كدادنا (حسب لهجتنا) ..... والله تحسفت اني توني اقرأ هذا الجمال ​

يارجل روعة قلمك جعلتني اعيش معك واتخيل نفسي مكانك ...بل انتبه لا احسدك ​

انا من هناك اقدم لك عرض أحترافي لزيارتنا بالمملكة ...فوالله سترى العجب العجاب ​

سجلني من متابعيك ومعجبيك ​

اخوك / ناصر​

 

[Way one]

مساك الله بالخير كدادنا (حسب لهجتنا) ..... والله تحسفت اني توني اقرأ هذا الجمال ​

يارجل روعة قلمك جعلتني اعيش معك واتخيل نفسي مكانك ...بل انتبه لا احسدك ​

انا من هناك اقدم لك عرض أحترافي لزيارتنا بالمملكة ...فوالله سترى العجب العجاب ​

سجلني من متابعيك ومعجبيك ​

اخوك / ناصر​

الأخ الكريم .. معالي وزير الخارجيه .. الموقر ..


( رديتني المجلس )

مشاركتك .. وإشادتك .. والله تاج مرصع بالألماس .. من لدن يدكم الكريمه " حفظكم الله " ..

...
أخي الغالي ... ناصر ..

أنا متابع جيد . لكل ماتكتبه .. والحقيقه أني أتشرف بحضورك الرائع .. ومشاركتك اللطيفه على

خاطري .. خاطر كادود الوانيت السكراب ..

وياهلا ويامرحبا دوم ..

لاخلا ولا عدم ..

 

[Way one]

كان صباح شتوي , باااارد

وطبعا" النافذه اليمى للوانيت خربانه " ماترتفع !

وأنا متلثم بشماغي عن البرد القارس , ومغطي على الأذاني . يقولون البرد مايدخل الجسم

إلا عن طريق الأذن , والرجل " أعزكم الله " ..

الساعه الحين تقريبا" السادسه إلا عشر دقائق ,,

خرجت من البيت , بعد إداء الفجر . حتى فنجال قهوه . وقدوع . لم أتناولهما !

صراحه .. كنت في حاجه لتناول أي شئ .. خاصه الشقراء " أقصد القهوه "

وين أروح .. وين أكد ؟

مافي إلا طريق السوق .. الله العالم سأرى , وألتقي " عبريه "

وصلت طريق السوق ... وياااااااسلام سلم .. يالله لك الحمد والشكر

" عبريه " بالجمله

لقيت خمسة صعايده . يريدون " بنيدر " !!

بنيدر ؟؟؟!!!!!!! قلتها لهم بإستغراب !

_ أيوه يابتاع الوانيت .. بنيدر . توصلنا بكام ؟

أنا .. والله ياجماعه فاجئتوني , كلكم رايحين لبنيدر ؟ ( بنيدر .. منطقه تقع الساحل الجنوبي للكويت . وكل مبانيها شاليهات تطل على الخليج العربي )

_ ما يالله , حتودينا وإلا لأ ؟

أنا .. أوديكم بعشرة دنانير ,, ( كان قصدي أنهم يرفضون . لإني تباعدت المنطقه صراحه .. أكثر من 80 كيلو بعيده )

_ مش مشكله .. موافقين ! ( أنا أسقط من يدي . لم اتوقع نهائيا" موافقتهم . كنت أظنهم سيرفضون .. )

أنا .. توكلوا على الله بس أول شئ العشره دينار .

_ خود العشره دنار .. محنا دافعين دافعين

أنا .. بس ياجماعه ديروبالكم ترى النافذه يمين السائق لاترتفع

_ مايهمكش .. معانا العمه ( يقصد العمامه التي يرتديها )

أنا .. " وخلال الطريق " كنت أنكت وأضحك معاهم ..

ووصلنا وإذا هو شاليه كبير . يبدو إنه لإحد أصحاب النفوذ , وشغل الصعايده فيه " صباغين "

وحلفوا علي بشرب الشاي عندهم . عندما وصلنا .. ( وكان ذلك من دواعي سروري , عشرة دنانير وقلاص شاي صعيدي .. من قدي )

والرزق من الله سبحانه ..

لما جلسنا فوق عدد من الكراسي القديمه المهترئه . طرحوا علي فكره عجبتني جدا" , إذ إقترحوا . أن ارتاح عندهم . وأشرب شاي .. إلى الساعه الثالثه , ثم أرجعهم معي إلى نفس المكان الذي أخذتهم منه . وبعشرة دنانير أخرى ..

والحقيقه رااااقت لي الفكره جدا" .. أي عشرون دينارا" وأنا مرتاح ..

طبعا" وافقت .. وبكل سرور .. ثم قلت لهم ياجماعه أنا أبخصم لكم دينارين .. رفضوا . وقالوا لآ .. لإن اللي دافع الفلوس . هو صاحب الشاليه .. " صراحه .. جزاهم الله خير "


وكان يوما" رائعا" ومربحا .. وجلسه حلوه . وسوالف .. وشاي ورى شاي .. وعشرين دينار

ياااالله من فضلك ...

 

[ام الخير100]

الله يعطيك العافيه ...اسلوبك حلو ورشيق واللي يقرا ما يمل من السرد ....بس وانيتك اي نوع لاني احب الوانيت اللي كان يطلع في رقيه وسبيكة ...ابوي كان زقرت ولا مرة ساق وانيت وبعد اخواني ولما سولفت هالخواطر حق ريلي تسلف وانيت من ربعه وطلعني فيه مع عيالي وطول الطريق واحنا نضحك ...وكان مصمم يوديني عند اهلي وعادي وافقت وهناك انتقدوني ليش مفشله روحك وين سيارتك ...بس كانت امنيه وتحققت ....الحين طالعه امنيه ثانيه وهي الباص ...الله يعينه زوجي.......

 

[الجمآن]

صبحك الله بالخير يا راعي وانيت الابداع والتميز .....ْ


بانتظار حكاياتك التي لا تُمَل استاذي....~

 

[Way one]

الله يعطيك العافيه ...اسلوبك حلو ورشيق واللي يقرا ما يمل من السرد ....بس وانيتك اي نوع لاني احب الوانيت اللي كان يطلع في رقيه وسبيكة ...ابوي كان زقرت ولا مرة ساق وانيت وبعد اخواني ولما سولفت هالخواطر حق ريلي تسلف وانيت من ربعه وطلعني فيه مع عيالي وطول الطريق واحنا نضحك ...وكان مصمم يوديني عند اهلي وعادي وافقت وهناك انتقدوني ليش مفشله روحك وين سيارتك ...بس كانت امنيه وتحققت ....الحين طالعه امنيه ثانيه وهي الباص ...الله يعينه زوجي.......

مرحبا" .. في أختي " أم الخير "

شرفتينا ..


وشكرا" على كرمك في الإشاده ...

 

[Way one]

صبحك الله بالخير يا راعي وانيت الابداع والتميز .....ْ


بانتظار حكاياتك التي لا تُمَل استاذي....~

ياصباح النور والسرور بالغاليه أختنا " الجمان "

شكرا" يا إستاذتي على هالإشاده التي لا أستحقها ..

لكنها من طيبك والله ..


ألف شكرا" لتواجدك ...

 

[ICE BLUE]

كم هو جميل ان نظهر كما نحن

بلا رتوش

فى اللقاءات المباشره "الديوانيه .. العمل .. الخ

ومع الوقت

تعرف الناس على حقائقهم

تحدثهم وتراهم

تميز الغث والسمين

تحتك به بكل حالاته المزاجيه

تعرف معدنه

وهنا من خلف الشاشات

لا نكذب ... بل نتجمل

نختار الاحرف "المنمقه "

نحرص على الظهور بكامل زينتنا

نجيد التلوين وخداع البصر

نكتب فقط عندما نكون بمزاج جيد

لذلك يبدو جانبنا المضئ فقط



اشكر الله

انا معجب بشخصك قبل مواضيعك

استمتعت ب "غادرى الضيق "


شكرا:وردة:​

 

[Way one]

كم هو جميل ان نظهر كما نحن ​

بلا رتوش ​

فى اللقاءات المباشره "الديوانيه .. العمل .. الخ​

ومع الوقت​

تعرف الناس على حقائقهم ​

تحدثهم وتراهم ​

تميز الغث والسمين ​

تحتك به بكل حالاته المزاجيه​

تعرف معدنه ​

وهنا من خلف الشاشات ​

لا نكذب ... بل نتجمل ​

نختار الاحرف "المنمقه "​

نحرص على الظهور بكامل زينتنا ​

نجيد التلوين وخداع البصر ​

نكتب فقط عندما نكون بمزاج جيد ​

لذلك يبدو جانبنا المضئ فقط ​

اشكر الله ​

انا معجب بشخصك قبل مواضيعك ​

استمتعت ب "غادرى الضيق "​

شكرا:وردة:​

الزميل العزيز " آيس بلو "


أشكرك على حضورك

وأرجو أن تعذرني على التأخير في التعقيب ..

والحقيقه ماعندي عذر سوى تسامحك معي ..


أتمنى أن تعود بأسرع وقت إلى بيتك العامر بالشبكه الوطنيه , ويرفع عنك الإيقاف ..



...

 

[Way one]

العمر يخلص والمكده ماتخلص !

كنت كالعاده بالشارع , معاي عبريين ( يعني اثنين عبريه )

واحد من وسط آسيا ريحته " صنان " تشمها من بعد عشر كليو :باكي:

والثاني من جنوب شرق آسيا داهن شعره , بدهن مدري شنو

الأكيد , كانت رحى معركه كبيره تدور بين الرائحتين , !!

وبالطبع أنا وأنفي المسكين , نمارس دور الجمهور ( قال صفوا صفين قال حنا اثنين )

.. مو مصبرني عليهم , إلا الكروه الطيبه ( واحد دينار وربع , والآخر دينار ) !!

ماعلينا ,,


أثناء السير بالشارع . ونحن ( أقصد أنا والعبريه الأثنين ) نتباحث في شؤون الإنتخابات الأمريكيه , ومن يفوز رومني أم أوباما , وندلف على المسيرات في الكويت , وكيف إني إقترحت على احدهما , أن يعرض نفسه على القوات الخاصه , ليوظفوه عندهم , وتكون مهمته الرئيسيه مكافحة المسيرات , فهو لوحده عن كتيبه كامله , !!

كيف ؟

مجرد يدخل بين المتظاهرين , بس يدخل بينهم , تتشتت صفوفهم , نظرا" لرائحته الصنان الفائقه المفعول , وعاد وقتها ياويل اللي عنده ربو أو تنك , للطبيب مباشره !

ليضع الكمام , من تأثير الرائحه الصنان النفاذه ..

أنا نصحته حقيقة ن , قلت له ماعليك إلا لاأن ترفع إيدك , وستتكفل رائحتك " الزكيه " الفواحه .. للقيام بالواجب !!

..
المهم .. نزلت ذا الرائحه النفاذه , وكانت إبتسامته تملأ محياه الجميل

, وبقي معي العبري الآخر ,, أثناء سيرنا , وكنا واقفين على إشارة مرور , بجانبها مباشره مدرسة بنات !

وأثناء التوقف , وإذا بسياره تنزل منها تلك " الغنوج " ذات القد الممشوق ( كانت المدرسه على مسافة أمتار تقريبا" من الإشاره )

من لمحتها .. لم تفارقها عيني ,

فتحت الإشاره , وأنا واقف

والعبري يصيح علي .. بابا امشي امشي إشاره حرك

والسيارات وراي .. ديد ديد ديد

و واحد يأشر بيده صوبي بحركه غير لائقه ,, !!

وأنا عيني .. مافارقت ذات القد الممشوق !

طلعت من الإشاره .. ووقفت يمين .. وسط ذهول العبري !!

.. ليش بابا وقف

...... عشان دقيقه بس .. ( كان العبري مستغربا" للوقوف المفاجئ )

.. بابا .. لايسوي تأخر .. انا مستعجل وايد ( يقولها بضيق وقرف )

.. نزلت من الوانيت السكراب , وتوجهت أبحث عن ذات القد الممشوق . وبالفعل وجدتها واقفه تتحدث مع حارس الأمن بالمدرسه ( أمنيتي أكون حارس أمن في مدرسة بنات .. ياااااااااسلام ) ..

نظرت إلي .. بتأفف : آمر شتبي ؟

أنا .. سلامتج يالغاليه , بس إذا سمحتي أنا كادود وانيت , أدور عبريه !!! ( لاتسألني كيف رديت عليها بهالرد السخيف .. الكلمه طلعت وبس ! )

: شنو ؟!! ,, تدور عبريه عندنا بالمدرسه ؟ أنت صاحي يا .......... ( وصفتني بكلمه لامجال لذكرها )

أنا .. إيه صاحي .. الحقيقه شفتج نازله من السياره .. قلت يمكن محتاجه خدمه أو شئ من هالقبيل .. أو حتى تأخذين الرقم إذا إحتجتي وانيت توصيله .. يكون الرقم عندج !!!!! ( طبعا" كلام لامعنى له .. ويفتقد أبسط أبجديات أسلوب الغزل !! )

: يالله يالله يالكادود أطلع بره ( كانت تحدثني بغضب ظاهر .. وإن كان لايخفي حلاوة ملامحها التي تطرب العين ! )

أنا .. شوفي .. الشرهه مو عليج .. الشرهه علي أنا اللي وقفت الوانيت , ونقعت العبري ,, عشان أساعد لله في الله .. قلتها بطريقه أضحكتها ( طبعا كنت كذاب .. فقط وقفت لكي " أتمقل " بها وأشاهد وأتمتع بالنظر إلى حلاوه من صنيع الرحمن ) !!

: و هي تضحك .. أول مره أشوف كادود وانيت ينكت

أنا .. ماشفتي شئ .. إنتي بس أخذ الرقم .. وأصير لج عادل إمام

: " هي ميته من الضحك , والحارس يكاد يغشى عليه من الضحك "..

قم .. قم بس اطلع بره .. ترى فضحتنا .. بسرعه اطلع لايجينا احد


أنا .. أطلع .. بس أخذي الرقم ,( وأنا أغمز لها بعيني ) يمكن تحتاجينه ؟

: هي وبدلع ظاهر .. أحتاجه حق شنو ياحظي ؟

انا .. عشان أعطيج أخر أخبار الموضه



... وإستدارت بجسمها الرائع .. وهي تضحك ضحكا" يكاد يخرج الدمع من عينيها السوداويتين الواسعتين ,


وأنا ... أناظرها وأضحك .. وأشر لها بالرقم .. وكلما إستدارت .. وناظرتني .. " ماتت من الضحك " !


آه آه .. تذكرت ..


أووووووه .. نسيت العبري بالوانيت !!!!!!!!



.....

 

[سنـين التّيــــهـ..]

مبروك المعرف الجديد..


اذكر الله

&&

اشكرالله


&&


مع الله

&&



والاخيييييير ان شالله على حسابي...

......" حسب الله"​

 

[Way one]

مبروك المعرف الجديد..​

اذكر الله​

&&​

اشكرالله​

&&​

مع الله​

&&​

والاخيييييير ان شالله على حسابي...​

......" حسب الله"​

ههههه

يامعوده أهم شئ فيهن ذكر الله ,,

والحمد لله على السلامه ,


سعيد جدا" بعودة فراولة الشبكه ,


يامرحبا والله زميلتي العزيزه ,,,



..

 

[Way one]

قبل شوي الصبح

كنت بالوانيت .. معاي عبري باكستاني يشتغل عامل كهرباء

وكان المشوار من دوار الفرضه القديمه ( اللي نقلوها للصليبيه ) إلى الديره شارع

فهد السالم ..

قلت له دينارين , وافق فورا" .. و ركب ( شكله شيرج " يعني أحواله الماديه

ميسوره " ... )

أثناء الطريق , مرينا بجانب الشويخ ..


وقلت للعبري :


.. ترى هني مكان مال سجل أليكشن ( يعني إنتخابات )

العبري : ليش انتا يبي يسجل أليكشن ؟

.. أنا ضاحكا" / لا ياباكستاني ياغبي , شلون كادود وانيت فقير يسجل إنتخابات

العبري : ليش انتا مايعرف ؟

.. أنا بإستغراب !! , شنو أنتا يقصد إني مايعرف ؟

العبري : أنا يسمع كلام وايد , نفرات يقول , أي واحد كويتي يروح انتخابات ياخذ

فلوس وايد وايد !!!


.. أنا ضاحكا" / على إيدك يالعبري , دلني على واحد يعطي فلوس أنا يجيب

جنسيه ويسوي رشح انتخابات

العبري ( ضاحكا" ) : بابا آنا مايعرف , انتا كويتي .. شلون مايعرف ؟ !!!!!!


ووصلته شارع فهد السالم , وخذيت الدينارين , وهو مستمرا" في الضحك والقهقهه (

أنتا كويتي شلون مايعرف )






..

 

[نيو كلير]

سوالف ممتعه وجميله وبسيطه

يعطيك العافيه ومتابعينك ​

 

[الجمآن]

قبل شوي الصبح

كنت بالوانيت .. معاي عبري باكستاني يشتغل عامل كهرباء

وكان المشوار من دوار الفرضه القديمه ( اللي نقلوها للصليبيه ) إلى الديره شارع

فهد السالم ..

قلت له دينارين , وافق فورا" .. و ركب ( شكله شيرج " يعني أحواله الماديه

ميسوره " ... )

أثناء الطريق , مرينا بجانب الشويخ ..


وقلت للعبري :


.. ترى هني مكان مال سجل أليكشن ( يعني إنتخابات )

العبري : ليش انتا يبي يسجل أليكشن ؟

.. أنا ضاحكا" / لا ياباكستاني ياغبي , شلون كادود وانيت فقير يسجل إنتخابات

العبري : ليش انتا مايعرف ؟

.. أنا بإستغراب !! , شنو أنتا يقصد إني مايعرف ؟

العبري : أنا يسمع كلام وايد , نفرات يقول , أي واحد كويتي يروح انتخابات ياخذ

فلوس وايد وايد !!!


.. أنا ضاحكا" / على إيدك يالعبري , دلني على واحد يعطي فلوس أنا يجيب

جنسيه ويسوي رشح انتخابات

العبري ( ضاحكا" ) : بابا آنا مايعرف , انتا كويتي .. شلون مايعرف ؟ !!!!!!


ووصلته شارع فهد السالم , وخذيت الدينارين , وهو مستمرا" في الضحك والقهقهه (

أنتا كويتي شلون مايعرف )






..

والله هالباكستاني مو هين ...
بصراحة اللي يبي يعرف شنو فيه بالديرة يكلم واحد من العمالة الوافدة
اهم ادرى منا بامور ديرتنا ​

شدراك مع الله انك تصير مرشح وتجيبها بعرق جبينك مو بدرازن الارانب الملونة :إستحسان:​

س لا تنسى اختك الجمآن
​

بالتوفيق يآ رب وعسى الخير دوم فالك ...ْ​

بدون مجاملة متصفح جميل جدا ​

:وردة:​

 

[Way one]

سوالف ممتعه وجميله وبسيطه ​

يعطيك العافيه ومتابعينك ​

أهلا" وسهلا" في زميلي العزيز " نيو كلير "


حضورك شرف لي ..


الله يعافيك ..


ويامرحبا" ..



..

 

[Way one]

والله هالباكستاني مو هين ...

بصراحة اللي يبي يعرف شنو فيه بالديرة يكلم واحد من العمالة الوافدة
اهم ادرى منا بامور ديرتنا ​

شدراك مع الله انك تصير مرشح وتجيبها بعرق جبينك مو بدرازن الارانب الملونة :إستحسان:​

س لا تنسى اختك الجمآن
​

بالتوفيق يآ رب وعسى الخير دوم فالك ...ْ​

بدون مجاملة متصفح جميل جدا ​

:وردة:​

إي والله مو هين

..

من صجج أصير مرشح ؟!!!!

الترشيح لما كان ب 50 دينار , ماكنت أقدر أجيب هالمبلغ

تبيني الحين أترشح ب 500 ديناااااااار


آخ لو أصير نائب

تلاقيني سمسار إستجوابات

أطلع من مكدة الوانيت , لي مكدة الإستجوابات

ولاتخافين , انتي أمينة الصندوق , أخذي اللي تبين من كل كروة إستجواب


.... يامعوده أنا وين وهالدنيا وين .. كلي كادود وانيت سكراب حافي منتف



...

أختي الغاليه " الجمآن "


والله هالصفحات تتزين بتواجدج الرائع ..


وشكرا" على الإطراء والإشاده ..


يامرحبا ...




:وردة:



..

 

[Way one]

قبل كم يوم ,


وبينما كنت أكد بالقرب من الشارع المتجه لمطاحن الدقيق , وكانت شركة " زين "

على يميني ,, وكان أمامي على اليمين كذلك مبنى الخدمه المدنيه ..

وكنت لوحدي .. الساعه تقريبا" التاسعه صباحا" ..

وإذا بذلك الرجل الذي يلبس اللباس الكويتي , يأشر !

وقفت له ..

ركب على طول .. متوسط العمر .. مهتم بهندامه و " ذرب "

هو .. السلام عليكم ياكادود


أنا .. وعليكم السلام ياعبري


هو .. أذهب بي إلى الشاميه

أنا .. آه تقصد اللي يقولون عنها " من ذاق عين النقرور ماتعدى الشاميه " !!


ليرمقني بنظرة إستغراب وذهول .. قائلا" .. شعرفك يالكادود بهالمثل ؟ .. هذا

مايعرفونه إلا الكويتيين !!!!!!


أنا .. " ضاحكا" " شقالولك افغاني , يبه أنا كويتي أبا" عن جد بالتأسيس ,

أعرف الكويت أكثر منك

هو , وبإستغراب أكثر .. شلون كويتي كادود وانيت , لا وسكراب بعد ؟

مو صحيح إنت كويتي .. مستحيل !!

أنا .. يايبه أنا كويتي قبل ماتجي أنت الكويت , بس أنت صرت ميسور حال , وأخوك

كادود " قلتها بضحك "

( بقيه الحديث لايصلح للنشر )

المهم , وصلنا المكان المراد في الشاميه

ولما وقفت عند باب منزله الأنيق , أخرج من محفظته 20 دينار , ليمدها لي .. !


والحقيقه بقدر سعادتي بهالمبلغ الغير متوقع .. إلا انني أحرجت جدا" ( ترى أهل

الوانيتات يستحون ) وحلفت عليه بدينار واحد فقط إلا أنه أصر إصرارا" عجيبا"

علي بأخذها ..


غني عن الذكر , إنه أحد الأسماء المعروفه .. ولاتسألني لماذا هو ترك سيارته ,

ونزل للطريق وأشر لوانيت !!!!!!

يمكن إنه نصيبي الطيب


...

 

[بو عزوز مساعد]

الله يصلحك ويصلح نصيبك اخوي مع الله

الحين انت تكتب هني من الجوال وانت تكد ولا بالبيت قاعد

هههههههههههههه

اللله يصلح حالك ويرزقك من خير الدنيا والاخره

 

[Way one]

الله يصلحك ويصلح نصيبك اخوي مع الله

الحين انت تكتب هني من الجوال وانت تكد ولا بالبيت قاعد

هههههههههههههه

اللله يصلح حالك ويرزقك من خير الدنيا والاخره

ههههههههه

اللهم آمين , أنا وإياك وكل مسلم ..

صراحه .. احيانا قليله اكتب من الجوال ..

.. لا , يايبه أكد وأدور عبريه ديد ديد

واكثر فلوس العبريه , لتصليح هالوانيت السكراب :باكي:

اليوم المكده ممتازه اربعة دانير وثلاثمائة فلس .. :إستحسان:

نعمه .. يالله من فضلك


....


الله يحييك اخوي العزيز , بوعزوز مساعد ..


ويامرحبا ..



..