القيادة فن و ذوق ... خصوصا بالكويت !!!

[الموسوي]

العن حركة نعاني منها انا وبوالنيف .. لمن الاشارة تشب خضرا بثواني ..

تسمع .. ديــــــــــــــــــــــــــــــــــــــــــــــــــــد .. !!

يا بشر انطر .. !!

================

بالنسبة للاستهتار نعم كنت ولازلت في بعض الاحيان من المستهترين .. !!

فاقل سرعة امشي فيها 120 .. " تقول ما اعرف غيرها " ..

ان شاء الله نخفف من سرعتنا عشان ما يقولون مستهترين وسحبوا جناسيهم .. اقصد لياسنهم .. !!

========

وبالنسبة للقط من الجامة للحين اقط الزقارة برا .. !!

خو زقارة .. بتحاسبونا على زقارة .. !!

بس الشهادة لله اقط الزقارة برا لمن اشوف انه محد وراي .. على يميني ويساري مو مشكلة

بس وراي مشكلة ..

 

[liberalism]

العن حركة نعاني منها انا وبوالنيف .. لمن الاشارة تشب خضرا بثواني ..

تسمع .. ديــــــــــــــــــــــــــــــــــــــــــــــــــــد .. !!

يا بشر انطر .. !!

بهذي معاك حق ...

================

بالنسبة للاستهتار نعم كنت ولازلت في بعض الاحيان من المستهترين .. !!

فاقل سرعة امشي فيها 120 .. " تقول ما اعرف غيرها " ..

ان شاء الله نخفف من سرعتنا عشان ما يقولون مستهترين وسحبوا جناسيهم .. اقصد لياسنهم .. !!

انا مثلك اذا مستعيلة (( من عشاق السرعة )) و كانت امنيتي اصير بطلة حلبات
بس في سرعة تضايق الناس و مو بكل وقت حلوة و زينه ..

========

وبالنسبة للقط من الجامة للحين اقط الزقارة برا .. !!

خو زقارة .. بتحاسبونا على زقارة .. !!

هذي خطرة عليك يا خوي مو سالفة اذا في احد وراك هالحركة ممكن انها تضرك انت


بس الشهادة لله اقط الزقارة برا لمن اشوف انه محد وراي .. على يميني ويساري مو مشكلة

بس وراي مشكلة ..

محد بيحاسبك ان شاء الله لا على قطة زقارة ولا غيره ..

بس السالفة فيها ذوق و ان انت تمثل اهلك برا البيت لازم شوي تكون واعي و ما تضايق غيرك

عشان لا انت تتضايق بعد ..

شكرا على مرورك و تعليقك زميلي :وردة:

 

[liberalism]

مساء الخير عليكم جميعا ..​

ما راح نخلص من سالفة الناس اللي ما يسوقون عدل !!​

المهم ...​

التعميم الاول ​

"(....)"​

فورد جراند ماركيز ..​

اخذ لفة فوق تحت عكس السير !!!! و الشارع زحمة ​

قمة الجرأة ... ​

التعميم الثاني ..​

"(.....)"​

مرسيدس كوبيه قديمة ​

مسرع حاله يقول فلان ربحان باليانصيب و بيليحق عليه !!! ​

وعادي طاف الاشارة الحمرا ...​

يالله استر عليهم و علينا و احفظهم و احفظنا​

شكلي اخر شي بعمم على سيارة و تطلع لواحد او وحدة هني بالمنتدى ​

تحياتي لكم :وردة:​

 

[لموووووي]

liberalism

يعطيج العافيه على الموضوع

وهالمواقف اللي ذكرتيها فعلا نشوفها يوميااا لدرجه ان تعودنا عليها

وماكو فايده لو تصيحين مني لي باجر عمك اصمخ


بس بليييز بلاش فضايح بأرقام السيارت

وشكرا لج مرة ثانيه

 

[المجهر]

على طارى القياده انا اتوقع لو تجى لجنه من هيئة الامم المتحده
لتجرى اختبارات القياده من جديد لكل من يحمل ليسن سواء كويتى او غيره
لكانت نسبة الرسوب كبيره خاصه بين الحريم والوافدين

 

[ABDULRAHMAN]

بس بليييز بلاش فضايح بأرقام السيارت

وشكرا لج مرة ثانيه

صادووووووج .. ​

 

[لموووووي]

صادووووووج .. ​

تحسبااااااا

ههههههههههههههه



لالا اضحك معاك



بس يعني الستر حلووو

 

[liberalism]

liberalism

يعطيج العافيه على الموضوع

وهالمواقف اللي ذكرتيها فعلا نشوفها يوميااا لدرجه ان تعودنا عليها

وماكو فايده لو تصيحين مني لي باجر عمك اصمخ


بس بليييز بلاش فضايح بأرقام السيارت

وشكرا لج مرة ثانيه

لموووووي عزيزتي ..

المواقف اللي ذكرتها موجودة و بظل اذكرها لما احس ان في تغيير بالشارع

و الفضائح هي ما نراها من اخطاء و لا مبالاة و امور تقشعر لها الابدان ..

اما ذكري لأرقام السيارات اعتبره تنبيه لصاحب السيارة ليس اكثر ..

شكرا على مرورج و تعليقج :وردة:

 

[liberalism]

على طارى القياده انا اتوقع لو تجى لجنه من هيئة الامم المتحده
لتجرى اختبارات القياده من جديد لكل من يحمل ليسن سواء كويتى او غيره
لكانت نسبة الرسوب كبيره خاصه بين الحريم والوافدين

المشكلة ان المواطنين متعلمين هالتعلوم البايخ من الوافدين !!

لأن مافي نظام بديرتهم بالسياقة خاصة (( مصر , بلاد الشام "المجموعة كاملة", الهند ))

تبي القيادة ال :إستحسان: في بريطانيا مع ان الاولوية لجهة اليمين يعني عكس الاوادم بس منتظمين

و كلامك صحيح بالنسبة لسحب رخص القيادة .. الحريم ممكن ان يغلبهم الخوف و التردد بالقيادة ..

و الوافدين الاغلب منهم اخذها بالواسطة

شكرا المجهر على مشاركتك :وردة:

 

[liberalism]

صباح الخير للجميع ​

يالله صباح خير .. اليوم الزحمة مالها اول ولا تالي !!​

تتوقعون ليش ؟؟​

انا توقعت حادث الله يكفينا الشر ...​

بس لا حادث و لا مرور موكب و لا اسبوع مرور ...​

الزحمة على (( ولا شي ))!!!!!!!!!!!!!!!!!!!​

عشان سيارة معطلة و واقفة على حارة الامان امة لا اله الا الله تتعطل !!​

يعني موقف جدا مزعج لما انت طالع من الصبح و وقتك كله ضايع بالشارع ​

و توصل الدوام و رايحة عليك البصمة عشان هالموقف السخيف !!!​

امانة الموقف ما يبجي !! ​

المهم تعميمنا اليوم على ​

"(......)"​

فجأة و هو يمشي بالشارع وقف على حارة الامان !!! بشكل مائل​

بحيث ان اللي على الحارة اليسار يتضايقون بالمرور ..​

الظاهر ان بيتأكد من شي صاير بسيارته .. يحق له الانسان خايف على نفسه محد يمنعه ..​

بس ليش (( حذفة الكلينكس بالشارع )) !!​

يعني شاب عليك القيمة مثل ما يقولون و اهلك تعبانين فيك هالتصرف مو حلو منك !!​

يالله ان شاء الله ما تتكرر ..​

تحياتي ..​

 

[الموسوي]

ما اقط الزقارة برا .. ما اعيدها .. توبة

 

[رؤى]

يوم الخميس الساعه 6.40 صباحاً عند اشارة الجسر الي بعد المنصورية والقادسية واقفين ننطر الاشارة تصير خضراء , تيي حرمة بكل برود وتعدي الاشارة الحمراء وتكسر يسار تنزل جهة الاحمدي !

ما ادري شلي خلاني يوم الاربعاء او الثلاثاء انهف بعقلي واروح شارع الغزالي , والشارع زحمه زحمه زحمه , انا مثلج حسبت في حادث , طلع اخينا بالله ماشي جهة اليسار على الـ 60 ويوم تركت له او كبست له يأشر لي بأعصاب مو عاجبة وناسي ان معطل امة الثقلين وراه !

إمممم , الشباب الي يلحقون بنات خلق الله ان داست داس وان خففت خفف تروح يمين وراها تروح شمال يلف عليها , زين عاد استح على ويهك , خيل , خاف على عمرك وعمرها زين يعني تدودهها وتدخلها بالصبة !

اما عاد الي يقطون الزقاير وهم ماشين ولا كأنهم مسوين شيء , ما اقصدك سيدنا الموسوي بس عن جد حركة خطره , انا بطبعي وسواسية واحاتي وافكر , مثلا مثلا يعني بالله السيارة الي وراك تخر ما ادري تسرب بنزين , شيصير فيها !

وبعد هالايام ماشاءالله عليهم المواصلات والميني باص يبتونون بين السيارات , واحياناً تشوفهم مسكرين كل الحارات 3 باصات يمشون يم بعض يمين ووسط ويسار وعلى الراحة !

وللأمانة الاحظ اغلب الي يخالفون يالشارع من الوافدين يعني الزحمة تحوشنه ونوقف بالدور وننطر تخف الزحمة ونمشي وهو يطلع مفتلت وحد الدوسة على حارة الامان وعاد عينج ما تشوف الا النور , ما يصير نبطل الجامات عشان لا تفلعنه إحصمة طايرة بسبب سرعته

احياناً ودي اطبق مقولة - كل مواطن خفير - واسجل ارقام سياراتهم او حتى ان امكن اخالفهم بنفسي

 

[liberalism]

ما اقط الزقارة برا .. ما اعيدها .. توبة

ان شاء الله يا سيد موسوي ..

و لك نصيحة يستحسن تخفف منها لما تقطعها ان شاء الله احسن لك و احسن للي حواليك

شكرا مرة ثانية :وردة:

 

[liberalism]

يوم الخميس الساعه 6.40 صباحاً عند اشارة الجسر الي بعد المنصورية والقادسية واقفين ننطر الاشارة تصير خضراء , تيي حرمة بكل برود وتعدي الاشارة الحمراء وتكسر يسار تنزل جهة الاحمدي !

انا منج احط رقم سيارتها عادي تنبيه

ما ادري شلي خلاني يوم الاربعاء او الثلاثاء انهف بعقلي واروح شارع الغزالي , والشارع زحمه زحمه زحمه , انا مثلج حسبتحادث , طلع اخينا بالله ماشي جهة اليسار على الـ 60 ويوم تركت له او كبست له يأشر لي بأعصاب مو عاجبة وناسي ان معطل امة الثقلين وراه !

عادي تلقينه بابا عود و مو زين بعمره يسوق لازم سايق و حريف ! او ان وافد و وراه سفارة ما تقدرين تقولين له شي !

إمممم , الشباب الي يلحقون بنات خلق الله ان داست داس وان خففت خفف تروح يمين وراها تروح شمال يلف عليها , زين عاد استح على ويهك , خيل , خاف على عمرك وعمرها زين يعني تدودهها وتدخلها بالصبة !

قصدهم شريف بيوصلونها البيت


اما عاد الي يقطون الزقاير وهم ماشين ولا كأنهم مسوين شيء , ما اقصدك سيدنا الموسوي بس عن جد حركة خطره , انا بطبعي وسواسية واحاتي وافكر , مثلا مثلا يعني بالله السيارة الي وراك تخر ما ادري تسرب بنزين , شيصير فيها !

عدل كلامج :إستحسان: انا اكره هالحركه

وبعد هالايام ماشاءالله عليهم المواصلات والميني باص يبتونون بين السيارات , واحياناً تشوفهم مسكرين كل الحارات 3 باصات يمشون يم بعض يمين ووسط ويسار وعلى الراحة !

ايه على باله يسوق السيارة اللي طاعة من بيضة كندر

وللأمانة الاحظ اغلب الي يخالفون يالشارع من الوافدين يعني الزحمة تحوشنه ونوقف بالدور وننطر تخف الزحمة ونمشي وهو يطلع مفتلت وحد الدوسة على حارة الامان وعاد عينج ما تشوف الا النور , ما يصير نبطل الجامات عشان لا تفلعنه إحصمة طايرة بسبب سرعته

اكيد لأن عندهم واسطات اكثر من المواطنين !! و عادي يطحيون له مخالفته !!! و هذي صارت جدامي !!! ما يبون يدفعون شي و لسانهم طويل و ماخذين راحتهم

احياناً ودي اطبق مقولة - كل مواطن خفير - واسجل ارقام سياراتهم او حتى ان امكن اخالفهم بنفسي

شدي حيلج و اي شي غلط تشوفينه بالشارع تكلمي فيه و لا تستحين ..

و عممي هني معاي لما نصيد واحد او وحدة معانا و نزفه

شكرا على مرورج و مشاركتج زميلتنا :وردة:

 

[كويتي خالص]

جميل جدا اثارة مثل هذه المواضيع من حين لحين ....للتذكير ...

الموضوع مقلق ومزعج ومخيف أحيانا كثيرة ...

وفعلا كما يقال : اذا اردت ان تعرف اخلاق شعب ما فانظر كيف هي قيادتهم في الشوارع ...!

وهنا اتذكر فعلا ...القيادة في مسقط ....كم هم مؤدبين وشعب حضاري ...

ونفسي اشوف حملة على مستوى ونوعية "ركاز و فاز وغيرها " تتعلق بالقيادة والمرور ....لانها تتعلق بالدين ايضا ...!!

شكرا لصاحبة الموضوع القيم ...

 

[jassem]

​

هذى الصوره.. فى احدى شوارع أمريكا ومئات الاف السيارات فى ولايه ليوزانا فى اعصار جوستاف انذاك تفر رغم خطر الاعصار والهرب من الموت.. كما نلاحظ الكل منتظم فى الدور وله احد ماخذ الحاره الممنوعه فى اكتاف الطريق.. شوف الانتظام،،، وفى كلمه اعجبتنى قالها زميلى كويتى خالص حين قال اذا اردت ان تعرف اخلاق شعب ما فانظر كيف هي قيادتهم في الشوارع ...! فعلا هالمثل ينطبق على هصوره وشوف شوارعنه لما اتكون الزحمه بلخط السريع الكل يتسابق على اكتاف الطريق فى الحاره الممنوعه وجامات سياراتنه الأماميه تتكسر من الصخر والتراب والمشكله اذا طقيتله هرن ينزل لك ويتهاوش وياك والوافدين يطبقون تصرفات المواطنين. . دون رادع اى قانون رغم تحذيرات وزاره الداخليه ​

 

[liberalism]

جميل جدا اثارة مثل هذه المواضيع من حين لحين ....للتذكير ...

الموضوع مقلق ومزعج ومخيف أحيانا كثيرة ...

وفعلا كما يقال : اذا اردت ان تعرف اخلاق شعب ما فانظر كيف هي قيادتهم في الشوارع ...!

وهنا اتذكر فعلا ...القيادة في مسقط ....كم هم مؤدبين وشعب حضاري ...

ونفسي اشوف حملة على مستوى ونوعية "ركاز و فاز وغيرها " تتعلق بالقيادة والمرور ....لانها تتعلق بالدين ايضا ...!!

شكرا لصاحبة الموضوع القيم ...

كما ذكرت زميلنا كويتي خالص فأهل مسقط قمة في الذوق في القيادة :إستحسان:

اذكر كان معانا طلبة بالجامعة من السلطنة قمة في الادب اثناء القيادة ..

هنيئا لك والله شفت ناس تسوق عدل

و مشروع ممتاز القيام بحملة من هذا النوع فكرتك رائعة :إستحسان:

شكرا على مشاركتك زميلنا :وردة:

 

[liberalism]

​

هذى الصوره.. فى احدى شوارع أمريكا ومئات الاف السيارات فى ولايه ليوزانا فى اعصار جوستاف انذاك تفر رغم خطر الاعصار والهرب من الموت.. كما نلاحظ الكل منتظم فى الدور وله احد ماخذ الحاره الممنوعه فى اكتاف الطريق.. شوف الانتظام،،، وفى كلمه اعجبتنى قالها زميلى كويتى خالص حين قال اذا اردت ان تعرف اخلاق شعب ما فانظر كيف هي قيادتهم في الشوارع ...! فعلا هالمثل ينطبق على هصوره وشوف شوارعنه لما اتكون الزحمه بلخط السريع الكل يتسابق على اكتاف الطريق فى الحاره الممنوعه وجامات سياراتنه الأماميه تتكسر من الصخر والتراب والمشكله اذا طقيتله هرن ينزل لك ويتهاوش وياك والوافدين يطبقون تصرفات المواطنين. . دون رادع اى قانون رغم تحذيرات وزاره الداخليه ​

كلامك لا يمكن انكاره

شوف عيني في ولاية فلوريدا - ميامي - التي تخلو من وجود ال native americans

و اغلب سكانها لاتينيين - يعني شوي دفشين - منتظمين في القياة و حتى الدراجات النارية تنطر بالدور حالها حال السيارت !! و لا تتجاوز خطوط عبور المشاة عند الاشارة المرورية ..

كما هو الحال في ديرتنا بالضبط

اما بالنسبة للوافدين وراهم سفارات المواطن ممنوع يكلمهم

شكرا زميلنا السياسي على مشاركتك :وردة:

 

[Modest]

عشان سيارة معطلة و واقفة على حارة الامان امة لا اله الا الله تتعطل !!

والله يهون هذا الشي ..

وصل الامر ان تتفاجأ بأن الشارع الاخر به حادث بسيط والزحمة بالشارع اللي انت فيه !!!

انت شكو تطالع كمل طريقك واترك عنك الحادث ..

غصب تشوف وتسولف عند الناس اليوم شفلتي حادث .... الخ من هالكلام !!

وصباحج ورد .. :وردة:

 

[liberalism]

تعميمات جديدة !

صباح الخير ​

اليوم التعميمات يالله من فضلك ​

لوحة رقم ​

"(.....)"​

طبعا بمجرد النظر للرقم 91 عرفتوا ان تاكسي جواله !!!!!!​

شركة الريان ...​

اولا السائق غير مؤهل للقيادة مادري اشلون اخذ الرخصة ​

ثانيا يداحر الاوادم و ما يبي ينطر بالدور !!! منتهى الغباء ​

الحمدلله رب العالمين ..​

التعميم الثاني ​

لوحة رقم
"(.........)"​

مسرعة الله يسامحها و تنام عى العالم عشان توصل اقصى اليسار ..​

اوصلت بالسلامة و فضى الشارع جدامها قامت تمشي 60 !!!!​

لما تجاوزناها راحت على الحارة الثانية من اليمين !!! ليس الفلسفة يوم انج مو قد الحارة اليسار ؟؟؟ ​

التعميم الثالث​

لوحة رقم
"(....)"​

داشة عكس السير في مواقف مستشفى طيبة ​

و تنبهها يا فلانة انتي داشة غلط ما تبي ترجع ​

كيفها ما تدري ان بنعمم عليها ..​

التعميم الرابع ​

لوحة رقم
"(...........)"​

و لوحة رقم
"(....)" حولي ​

بصراحة قمة قلة الذوق و قلة الادب ( معذرة على اللفظ )​

البنت ما تدري اشلون تسوق و تسرع و تلف على الناس بدون اشارة ..​

و مضبطة المنظرة على حجابها ! من عذر ما تشوف !! صراحة شي يبط الجبد ​

كل هذا صار منها لأن الاخ اللطيف وايد ذوق ​

اشارته يمين و يروح يسار و يلف على اللي وراه و بعدين يرد يمين مره ثانية ​

و اشارته يسار عشان يشوف البنت اللي بالسيارة !!!​

يعني ناس كانت راح تروح فيها بسبة هالسالفة !!!​

و يوم وقف يمها ما التفتت صوبه حتى !! ليش ما تعز نفسك ؟؟؟​

شي غريب والله !​

ملاحظة : هالامور انا شفتها امس بس لأني وايد كنت منزعجة منها و اعصابي انتلفت​

رديت البيت و نمت من ال5 لي ال 8 مساء !!!! لأن ضغطي كان عالي ​

ضروري احصل دفتر مخالفات !! ​

تحياتي لكم :وردة:​