القيادة فن و ذوق ... خصوصا بالكويت !!!

[liberalism]

صباح الخير للجميع

يؤسفني ان الشعب الكويتي المثقف و العاقل ( المفروض )

تظهر منه بعض التصرفات المقززة خصوصا اثناء القياة ..

الاغلبية منكم من الطبقة الكادحة اي انه (( يداوم الصبح ))

الداوم لله

سواء طلاب او موظفين .. و بديهي جدا ان كل واحد عنده سيارته الخاصة ..

لكن المؤسف ان في بعض من الناس من حصل على رخصته بالواسطة

و لا يفقه شيئا من قانون المرور ..

يعني الواحد توصل فيه ان ممكن يموت الا شعره بعديــــــن يحس الطرف الثاني انه غلطان !!!!

و المفروض ان الكل يعرف ان الاولوية للقادم من جهة اليسار بالنسبة للشوارع الرئيسية ..

يعني الله يسامح الي اليوم كانت بتقطني من فوق الجسر لأنها تبي تداوم المسكينه حالها حال اي مواطن .. و داخلة من مدخل فرعي عالجسر و ما تبي تنطر اللي ياي من صوب اليسار !!! و تعطيك هرنات يا ستار و الوجه فيه طن و نص مكياج !!!!

الحمدلله اني درست قانون المرور قبل الليسن بسنة !!!!

اما قلة الذوق الثانية و اهيا اني بصراحة شفت منظر مقزز و تقشعر له الابدان

من واحد يحب النظافة و يحب ديرته وايد !!! يشرب redbull و يلف عالاوادم

و لما خلص عليه بألف عافية وقف عند الاشارة و لأنه وايد نظيف

فتح الباب و نزل ايده شوي شوي و رمى العبوة تحت سيارته !!!!!!!! ولا كأنه في سلة مهملات عند كل اشارة !!! يا اخي خل العلبة بالسيارة لين توصل البيت و تصرف بعدين بس مو جذي جدام الناس !!!!!


بصراحة في الموقف الاول ما مداني اشوف لوحة السيارة بس كانت hummer h3
اشوه انها ما تسوق Carrera GT على رفعة هالخشم !

بنات !!

بس الثاني ما راح استحي و راح احط رقم سيارتة
شفر قديم ابيض يحمل لوحة رقم 6356\13

شباب !!

اتمنى من الجميع احترام القوانين في الديرة خاصة القيادة !!

و الالتزام بالنظافة ! مو بس بالبيت حتى برا البيت !!

تحياتي لكم

​

 

[6ergi]

صباح الخير .. يفداج من راعج يا زميلة ..

في السابق من يريد الترويج لبيع سيارته المستعملة يضع جملة "إستعمال سيدة" ...

اليوم لم يعد لهذه الجملة محل .. وهذي بركات العولمة ..


تحياتي ..

 

[Modest]

صباح النور ياهلا ...

حمدالله على السلامة ....

سبحان الله القلوب عند بعضها ...

اليوم واحد الله يستر عليه وانا بوسط الدوار وبطلع منه ولا اهو داش الدوار قلت مو مشكله يمكن بيطلع معاي من الدوار ولا ابو الشباب مكمل سيده بغيت اشيله معاي لبره الدوار يعني لهدرجه مستعجل ..؟ والمشكله مافي زحمه نهائيا على الدوار شنو هالطيره الي فيه ...

اما سالفه حذف ( القمامة ) صراحه يضيق خلقي لما اشوف احد يحذف اي شي من جام السيارة يعني صج عيب ...

الله يجزاها خير اللي بغت تدعمج اليوم على الاقل خلتج تكتبين موضوع

 

[Venezia]

أختي حبيبتي سلامة قلبج يا قلبي ​

و الحمدلله على سلامتج ..​

ما عليه يعني انتي مو أمس ياية الكويت و لا أمس عرفتي الناس اللي فيها ​

( هذه جملة منو )​

_ _ _ _ _ ​

انتِ اكثر وحدة تدرين شكثر انا اعاني من هالتصرفات اللي تصير من الناس بالطريق​

فعلا مافي أخلاق مافي ذوق مافي ادب بالقيادة و التعامل مع الآخرين .. ​

في مثل ( القيادة فن و أخلاق و ذوق .. للطريق حق و لك حقوق )​

سبق و قلته من قبل في احد المواضيع .. لكن من يطبق ؟​

و مع الأسف الشديد مافي قانون رادع ! مافي ناس تخاف اساسا !​

من أمِنَ العقوبة أساء الأدب .. و هذا اللي حاصل .​

و البنات بعد حدّث ولا حرج فعلا طريقة قيادتهم خطيرة جدا و تعرض غيرهم للخطر​

ما كأن في أحد بالشارع غيرهم ! و هذا طبعا بعض البنات مو الكل .. ​

و بعض الشباب أيضا لما يحسب كل شاب أنه Schumacher و بالشارع العام​

طيب اذا انت مستهتر بحياتك حياة الناس مو مجال انك تستهر فيه و تضيعه !​

و قيسي على هذه الأمور كثير من العائلات راحت بسبب استهتار السائقين ..​

و ارواح مالها ذنب تيتمت و خسرت الكثير بسبب استهتار مافيه له أي سبب​

ولا أي تبرير ولا أي شي يشفع له !​

كليّ أمل أن تطبق عقوبات صارمة جدا على من يستهتر بأرواح الاخرين في الطريق !​

تحياتي للجميع و ربي يحفظكم جميعا من مخاطر الطريق ..​

و يحفظج اختي الشقيقة :قلب:​

 

[liberalism]

صباح الخير .. يفداج من راعج يا زميلة ..

في السابق من يريد الترويج لبيع سيارته المستعملة يضع جملة "إستعمال سيدة" ...

اليوم لم يعد لهذه الجملة محل .. وهذي بركات العولمة ..


تحياتي ..

شكرا على مرورك و تعليقك زميلي ..

و بالنسبة لاستعمال السيدات لك عليه شوي

ما اود التنويه له انه لابد من وضع قوانين صارمة لمن يسيء الادب بالطرق

شكرا مرة اخرى على مرورك..

 

[liberalism]

صباح النور ياهلا ...

حمدالله على السلامة ....

سبحان الله القلوب عند بعضها ...

اليوم واحد الله يستر عليه وانا بوسط الدوار وبطلع منه ولا اهو داش الدوار قلت مو مشكله يمكن بيطلع معاي من الدوار ولا ابو الشباب مكمل سيده بغيت اشيله معاي لبره الدوار يعني لهدرجه مستعجل ..؟ والمشكله مافي زحمه نهائيا على الدوار شنو هالطيره الي فيه ...

اما سالفه حذف ( القمامة ) صراحه يضيق خلقي لما اشوف احد يحذف اي شي من جام السيارة يعني صج عيب ...

الله يجزاها خير اللي بغت تدعمج اليوم على الاقل خلتج تكتبين موضوع

اهلا و سهلا زميلنا

خطاك السوء يا رب ..

يعني مو بس انا اعاني الكل يعاني .. تتوقع ليش مافي احترام للاخرين بالشارع ؟؟

شي غريب تصرفات خجل والله ... و لا يضيق خلقك ولا شي انا نويت اذا شفت واحد يسوي جذي اخذ رقم سيارته و اعمم عليه هني بالمنتدى

و على اخر تعليق يجزاك خير انت بعد لأنك ضحكتني

شكرا على مرورك زميلي :وردة:

 

[liberalism]

أختي حبيبتي سلامة قلبج يا قلبي ​

و الحمدلله على سلامتج ..​

ما عليه يعني انتي مو أمس ياية الكويت و لا أمس عرفتي الناس اللي فيها ​

( هذه جملة منو )​

_ _ _ _ _ ​

انتِ اكثر وحدة تدرين شكثر انا اعاني من هالتصرفات اللي تصير من الناس بالطريق​

فعلا مافي أخلاق مافي ذوق مافي ادب بالقيادة و التعامل مع الآخرين .. ​

في مثل ( القيادة فن و أخلاق و ذوق .. للطريق حق و لك حقوق )​

سبق و قلته من قبل في احد المواضيع .. لكن من يطبق ؟​

و مع الأسف الشديد مافي قانون رادع ! مافي ناس تخاف اساسا !​

من أمِنَ العقوبة أساء الأدب .. و هذا اللي حاصل .​

و البنات بعد حدّث ولا حرج فعلا طريقة قيادتهم خطيرة جدا و تعرض غيرهم للخطر​

ما كأن في أحد بالشارع غيرهم ! و هذا طبعا بعض البنات مو الكل .. ​

و بعض الشباب أيضا لما يحسب كل شاب أنه Schumacher و بالشارع العام​

طيب اذا انت مستهتر بحياتك حياة الناس مو مجال انك تستهر فيه و تضيعه !​

و قيسي على هذه الأمور كثير من العائلات راحت بسبب استهتار السائقين ..​

و ارواح مالها ذنب تيتمت و خسرت الكثير بسبب استهتار مافيه له أي سبب​

ولا أي تبرير ولا أي شي يشفع له !​

كليّ أمل أن تطبق عقوبات صارمة جدا على من يستهتر بأرواح الاخرين في الطريق !​

تحياتي للجميع و ربي يحفظكم جميعا من مخاطر الطريق ..​

و يحفظج اختي الشقيقة :قلب:​

اختااااااااااااااااااااااااااااااااااااه

اوخيتي اوخيتي

والله اليوم حسيت فيج لما تقولين لاعت جبدي من الشارع .. لأني شفت شي غريب والله

بس الله ستر ..

و فعلا من امن العقوبة اساء الادب ...

اخ بس لو اصير وزيرة اسبوع واحد بس اسبوع !!!! هممممم اعرف شلون اتصرف :شيطان:

شكرا على مرورج زميلتي (( يعني ماعرفج ))

الله يحفظج يا رب و يخليج لي ان شاء الله :وردة::قلب:​

 

[Hope]

و الله أصبحت شوارعنا مقابر لمن فيها ..!

فلا " فن " و لا حتى " قيادة " سليمه غير مهلكه ..!!

فقد أصبحت ألسنتنا تلهج بالدعاء لله سبحانه و تعالى بأن يحفظنا و من

في هذه الطرق من " رعونة " الكثير و تهورهم " المميت "

حمدًا لله على سلامتك أختي الكريمه

خذي القدر الكبير و الوفير من " الحذر " .. فـ مفاجآت الطرق عندنا

لا سبيل لتخيلها ..!

حفظك الرحمن​

 

[liberalism]

و الله أصبحت شوارعنا مقابر لمن فيها ..!​

فلا " فن " و لا حتى " قيادة " سليمه غير مهلكه ..!!​

فقد أصبحت ألسنتنا تلهج بالدعاء لله سبحانه و تعالى بأن يحفظنا و من​

في هذه الطرق من " رعونة " الكثير و تهورهم " المميت "​

حمدًا لله على سلامتك أختي الكريمه ​

خذي القدر الكبير و الوفير من " الحذر " .. فـ مفاجآت الطرق عندنا​

لا سبيل لتخيلها ..!​

حفظك الرحمن​

كلامك صحيح ..

من غير الممكن تخيل ما قد يحدث خصوصا في الاونة الاخيرة .. كل سائق يريد فرد شخصيته بالقيادة متناسيا ما قد يتسبب به من اخطار للاخرين و لنفسه ..

عليك بالقيادة عن نفسك و عن غيرك في هذا الزمن ..

بقراءة ردك تذكرت كلمة دائما ترددها شقيقتي الصغرى عندما ترى شخصا مسرعا في القيادة

" الله يحفظك في اهل ناطرينك و ناطرينا بالبيت ليش هالسرعة "

لكن هل هذا السائق على يقين من هذه الحقيقة ؟؟ ام ماخذه الغرور ؟؟

شكرا على المرور و التعليق new user :وردة:

 

[Venezia]

اختااااااااااااااااااااااااااااااااااااه ​

اوخيتي اوخيتي ​

والله اليوم حسيت فيج لما تقولين لاعت جبدي من الشارع .. لأني شفت شي غريب والله ​

بس الله ستر ..​

و فعلا من امن العقوبة اساء الادب ...​

اخ بس لو اصير وزيرة اسبوع واحد بس اسبوع !!!! هممممم اعرف شلون اتصرف :شيطان:​

شكرا على مرورج زميلتي (( يعني ماعرفج )) ​

الله يحفظج يا رب و يخليج لي ان شاء الله :وردة::قلب:​

أختــــــــــــــــــــــاه ..

أوخيتي أوخيتي انتي

انا لو اصير وزيرة انتي اول وحدة اسحب منها الليسن لا لا .. اتغشمر

حسيتي فيني لما اخلي السايق يوصلني كل مكان .. سافر و ابتلشت

ديري بالج من الدرب و فعلا الشخص صار لازم يسوق عن نفسه و عن غيره ..

لازم يكون في حزم في تطبيق القانون لان القوانين موجودة و ان كانت تنقصها بعض الشدة ..

لكن الشدة المطلوبة الآن هي بتطبيقها و على الجميع دون استثناء !

المشكلة ان بعض السائقين ليس لديهم احساس بالمسئولية لكن بتطبيق القانون بشكل حازم عليهم

سيصحى ذاك الاحساس الميت بعدم المسئولية في ضمائرهم يوما .

مودتي و تحياتي للجميع

 

[liberalism]

تعميم جديد....

ظهيرة طيبة للجميع ..​

اليوم الساعة 11:40 صباحا​

المكان : عند اشارة نادي الشعب البحري .. ​

(( سيــــــــــدة الخليج ))​

(( و يسار ميدان حولي )) ​

عشان تكونون بالصورة ​

الشارع 4 حارات اقصى اليسار اتجاه جبري لليسار و اشارتهم غير ..​

بس الحارات الثلاث اتجاه جبري للامام الا ما ندر ! لأن البعض يكون في حاره رقم 2 ​

من جهة اليسار و يلف عادي ولا كأن في اوادم وراه و اوادم ناطرين يمه ..​

المهم تعميمنا اليوم على سيدة الله يحفظها و يحفظ الاطفال اللي معاها​

اللي ما خافت عليهم !!! اهيا بالحاره رقم 3 يعني اتجاهها جبري للامام ...​

و انا في اقصى اليسار بدش صوب ميدان حولي و بجنبي (( حارة رقم 2 )) واحد من ربع الفول و الطعمية الاشارة الضوئية ديكور بسيارته !! واقف و بيلف بدون اشارة ...​

المهم السيدة الطيبة من الحارة 3 لفت U turn !!!!!!!​

بمعنى اخر ما احترمت قوانين الطرق ولا الخطوط الارضية و لا اللي واقفين ناطرين دور حسب الخطوط الارضية ..​

ولا خافت على البنات اللي معاها و مستانسين على بالهم اللي سوته امهم صح !!!​

U turn من الحارة الثالثة !!! شي غريب !!! المفروض انها قدوة لمن معها ...​

المهم ان هالام الله يصلح حالها سيارتها يوكن اسود يحمل لوحة رقم "(...........)"​

شكلي بفتح موضوع تعميم بالمنتدى !​

تحياتي للجميع..:وردة:​

 

[وطن_عمري]

السلام ...
لا تلومونهم ... لآن الصبر نفذ .. احترمنا القوانين .. تنطر دورك بال يو تيرن وتحس ان اللاين ما يتحرك .. تسأل تقول شالسالفة .. طالع يمينك لاين جديد مسوينه السواق الهنود.
هذا مثال بس و ترى هالعادات منقولة من الجاليات الموجودة بالكويت مثل :
1- تكاسي الأجرة ( البانغالية ).. يوقف بأي مكان ويخطر أي لاين. ويطوف الإشارة .
2- الباصات هنود ومصريين : فيكم خير جربوا صوبهم , أنا باص مو لعبه لسان السايق.
3- الهنود : عبالهم قاعدين ببامباي لا قانون ولا بطيخ ومن سبق لبق .
4- تغيير نظم المرور عليهم : بالهند وباكستان السايق على اليمين . يعني الأولوية للقادم من جهة اليمين.

ترى الكويتيين وخاصة الشباب ما يعيبهم غير السرعة الزايدة والمغازل.
بس الحمدلله الذوق موجود .. يكفي أنهم يوصلون البنت من بيتهم إلى الجامعة أو الدوام و يردونهم للبيت مرة ثانية.
أهم الشي أن الواحد يكون ذوق لنفسه .. ويكون مسئول عن نفسه وبيته

 

[liberalism]

السلام ...
لا تلومونهم ... لآن الصبر نفذ .. احترمنا القوانين .. تنطر دورك بال يو تيرن وتحس ان اللاين ما يتحرك .. تسأل تقول شالسالفة .. طالع يمينك لاين جديد مسوينه السواق الهنود.
هذا مثال بس و ترى هالعادات منقولة من الجاليات الموجودة بالكويت مثل :
1- تكاسي الأجرة ( البانغالية ).. يوقف بأي مكان ويخطر أي لاين. ويطوف الإشارة .
وراهم ناس واصلة !!
2- الباصات هنود ومصريين : فيكم خير جربوا صوبهم , أنا باص مو لعبه لسان السايق.
و يبتون كأنه يسوق mini cooper !!!
3- الهنود : عبالهم قاعدين ببامباي لا قانون ولا بطيخ ومن سبق لبق .
على باله قاعد على ظهر فيل !!
4- تغيير نظم المرور عليهم : بالهند وباكستان السايق على اليمين . يعني الأولوية للقادم من جهة اليمين.

ترى الكويتيين وخاصة الشباب ما يعيبهم غير السرعة الزايدة والمغازل.
no comment !!
بس الحمدلله الذوق موجود .. يكفي أنهم يوصلون البنت من بيتهم إلى الجامعة أو الدوام و يردونهم للبيت مرة ثانية.
ضروري لأن يخاف عليها !!
أهم الشي أن الواحد يكون ذوق لنفسه .. ويكون مسئول عن نفسه وبيته

اهلا زميلنا ..

كلامك صح بس تعبنا و احنا نتكلم و ملينا و احنا نقول ما نبي هالجاليات !!!

لا يعطون رخص حق الكل ..

لو كل واحد يحترم القواعد المرورية ما تصير هالامور و لا تصير زحمة ..

شكرا على مرورك و تعليقك :وردة:

 

[clashman82]

بعض المرات


اتمنى ان اشتري دبابة


لأنني اكره التالي


1- من يقف للعبرية لتوصيلهم..اتمنى ان عندي دبابة ادوس عليه و على من يركب معاه..

2- التكاسي الجوالة...لا إله إلا الله...من لا شئ..تلاقية طاق بريك ليقف لشخص معين على الطريق..واللي وراه ياكل دخان البريك!....لو عندي دبابة بس..قذيفة تعلمه و من معه كيف يحترم الطريق

3- عندما تكون ناطر في اللفه..وشخص آت على الطريق ..و انت تنطر..تنطر..حسباله بيمر جدامك علشان اتطوف...لكن ..يكسر فيك و يلف لفه اخرى..يعني انت نطرت بس علشان اتطالعه يلف...أعنبوك...طق اشارة و نبه اللي جدامك انت وين لاف..بدال لا انطر 30 ثانية اتمقل بمدقرك!...لو عندي دبابة..الحقة و ادوس عليه..و ارجع قري عليه!

4- السواق الغشم.....يدخل عليك و يركبك رصيف..ولا داااري فيك..وتشوفة..زي الاهبل..ايده على السكان و يطالع جدام...يعني حتى لو تعصب اهو بالاساس مو قاعد يطالعك!

5-مستر شوماخر...اللي عنده سيارة سبورت وحسباله الحبيب حلبة سباق..betweens بالسيارات..ولا يراعي احد.....ولي دعم احد..ينحش!

6- انت على الدوار..و العلامة المرورية شكبرها " اولوية المرور لليمين" ..يعني الاولوية في الدوار لمن على الدوار..وليس لمن هو داخل الدوار!

ماشي بدوارك..تلاقي واحد او وحدة مسبهه شدخلون عليك و لا انت موجود بالاساس..حتى لو كنت زي حضرتي و الدنالي مالك تارس الشارع..هم عادي..يدخلون ولا انت موجود..


صج صج ابي اشتري دبابة

 

[محايد]

((((( من أمن العقوبه أساء الأد ب )))))

زبدة الكلام
​

 

[liberalism]

بعض المرات


اتمنى ان اشتري دبابة


لأنني اكره التالي


1- من يقف للعبرية لتوصيلهم..اتمنى ان عندي دبابة ادوس عليه و على من يركب معاه..

يشوف رزقه الريَــال !!!

2- التكاسي الجوالة...لا إله إلا الله...من لا شئ..تلاقية طاق بريك ليقف لشخص معين على الطريق..واللي وراه ياكل دخان البريك!....لو عندي دبابة بس..قذيفة تعلمه و من معه كيف يحترم الطريق

اللي وراه مو بس ياكل دخان البريك .. يصلح له تالي !!

3- عندما تكون ناطر في اللفه..وشخص آت على الطريق ..و انت تنطر..تنطر..حسباله بيمر جدامك علشان اتطوف...لكن ..يكسر فيك و يلف لفه اخرى..يعني انت نطرت بس علشان اتطالعه يلف...أعنبوك...طق اشارة و نبه اللي جدامك انت وين لاف..بدال لا انطر 30 ثانية اتمقل بمدقرك!...لو عندي دبابة..الحقة و ادوس عليه..و ارجع قري عليه!

عادي كما ذكرت سابقا ان الاشارة ديكور بالسيارة !!

4- السواق الغشم.....يدخل عليك و يركبك رصيف..ولا داااري فيك..وتشوفة..زي الاهبل..ايده على السكان و يطالع جدام...يعني حتى لو تعصب اهو بالاساس مو قاعد يطالعك!

هذا اللي اعصابة مثل البردي اللي نزل قبل يومين !

5-مستر شوماخر...اللي عنده سيارة سبورت وحسباله الحبيب حلبة سباق..betweens بالسيارات..ولا يراعي احد.....ولي دعم احد..ينحش!

و تلقاه بالاخير ما عنده رخصة بعد !

6- انت على الدوار..و العلامة المرورية شكبرها " اولوية المرور لليمين" ..يعني الاولوية في الدوار لمن على الدوار..وليس لمن هو داخل الدوار!

ماشي بدوارك..تلاقي واحد او وحدة مسبهه شدخلون عليك و لا انت موجود بالاساس..حتى لو كنت زي حضرتي و الدنالي مالك تارس الشارع..هم عادي..يدخلون ولا انت موجود..

هذي طبيعية لأنهم ماخذين السالفة من سبق لبق !!

صج صج ابي اشتري دبابة

بصراحة اثبت انك clashman

والله انا معاك الوضع متأزم .. خاصة اللي ذكرتهم ...

و سالفة العبرية بعد حدث ولا حرج عليهم غير دخله من دوامه تلقاه يركب هالعبرية حق حتاحيت ... اللهم لا شماته ...

تدري... يالله الدبابة بالنصيفة

انا ودي helicopter عشان اكون فوق و ما اتأذى من الزحمة واللي يصير بالشوارع ..

شكرا على مرورك و تعليقك زميلي :وردة:

 

[liberalism]

((((( من أمن العقوبه أساء الأد ب )))))​

زبدة الكلام​

صدقت ..

شكرا على المرور و التعليق زميلنا :وردة:

 

[liberalism]

مرحبا جميعا ..​

يا جماعة بس خلاص تعبنا من اللي نشوفة بالشوارع !!!​

لازلت مصرة على التعميمات علَ و عسى نلقى حل ...​

"(..........)"​

يوكن ذهبي .. الاخ اللطيف مادري منو قايل له ان الشارع باسمه و عادي ياخذ راحته ​

الشارع مزدحم و الاخ طــــــــاير كأن مافي اوادم جدامه !!! و يترك يعني ​

(( عطوني مجال اطوف )) و تعانده يحدك و يخرعك ,,​

بس الحمدلله يا جبل ما يهزك ريح يا ليبرا ​

اما التعميم الثاني و هو ​

"(.......)"​

باجيرو و السائق من الجالية المصرية .. الطيب ما يبي ينطر دور حاله حال العالم ​

السالفة ان طالعين من مواقف جمعية السالمية (( بنك الخليج )) و مع الزحمة و الخروج من المواقف الاخ ورانا كان و (( يزمر ))​

ليش ؟؟؟؟ و هالش طبيعي الواحد يوقف قبل لا يطلع من المواقف ..​

المهم مشينا بس مسكين حاطها بقلبه !! صار جدامنه و يعني بياخذ بثاره ​

و لزم بريك !!!!!!!!!!!!!!!!!!!!!!!!!!!!!!!!!!!! ​

مسكينه امي (( قالت له اشفيك عسى ما شر ليش هالبريك ))​

تتوقعون شنو كان رده ؟؟؟​

(( امشي ! يعني انتي ترضي حد يعمل فيكي كدا و يوقف في وشك )) !!!​

طبعا امي عصبت !!! بس قامت تتحلطم بينا ولا قدرت عليه !!! ​

يعني هذا بديرته ما عنده سكوتر و هني شاد حيله وايد !!!​

يالله سترك ما يندرى شنو ممكن يصير بعد ...​

التعميم الثالث ..​

همممممم شي لطيف كان ​

"(......)"​

بيجو صفراء اللون .. مسرع و يدش بين السيارات .. و ما يبي ينطر دور ​

و يتحلطم و يلف على راحته و بيدة الموبايل يدز مسجات !!!​

حاط علم سوريا بالخلف الله العالم شنو جنسيته ..​

بس ليش هالتسيب ؟؟ و ما يعطي مجال حق العالم !!! ​

ليش كل من هب و دَب ياخذ ليسن عندنا ؟؟؟ ​

الله يعينج يا كويت على هالوضع ​

تحياتي ..​

 

[وادي المسك]

أسعد الله أوقاتك أختي ليبرا بكل خير :وردة:


حقيقه موضوع يسلط الضوء على سلبيات نعاني منها وجان زين المرور يعطونج دفتر مخالفات وظبطيه


ماشي على الدائرى الخامس ومشغل محمد عبدو وأخر انسجام ومزاج وفجأه مادريت إلا الزقاره بالجام مو من طبعى اتنرفز بس ذاك اليوم مادرى اشفيني فصلت كان معاى عصير منقا فرغلى توني شارب منه شفطتين او ثلاث وكان طعمه لذيذ ويسرسح دست من بطت الجبد جان اصير جدامه واحذف العصير على جامته :باكي: ماقال شي سكت وكملت بس ظاق خلقى وقلت انا شسويت لا لا هالشئ مؤسف :إستنكار: نطرته لمن قرب وصفته واعتذرت له ومشيت




من اليوم أي مخالفه بتصير جدامي بجيبلج رقمه


موضوع مميز .. تقبلي أجمل التحيات :وردة:

 

[liberalism]

أسعد الله أوقاتك أختي ليبرا بكل خير :وردة:


حقيقه موضوع يسلط الضوء على سلبيات نعاني منها وجان زين المرور يعطونج دفتر مخالفات وظبطيه


ماشي على الدائرى الخامس ومشغل محمد عبدو وأخر انسجام ومزاج وفجأه مادريت إلا الزقاره بالجام مو من طبعى اتنرفز بس ذاك اليوم مادرى اشفيني فصلت كان معاى عصير منقا فرغلى توني شارب منه شفطتين او ثلاث وكان طعمه لذيذ ويسرسح دست من بطت الجبد جان اصير جدامه واحذف العصير على جامته :باكي: ماقال شي سكت وكملت بس ظاق خلقى وقلت انا شسويت لا لا هالشئ مؤسف :إستنكار: نطرته لمن قرب وصفته واعتذرت له ومشيت




من اليوم أي مخالفه بتصير جدامي بجيبلج رقمه


موضوع مميز .. تقبلي أجمل التحيات :وردة:

بصراحة سالفة الزقارة تخرع !!

و انا معاك بتصرفك لأنك محتر .. بس لا تعيدها مره ثانية

و بصراحة سالفة دفتر المخالفات كان ودي بس ابوي مو معطيني ويه يعني لو انا متخرجة مع الدفعة اللي تخرجت كنت اول وحدة اطالب بتوزيع الضباط النساء على الدوريات و اكون وحدة منهم

و راح اظل اعمم لين نلقى حل او الجاليات اللي هني تحترم ذاتها ..

شكرا على مرورك و تعليقك زميلي :وردة: