القيادة فن و ذوق ... خصوصا بالكويت !!!

[liberalism]

صباح الخير ​

معذرة على التأخر بالتعميمات نظرا للوعكة الصحية ​

امس طبعا الطلعة كانت من البيت لي الطبيب ..​

فما كان لي خلق اراقب الناس ​

بس اليوم في شوي مو وايد ..​

طبعا الزحمة شر لابد منه .. و ما راح تخف الا بحالتين ..​

الاولى :​

الحد من صرف رخص القيادة لكل من هب و دب ​

الثانية :​

مثل ما قال مشرفنا " موت عدد من السائقين " ​

تعميمنا الاول ​

"(...........)"
شيفروليه​

حجينا ماشي عالحارة اليسار بسرعة - 60!!​

خايف على الفريخات اللي تحته ​

و الناس وراه على بالها زحمة حادث !!​

التعميم الثاني ​

"(.............)"​

و بصراحة ماني ذاكرة شنو السيارة ..​

بس كان طاير و يحذف حصم !!​

اكيد عرفتوا ان ماخذ حارة الامان !​

التعميم الثالث ​

"(............)"
GMC​

يعني ماشاءالله بروحها السيارة كبيرة ..​

ليس التدرعم على الاوادم ؟؟​

اكو شي اسمه اشارة ​

في اعتقادكم شنو الحل عشان نقلل من هالسوالف بالشوارع ؟؟​

تحياتي :وردة:​

 

[Venezia]

ماكو أحلى من أن يكون عندج سايق يوديج و يجيبج

قمة الراحة .. و اجازة من عوار المعدة المزمن في فترة القيادة دون سائق !

و حل للمشاكل في الطريق ..

ان السائق يحس بالمسئولية و صدقيني ماراح نحتاج حتى شرطي مرور

بس طبعا هذه من المستحيلات في هذه الحياة ان سائق يحس بالمسئولية !

و دمتي يا وردتي .. ​

 

[liberalism]

:وردة:صباحكم ورد :وردة:​

طبعا عجزت و انا اتحلطم على اللي يسوقون غلط بالشارع ​

بس بظل اتحلطم لين الحديد يليـــن و يصير زيـــبق ​

الواحد تطلع اخلاقة على ما يوصل المكان اللي يبيه !!​

و الاغلبية ما يعطون اشارة !​

حسبالهم قاعدين بمصر ... يأشرون بإيدهم ​

تعميماتنا ..​

اولا :​

اللي يدرعمون بدون اشارة .. و ما يحترمون اللي جدامهم بالسياقة !!​

"(...............)"
فورد ​

"(............)"
شيفروليه​

ثانيا :​

اللي دايسة و اشارتها يسار و اهيا تلف يمين !! ​

و بنص الشارع تخفف ما تدري وين بتروح ​

"(..............)"
lexus​

يا جماعة لي متى هالاستهتار ؟؟؟​

يعني اللي يسوق معناته طاف ال 18 !!! معقوله مافي عقل براسه ؟؟​

تبي تسرع و عندك حاله طارئه مافي مشكلة ..​

بس حاول كثر ما تقدر تكون حريص على اللي حوالينك ​

اففففففف انتلفت اعصابي ​

تحياتي :وردة:​

 

[نساي2]

صباح الخير ليبرا​

لازم تتحملينهم شوي​

لان بعضهم معرفه​

انتي ما انتبهتي لهذا التعميم​

ثانيا :​

اللي دايسة و اشارتها يسار و اهيا تلف يمين !! ​

و بنص الشارع تخفف ما تدري وين بتروح ​

"(...........)"
lexus​

هاذي سيارة venezia​

:وردة:​

 

[jassem]

شوفو اداب القياده والذوق ومصير اللقافه فى القياده فى هالمقطع


http://www.youtube.com/watch?v=IB-d5ygF0Gs

 

[liberalism]

صباح الخير ليبرا​

لازم تتحملينهم شوي​

لان بعضهم معرفه​

انتي ما انتبهتي لهذا التعميم​

هاذي سيارة venezia​

:وردة:​

venezia لو سيارتها lexus اذبحها

لأني كنت راح اذبح اللي شفتها .. Venezia باخذلها turbo targa بس خل املين

و انت ليلحين ما شفتك عشان ازفك

هالله هالله بالركادة عمو نساي

شكرا على مرورك :وردة:

 

[liberalism]

شوفو اداب القياده والذوق ومصير اللقافه فى القياده فى هالمقطع


http://www.youtube.com/watch?v=IB-d5ygF0Gs

شكرا سياسينا على مرورك و فيديواتك :وردة:

 

[الحاسم]

من ماكان عمري 24 وانا مال من السواقة .. وقايل ابي سايق .. وان شاءالله لما ارد الديرة .. بجيب لي سايق

 

[liberalism]

من ماكان عمري 24 وانا مال من السواقة .. وقايل ابي سايق .. وان شاءالله لما ارد الديرة .. بجيب لي سايق

احسن لك

بالسلامة ان شاء الله

شكرا على مرورك و مشاركتك :وردة:

 

[liberalism]

مرحبا شباب و شابات المنتدى​

في تعميمات جديدة ..​

"(.............)"
تويوتا​

ما تبي تنطر دور مع الاوادم ...​

و تدرعم و تلف عالعالم ... بدون اعتذار ولا شي ...​

الله يعينج على نفسج ​

"(...........)"
تاكسي جوالة​

بصراحة قمة الغباء و التهور ...​

و يسوق نفس اللي يسوقون بإيران و سوريا !!​

البريك قبل لا يدعم بثواني ​

يا رب احفظنا من كل مكروه بالشارع ..​

:وردة:نهاية اسبوع طيبة :وردة:​

 

[Normal]

اللي دايسة و اشارتها يسار و اهيا تلف يمين

ما نقول الا الله يخلف ..

 

[@Noura@]

liberalism

مرحبا يا الغالية

ما جربتي تروحين كلية العلوم ؟؟ تشوفين عجب العجاب ..!!

يعني عالم ثاني من المخالفات الغريبة ..!!

على فكرة ..

متابعة للموضوع باستمرار ,,,وللحين ما طلع رقم سيارتي ​

 

[liberalism]

liberalism​

مرحبا يا الغالية ​

ما جربتي تروحين كلية العلوم ؟؟ تشوفين عجب العجاب ..!!​

يعني عالم ثاني من المخالفات الغريبة ..!!​

على فكرة ..​

متابعة للموضوع باستمرار ,,,وللحين ما طلع رقم سيارتي ​

اهلا و سهلا زميلتنا ..

و الله شايفة كلية العلوم و على طول اقول الله يكون بعونهم

و تخرجت من الشويخ و كانت تلوع جبدي منهم و من سياقتهم

شكرا على متابعتج و مرورج زميلتنا :وردة:

 

[liberalism]

صباحكم ورد :وردة:​

التدرعم صار شي طبيعي بالديرة ..​

منهم اللي بالشارع الرئيسي و منهم اللي بالشارع الداخلي ...​

"(............)"​

بعد ما لف علينا و درعم .. اكتشف ان ناسي يستعمل الاشارة ​

و استعملها تالي !!!​

توَ الناس ان اقول ! ​

الخوف على الفريخات لي متى يعني ؟!؟!؟!​

جدامك ناس ابرد ما خلق ربي ..​

برودهم يكرهك هدومك اللي عليك .. و بعدين تشوف ان طريجهم ​

غير عن الحارة اللي نايمين فيها ..​

"(......)"​

"(...........)"​

دعوة مني للسائقين .. ضبطوا حالكم احسن ​

تحياتي :وردة:​

 

[السلطاني]

حادث مروري...( طلوع عن الأشارة الحمراء )....

مسلسل لا ينتهي...

لكنه كان خفيفا...غير قاتلا....

عند إشارة التلفزيون....اليوم الساعة 2.45 ظهرا...

 

[@Noura@]

آنا أمس شفت حادث بحياتي ما شفت مثله ..

كان منظر السيارة رهيب ومو باقي منها أي ملامح تدل على أنها سيارة ..

الحادث كان مقابل كنتاكي عند منطقة الأندلس

وتمنيت تكون عندي القدرة أصوره ...

الله يكون بعون أهله​

 

[liberalism]

صباح الخير ..​

اليوم مداومة متأخر و مستعيلة ..​

يعني ما مداني اشوف شي ..​

بس امس هممممم​

واحد الله يكون بعونه طاير و مسرع و غصب يدش بين السيارات !!​

و بدون اشارات !!​

مادري منو قايله سيارتك مثل سيارات تركيب LEGO!!!​

الله يسامحه سوى قلق بالشارع ​

MAD MAX​

"(...........)"
فورد ماركيز​

تحياتي :وردة:​

 

[السلطاني]

غثيان مستمر....

مرض مزمن.....

 

[رؤى]

اليوم الأثنين الموافق تاريخ 4/5/2009

الساعه 5:42 مساءاً

وعند إشارة تقاطع الدعية والشعب وشارع الخليج

إشارتنا كانت خضراء والي يمنا ع اليمين حمراء اكيد

ما شفت الا طويلة العمر بسيارتها هوندا أكورد سبورت الموديل الجديد لون أحمر , طالعة علينا اسم الله حولها وحواليها وإشارتها حمراء وحد الدوسة على قولتهم

ووراها مرسيدس الحوت أسود وهم حد الدوسة

زين , يعني هو فرد عضلات والا يعني شوفوني وتودرون العالم معاكم !

حسافة مالحقت أسجل رقم سياراتهم

هذه بنية وجذيه , الله يعني لو هي ولد جان اشسوت !

 

[السلطاني]

لا حول ولا قوة إلاّ الله...

الله يرحمّها...ويصبّر أهلها...​