سجل تجربتك في السفر

[وضاح العجمي]

سافرت بلاد كثيرة لكن الاجمل على الاطلاق
مدينة كليفلاند في ولاية اوهايو في شمال اميركا ​

جنة الله في الارض ...زرتها صيفا ....ولا اظني سارى بلاد اجمل منها.​

شمس خفيفة مشرقة تنعش الروح ورذاذ مطر خفيف يبهج النفس​

وبحيرات متناثره في كل مكان نسمات هواءتزيدك حيوية وسعاده​

واكل طازج نظيف متنوع

وشلالات ........وانهار .......​

وانواع الاشجار والازهار التي لم ارى مثلها .
وشعب طيب ....والكل مبتسم ومنظمين جدا والكل يحترم القانون ​

والكل يبتهج بحدود وموجود التنوع العرقي وكافة الاطياف والكل مرحب به ومحترم
...ولاينظرون لاين كان نظره عنصرية بغيضة .وشواراع نظيفه ومرتبة.​

لاحظت انهم مايكشخون لبسهم عادي لاتغرهم الازياء والشكليات .​

حتي نساؤهم لايتمكيجون او يتبرجون بشكل صارخ (بس الغريب انهم جياكر)
قليل اللي مزيونه فيهم !!!!..غريب كيف لم ينعكس جمال ارضهم على وجوههم!!!!
الجميلات اللي صادفتهم وسالتهم من اي بلد قالت وحده من اسبانيا والاخري من
المكسيك يعني فيهم سر عربي.​

بيوتهم بسيطه ودافئه وفيها حميمية والهواء والشمس يدخلها من كل الجهات .​

الحياة هناك سهلة فكل شي ينتهي بمكالمة تلفون .​

يقدرون الحياة والدولار اللي يطلع منك يقدرونه ويعطونك مقابله شي يرضيك
فانت فلوسك ماتروح هدر مثل الدول العربية.​

لاحظتهم يحبون العمل ومجتهدين ومنضبطين ويعملون ولكن يعملون بهدوء وروية.​

الولايات الشماليه في اميركا تبقى هي الاجمل على الاطلاق.​

 

[k7elan]

ذهبت امس الى مدينة مرسى مطروحا وشواطيها المميزة مثل الابيض وعجيبة صراحة البحر روعة

وعندي كذا صورة احاول احطها لكم ان شاء الرحمن بعد رجعتي للكويت

خبرتي بالسفر مثل خبرة العضو العبدلي

ما اتعدى الخليج

لكن بالصيف الجاي ان شاء الله اسيــّـر على مصر و الاسكندرية على وجه التحديد

فمحبتي لهالمدينة على السماع مثل ما هنالك عشق على السماع




على طاري سفرة راعي السيكل لتركيا

اذكرل سولف لنا شايب كان بالشرطة بأواخر الخمسينات , شغلته و همه الاول الايرانيين حيث

وقتها لا حقوق انسان و لا بطيخ يمسكون المهربين , يعذبونهم و يجرون عليهم بالعصي و الخيازرين لين يعترفون و بعدها يسفرونهم

يقول ان في ( طيش الشباب ) ببداية الستينات سافر لإيران لحاله و صادف احد اللي عزّر فيهم بالكويت

سلم عليه الايراني و رحب فيه و ضمن سوالفهم قال له الايراني اعرف لك مكان تلقى فيه احلى بنات فارس , تبي تروح له..؟

طبعا صاحبنا وافق بدون تردد
قال له الايراني :- لكن لازم تكون فلوسك زاهبه , هي وياك الحين ..؟
قال صاحبنا الشايب ( شباب وقتها ) :- اي نعم وياي

و يركب وياه على عربة يجرها حصان بين وديان و جبال الى ان وصل لقرية بعيدة عن المدينة اللي تقابلوا فيها (( ما اذكر اسمها ))

لما وصل القرية دخل احد البيوت و قال لصاحبنا انتظر برا لما انادي لك البنات

عاد يقول قربت من الباب من زود الشفاحه , و لا اسمعه يكلم راعي البيت يقول له :- هذا الكويتي الحيوان ( فلان ) جبته لك ينطرنا برا <<اثنينهم من ضحاياه

يقول لما سمعتهم و انا ارد ركض للمدينة اللي كنت فيها و ما وصلت لها بعد ما هلكت من التعب

 

[joreyaa]

السلام عليكم
موضوع حلويعطيج العافيه فتحتي نفسي للسفر
انا كل سنه اسافر بريطانيا ولاني ادلها اكثر من الكويت حتى برا لندن رحت مليت منها فاقترحت على زوجي نروح( اسكتلندا)بالقطارماكان مأيد بس بعد الالحاح رضى,طبعا اهي مقاطعه تتبع المملكه المتحده ومايبيلها فيزا ولا جواز سفر,ورحنا اول يوم دورنا فندقنا اللي حجزنا من مكتب في لندن ولاالمصري اللي (باجوانرود)موهقناوموحاجزلناتكفلوا بحجزفندق اخرلناهو احدفروعهم بس مو بنص العاصمه مثل ماكنا نبي لاء بالاطراف هذا اول شي زهق زوجي المهم رحنا لفندق ثاني وزوجي حاقدعلي لانها فكرتي, نمناوطلعنا المغرب وهناك كل شي مغلق بعدالمغرب , ورحنا نمشي ونطالع المحلات اللي ساكه وزوجي زهقان حده المهم ثاني يوم رحنا بالباص للعاصمه( ادمبرا)عاد انا لاعمري سمعت عن اسكتلندا شي ولااعرف احد راح لها اهني الوهقه ولامعاي اللاب توب مثلا ادور اماكن سياحيه ,جان نركب الباص ابودورين ونقعدفيه نص ساعه ندور مانبي ننزل لانه مافيها شي انا منحرجه من زوجي وساكته جان ننزل في العاصمه لقينا قلعه قال زوجي هاذي قلعت اسكتلندا مالت فلم قلب الشجاع ميل جيبسون0 فوق جبل اخضر عالي جدا وطلعنا لها والصعود فوق صعب لان الجبل طويل وتقريبا عامودي صعدنا بالغصب متعب حيل نمشي ونقعدجنا شياب يالله يالله وصلنا للنهايه ولا زوجي يخزني خزه تخوف ويقول اشلون ننزل اللحين !طبعا معصب وانا ساكته ومنحرجه فشله وصلنا لمكان فيه عرض عسكري بس الحجزمن تحت مانقدر ندش يعني انا انقص ويهي ,جان الاقي ناس يدشون القلعه قلتله خندش وبنفس خايسه حجز ودشينا لقينا متحف حربي وصوت جنا قنبله خرعنا طلع قذيفه مالت مدفع حروبهم قبل طبعا انا عجبني لان شوي ترقعت السفره طلعنا نمشي نمشي هدوء واهو يتحلطم ويقول مقولته الشهيره: راي المره دايم عوج! وانا حدي مسالمه
عاد ننزل من منحدر جنا بيوت قبل ولا الحمدلله
نشوف(((( كرنفال))))) رقص واشياء حلوه هياااا مهرجان القلعه مالت اسكتلندا روعه شي خيالي والعاب ناريه ومسارح وعروض سيرك وكوميديه و و و,
مهرجان صج صورنا واستانسنا ,في كل مكان نسمع موسيقتهم العسكريه اللي اهي الهبان تهبل وقعدنا يوم بعد علشان المهرجان0 وكانت سفره تهبل0

ما سافرت اوسكتلندا ...... بس المعروف أنها ذات سهول وجبال صخرية عند الحواف البحرية ........يعني تشعر بالملل بعد أيام قليلة .......بس المهم انكم استانستوا في النهاية ولا كانت لك عيارة للعمر

 

[joreyaa]

سافرت بلاد كثيرة لكن الاجمل على الاطلاق

مدينة كليفلاند في ولاية اوهايو في شمال اميركا

جنة الله في الارض ...زرتها صيفا ....ولا اظني سارى بلاد اجمل منها.​

شمس خفيفة مشرقة تنعش الروح ورذاذ مطر خفيف يبهج النفس​

وبحيرات متناثره في كل مكان نسمات هواءتزيدك حيوية وسعاده​

واكل طازج نظيف متنوع ​

وشلالات ........وانهار .......​

وانواع الاشجار والازهار التي لم ارى مثلها .
وشعب طيب ....والكل مبتسم ومنظمين جدا والكل يحترم القانون ​

والكل يبتهج بحدود وموجود التنوع العرقي وكافة الاطياف والكل مرحب به ومحترم
...ولاينظرون لاين كان نظره عنصرية بغيضة .وشواراع نظيفه ومرتبة.​

لاحظت انهم مايكشخون لبسهم عادي لاتغرهم الازياء والشكليات .​

حتي نساؤهم لايتمكيجون او يتبرجون بشكل صارخ (بس الغريب انهم جياكر)
قليل اللي مزيونه فيهم !!!!..غريب كيف لم ينعكس جمال ارضهم على وجوههم!!!!
الجميلات اللي صادفتهم وسالتهم من اي بلد قالت وحده من اسبانيا والاخري من
المكسيك يعني فيهم سر عربي.​

بيوتهم بسيطه ودافئه وفيها حميمية والهواء والشمس يدخلها من كل الجهات .​

الحياة هناك سهلة فكل شي ينتهي بمكالمة تلفون .​

يقدرون الحياة والدولار اللي يطلع منك يقدرونه ويعطونك مقابله شي يرضيك
فانت فلوسك ماتروح هدر مثل الدول العربية.​

لاحظتهم يحبون العمل ومجتهدين ومنضبطين ويعملون ولكن يعملون بهدوء وروية.​

الولايات الشماليه في اميركا تبقى هي الاجمل على الاطلاق.​

أعتز بمقولتك هذي ....فعلا مهما صرفت في البلدان الغربية فأنت مبسوط على الآخر ......خطتي إن شاء الله تكون السفرة المستقبلية لأمريكا .....وكنت محتارة في أي ولاية وشجعتني عن البحث عن أوهايو ......أمريكا بس التذكرة وكل شي ثاني يرخص لها ...

شكرا لمشاركتك المفيدة ​

 

[وضاح العجمي]

ياسيدة جورية انا مازرت الا اوهايو ...وهي من الولايات الشمالية

وحسب ماسمعت من ااخرين ان هنالك ولايات في الشمال اجمل .

ومع ذلك فاوهايو روعة ...اتمنى لك قضاء اجازه رائعة

 

[joreyaa]

معرض أودي في ألمانيا :

محل لبيع الملابس والاكسسوارات بماركة أودي
كافيه للزوار
مطعم للموظفين

من أغلى السيارات في المعرض

​

 

[Modest]

خبرتي بالسفر مثل خبرة العضو العبدلي

ما اتعدى الخليج

لكن بالصيف الجاي ان شاء الله اسيــّـر على مصر و الاسكندرية على وجه التحديد

فمحبتي لهالمدينة على السماع مثل ما هنالك عشق على السماع

اجل من الحين أسال العبدلي لانه من اسبوعين راح لمصر ..

شوف شنو يقولك

 

[العبدلي]

اجل من الحين أسال العبدلي لانه من اسبوعين راح لمصر ..

شوف شنو يقولك

تدري شنوو الشيئ الغريب​

انه يبي يروح الاسكندرية على وجه التحديد نفس وجهتي ​

واذا قعد بالعاصمه اصبح نفس نجلتي​

خبرك مبطي كحيلان الحين مسكت خط النعريا وما يفكني عن السفرات​

الا لما اروح باريس وصقليه((مسقط رأسي))​

 

[تشريب]

السفر ..

بالاول .. متعه ووناسه وكسر روتين .. وفيه اصلاح لما افسده الدهر احيانا

وبآخره .. استزاف وهدر للمال بشكل هستيري .. وكعب داير بين الاسواق بكل اريحيه ..
خصوصا اذا جاءك اتصال من شخص عزيز يطلب لابتوب سونى وجارمن من النوع الغالي
او انسانه غاليه وعزيزه تطلب ساعه ماركة GF Gianfranco وجاكيت جلد .. وللاطفال لعبة sps وملابس والذي منه ..
صار لي اسبوع دايخ بين الاسواق .. واتوقع انى مازالت سأشتري حتى يمل السوق مني ..
المتعه .. والوناسه .. اطلعت من خشمي .. والله يعين ..

هالنوع القليل الأدب لا يستحق أن تلقى بالا لرضاه أو زعله .

كل الأشياء اللى طلبوها منك موجوده بالكويت وبالتأكيد أرخص من بره .. أنت الظاهر ملتم على شلة طرارين .

 

[علي القحطاني]

والله المواقف في السفر كثيرة لكن مدري وش اقول لكم وانا راح ارتبها واللي تبون حاضرين

1- قصة السكران اللي يطاردنا بالسكين (سوريا)

2-شقتنا في مصر الجديدة (انقفل علينا المصعد)

3-جنوب افريقيا (نومنا في ملجى مرضى الايدز)
4-امريكا ولاية تنسي (مدينة ممفيس اخطر مدينة) السبهان و الدوسري

5- امريكا ولاية كولورادو وخويي الكويتي وسالفة الخروف ايام العيد

6-الهند بلاد العجايب


:::

والله يااخوان السفر متعة اذا الله رزقك بناس طيبين انتو اختارو اي قصة تبون اقولها لكم وابشرو حاضرين للطيبين

 

[غرنوقه]

.​

رفع للموضوع الممتع ..​

وأشكر صآحبة الموضوع جوريآ .. لطرحها المميز​

وكل الأخوآن والأخوآت وتجاربهم ​

القحطآني هات لنا من إحدى هذه القصص كلنآ شوق للقرآءة والإستفآدة​

.​

 

[dr_chart]

شكرا للجميع ................

ترابزون في تركيا .... اوزونقول............. الطبيعه ................

ياسلام اتمنى التقاعد من

الدوام والعيش في هذا المكان.....................

قرب التقاعد وكلها سنة اذا الله قسم ........

 

[Kuwaite1]

يا شباب نصيحه حق كل واحد يبي يسافر سافر برووحك لا تاخذ وياك احد واحلى وجهه رحتها وطحت فيها على كبر زلمسي اياهي ديره يا شباب

بس نصيحه يا شباب تبي تسافر لا تسافر وياك احد سافر بروحك وعيش الحياه بروحك​

 

[de novo]

بس نصيحه يا شباب تبي تسافر لا تسافر وياك احد سافر بروحك وعيش الحياه بروحك​

شهالنصيحه يابن الحلال
تبي الاوادم يسافرون بروحهم

 

[العبدلي]

صراحه سابقا ما كنت أسافر لكني دليت الدرب وسافرت

اول سفره لي لمصر صار لها شهور او اكثر احس أني جبت الخير لشعب مصر

جئتهم وحررتهم ( اشفيه صلاح الدين الايوبي))

المهم في سفره مخططها واحد من الربع

نبي نروح جوله لدول الأوربية ( المانيا سويسرا اسبانيا فرنسا)) ابن بطوطه مو العبدلي

الشي الجميل بسفره اننا نأجر سياره ونفتر بالدول يعني مالنا مكان يأوينا مشردين

عاد الله الله بالمعلومات ابي اتشيحط عند ربعي ابوريهم أني خبره

 

[الوعر]

اذكر بسفره من السفرات كنا متوجهين لسوريا علي الخطوط السوريه

انا وثنين من الشباب المهم وصلنا مطار دمشق ولا جنطه صاحبنا مفقوده او مو واصله

قالولنا اذا لقيناها ندق عليكم

من باجر دقو علينا قالو لقيناها

دقو علي راعي الجنطه صاحبنا الثاني تلقف وقال انا بروج اجيبها خلوكم بشقه عساس يبي يمر سوق الحره

المهم راح صاحبنا الي المطار

وصاحبنا الثاني الي فقد جنطته استانس بخبر جنطته وقعد بشقه ينطر

المهم دش علينا صاحبنا الي راح المطار من غير الجنطه

قلناله وين الجنطه يافلان

يوم سالناه تذكر ان نساها بتكسي

كان يوم ماساوي صالحناهم بعد معركه حاميه

ماله نصيب بلجنطه اضاهر بايق دلاغات

 

[ابوخالد111]

بخيص ههههههههههههههههههههههههه أضحك الله سنك

 

[بقيييط]

في سنة 99 في القاهر طالعين من الفندق الساعه 1 بليل رايحين نسهر طبعا مثل العاده قبل ماناخذ تكسي من قدام الفندق انروح قدام وناخذ تكسي من الشارع ارخص وحنا طالعين شار علينا صاحبنا نسوي نفسنا طرمان ولا نسمع وكان مع صاحبنا بطاقة احتياجات خاص وقفنا تكسي وريناه بطاقة صاحبنا وهات موو هيي هي ولا فاهم راعي تاكسي خذينا تلفون وكتبنا نحن الثلاث نريد نذهب الي الديسكو طالعنا وقال ياولاد الكلب ماتتكلمووش ولا تسمعو وعاوزين تسهر وتشربو كمان اركبو اركبو جالكم الارف وصرخ علي صاحبنا يا نتن اركب يامعفن صكر الباب يا وسخ سيب الشباك ههه ركبنا السيارة قعد يكلم نفسه ازاي تسهرو ازاي تنبسط ازاي ويطالع صاحبنا ويقوله يامعفن واشر لصاحبنا اوكي:إستحسان: ههههه كل ماتذكر السالفه اموت من الضحك علي صاحبنا

 

[مالك عذر]

سافرت انا وصديق لي سنة 2000 الى المانيا للتجاره بشراء السيارات وصلنا الى ​

مطار ميونخ .... خرجنا الى مواقف التكاسي والا يطوف الدور صاحب تكسي من ​

الجنسيه التونسيه قال السلام عليكم وعليكم السلام........​

اول ماشفته ضاق خلقي .................. قلت ماراح نصعد وياك ليش مطوف التكاسي اللي ​

قبلك انا توقعت انه حركات اصحاب التكاسي العرب يبي يمشي بدون عداد وسوالف ​

تكاسي مصر وسوريا............​

قال اهم اصحاب التكاسي الاجانب شافوكم عرب وقالولي مدام اني عربي وانتو ​

عرب طوف الدور ووصلهم من باب التعاون بينهم .............​

المهم انا ماعطيته وجه وكلمه ورد غطاها .......... وهو يمدح نفسه انا طيب وانا امين ​

ولاني نصاب وانا ماتطوفني الصلاة وحافظ القران.... والامور هذي ...............​

قلنا له ودنا الفندق الفلاني ....... واحنا في المنتصف الطريج والا العداد وصل تقريبا ​

الى 50 دينار كويتي طبعا بالمارك قبل اليورو وكان سعر المارك تقريبا 140 فلس ​

اعتقد ... اذا ماني غلطان.​

المهم قلت له السعر مو طبيعي بالعداد .... وقام وقف العداد على هذا ​

المبلغ.........وكملنا الى الفندق بدون فلوس على المبلغ القديم وطبعا هذا حركه ​

طيبه منه ..... قلت يمكن انه يبي اكراميه راح اضبطه...... لانه ماقصر .​

شرح لنا موضوعه انه يشتغل باليوم ....... اول مايطلع له ... ايجار السياره للمكتب ومبلغ الديزل ​

ومصروف اليوم ...... يوقف ويروح البيت يعني يشتغل حق اليوم فقط ........... وباجر على الله​

قال انا مستعد اطلع وياكم يوم كامل اشرايكم قلنا له يصير خير عطنا رقمك .........​

طبعا طاف.......... من باجر رحنا لمعارض السيارات بالتكسي ولا المبلغ ​

موطبيعي ..... ونحتاج مترجم يعني المبلغ راح يتضاعف المهم افترينا والعصر رجعنا للفندق......​

قلت لصاحبي مالنا الا التونسي اهو تكسي واهو مترجم نضرب عصفورين بحجر بس خلنا ​

حذرين منه .... اتصلنا عليه وتواعدنا الصبح​

واتفنا على مبلغ 70 دينار باليوم يا بلاش........... يوم كامل تاكسي ومترجم............​

المشكله ان المبلغ اللي معانا تقريبا بالكويتي 120 الف دينار كاش ........... ​

والسمسونايت ماتفارقني ابدا ...:d طبعا هو مايدري عنها ..... اخوكم حريص​

سولف لنا عن شلون وصل الى المانيا وبداياته في العمل والاخلاص بالعمل وانه متدين بس ​

مايقدر يطول لحيته لانه يخاف .... وقام يمدح نفسه واخوكم طاف ..... لان الحركات هذي ​

مرت علي من قبل.......​

بعد كم يوم ​

واحنا في مكتب السيارات نزلت ونسيت السمسونايت...... في التكسي ... وبعد ​

شوي ولا التونسي طلع من المكتب وشغل السياره وراح ....... هههههههههه​

واتذكر الفلوس وتصك فيني الدنيا ... لاني حريص عليها سبحان الله قدر الله وماشا ء فعل ​

واقول لصاحبي عن المصيبه انصدم ........... اتصلنا فيه ورد علينا وين رحت ياعادل ​

قال انا شوي وارجع......... قلت له تعال بسرعه ...... ماتفقنا مع المكتب لاتطول قال ​

اوكي ماوضحت له اني خايف او اني نيست الجنطه .....​

اتصل فيني بعد شوي وانا على اعصابي ............. قال لي انت نسيت شنطة الفلوس ​

معاي ...... صدمني....................ههههههههههههه​

قلت تعال هذي فيها اوراق مافيها فلوس .... ولابطيخ..... لاتطول علينا ...... ​

بعد نص ساعه رجع ........ سبحان الله يدري ان كل فلوسنا فيها من كثر ما انا حريص ​

عليها حتى السفتي بوكس بالفندق ماامنت فيه ........​

اول ماوصل قال ادري انت خايف اني ماارجع واسرق الفلوس .....ههههه انا مسلم ما اكل ​

فلوس حرام............... الله اكبر..​

وبعدها امنت فيه صراحه ووثقت شوي ..اشتريت كم سياره مرسيدس من معرض ​

ودفعت المبلغ كاش... واستلمنا الاوراق ........وطلعنا من المعرض.... وهو تاخر عنا شوي
ولا رجع لنا وعطاني فلوس .... استغربت شنو هذا قال لي هذي عمولتي من صاحب المعرض ............... اخذها انا لي التاكسي بس ...... وهذا حلالكم..... ​

الصراحه انسان موطبيعي ................. قنوع لدرجه مو عاديه..​

شرينا السيارات اللي نبيها وفتحت حساب في البنك ... وبعد سفرتين الى المانيا ​

سويت له وكاله على الحساب ..... وقمت احول له مبالغ ويشتري لي سيارات بالتلفون ​

وانفتح له باب رزق من السيارات ........ يقول جزاك الله خير انك علمتني يهالشغله وانا
5سنوات وانا من المطار الى البيت ..... الله يذكره بالخير ​

الامانه هالايام اصبحت عمله نادره..............​

اسف على الاطاله..​

سبحان الله
لا يكون عادل التونسي ماغيره الى اجرت منه سيارتي في 2010
وهو شغال تاكسي قبل
صج رجل امين ومحل ثقه

 

[عبدالله .]

سبحان الله
لا يكون عادل التونسي ماغيره الى اجرت منه سيارتي في 2010
وهو شغال تاكسي قبل
صج رجل امين ومحل ثقه

ههههههههه
تصدق وانا اقرا السالفة
قاعد اقول هذا عادل ماغيره

اخوي dr_chart
والله العالم من مواصفاتك له فعلاً هو عادل التونسي
انا اتعامل معاه من زمان ودزيت له كذا شخص
فعلاً شخص أمين وتعامله طيب
وهو بألمانيا من 20 سنة وتوه الله يسهل عليه قدر يروح تونس بعد ماطاح بن علي​