يوميـــات شخبـــــوطـــــــة

[أم حمد]

تسلمييين يا حبوبه..:وردة:
من شذي يعجبني اشوف بنوتات
يكتبون يشاركون مثقفات ..دمهم خفيف
عقلهم..ثقيل!!
ايش المشكله اشارك اتفاعل اعبر
احترم نفسي والاخرين!!
صحيح البعض ..يفهم خطئ
بس مع الوقت..المحترمه
تفرض احترامها على التفكير السئ
تفضلتي بجمله حلوه!!
يفهمون الحرية خطئ!!
فعلا..الله الهادي
وربي المستعان
متابعه..شخابيط ..شخبوطه!!
:إستحسان:

 

[الفراشة]

متابعه لليوميات الظريفة ..

استمري شخبوطة ..

 

[شخبــــوطـــه]

لجنـة الظواهر السلبية صارت عسل وإيجابية
الحمدالله يالله من فضلك عقليات فذة و أساليب راقية وشخصيات ذات ثقل أدبي وأكاديمي

قود لك لهم

 

[السلطاني]

مساء الخير...

يعني غريب جدا...أكون مراقب المنتدى وأتابع كل جديد...ولم أنتبه لهذا الموضوع اللي وصل ل 5 صفحات...


أنا الآن في أحد فنادق الكويت وشابك ع السريع....

شفت الموضوع وقرأته كلّه...

التلقائية والعفوية ... عطت الموضوع تميّز وحضور...

لكن أذكركم بأن اللون الأحمر مخصص للإدارة فقط...وأن كلمة ( هههههه ) عيب تنكتب بمنتدى كبير....


شخبوطة....

شخبطي ليما تتعبين....

في تعبك...غيرك يضحك ويستفيد...ويستانس...


بارك الله فيك.

 

[شخبــــوطـــه]

الأخ المشرف الموقر /
بدايـة اسمحلي أهني نفسي وشخابيطي بمرورك الفاخر
وثانيا تقبل اعتذاري الشديد لأني جاهله فبعض محظورات المنتدى
لذا التمس منك العذر وأوعدك بعدم تكرار الضحكات وتجنب الأحمـر ..


تحياتي الكبيرة لمعاليك
وخطوة عزيزة

 

[شخبــــوطـــه]

في مواقف السيارات ..


مليون مكالمـة انتهت بضحكــة أو دمـعة حـزن ..
مليون ذكرى مرت عالبـــال في لحظة انتظاااار أو سرحاااان وشروود ذهنيي ..



في مواقف السيارات ..

جم مرة صفطنا ونسينا نرفع السايــد لأن كنا نفكر بامتحااان زفتنا فيــه أو بشخصية كدرتنا اليوم بملاقتها أو بكلمة منهااا ..
جم مرة ردينا قري بدون لانشوف ورانا عدل وإلا زين ما شلنا معانا هندي وإلا ياهل نتفة وإلا سيارة مسرعه ..



في مواقف السيارات ..

جم مرة صفطنـا بمكان وترددنا باللحظة الأخيــرة إن ما نبي ننزل وقررنا نمشي مرة ثانية ..
وبالمقابل
جم مرة صفطنا ونزلنا طيييرااااان ونسينا نقفل السيارة لأن كنا ناطرين مقابلة الطرف الثاني بشوووق أو متأخرين على دواام او محاضرة او امتحاااان ..


في مواقف السيارات ..

وايد تصيــر إن نحوس نحوس نحوس بالمواقف عشان نلقى مكان سنع ذهبي على زاوية و3 شوارع وتاليتنا من الحوسه ندوخ بالشمس ونضطر نصفط بأبيخ وأبعد مكان ونقوول يااالييييتنييي ماطوفت هذاااك المصفط كان ولد حلال وحليو ..


في مواقف السيارات ..

مو وايد تمر عيوننا فجأة وبالغلط على ناس متواعدين وانشالله ما يكونون مغزرين وايد بالعميق ونمشي واحنا تف وسف فيهم ونتمنى بهاللحظة لو نمون على دورية شرطة بس عشان يحسسونهم انهم حشرااات وان فعلتهم شينة ومقززة .. أهم شي الـ مو


في مواقف السيارات ..

جم واحد عقب ما أكل سندويشة بطاط وفلافل مع طحينة والا شورما لحم من برقان والا بدر البدور وبيبسي دايت بطل الجامه وقط الجيس يمه جنه مو مسوي شي ، وبعدها تعطر وتخنن وعدل نسفته والا شعره ونزل وقفل سيارته موديل سنتها ومشـى ..



في مواقف السيارات ..

جم مرة مريت وشفت واحد مندمج واهوا يتكلم بالتليفون وستآلاف تعبير بويهه ومت من الضحك عليه واهوا يأشر ويسوي حركااات ..
حدييييي أضحك لما اشوفهم ..



في مواقف السيارات ..

جم مرة مريت قبال سيارة بنت ولقيتها مجابلة المرايه وتلهم بهالحمرة تقول ماكله ياهل وإلا مصخرت عيونها بالكحل كل هذا عشان لانزلت حسبالها أحد بيعبرها والواقع إن خبرر خيييير ..





في مواقف السيارات ..

عشرات الحكايات ..
شاركوني بأطرف وأتعس مواقفكم بالمواقف ..

 

[Goethe]

في مواقف السيارات ..


مليون مكالمـة انتهت بضحكــة أو دمـعة حـزن ..
مليون ذكرى مرت عالبـــال في لحظة انتظاااار أو سرحاااان وشروود ذهنيي ..



في مواقف السيارات ..

جم مرة صفطنا ونسينا نرفع السايــد لأن كنا نفكر بامتحااان زفتنا فيــه أو بشخصية كدرتنا اليوم بملاقتها أو بكلمة منهااا ..
جم مرة ردينا قري بدون لانشوف ورانا عدل وإلا زين ما شلنا معانا هندي وإلا ياهل نتفة وإلا سيارة مسرعه ..



في مواقف السيارات ..

جم مرة صفطنـا بمكان وترددنا باللحظة الأخيــرة إن ما نبي ننزل وقررنا نمشي مرة ثانية ..
وبالمقابل
جم مرة صفطنا ونزلنا طيييرااااان ونسينا نقفل السيارة لأن كنا ناطرين مقابلة الطرف الثاني بشوووق أو متأخرين على دواام او محاضرة او امتحاااان ..


في مواقف السيارات ..

وايد تصيــر إن نحوس نحوس نحوس بالمواقف عشان نلقى مكان سنع ذهبي على زاوية و3 شوارع وتاليتنا من الحوسه ندوخ بالشمس ونضطر نصفط بأبيخ وأبعد مكان ونقوول يااالييييتنييي ماطوفت هذاااك المصفط كان ولد حلال وحليو ..


في مواقف السيارات ..

مو وايد تمر عيوننا فجأة وبالغلط على ناس متواعدين وانشالله ما يكونون مغزرين وايد بالعميق ونمشي واحنا تف وسف فيهم ونتمنى بهاللحظة لو نمون على دورية شرطة بس عشان يحسسونهم انهم حشرااات وان فعلتهم شينة ومقززة .. أهم شي الـ مو


في مواقف السيارات ..

جم واحد عقب ما أكل سندويشة بطاط وفلافل مع طحينة والا شورما لحم من برقان والا بدر البدور وبيبسي دايت بطل الجامه وقط الجيس يمه جنه مو مسوي شي ، وبعدها تعطر وتخنن وعدل نسفته والا شعره ونزل وقفل سيارته موديل سنتها ومشـى ..



في مواقف السيارات ..

جم مرة مريت وشفت واحد مندمج واهوا يتكلم بالتليفون وستآلاف تعبير بويهه ومت من الضحك عليه واهوا يأشر ويسوي حركااات ..
حدييييي أضحك لما اشوفهم ..



في مواقف السيارات ..

جم مرة مريت قبال سيارة بنت ولقيتها مجابلة المرايه وتلهم بهالحمرة تقول ماكله ياهل وإلا مصخرت عيونها بالكحل كل هذا عشان لانزلت حسبالها أحد بيعبرها والواقع إن خبرر خيييير ..





في مواقف السيارات ..

عشرات الحكايات ..
شاركوني بأطرف وأتعس مواقفكم بالمواقف ..

في مواقف السيارات ..

وادع .. من توادع .. وأحضن أي شي تحبه .. الكويت .. كلها .. حكايه .. فصولها .. في المواقف

 

[Goethe]

شخبوطه ..

استمري .. لله درج :وردة:

 

[شخبــــوطـــه]

الفرحة ماإتم
جذي تعودنا أو برمجنا عقولنا أو يمكن تكررت الصدف على هالأساس بالتالي توصلنا لي إنها حقيقة
وقمنا نمشـي أمورنا عليها ..



عسى ما نشتري شي يديد ، نحط بالنا عليه ومادري شنو ، أقرب مثال الموبايل ، تلاقينا زين ما نلمعه بحرير كل دقيقه ، إيي يوم إلا جكككككككككككككككككككككك طاح من الدري وإلا عالأرض أحللللى طيييييحه وصار حتت وماودك إلا تقطه للأطط

شكثر تصير ..







لما تكون دارس عدل وحاس إنك واثق من نفسك ومتمكن من معلوماتك ولو يعطونك الورقة الحين تشخط الامتحان بثلث ساعه ، يبدا العد التنازلي وتدش الامتحان وتصير الصجيه وإلا ها ها .. حضرتك إتنح أقوى تتنيحه ..! ها شصار شجرى ؟!! أبد سلامتك المعلومات بححححححححححح

اووف هم شكثر تصير ..





تكون ناطر باجر لأن ناطر شي معين فيه ،تقوم الصبح قبل العصفورة تاخذلك شور وتفرش وتتنعنش وتتخنن وتاخذلك أحلى فنيان قهوة وتمشي بسيارتك على الطريج اللي كل يوم تمشي عليه بس اليوم تحسه أقصر وأحلى وتتخيله جنة وحوالينك حشائش ما حشائش والواقع انه ماغير النخل المفصخ ، عالعموم ماعلينا ، وتوصل مقصدك اللي ناطره من أمس ، تنززززل ، وإلا حضرة جوتيك -عزكم الله- انقطع وإلا وانت تصك الباب جمك انشق وإلا امس طالعتك حبه بويههك !! اوووف تحس طراااااااااق جذي






صارت معاي اليوم
كنت ناطرة شي
استغفرالله وطلع عكس التوقعات ..




لازم نتعلم درس مهم بالحياة :


إن ما نتوقع وايد ومانبني آمال كبيرة على التوقعات لأنها اساسا افتراضية وغير حاصلة بالواقع ، ونخلي كل شي بوقته ونفكر فيه بوقته لما الله اييبه ..
جذي وايد أحسن وأريح للمخ والمشاعر ككل ..










سامحوني وايد تحلطمت
بس من الظيم ..


آي دلم






حزينة من قلب

 

[السلطاني]

شاركوني بأطرف وأتعس مواقفكم بالمواقف ..

تندبل جبدك...يوم تروح سوق شرق يوم الخميس....ماكو باركنغ..


يضيق خلقك...يوم تروح سيتي سنتر السالمية بموسم العيد...زحمة مواقف....



* نكتة ؛


واحد من الربع كان يبي يطلع من الباركنغ..شاف واحد واقف يبي يصفط بمكانه...

رد طفى سيارته...وراح بتاكسي...

 

[Hope]

لازم نتعلم درس مهم بالحياة :


إن ما نتوقع وايد ومانبني آمال كبيرة على التوقعات لأنها اساسا افتراضية وغير حاصلة بالواقع ، ونخلي كل شي بوقته ونفكر فيه بوقته لما الله اييبه ..
جذي وايد أحسن وأريح للمخ والمشاعر ككل ..

أمور كثيرة " نتوقع " حدوثها ..و ننتظرها بفارغ الصبر ​

إلا أن قطار الإنتظار يتوقف بنا في محطة لم نتمناها و بـ التأكيد لم " نتوقعها " ...!​

" قد " يكون الحل لتلك المعضلة .. ما خطه قلمك .. " بترك التوقعات و الإكتفاء بعيش الواقع ​

الحاضر .. " ​

لكن الغالبية لن " تنجح " بـ تنفيذ ذلك الدرس .. لأنهم و بـ كل بساطة ​

بشر ...!!!​

----------------------------------------​

العزيزة ​

شخبوطة​

أرى أن رتم الـ " شخابيط " بدأ بالتصاعد الإيجابي ..​

بشكل يثير فيني الفضول لـ معرفة المزيد عن هذا القلم ​

و ما يحمله من فكر و أسلوب يتميز عن غيره بالسلاسه و الـبساطه ​

دمتِ متميزه​

 

[أم حمد]

متاااااااابعه....!!
بسالك.. ماشخبطتي
عن السفر والصيف!!

 

[شخبــــوطـــه]

تندبل جبدك...يوم تروح سوق شرق يوم الخميس....ماكو باركنغ..


يضيق خلقك...يوم تروح سيتي سنتر السالمية بموسم العيد...زحمة مواقف....



* نكتة ؛


واحد من الربع كان يبي يطلع من الباركنغ..شاف واحد واقف يبي يصفط بمكانه...

رد طفى سيارته...وراح بتاكسي...

يبتها عالجرح ياخوي
هالمكانين بالذات مصافطهم تفوّل
شرق الله خير بؤرة من بؤر المواعد الكويتية والكويتي انفع
خبرك التصفيط حلالي و المواعد عد وخربط
وإللي ايي من صجه مع عايلته وعياله ويبي مصفط نفس الخلق والبشرية ما يلاقي ..



اما سيتي سنتر فقصته قصه
بروحه الله خير الزلمات مناك عشاير عشاير
والكويتيين يحبون هالسيتي سنتر اكثر من مال شويخ لأنه في سوق ودوارف ياهال ومطاعم وجذي
بيييه طالعين بهبه يديدة
هم صايرين يقزون فيه


اما حركة صاحبك
مو صجية




أهنيه صراحه

 

[شخبــــوطـــه]

أمور كثيرة " نتوقع " حدوثها ..و ننتظرها بفارغ الصبر ​

إلا أن قطار الإنتظار يتوقف بنا في محطة لم نتمناها و بـ التأكيد لم " نتوقعها " ...!​

" قد " يكون الحل لتلك المعضلة .. ما خطه قلمك .. " بترك التوقعات و الإكتفاء بعيش الواقع ​

الحاضر .. " ​

لكن الغالبية لن " تنجح " بـ تنفيذ ذلك الدرس .. لأنهم و بـ كل بساطة ​

بشر ...!!!​

----------------------------------------​

العزيزة ​

شخبوطة​

أرى أن رتم الـ " شخابيط " بدأ بالتصاعد الإيجابي ..​

بشكل يثير فيني الفضول لـ معرفة المزيد عن هذا القلم ​

و ما يحمله من فكر و أسلوب يتميز عن غيره بالسلاسه و الـبساطه ​

دمتِ متميزه​

نيو يوزر

يقولون علماء النفس شي فيما معناه إن توقع ردود فعل الآخـر حماقة كبيرة
لأن الآخر نفسه قد ما يكون ضامن نفسه وعارف التصرف اللي بيقوم فيه لأن قد يكون مفاجئ وتحت تأثير عامل معين قد يكون مجهول ,,
جو خايس ,, مزاج متعكر ,, منظر تعيس ,, عطر معين .. الخ الخ

لذا لازم ما نتوقع ونترك المسألة لـ حينها ..
حينهـا فحسب ..



ممتنة للـ لطف الغامر بكلامك

 

[شخبــــوطـــه]

متاااااااابعه....!!
بسالك.. ماشخبطتي
عن السفر والصيف!!

فديتج بنت بلادي
مشخبطه عن كل شي بس انا هني متعمده أشخبط يوميا ً
مابي أحط كتاباتي إللي سبق ونشرتها أبي كل شي سبشل وعفوي

مخليه هالمتصفح فسحتي اليومية للفضفضة والتلاقي وياكم ..

بشخبط عن كل شي تباعا ً

خلج متابعه ..




:وردة:

 

[شخبــــوطـــه]

جو اليوم ذكرني بـ دبي
هالمدينة اللي نقزت فجأة وصفطت وايد مدن خليجية يمين وسبقتهم أميال
بصراحة انا أحب دبي بس مو لأنها متطورة عمرانيا ً ولا لأن الناس مشتطين ويسولفون عنها
لكن لأنها من الأماكن البسيطة اللي سافرتلها بحكم إني ما قط رحت اوروبا وجذي
خو دبي يمنا واسمها تغيير جو

ماعلينـا ..


انا وحده من الناس شايفه إن دبي أكبر مقلب راح تتعرض له الامارات او يمكن تعرضتله وخلصت
مصخره
تمشي مع الأهل بالسيارة وتلفت يمين يسار ودك زول اماراتي او اماراتية .. ابد سلامتك
ماميش
إلا كل وين وويييينن


إتمشالك بمجمع تحس إنك بماليزيا
ستآلاف جنسية ونوعيه وطول وشكل ولون و ريحة و و
أشياء لاطبيعية


دبي صارت عين عذراي
استقطبت العالم كله إلا ( أهل الديرة ) وهالشي سلبية قد الدنياااااااااااااا وتحسب عليهم مو لهم


سياستهم إن اللي عاجبه عاجبه وإللي مو عاجبه يفارج
وفعلا
روح شوف مثلا عجمان وام القيوين والشارجه
أقل بمراحل عديدة من دبي

وحياتكم عمتي كان عندها بيت بعجمان تقول أبطل الباب وإلا بقر يتمشووون وبيوت طييين يمنااا !!
قلتلها من صجج !!
قالت إي والله !!




امممممممممممم



ايجابيات دبي :
___________________

* داست 160 يسار وسبقت الخليج
*شزينها شحلوها
*مجمعات تشيب الراس
*وين ماتلف تلاقي ويه حسـن بس الجو استغفرالله ما ينبغى وسلام الله على جو الكويت يم جوها
*فاتحه مجال للمستثمر الاجنبي على مصراعيه .. أهم شي مصراعيه


سلبيات دبي :
____________________

1) مافيها مواطنين وايد وشكثر جنسات والمصيبه يملكون فيها بلاوي متلتلة
2) الطفرة العمرانية اللي صارت فيها سمعت إنها راح تأثر على الأرض لأن يقولون إنها بعد جم سنه بتخفق من زود الثقل إللي عليهـا ..
3) تمثل نفسها وماتمثل الإمارات ككل يعني لو بمعنى ثاني بقولكم إنها ما تعتبر عينه متجانسة لو حبيت تسوي استبيان او شي جذي ..






فديت الكويت برطوبتها
بذمتي مامثلها مثل ومو حجي أفلام إلا صج
عسى ما نسافرلنا يومين بمكان حتى لو قريب نحس إنه فاقدينهاااااااااااااااااااااااااااااااااااا

حجي فاضل اللي يقولك الخليج بيتي الثاني مادري شنو
طل طل
الواحد ما ينعززز وينررززز ويمشي مرفوع الراس اللي فـ داره

فديت دارنا

 

[kkk]

بانتظار الوجبة اليومية....
والا اليوم عطلة...مع الحكومة..
تحياتي

 

[شخبــــوطـــه]

ككك

الوجبة توها طلعت من الفرن فريش
ما ودك إلا تعطيها وحده همممممممممممممممممممممممممممممممم





حياك ياخوي
سعيده إنك تسير بين الفينة والفينة

 

[Goethe]

وينج ياشخبوطه ؟

 

[شخبــــوطـــه]

أمخمخ شي بمخي
خو حتى التشخبط يحتاج تمخمخ


شكرا جنازة