القيادة فن و ذوق ... خصوصا بالكويت !!!

[6ergi]

اكيد مو انا

لأن اللي عندي الماني

شكرا على مرورك عمو 6ergi منور :وردة:

شكرا شكرا ..

دايما مشغّل العالي ..

 

[السلطاني]

* كان زين ( شوارع الكويت ) مثل هالأيام...دائما...

 

[liberalism]

اذا الشوارع مثل ما انت حاط بالصورة مشرفنا​

ابشر اني على طول جذي​

:إستحسان:​

---------------------​

تعميمنا اليوم على​

واحد و اعتقد انه وافد ​

"(........)"
SS
القديمة ​

ماشي عالحارة اليسار و مو راضي يوخر​

و على سرعة 45 يمكن !!!!​

متى يطلعون الوافدين من ديرتنا !! ​

تحياتي :وردة:​

 

[liberalism]

صباح الخير ..​

بدون مقدمات ​

"(........)"
ماركيز​

قلة ادب بالقيادة .. ​

و الطيب ما تعلم ان من اداب القيادة ترك مسافة ​

بينه و بين اللي جدامه !! ..​

تحياتي :وردة:​

 

[zaboo6a]

يعطييكم العافيه

مساء التعميمات

للحينكم اتعممون و الا بطلتوو

احم جنه سيارتي تسلطت عليها الأضواء و الا يتراوالي ؟

المشكله اني ماعرف رقم سيارتي يعني حتى لو طلع رقمها راح تروح عليي الهديه

المهم ليبراااااليزم تسلم ايدج على هالموضوع والله :وردة:

ياي بالصميم

تبين اقولج سر خطيييير

آنا منزماااان ادش المنتدى و لي صولات و جولات فيه بس مستمعه مو مشاركه بس اتثقف و اقرى مواضيع سياسيه و امشي

بس صراحه عقب ما دشيت موضوع و قريته صفحه صفحه ايدي قامت اتحكني و يا حبني حق هالسوالف

يعني الفضل لج في اني سجلت بالمنتدى :إستحسان:

Anyways

المستهترين وايد و يا كثر ما تطلعين من البيت مستمتعه و تخرب عليج الطلعه بسبت الثولان اللي يسوقون

خل اقولج اول شي عن سواقتي احم

انا و اعووذوووووو بالله من كلمة آنا تقدرين تقولين احيانا مستهتره و احيانا ملاك يمشي عالارض :ملائكية:

شلوووووون آنا اقولج

يعني على حسب الظروف

اذا كنت متأخره عن دوام او وراي شي ضروري مستعيله اضطر اني ادوس و ابتون و ما اخلي أحد يمر جدامي بس وقتها I feel bad

هذا قبل تقريبا و الحين من فترة بطلت خصوصا عقب ما الوالد شخلني على مخالفاتي اللي طلعوا مبلغ و قدره ( كلهم سرعه )

حرررمت الحين اطلع متأخر علشان ما ادوس و اتنرفز و انرفز اللي معاي بالشارع

بس اقولج شي

ساعات الواحد يسهى بالطريج او يسوي حركه غلط بدون قصد منه

يعني انا جم مره ( قليل ) اكون لاهيه بشي عندي بالسياره و الف على سياره يمي بالغلط ( تصيير بأحسن العوايل )

ساعااات مثلا رايحه مكان ما ادله تعالي شوفي التخبص

اكون يسااار اكتشف ان طريجي اللفه اليمين و رووووووووح بس هالحركه خطره ماحب اسويها قمت حتى لو طوّفت اللفه عادي ادش اللي عقبها و ادبر نفسي

اذا عالاشاارة مالت السياره انا دايما استخدمهاااا بس عاد اوقات تكونين تتكلمين بالفون مثلا و الا لاهيه بشي يعني مو كل مره لاااااااازم انج تحطين الاشاره

طبعا باللفات و الاماكن اللي "فعلا" تحتاج الاشاره لا ماحب الف من غيرها

عمومااا

اللي حبيت اوصله ان مو كل مره الواحد اذا سوه شي غلط بالشارع معناته ان مستهتر و bad guy

مره عالملك فهد واحد الا يبي يدخل جدامي و آنا سرعتي اعلى منه يعني ليش بتيي جدامي ..!!

ما كنت ماشيه عاليسار كنت بالنص و اهو عاليمين

المهم خذته العزه بالاثم و يبي يعاند جان يلف عليي شعره و يدعمني و المشكله ييت بوخر و يساري سياره لفيت شوي عليها علشان اتجنبه و اللي يساري بعد مسكين وخخر علشان يفتحلي الطريج

المهم وقتها عدادي وصل الف لأن واهوااا يلف عليي قاعده ادقله هرن و مطنش !!!!!!!!!!!!!!!

خلصت الحركه السخيفه و رجع في حاارته جان اروح يمه و اشششششششششكل عالهرن و مشيت

راح

عقب جم دقيقه مادري من وين طلع يماشيني و احس احد يمي قاعد يأشر دريت ان اهو بس طالعت جدامي جني مو شايفته

طووّل و اهو يمي و قام يرووح جداام علشان اشووفه

آنا عصبت على بالي يتحرش

بس قلت ماكو فايده خل اشوف اشيبي صديت طالعته و الا مسكيييييييين قاعد يسويييلي آسف الظاهر أنننبه ضميره

هزيت راسي اوكي و مشيت يعني ليلحين معصبه

و يرد مره ثاني لوووووووووووول يسسسويلي اسسسفه يوم شفت جذي كسر خاطري جان ابتسم و اقوله اوكي يوم شاف اني رضيت جان يمشي لووووووول

و ساعاات هالحركه آنا تصيير فيني ما اخلي واحد يمر او الف عليه بالغلط و بعدين ضميري يأنبني

المهم آنا قلت قصة حياتي

يالله شجعيني علشان اعمم معاج

بوغنصوار

 

[JeNaN]

اسخف شي بالكون

لما اطق اشارتك تبي تتجاوز فـــ تحلى الحارة بعين اللي يمك ويدوس 120 من بعد ماكان 60


اموت واعرف سر هالخباثة





تحياتي لج

 

[السلطاني]

اموت واعرف سر هالخباثة

قائد سيارة نذل...مثلما هناك قائد سيارة جميل...لا يدق هرن..ولا يسب...ولا يرمي سعابيل على السواق الهنود

ومن يضايقه في الطريق...

 

[JeNaN]

قائد سيارة نذل...مثلما هناك قائد سيارة جميل...لا يدق هرن..ولا يسب...ولا يرمي سعابيل على السواق الهنود

ومن يضايقه في الطريق...

تبي الانذل؟؟

لما اتكون بالحارة اليسار و اللي وراك دايس يتركلك..تفتحله الدرب وبعد ما يطوفك يخفف

 

[liberalism]

تبي الانذل؟؟

لما اتكون بالحارة اليسار و اللي وراك دايس يتركلك..تفتحله الدرب وبعد ما يطوفك يخفف

و الانذل و الالعن بالحارة اليسار وراج واحد طاير اكثر منج لما تفتحين له الطريج بقدرة قادر

طريجه يكون يمين !!!!

 

[liberalism]

يعني الفضل لج في اني سجلت بالمنتدى :إستحسان:

يالله شجعيني علشان اعمم معاج

اول شي اهلا و سهلا فيج و عن جد اسعدتني مشاركتج

و المنتدى ملك الجميع (( ضمن نطاق القوانين )) عشان ما يزعلون المشرفين

و اكيد اشجعج اذا شفتي شي ما يسر الناظرين كتبي عنه على طول

و بتلقين هالموضوع منفس لج ان شاء الله

شكرا على مرورج و مشاركتج نورتي المنتدى و الموضوع :وردة::وردة:

تحياتي لج :وردة:

 

[زنجبيل]

ينصح علماء المرور بقطع أي اتصال بصري بينك وبين أي قائد مركبة من مستخدمي الطريق ...يعني حتى لو نمت على أحد...اعتذرله برفع يدك بدون ما تنظر اليه....واذا نام عليك أحد لا تطالعه حتى لو انت كنت معصب.... باختصار اقطع اي اتصال بصري....


لأنه اتضح ان الغضب بالطريق سبب رئيسي من اسباب جرائم القتل والعاهات المستديمة وغيرها..


قد يكون السبب برأيي لأن القيادة بحد ذاتها تستثير لب الغرائز الذاتية للإنسان..فأنت عندما تقود شيء كبير يخضع لك وتسيطر عليه وتُسيّره...وتسير في خط مستقيم وجميع اعضائك تعمل بصورة متناغمة...فالقدم على الدواسة...والعيون منتبهه...واليدين ممسكات بالمقود...فأنت بهذا الوضع لا تريد أن يقطع احد عليك الجو....بغباءه....أو غشامته....فيحوّل هدوءك وتناغمك الى توتر...!

لذلك فتكون مشاعرك سريعة الاشتعال ومستعد للتحدي والدفاع عن ذاتك وقدراتك!

ولأن نفس تلك المشاعر تصيب القائدين الآخرين ايضا لذلك يكون النظر بصورة مباشرة لعيون الشخص خطرا محدقا.... لأن العقل الباطن سيفسره على أنه تحدي "ازدراء للذات يوجب الدفاع عن النفس" مما ينذر بـعراك قد يتطور الى قتل أو عاهة أو غيرها....

 

[zaboo6a]

زنجبييييل

شوف عيني ذاك اليوم اثنين واحد نام عالثاني جان يسفطه و ينزل يدوس في بطنه ..!!

آنا المنظر اللي شفته الأخ اللطيف نزل من سيارته و الشرار يتطاير من عينه و بطل باب السايق و دوبووووووووف !!

المهم ما عليننا ..

تسلمييين حبيبت قلبي ليبرالييييزم ..

عندي تعميم قوي ..

اليوم و آنا طالعه من الجامعه عالثاني باتجاه البحر على يميني كيفان و يساري الشاميه ..

6/5088
Black Pick-up Chevrolet
الساعه تقريبا 12 ظهرا

صاحب هالوانيت الحلو ..

آنا ماشيه بطريجي يمين و الشارع حارتين و وراننا اسعاف شاب الفلشر و مسكين يبي يطوف مو قادر و عيييز واهوا يصفففر ما يفجوونله

يوم صارت وراي الاسعاف حطيت اشاره يسار علشان اوخر عنها و اخليها تطوف المهم يساري كان وانيت معاند ما يبي يطوفني !!

عاد آنا دست شوي و دشيت جدامه غصبا على خشمه

تخيلوا شنو سوااا !!

ما خله الاسعاف تمر راح جدامها علشان بس يعديييني !!

و يتقلقص بين السيايير و يرد يكسر يسار و يدش جدامي عند الاشاره ..!!

استغفرالله مو صاحي يعني هالاسعاف محتاجه انها تروح حق المكان اللي تبيه بالله واحد ينزف و الا واحد بيموت و انت قاعد معاندلي بس علشان ما اطوف جدامك ..!

امرهم عجيب ..


في تعميم ثاني على نفسي

و آنا عالرابع بنزل عالخامس الساعه 2 و ربع تقريبا اضطريت اني امشي يسسار علشان اعددي اللي جدامي النايم و لفتي كانت اقصى اليمين اضطريت اني اكسر على آخر شي و ادشها :$

اعتذر حق صاحب الباجيرو الاحمر اهوا كان كبش الفدا ..

بس توبه ما اعيدها

 

[JeNaN]

بيان من الرياسة



ford بيضا


شبت الخضرة
المعتوه تجاوز من اقصى اليمين لي اقصى اليسار عشان يلف اليوتيرن

 

[JeNaN]

الباصات يعل ماكو باصات

 

[liberalism]

صباح الخير​

يالله لا تبلينا ..​

"(...)"
طوارق الجديدة​

بنت و الله اعلم اذا كانت فعلا بنت​

بس شكلها مقزز و اهيا تلف على العالم و معاها بنت ثانيه بكامل زينتها​

بس اللي تسوق السيارة شكلها ( ولد )​

و الفظيع بالموضوع (( تدخينها )) !!!!​

رحمي نفسج .. والله الشرهه مو عليج عاللي مهيتينج و مو عارفين انتي شنو برا البيت !​

"(.....)"
همر ​

قمة بقلة الادب .. احساسي يقول ان الشارع باسم جده !​

بس هم ما عليك شرهه !​

اكو ادمي عاجل يسوق سياره اسمها ( مطرقة ) ​

"(....)"
لانسر ​

طــــــــــــــــــــــــــــــــــــــــــــــــاير​

مادري على شنو و شعره مثل القنفذ !​

اشوه ان سيارته مو بورشه ..​

بس اشوه صادته الاشاره :إستنكار:​

"(...)"
يوكن​

مادري كان غبي ولا شكله جذي !!!​

يعني اشوه انك تسوق يوكن مو السيارة اللي تطلع من بيضة كندر !!!!​

ليش هالتحذف و انت توك بزر بالسياقة !​

لااااا و لاهي بالموبايل !!​

الله يستر عليك و منك !​

تحياتي :وردة:​

 

[Venezia]

اختي الحبيبة ..

تمنيتج معاي هني في باريس ..

جان عممتي على باريس و ضواحيها كلها

،، ،، ،،

يعني احترامهم كبير بالشارع و عالي والله

بس مادري ليش أحس كأننا في لعبة سيارات التصادم ..




،، ،، ،،

والله أحترمت شي كبير عندهم ، و هو احترام المشاااااة ..

شي مو طبيعي فعلا تقدير و احترام و اخلاق ..

الشي الوحيد اللي اكتشفت اخلاقهم و احترامهم فيه ..


يا ريت نتعلم منهم التنظيم و احترام المشاة و هالامور ..



:وردة:


لي عودة ..


مع أخبار الطرقات في باريس :إستحسان:​

 

[liberalism]

صباح الخير ..​

امس الساعة 1:30 ​

على طريق الدائري السادس ..​

زحمة و لوعة جبد ..​

طلع حادث لمادري جم سيارة .. و الكويتيين كلش مافيهم بلاغة شف ..​

فالسير كان ماشي سريع :إستنكار:​

و كالعادة ليبرا ما تتنازل عن الحارة اليسار ..​

و الاوادم على حارة الامان !!! ​

فجأة بدون سابق انذار ​

"(.....)"
كورولا​

شاده حيلها وايد و ادش عرض على الحارة اليسار !!!​

انزين اذا سيارتج مافيها مناظر انتي عمية ما تشوفين ​

ان في اوادم واقفين !!!​

ربنا يشفي !​

تحياتي :وردة:​

 

[السلطاني]

* أود أن أقدم إعتذاري الشديد...لذلك ( الباركنغ )...والله كنت مضطر...

الجو حار...ومستعجل...والباركنغ مزدحم...

فوقفت هنا...

تسامحوني...؟


المكان سوق شرق...يوم أمس الصبح.

 

[KUWAITAWYY]

* أود أن أقدم إعتذاري الشديد...لذلك ( الباركنغ )...والله كنت مضطر...

الجو حار...ومستعجل...والباركنغ مزدحم...

فوقفت هنا...

تسامحوني...؟


المكان سوق شرق...يوم أمس الصبح.

( عطني صحتك .. وخذ موقفي )

 

[وطني]

والله أحترمت شي كبير عندهم ، و هو احترام المشاااااة ..​

شي مو طبيعي فعلا تقدير و احترام و اخلاق ..​

الشي الوحيد اللي اكتشفت اخلاقهم و احترامهم فيه ..​

يا ريت نتعلم منهم التنظيم و احترام المشاة و هالامور ..​

:وردة:​

لي عودة ..​

مع أخبار الطرقات في باريس :إستحسان:​

موضوع جميل وهادف ... ​

أحييّ زميلتي ليبرا .... على هذه الفكرة الفريدة من نوعها :إستحسان:​

ومثل ما قالت سفيرتنا في باريس أن الغرب يحترم المشاة ... ويحترم أيضاً قانون المرور ..​

هذا ما لاحظته في لندن وميونخ و سالزبورغ ... وخصوصاً في الشوارع التي تكون أولوية المرور ​

فيها للمشاة ....​

من الطرائف التي تحدث دائما معنا في شوارعهم .... أننا عندما نريد أن نعبر الشارع وهناك ما ​

يدل على أن الأولوية للمشاة .... ويسمح لنا قائد المركبة بالمرور ... نرفع يدنا له كــ علامة شكر​

لسماحه لنا .... ( طبعاً يثير استغرابهم هذا التصرف ) ​

هذه الثقافة إكتسبناها نحن الكويتيون بمرور الوقت ... لأن أصحاب المركبات عندنا يعتقدون ​

أن الأولوية دائما للمركبات ( خطوط مشاة ) ... فاذا سمح لك بالمرور ...​

( يعتقد أنه تكرم عليك )​

سلام وآسف على الإطالة ....​