لا حديث هذه الايام في الخامسة الا عن التحالف الرباعي الذي سيغير خارطة الخامسة تماما في ظل خروج نواب مثل مرزوق الحبيني الذي كان يمثل ثقلا ليس في قبيلته انما لدى «الرشايدة» الذين يدعمونه وبعض القبائل والاقليات الاخرى، ولا تحركا الا تحرك قبائل «4» تجاه قائمتي العجمان والعوازم لكسرهما يوم الاقتراع، وهذا التحالف الذي اعلن عنه رسميا سيكون منعطفا جديدا في الخامسة، خصوصا وانه سيجمع أربع قبائل لها ثقلها وهي «الهواجر وقحطان مجتمعتين كقبيلة واحدة» ومطير والدواسر وعتيبة، وهو ما سيشكل أكثر من 23 ألف صوت، ما يعني تجاوز كثرة العوازم والعجمان والذين احتكروا مقاعد البرلمان السابق، وعندما يتم الالتزام بالتحالف سيعني التنافس على ستة مقاعد ستكون بين العوازم والعجمان والقبائل الاخرى، خصوصا ان السهول والسبيع والكنادرة وعنزة وشمر ايضا سيكون لها ثقلها، وربما سيظهر تحالف جديد في الافق
للعلم سعدون كان يتحالف مع العوازم أيام الأحمدي... ويقطع الصوت عليهم ويخون الحلف.. مع هذا ماكان ينجح.... أخر شي اكرشوه العوزام وأتفقوا أنهم ما يتحالفون وياه...
ويوم نجل ابن عمه بو خوصه شي طبيعي وين الجديد .. مو يسمونه سعدون النجله
ومن سنة 92 الى2006 وسعدون ينزل في دائرة الأحمدي ويسقط.. تدري ليش.. لأنها دائره تحت حكم وسيطرة العجمان..
ويعد سقوط سعدون سنة 2003.. أيس ومل وأنقهر من سقوطه المدوي على أيدي العجمان.. راح ونقل صوب خيطان وفتح ديوان هناك.. بعدها اطرده وليد العصيمي من خيطان وقاله( العجمان طاردينك من الأحمدي وجايني خيطان تناشبني في كرسيي)... وشل قشه ومشى من خيطان.. يعني كلاها من الصوبين.. نار العجمان وغضب وليد العصيمي.. :باكي:
ويحمد ربه أن وليد الجري أعتزل الانتخابات سنة 2006 ولا والله ما يشمها سعدونكم..
هاه عرفت الحين منو اللي رثع في الثاني؟
سيناريو الانتخابات اللي طافت يعوود
تحالف سهمك يحصد المراكز المتقدمه وتظهر النتائج ينجح واحد في المركز العاشر
لااعتقد انه التحالف سيؤثر علي العوازم والعجمان والله العالم ممكن سعدون والهاجري والباقي ماينجحون
أخي الفاضل ..
حتي هذه اللحظة لم يتم تحديد الطرف الرابع وما عليك من الجرايد ..
وأخذ الكلام مني كمصدر
واضح من نتائج التشاوريات فوز كل من :
4 من التحالف الفولاذي ( سعدون حماد - سعد الدليهي - فهد عياد - الطرف الرابع )
4 من العوازم ( زنيفر - الصواغ - اللميع - النملان )
2 من العجمان ( والمتوقع الحالي أنهم محافيظ )
هذا الترتيب بناء علي الأرقام والمعطيات الواضحه بالدائرة ..
ونتمني التوفيق للجميع ..
كشفت مصادر مطلعة ان اجتماعاً جمع المرشحين في الدائرة الخامسة سعدون العتيبي، ودليهي الهاجري وفهد عياد المطيري، واتفق على ضم مرشح اخر الى قائمتهم يتوقع ان يكون من الحضر أو مرشح السهول وسبيع
العوض بفرعية العجمان اذا طلعوا ناس اكفاء
بسنا بصامين يالخامسه
كل هالكلام موجه علشان زعزعه التحالف كلنا نعرف قبائل عتيبه وبني هاجر ومطير ولاباقي قصور بالقبايل
ورياجيل عند كلمتهم وان شاءلله يكتمل العقد بالقبيله الرابعه وكل هالكلام الي يزعزعون بالتحالف كله من منتسبي قبيله العجمان والعوازم وبخصوص الي يتكلم بسعدون يكفي انه سعدون قبيلته رقمها مايجي نص رقم قبيلتكم ايام الدائره 21 وفوق هذا مايخليكم لاتنامون لاليل ولانهار واطلقو عليه لقب الحوت لانه اكل الاسماك الصغيره الي هي اعضائكم ومرشحينكم ويكفي انه سعدون لايرد عجمي ولاعازمي ولا ايا كان في شي وديوانه مفتوح مو مثل ربعكم مايعرفون الا ربعهم يعني العجمي بس على العجمان والعازمي بس العوازم اللهم من رحم
وبخصوص الي يقول يخون سعدون بانتخابات العوازم حبيبي سعدون يجيب من بره والعوازم مايجيبون من بره
وجابو الارقام وشافو التصويت المشترك والانتخابات الي طافت ندري شنو الي بين حسين براك وعتبان الفحيحيل وبلغ سعدون مرشح الدواسر وهو راضي اما بوخوصه جاب رقم العتبان الي صوتو وجاب رقم قليل من عنزه والدواسر وسعدون باقي الارقام جابها من بره وعنزه نفسهم يدرون انه عصام كان مخترقهم ويبقى سعدون شامخا رغم انف الجميع وكلكم تستهدفونه وتعرفون كيف يحارب الرجل وتكفى مواقفه بمجلس الامه ويكفي انه اول من وجه لرئيس مجلس الوزاء السابق التلويح بالاستجواب وباذن الله سعدون الاول والتحالف بالمراكز الاولى ولايهمكم ياعتبان يامطران ياهواجر والقبيله الرابعه ان شاءلله الالتزام وباذن الله مراكزنا الاولى والعوازم ماراح يجيبون من بره وزين اذا جابو قواعدهم والعجمان نبي نشوف طيبهم ونشوف ياخذون كراسي من العوازم ولالا والله يوفق الي فيه الخير
ماعندنا بصامين البصامين ربعكم الي يصوتون مع الحكومه ولاربع العوازم السابقين وان شاءلله يكونون الجدد غير
اما انتو متعودين على البصامين ماطلع منكم الا الجري والبرغش واذيتونا ولا الحمدالله بوحماد مواقفه كلها مع المواطن ونبي شي تقولي انه كان في بصام ولا بس الكلام تقطونه وتمشون
وان شاءلله بوسعد مع الوطن والمواطن وان شاءلله فهد عياد بوبدر مثلهم وبنشوفهم بالمجلس
والحمله والدندنه هذي كلها علشان تفكيك التحالف بس بعيد عنكم وروحو العبو مع العوازم لعبه الكراسي الموسيقيه يمكن تاخذون منهم كرسيين ولايطرحكم التحالف الي بيصير من القبائل الثانيه
منو قالك إني عجمي
أنا كندري
حبيبي لاتاخذك الحميه الزايده سعدون كلنا عارفينه عضو مكافيلي مستعد يسوي اي شي بس يوصل للكرسي
بسكم أعضاء خدمات
دائره أعضائهم شغلتهم بس يطلعون سكران من مخفر ولا واحد مقحص