يوميـــات شخبـــــوطـــــــة

[Modest]

مادري إذا مارين عليكم ناس جذي وإلا لأ بس أتوقع إي
إللي ياخذون زاوية بالقعده ويقطون نكت مليييييييييقه وسط الحجي والسوالف وغصب طيب يبونك تضحك

ودك تلف على هالشخص وتقوله : ( يرحم والديك بس ، دمك كتشب ابوس ايدك مو إلا تقط نكت ) بس تلاقي نفسك منحرج لأنه عود وجذي
وتنجبر تعطيه ابيخ ابتسامه بالعالم اللي ماتطلع الا اذا كنت شايف املق فلم كوميدي بالسينما والا بام بي سي تو


اموت واعرف هالنوعية ليش ما يحسون انهم مليقين


قس عليهم اللي ريحتهم خايسه واللي غبائهم مستفحل واللي يطيرون صواريخ وايد ..

هذول نوعيات نصادفها كل يوم
بس مرات ننحرج نصارحهم بمشكلتهم إما لأنهم اكبر منا أو لأن شجاعتنا تخون فينا أو لأنا ما نمتلك مهارات النصيحه ..



اوووف
حدي منغثه من ناس من هالنوع

هههههههههههههههههههههه

ياكثر ما تمر علي ومن شخص واجد ..

تعودنا عليه وتعود على تكسيرنا فيه ..

وصل فينا الامر ان قمنا نذكر اي شخص يقول نكته بايخه باسمه

 

[kal ho na ho]

شخبوطة ...

هدي اللعب شوي ..

دوسي ثمانين ..

عشان نعقب مزبووط

 

[شخبــــوطـــه]

عندي دكتور بالجامعه الله لا يراويكم
شوصف فيه شخلي منه

اسلوب يالله من فضلك
غترته الصفره
جماله الفتان
ضحكة سنه الأسود

تصوروا انه ينسى يسكر زارات الدشداشة

المهم ماعلينا
الرجال مخابر مو مناظر



هذا يا محفوظين السلامه طلب منا بحث يطلع العين ، نفتر على وزارات الدولة وديوان الخدمة المدنية و و ستمية هيئة ومكان عشان نطلع بنتايج لأن الحبيب ناوي على شي من الاثنين يا يصنع الذرة يا يكتشف نووي ، المهم ما لكم بالطويلة ، سويت البحث وطبعا ساعدوني وايد اشخاص ماقصروا ، اهم شي يوم سلمت البحث قالي : ليش حاطه ( يجب) شيليها وحطي (ينبغي) وعدلي البحث وييبيه !!
طالعته جذي بحقد قلتله : دكتور من صجك !! بذمتك مو قاعد إتغشمر !! بالله شالفرق بين يجب وينبغي ؟
وبعدين هديت البحث كله بكبره ومتنحلي على امور لغوية لا تودي ولا تييب !!

طبعا لأنه كويتي ..
قالي : بالله منو الدكتور انا والا انتي ؟
قلتله : إنته
قالي : بس عيل



والله يجماعة الخير رديت وطبعت الـ 30 ورقة من يد ويديد
وسلمته



وترى هااا نسيت اقولكم
كان قايلنا إن هالمادة بس فيها بحث
لأن مثل ما قلتلكم يتعب وفيه لوية وفرارة وجمع بيانات وتحليل وبالعربي كانت هالماده عن مادتين وسدت نفسي كورس كامل
على اساس ماكان فيه امتحان فاينل

انصدمنا انه حاط اعلان بموقعه
ان ترى هااا تعالوا السبت هذا في فاينل !!


اشتغلت الاتصالات بيننا احنا البنات
وتحلطم واشياء جذي
تهديد ووعيد
إن والله ان شفناه ماراح نخليه
اقل شي نبرد جبودنا بجم كلمة



تبون الضحك ؟
إن الماده مافيها لا كتاب ولا نوت ولا شرح ولا كنا نكتب شي ولا كان اصلا يقول شي لأنه كان يقزرها سوالف ما سوالف ..
بذمتكم شـ فاينله ؟
واعطيه مليون دينار أروح ابوقهم إللي يقولي شنو ممكن تكون الأسئلة مثلا ً؟



يخرب بيت الدكاترة اللي من هالنوع
أقص إيدي اذا مو شاريها من ام الدوونياااا ماااصر او امهات عيون مشخطه شرق اسيا
لأن ويهه مو ويه أمريكا هذا أولا ،، وثانيا لغته لغة اللي مو مار عليه لا فلم اجنبي لا بطيخ
كوجا مرحبا كان عايش بامريكا ..


المهم
نرد حق الزبدة
بالله بشنو بيختبرنا ؟

 

[شخبــــوطـــه]

شخبوطة ...

هدي اللعب شوي ..

دوسي ثمانين ..

عشان نعقب مزبووط

على طاري ثمانين لاتذكريني
امس حسيت اني بفورملا عالدائري الأول
كنت مضاايجه
نسيت ريلي عالبنزين واديلو


ندمت تصدقين
كنت على شفا حفرة من حادث الله كتبلي عمر
فديتج
لاتسرعين انتي بعد تكفين
لانمووت موتة شنيعه ونزعل اهالينا



الله يحفظكم جميعا

 

[kal ho na ho]

على طاري ثمانين لاتذكريني

امس حسيت اني بفورملا عالدائري الأول
كنت مضاايجه
نسيت ريلي عالبنزين واديلو


ندمت تصدقين
كنت على شفا حفرة من حادث الله كتبلي عمر
فديتج
لاتسرعين انتي بعد تكفين
لانمووت موتة شنيعه ونزعل اهالينا



الله يحفظكم جميعا

نزعل أهالينا ؟؟

تكفين .. أحنا بناكلها يالله حسن الخاتمة بس ..

أتمنى.... أني ما أسوي حادث وأنا اسمع المسجل وحاطة كوج كوج هوتاهي ..

أتمنى... !!!

ياربي توب عليا <<

 

[شخبــــوطـــه]

نزعل أهالينا ؟؟

تكفين .. أحنا بناكلها يالله حسن الخاتمة بس ..

أتمنى.... أني ما أسوي حادث وأنا اسمع المسجل وحاطة كوج كوج هوتاهي ..

أتمنى... !!!

ياربي توب عليا <<

ولج انا أمس كنت مشغله:

هذا الحلو جاتلني وأريدااااا
عذب مهجتي و إلروح بيدااااا


الله ستر ومادعمت
استغفرالله
أخيس شي فيني اني اسمع اغاني
والا انا خوش بنت مصلية مسمية اخاف الله واخشاه وباره بوالديني وادرس واشتغل
شفيها شفيها




لا جد والله


انشالله أبطل قطيعه
الأغاني تقصر العمر أحس وتقلل الرزق بس بلى وابتلينا فيه


توب علينا يارب

 

[Hope]

عندي دكتور بالجامعه الله لا يراويكم
شوصف فيه شخلي منه

اسلوب يالله من فضلك
غترته الصفره
جماله الفتان
ضحكة سنه الأسود

تصوروا انه ينسى يسكر زارات الدشداشة

المهم ماعلينا
الرجال مخابر مو مناظر



هذا يا محفوظين السلامه طلب منا بحث يطلع العين ، نفتر على وزارات الدولة وديوان الخدمة المدنية و و ستمية هيئة ومكان عشان نطلع بنتايج لأن الحبيب ناوي على شي من الاثنين يا يصنع الذرة يا يكتشف نووي ، المهم ما لكم بالطويلة ، سويت البحث وطبعا ساعدوني وايد اشخاص ماقصروا ، اهم شي يوم سلمت البحث قالي : ليش حاطه ( يجب) شيليها وحطي (ينبغي) وعدلي البحث وييبيه !!
طالعته جذي بحقد قلتله : دكتور من صجك !! بذمتك مو قاعد إتغشمر !! بالله شالفرق بين يجب وينبغي ؟
وبعدين هديت البحث كله بكبره ومتنحلي على امور لغوية لا تودي ولا تييب !!

طبعا لأنه كويتي ..
قالي : بالله منو الدكتور انا والا انتي ؟
قلتله : إنته
قالي : بس عيل



والله يجماعة الخير رديت وطبعت الـ 30 ورقة من يد ويديد
وسلمته



وترى هااا نسيت اقولكم
كان قايلنا إن هالمادة بس فيها بحث
لأن مثل ما قلتلكم يتعب وفيه لوية وفرارة وجمع بيانات وتحليل وبالعربي كانت هالماده عن مادتين وسدت نفسي كورس كامل
على اساس ماكان فيه امتحان فاينل

انصدمنا انه حاط اعلان بموقعه
ان ترى هااا تعالوا السبت هذا في فاينل !!


اشتغلت الاتصالات بيننا احنا البنات
وتحلطم واشياء جذي
تهديد ووعيد
إن والله ان شفناه ماراح نخليه
اقل شي نبرد جبودنا بجم كلمة



تبون الضحك ؟
إن الماده مافيها لا كتاب ولا نوت ولا شرح ولا كنا نكتب شي ولا كان اصلا يقول شي لأنه كان يقزرها سوالف ما سوالف ..
بذمتكم شـ فاينله ؟
واعطيه مليون دينار أروح ابوقهم إللي يقولي شنو ممكن تكون الأسئلة مثلا ً؟



يخرب بيت الدكاترة اللي من هالنوع
أقص إيدي اذا مو شاريها من ام الدوونياااا ماااصر او امهات عيون مشخطه شرق اسيا
لأن ويهه مو ويه أمريكا هذا أولا ،، وثانيا لغته لغة اللي مو مار عليه لا فلم اجنبي لا بطيخ
كوجا مرحبا كان عايش بامريكا ..


المهم
نرد حق الزبدة
بالله بشنو بيختبرنا ؟

مع الأسف أن هناك من الـ " دكاترة " من يفتقر لأبسط أساسيات​

الحوار و التخاطب مع الطلبة ..ناهيكم عن ضحالة فكره و سوء تعامله​

و هشاشة معلوماته فيما يتعلق بمادة تخصصه ..!​

و على النقيض تماما .. هناك نسبة منهم .. قمة في الرقي و العلم و الثقافه​

شخبوطة

​

متابعه لهذه الزاوية بما فيها من " فضفضة " تحمل فائدة باسلوب​

سلس و بسيط ​

قبل النهاية :​

المقررات التي ترتكز على البحوث في مادتها .. يكون الـ " فاينل " نقاش و تفنيد ​

لما طرح في البحث من نقاط و بنود .. ​

دمتِ بخير ​

 

[شخبــــوطـــه]

نيو يوزر أهلا وسهلا
فعلا كلامك صحيح
المفروض هالمواد اللي اسمها -حلقة نقاشية- يكون اختبارها النهائي إن جاز التعبير عباره عن طرح النتائج اللي توصل لها الطلبة ومناقشتها

المصيبة الأعظم تغيير سياسة الدكتور بيوم وليلة من إلى ..
هالتخبط اللي يمارسه البعض انتقل من الكليات لي الشارع لي المجلس لي كل مكان
الله يستـر
ماينتقل التخبط لمخوخنا اللي لي الحين زينة ..

عسى دوم تظل زينة ..


شمكور عالمرور

 

[Goethe]

هالأيام أكثر شي أكرهه بالجرايد إن الكل صاير سياسي
حسسوني إنهم أعضاء بالكونغرس أو مستشارين في البيت الابيض
سود الله ويوههم
جذب وتشلخ وتطيير ناس ماتسوى وكلام فاضي
ونصهم اذا مو كلهم مدفوعي الأجر


آل إيه
حرية تعبير وصحافه
ياعمي طيروا
بالله عليكم
دكتور يدرس إدارة
شكو عاملي فيها سياسي محنك
المصيبه ان البنات يشتكون منه
يقولون نوعه
من يبدي المحاضرة ليييييييييييييييييييييييييييييييييماااااااااااااااا يخلص ما يسكت
يخرب بيته بالع راديو ومسجل و تلفزيون ملون ودي في دي و آي بود

ونعرف ولده بعد معانا بالجامعه
عكسه
غصب يتكلم كلمتين على بعض
ابوه خلص عنهم الكلام



أحلى شي لما تقرا الجرايد يوميا
وتكون عارف مسبقا ان فلان حشرة .. وفلان حطب دامه يحركونه مثل ما يبون .. وفلان عروسه يحركونها شوي يسااار شوي يميييين محلااج وانتي ترقصيييين ..

تقرا كلامهم المثالي وايد
ذاك يقولك .. وحده وطنية ما وحدة وطنية واهوا بمحاضرته يطب بالشيعه ويسميهم كفار وزناديق
وذاك يقولك .. فلان ريال والنعم و اهوا يشتغل مع خصمه مفتاح انتخابي بالدائرة نفسها


بطيخ فبطيخ
لوعة
حسبالهم الشعب نايم وغبي
أحلى شي انهم جذي
عالأقل الإنسان يلاقي شي يضحكه من صباح الله خير مع هاللاهوب

أن ماخاب ظني .. جني عرفته

شخبوطه .. متصفح ممتع جداً

تابعي .. :وردة:

 

[أم حمد]

شخبوطه ..هنيالك ..الله يديم عليكي هالروح :وردة:
مثل ما تفضل user1 ..!!
تلقائيه وسلسه...
متابعه ..شخابيط شخبوطه!!
تحياااتي

 

[شخبــــوطـــه]

حيالله الجنازة
انت شلون طالع من نعش الحياة ومعشعش هني
حدك ظاهره سلبية
لا لا ايجابية حشى


نورت يالعزيز

 

[شخبــــوطـــه]

شخبوطه ..هنيالك ..الله يديم عليكي هالروح :وردة:
مثل ما تفضل user1 ..!!
تلقائيه وسلسه...
متابعه ..شخابيط شخبوطه!!
تحياااتي

\


فديتج
سعيده بوجودج
والله لايحرمني هالويوه الحلوة على فرض انكم حلوين كلكم عرفتي




طلي علي بين الفينه والفينه

 

[شخبــــوطـــه]

بقولكم شي مهم
إن الضحك أحيانا يكون وسيلة للتعبير عن الألم بدل البجي
مثل الدموع بالضبط
الفرق
إن الدمعه تحتم على -عزيز النفس- خصوصا إنه يهلها بالليل
على قولة الحمداني:
إذا الليل أضواني بسطت يد الهوى ,, وأذللت دمعا من خلائقه الكبــر



أما الضحك اللي مع حرقة قلب
فهذا بأي وقت نقدر نمارسه سيما النهار ..


أتمنالكم أيام كلها فرح وراحة بال ووناسة
وأوعدكم إن يتم هالمتصفح عامـر ومتجدد

كنت سعيده اليوم واسمحولي أنام
تصبحون على صبح

 

[*أصيل*]

بقولكم شي مهم

إن الضحك أحيانا يكون وسيلة للتعبير عن الألم بدل البجي
مثل الدموع بالضبط
الفرق
إن الدمعه تحتم على -عزيز النفس- خصوصا إنه يهلها بالليل
على قولة الحمداني:
إذا الليل أضواني بسطت يد الهوى ,, وأذللت دمعا من خلائقه الكبــر



أما الضحك اللي مع حرقة قلب
فهذا بأي وقت نقدر نمارسه سيما النهار ..


أتمنالكم أيام كلها فرح وراحة بال ووناسة
وأوعدكم إن يتم هالمتصفح عامـر ومتجدد

كنت سعيده اليوم واسمحولي أنام
تصبحون على صبح

صباح الخير و النوير

عند قرائتي هذا الجزء من شخابيطج اليومية تذكرت شعر قد قرأته في إحدى المنتديات و قررت مشاركتكم إياه :

حينما يطل الصباح ......
وتغني الطيور على الشجر.....
ترقص كأنها حزينة مثلي مع الأضواء.....
يستنهضني صوت كان قد عبر .....
ولا زال يعبر .....
في مسمعي , في جسدي , في عيني الحزينة .....
أنظر حولي بإحتواء .....
بكل ما يذكرني بها......
أنظر أنظر , أطيل النظر.....
بعيون أطلت من بين البشر.....
كأنما قدر لها أن تفك الأسر .....
تحرر قلبا كان قد ملء بالشقاء .....
تنقذ شخصا طالما كره من الحياة العناء.....
مَن بالحزن عزف على الوتر .....
لكن .....

كل ذلك كان مع الضياء......
الذي لم يحلو لي مثل السحر......
لا فرق.....

يصنع أملا يضيء كالدرر......
سرعان ما يطفؤه الضجر......
فتغدو وهي على قمة شماء......
لا يوصلني لها حتى القدر......
وإن كان مع الصدفة , فما كان ليستمر......
فيخنقني الأنين والحنين بإزدراء......
وتنطفي شعلتي ويعود الأسر......
فترتسم في وجهي ضحكة الألم.....

​

 

[شخبــــوطـــه]

أصيل ,,
الأبيات جميلـة بالفعـل

تسلم أناملج ..

 

[*أصيل*]

الله يسلمج عزيزتي​

 

[شخبــــوطـــه]

اليوم وانا راده البيت كان في حادث عالحب
بعيد الشر عنكم كلكم
اللي غثني
ان الاشاره تسكرت وتبطلت ستين مرة والحادث مسوي أزمة والظاهر كان في اصابات لأن حسب ماشفت كانوا اكثر من سيارتين ومع هذا حضرة جناب المرور ما شرفوا بعد..
اموت وأعرف ..
ليش نلاقي الدوريات مكودين عالبحر أيام القز العصاري والمغربيات وبالليل وحزة الصجية سنة علما إييون ؟
ليش خط البحر بالذات تلاقي بين كل دورية ودورية دورية ؟


إنزين لانظلمهم
بما انهم شباب البلد وبخدمة الشعب
لكن عالأقل
إذا تكرموا ويوا مكان الحادث خل يتخذون اجراءات سريعه عشان ينقذون الموقف
مو ينزلون ثلث اربع شرطة من هذول اليدد العليمية امس متخرجين من الكلية ويمتقلون فبعض مو عارفين شسوون !!
ياحظي
ناس تموت وناس تتعطل وشوارع تختنق ومرحبا شرطه ..
مو الكل مو الكل
في ناس قدها وقدود
بس الطماطة الخايسه تخيـس باجي الطماط

 

[شخبــــوطـــه]

سولفتلي وحدة من البنات انها شافت كويتيات قاعدين يتمشسون يم السومنج بول بأحد الفنادق المشهورة فبنيد القار
تحلف تقول مروا يمي والا الزول زول كويتية ..
تقول حاولت أشكك نفسي
وإلا وحده منهم تتكلم
سمعت لهجتها والا الحبيبة كويتيه مافيها روح وتعال
أهم شي تقول راحوا يم الحوض
وإلا الله لا يراويكم

كل وحدة لبست وزار وفانيله وهييييلاااااا هووووووب
طبوا فالماي !!

تقول انا تنحت << رفيجتي

صججج جذذذب
بنااات الديرة بحمام سباحة بوزار وفانيله ملوت بحر <<<<< قوية قوية

صاروا فرجه للرايح والياي
تقول وحده منهم كانت متينه وايد الله يستر عليها
ماظل واحد ماعلق عليها : شفيه اليوكن وشفيه الجمس
عن هالبتمبه

انا بفهم شي واحد
جان براسكم يني وإلا ناوين تاخذون تان حلايا ويوههم أجروا شاليه وطسوا مع أهاليكم
كوجا مرحبا بفندق وعلى مرأى اللي يسوى واللي مايسوى !!
ترى عيب قطيعه
بنات ديرتنا وشرفكم يهمنا
والفندق ينزلون فيه ناس غرب واجانب
باجر يروحون ديرهم ويقولون شفنا بنات الكويت فبكينيات يتشمسون
هم مو عدله
كافي مسلسلات فجر السعيد المنحطه
إللي طلعتنا أي شي


اففف حدي انقرهت من هالسالفه

 

[أم حمد]

يسعد مسا الشخابيط ..يا مدموزيل شخبوطه
انا ما كنت اعرف ان الشخابيط عسولين شذي
سويتي اكشن مو طبيعي..جد عسسسل
بالنسبه للظاهره اللي ذكرتيها..تهون
شنو تقولين ..للي بره!!الكويت!!
والوزار .. اتوقع تقصدين الكاش مايوه
بس حبيتي تجيبينها ..بدعابه!!
حبوبه ..البعض (توبليس)!!
والكبوس ..kuwait!!!!
واهني على قولتك الشباب يحرجونهم
للاسف بره يمدحونهم..وانتي عارفه ليش!!
للاسف ..انا اشره على اهلهم ..يا بنت الحلال
البعض صار يستحي يقول انه من وين!!

حاسه فيكي..فعلا شي يحر!!

 

[شخبــــوطـــه]

يسعد مسا الشخابيط ..يا مدموزيل شخبوطه
انا ما كنت اعرف ان الشخابيط عسولين شذي
سويتي اكشن مو طبيعي..جد عسسسل
بالنسبه للظاهره اللي ذكرتيها..تهون
شنو تقولين ..للي بره!!الكويت!!
والوزار .. اتوقع تقصدين الكاش مايوه
بس حبيتي تجيبينها ..بدعابه!!
حبوبه ..البعض (توبليس)!!
والكبوس ..kuwait!!!!
واهني على قولتك الشباب يحرجونهم
للاسف بره يمدحونهم..وانتي عارفه ليش!!
للاسف ..انا اشره على اهلهم ..يا بنت الحلال
البعض صار يستحي يقول انه من وين!!

حاسه فيكي..فعلا شي يحر!!

مساج أسعد الهي
يخليلي اياج من زوئج العسل يابنت بلادي
سعيده بوجودج


هالنوعيه يا بنت الناس الأياويد تكاثروا الله لا يبلانا لسبب من الاثنين :
إما إنهم فاهمين الحرية غلط
أو إن مافي بروسهم عقل وبقلوبهم دين او عالأقل خلينا نقول أخلاق

المشكلة ياكويتية إنهم قلة لكن نفس ما انتي عارفه الزين يخص والشر يعم
يعني مثلا باجر تطلع كويتية مبدعه بمجالها ما تنذكر وايد
بينما الشينة والcheap تترك أثر وتصير حجوة بحلوج خلق الله
وانتي عارفه الناس .. غرااااامهم اي سالفه يديدة يتحجون فيها
وفي منهم تخصص سوالف-بنات


ماأقول إلا عسى الله يثبتنا ويكملنا بعقولنا ويخليلي أبوي وابهاتهم
هذول الرياييل الطيبين اللي غرسوا فينا كل شي زين بوسطية واعتدال
والحمدالله طلعنا بنات وستين نعم
لا قالوا فلانه ابوها رباها .. إلا صج


حدي من صجي مو مدح ولا شي


كويتية فديتج يحقلج تفتخرين ..
لاتقاطعين ..